News

ວຽງຈັນ (ວຽງຈັນທາມສ໌/ANN) – ສິນຄ້າຂາອອກຈາກນິຄົມອຸດສາຫະກຳສະຫວັນ (ເຂດ C) ໃນເຂດເສດຖະກິດພິເສດສະຫວັນ-ເຊໂນ (SEZ) ແຂວງສະຫວັນນະເຂດ ຄາດວ່າຈະເພີ່ມຂຶ້ນປະມານ 15-20% ໃນປີນີ້ ເນື່ອງຈາກຄວາມສາມາດໃນການຜະລິດເພີ່ມຂຶ້ນ.ນິຄົມອຸດສາຫະກຳສະຫວັນບັນລຸການສົ່ງອອກສິນຄ້າກວ່າ US$400 ລ້ານໂດລາໃນປີຜ່ານມາ ແລະ ຄາດວ່າຕົວເລກດັ່ງກ່າວຈະເພີ່ມເປັນປະມານ US$500 ລ້ານໂດລາໃນປີນີ້, ຕາມການເປີດເຜີຍຫຼ້າສຸດຂອງທ່ານ ທີຈີເຊັງ ຜູ້ຈັດການໃຫຍ່ຂອງນິຄົມອຸດສາຫະກຳສະຫວັນ ເຂດເສດຖະກິດພິເສດສະຫວັນ-ເຊໂນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນລາວໄດ້ຮ່ວມແບ່ງປັນຄຳຄິດເຫັນທີ່ສ້າງສັນກັບບັນດາຜູ້ເຂົ້າຮ່ວມໃນກອງປະຊຸມສະພາສິ່ງແວດລ້ອມ UN ຄັ້ງທີສີ່ (UNEA-4) ເຊິ່ງຈັດຂຶ້ນທີ່ກຸງໄນໂຣບີ ປະເທດເຄນຢາ ຄັ້ງວັນທີ 11-15 ມີນາ.ກອງປະຊຸມໃນປີນີ້ແມ່ນຈັດຂຶ້ນພາຍໃຕ້ຫົວຂໍ້ “ວິທີແກ້ໄຂບັນຫາກ່ຽວກັບສິ່ງແວດລ້ອມແບບສ້າງສັນ ແລະ ການບໍລິໂພກ ແລະ ການຜະລິດແບບຍືນຍົງ” ເຊິ່ງມີຜູ້ເຂົ້າຮ່ວມກວ່າ 4,000 ຄົນ ຈາກ 170 ປະເທດສະມາຊິກ ແລະ 204 ອົງການຈັດຕັ້ງຮ່ວມລັດຖະບານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຊິກພາກວິຊາ, ນັກຄົ້ນຄວ້າ ແລະ ນັກສຶກສາມະຫາວິທະຍາໄລແຫ່ງຊາດລາວ ກໍຄືຊ່ຽວຊານດ້ານນະໂຍບາຍ ແລະ ການພັດທະນາເສດຖະກິດ ໄດ້ຮັບປະໂຫຍດຈາກການເຂົ້າຮ່ວມການບັນຍາຍໂດຍທ່ານ ຟິນ ເອີລິງ ຄິດແລນ ເຈົ້າຂອງລາງວັນໂນເບວ ໃນອາທິດຜ່ານມາ.ທ່ານສາດສະດາຈານ ຄິດແລນ ເຊິ່ງໄດ້ຮັບລາງວັນໂນເບວສາຂາເສດຖະສາດ ໃນປີ 2004, ເປັນຜູ້ໄດ້ຮັບລາງວັນໂນເບວຜູ້ທີສາມ ທີ່ໄດ້ຮັບການເຊື້ອເຊີນໃຫ້ບັນຍາຍທີ່ມະຫາວິທະຍາໄລແຫ່ງຊາດ ເຊິ່ງເປັນສ່ວນໜຶ່ງຂອງງານກິດຈະກຳ Asean Event Series ຄັ້ງທີ 7 ພາຍໃຕ້ຫົວຂໍ້ “ຂົວຕໍ່ – ການສົນທະນາເພື່ອກ້າວສູ່ວັດທະນະທຳແຫ່ງສັນຕິພາບ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ຈັດງານຕະຫຼາດນັດອາຫານໂລກ THAIFEX-World Food ອາຊີ 2019, ງານວາງສະແດງອາຫານໄທ, ສັນຫາໂອກາດໃນການຮ່ວມທຸລະກິດກັບລາວ ໃນຂະແໜງອາຫານ ແລະ ເຄື່ອງດື່ມ, ເພື່ອຂະຫຍາຍຕະຫຼາດໃນປະເທດໄທ ແລະ ຕ່າງປະເທດ.ພາຍໃຕ້ວິໄສທັດດັ່ງກ່າວ, ຕາງໜ້າຜູ້ຈັດງານຕະຫຼາດນັດອາຫານໄດ້ເຊີນບໍລິສັດອາຫານ ແລະ ເຄື່ອງດື່ມກໍຄືຮ້ານອາຫານໃນລາວ ເຂົ້າຮ່ວມໃນງານວາງສະແດງດັ່ງກ່າວ ເຊິ່ງຈະຈັດຂຶ້ນທີ່ປະເທດໄທ ແຕ່ວັນທີ 28 ພຶດສະພາເຖິງ 1 ມິຖຸນານີ້.ອ່ານຕໍ່ ...

ອຳນາດການປົກຄອງເມືອງສັງທອງ ນະຄອນຫຼວງວຽງຈັນ ກຳລັງທຳການປະເມີນຂອບເຂດການທຳລາຍລ້າງຂອງໄຟປ່າ ໃນປ່າສະຫງວນແຫ່ງຊາດພູພະນັງ ໃນອາທິດຜ່ານມາ.ເຈົ້າໜ້າທີ່ເມືອງກ່າວວ່າຂໍ້ມູນທາງການກ່ຽວກັບຄວາມເສຍຫາຍ ແລະ ມາດຕະການປ້ອງກັນໃນຕໍ່ໜ້າຍັງຢູ່ໃນໄລຍະການປະເມີນ.ທ່ານຮ້ອຍເອກ ອຳລາ ສິງສະໄໝ ຕາງໜ້າອຳນາດການປົກຄອງທີ່ຮັບຜິດຊອບການຄວບຄຸມໄຟປ່າ ໄດ້ລາຍງານຜ່ານໜັງສືພີມປະເທດລາວວ່າ ນັບແຕ່ວັນທີ 7 ມີນາເປັນຕົ້ນມາ ໄຟປ່າໄດ້ເຜົາທຳລາຍພື້ນທີ່ປ່າໄມ້ແລ້ວ 95 ​ເຮັກຕາໃນ 9 ບ້ານໃນເຂດພູພະນັງ.ອ່ານຕໍ່ ...

ມີຫຍັງແດ່ຢູ່ໃນອາກາດທີ່ເຮົາຫາຍໃຈ? ຊາວນະຄອນຫຼວງວຽງຈັນ ແລະ ແຂວງຕ່າງໆປະສົບສະພາບທ້ອງຟ້າມົວ ແລະ ຄຸນນະພາບອາກາດທີ່ເສື່ອມໂຊມ ຈົນຕ້ອງນຳໃຊ້ຜ້າອັດປາກ, ເຄື່ອງກອງອາກາດ ແລະ ອຸປະກອນວັດແທກຄຸນນະພາບອາກາດ.ສິ່ງທີ່ກວດພົບແມ່ນເປັນໜ້າຢ້ານກົວ ແລະ ກັງວົນຢ່າງຍິ່ງ. ຄຸນນະພາບອາກາດໃນປະເທດລາວສ່ວນໃຫຍ່ ແລະ ພາກເໜືອຂອງໄທ ພວມປະສົບກັບປະລິມານຝຸ່ນລະອອງໃນອາກາດທີ່ສູງ ເຊິ່ງເປັນອັນຕະລາຍຕໍ່ທັດສະນາການເບິ່ງເຫັນດ້ວຍຕາເປົ່າ ແລະ ການຫາຍໃຈໃນນະຄອນຫຼວງວຽງຈັນ ແລະ ແຂວງຕ່າງໆ. ບັນຫາສະພາບອາກາດ ແລະ ຄວາມດັນອາກາດທີ່ມີປະລິມານເພີ່ມຂຶ້ນດັ່ງກ່າວແມ່ນເກີດມາຈາກຫຼາຍປັດໃຈ ເຊັ່ນການປ່ອຍອາຍພິດໃນປະເທດ ແລະ ຂ້າມປະເທດ ເຮັດໃຫ້ສະພາບການທີ່ບໍ່ມີຊາຍແດນດັ່ງກ່າວຍິ່ງຮ້າຍແຮງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໄຟປ່າໃນລາວ ແລະ ປະເທດເພື່ອນບ້ານເຮັດໃຫ້ເກີດມົນລະພິດທາງອາກາດໃນລະດັບອັນຕະລາຍ ໃນຫຼາຍພາກຂອງລາວ ໂດຍສະເພາະແມ່ນໃນນະຄອນຫຼວງວຽງຈັນ.ທ່ານນາງ ສີສຸພັນ ຫຼວງລາດ ຫົວໜ້າກົມຄວບຄຸມມົນລະພິດ ພາຍໃຕ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ລາຍງານຜ່ານໜັງສືພິມວຽງຈັນທາມສ໌ໃນວັນພະຫັດນີ້ວ່າ ໄດ້ເກີດຝຸ່ນລະອອງມົນລະພິດຂະໜາດນ້ອຍ (PM) 2.5 ໃນຫຼາຍພາກຂອງປະເທດລາວ ແລະ ສະພາບມົນລະພິດໃນນະຄອນວຽງຈັນແມ່ນເກີນຂີດລະດັບປອດໄພ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຕ້ອງຜະລິດຊ່ຽວຊານທາງດິຈິຕອລ ເພື່ອສ້າງພື້ນຖານດ້ານເຕັກໂນໂລຊີທີ່ເຂັ້ມແຂງເພື່ອການນຳໃຊ້ ແລະ ການບໍລິການ  ເພື່ອສະໜອງກັບຄວາມຕ້ອງການໃນການພັດທະນາປະເທດຊາດໃນອະນາຄົດ, ຕາມເຈົ້າໜ້າທີ່ການນຳ.ທ່ານ ສຈ ປອ ບໍ່ວຽງຄຳ ວົງດາລາ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ໃຫ້ຄຳແນະນະໃນກອງປະຊຸມການນຳໃຊ້ເຕັກໂນໂລຊີດິຈິຕອລ ແລະ ຍຸກອຸດສາຫະກຳ 4.0 ທີ່ວຽງຈັນວານນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ແຮງງານຈະປັບປຸງຮ່າງກົດໝາຍວ່າດ້ວຍແຮງງານ, ເພື່ອແນໃສ່ປົກປ້ອງສິດ ແລະ ຜົນປະໂຫຍດຂອງຜູ້ອອກແຮງງານລາວໃນຕ່າງປະເທດ ລວມທັງໃນບັນດາປະເທດອາຊຽນ.ນະໂຍບາຍຂອງລັດຖະບານລາວແມ່ນເພື່ອຊ່ວຍເຫຼືອຜູ້ອອກແຮງງານ ແລະ ປົກປ້ອງສິດທິຂອງເຂົາເຈົ້າ. ດັ່ງນັ້ນ, ນະໂຍບາຍ ແລະ ກົດໝາຍເພື່ອຊ່ວຍໃນການປັບປຸງສະພາບແວດລ້ອມການອອກແຮງງານ ແລະ ເພື່ອປົກປ້ອງສິດຂອງຜູ້ອອກແຮງງານຕ້ອງມີຄວາມພ້ອມ.ອ່ານຕໍ່ ...

ສາລະວັນ, ລາວ (ວຽງຈັນທາມສ໌/ANN) – ໃນວັນພຸດຜ່ານມານີ້ ເຈົ້າໜ້າທີ່ແຂວງສາລະວັນໄດ້ຍຶດເຄື່ອງໃນໝູຈຳນວນປະມານ 350 ກິໂລ ທີ່ນຳເຂົ້າຜິດກົດໝາຍມາຈາກປະເທດຫວຽດນາມ.ຂອງກາງດັ່ງກ່າວແມ່ນຍຶດໄດ້ທີ່ດ່ານສາກົນລາໄລ ເຊິ່ງຕັ້ງຢູ່ຊາຍແດນລະຫວ່າງແຂວງສາລະວັນ ແລະ ແຂວງທົວທຽນເຫີ ຂອງຫວຽດນາມ.ອ່ານຕໍ່ ...