ການສຶກສາ ແລະ ການຝຶກອົບຮົມ

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານຈາກສຳນັກງານອົງການຈັດຕັ້ງຕ່າງໆ ເຂົ້າຮ່ວມກອງປະຊຸມເພື່ອຍົກລະດັບຄວາມສາມາດ ທີ່ນະຄອນຫຼວງວຽງຈັນ ແຕ່ວັນທີ 30 ກັນຍາ – 2 ຕຸລານີ້ ກ່ຽວກັບບັນຫາຕ່ອງໂສ້ການຜະລິດໂລກ, ການບໍລິການ ແລະ ການເປີດເສລີທາງດ້ານເສດຖະກິດ ໃນປະເທດດ້ອຍພັດທະນາທີ່ສຸດ (LDCs) ໃນອາຊຽນ.ກອງປະຊຸມແມ່ນມາຈາກການລວມຕົວດ້ານເສດຖະກິດຂອລາວໃນລະດັບພາກພື້ນ ແລະ ລະດັບໂລກ ເຮັດໃຫ້ລັດຖະບານມີຊ່ອງທາງໃໝ່ໆ ແລະ ເທັກນິກທີ່ດີກວ່າຜ່ານມາ ແລະ ເທັກໂນໂລຢີທີ່ຈຳເປັນສຳລັບການສ້າງສາພັດທະນາປະເທດຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງຮຽນ 582 ແຫ່ງໃນເກົ້າແຂວງ ໄດ້ຮັບຫ້ອງຮຽນໃໝ່ ພ້ອມທັງນ້ຳສະອາດ ແລະ ສຸຂາພິບານ ພາຍໃຕ້ການຊ່ວຍເຫຼືອຂອງ ອອສ໌ເຕຼເລຍ ຮ່ວມກັບສະຫະພາບຢູໂຣບ, ຜ່ານໂຄງການສົ່ງເສີມຄຸນນະພາບ ແລະ ການເຂົ້າເຖິງການສຶກສາຂັ້ນພື້ນຖານໃນລາວ (BEQUAL).ພິທີມອບຮັບສິ່ງອຳນວຍຄວາມສະດວກໃນໂຮງຮຽນດັ່ງກ່າວ ໄດ້ຈັດຂຶ້ນທີ່ກະຊວງສຶກສາທິການ ແລະ ກິລາ ນະຄອນຫຼວງວຽງຈັນ ໃນອາທິດນີ້ ພາຍໃຕ້ການເຂົ້າຮ່ວມຂອງຜູ້ຕາງໜ້າຈາກກົມກອງທີ່ກ່ຽວຂ້ອງ, ພະແນກສຶກສາ ແລະ ກິລາຈາກເກົ້າແຂວງທີ່ໄດ້ຮັບຜົນປະໂຫຍດ, ກໍຄືຄູ່ຮ່ວມພັດທະນາແລະ ອົງການຈັດຕັ້ງທີ່ມີສ່ວນຮ່ວມຕ່າງໆ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປະຈຸບັນນັກສຶກສາພິການທາງສາຍຕາສາມາດເຂົ້າຮຽນຮ່ວມກັບນັກສຶກສາຄົນອື່ນໆ ເພື່ອການສືບຕໍ່ການຮຽນໃນຄະນະວິຊາຕ່າງໆຂອງມະຫາວິທະຍາໄລແຫ່ງຊາດ (ມຊ) ພາຍໃຕ້ການຊ່ວຍເຫຼືອດ້ານອຸປະກອນການສຶກສາທີ່ເໝາະສົມ.ນັກສຶກສາທີ່ພິການທາງສາຍຕາທັງໝົດ 25 ຄົນໄດ້ລົງທະບຽນເຂົ້າຮຽນໃນຄະນະອັກສອນສາດ, ເສດຖະສາດ ແລະ ບໍລິຫານທຸລະກິດ, ວິທະຍາສາດກິລາ ແລະ ກາຍະສຶກສາ, ສຶກສາສາດ, ແລະ ກົດໝາຍ ແລະ ວິທະຍາສາດການເມືອງ, ເຊິ່ງໃນນັ້ນ 16 ຄົນເລືອກຮຽນໃນຄະນະອັກສອນສາດ.ມຊ ໄດ້ໃຫ້ການສະໜັບສະໜູນນັກສຶກສາພິການທາງສາຍຕາ ໂດຍບໍ່ຕ້ອງເສຍຄ່າຮຽນໃນແຕ່ລະຄະນະ ພ້ອມທັງຈັດຫາທີ່ພັກເຊົາໃນລະຫວ່າງການຮຽນ.ສະພາການສຶກສາເພື່ອຜູ້ພິການທາງສາຍຕາສາກົນ (ICEVI) ໄດ້ໃຫ້ທຶນຊ່ວຍເຫຼືອໃນການພັດທະນາການສຶກສາຂອງຜູ້ພິການທາງສາຍຕາໃນລາວແຕ່ປີ 2015-2019.    ອ່ານຕໍ່  ...

ເດັກນ້ອຍຊັ້ນປະຖົມ ແລະ ມັດທະຍົມ 400 ກວ່າຄົນຈາກທົ່ວປະເທດ ເຂົ້າຮ່ວມໃນການແຂ່ງຂັນຄະນິດສາດຄັ້ງທີ 5 ທີ່ສູນການຄ້າລາວໄອເຕັກ ນະຄອນຫຼວງວຽງຈັນ ໃນວັນອາທິດຜ່ານມານີ້ ເພື່ອທົດສອບທັກສະ ແລະ ຄວາມຮູ້ດ້ານການຄິດໄລ່ຕ່າງໆ.ການແຂ່ງຂັນຄັ້ງທີຫ້ານີ້ ແມ່ນຈັດຕັ້ງໂດຍໜ່ວຍງານເກັ່ງຄະນິດສາດ ພະແນກສຶກສານະຄອນຫຼວງວຽງຈັນ. ເຊິ່ງມີເປົ້າໝາຍເພື່ອພັດທະນາຄວາມສາມາດດ້ານຄະນິດສາດໃຫ້ແກ່ນັກຮຽນລາວ ຊຶ່ງຈຸດປະສົງໂດຍລວມກໍເພື່ອຍົກລະດັບຄວາມຮູ້ຂອງເດັກລາວໃຫ້ສາມາດແຂ່ງຂັນກັບສາກົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ) ຈະສືບຕໍ່ໃຫ້ທຶນຊ່ວຍເຫຼືອເພີ່ມເຕີມ 135 ລ້ານກວ່າກີບ (14 ລ້ານຢູໂຣ) ສຳລັບໂຄງການສົ່ງເສີມການສຶກສາຂັ້ນພື້ນຖານໃນລາວ ເພື່ອຊ່ວຍເຫຼືອລາວໃນການປະຕິບັດແຜນພັດທະນາການສຶກສາ.ນີ້ແມ່ນຄຳເຫັນຈາກການຢ້ຽມຢາມກະຊວງສຶກສາທິການ ແລະ ກິລາຂອງຄະນະຜູ້ແທນ ອີຢູ ເຊິ່ງນຳໂດຍທ່ານ ປີແອ ອາມີຮັດ ອຳນວຍການປະຈຳພາກພື້ນອາຊີ, ອາຊີກາງ, ຕາເວັກອອກກາງ/ອ່າວ ແລະ ປາຊິຟິກ.ການພົບປະລະຫວ່າງຝ່າຍລາວ ແລະ ອີຢູດັ່ງກ່າວ ແມ່ນເພື່ອຢືນຢັນການຮ່ວມມື ໃນການສະໜັບສະໜູນການພັດທະນາຂະແໜງການສຶກສາໃນລາວ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງຮຽນທາງພາກໃຕ້ຂອງລາວຫຼາຍແຫ່ງ ຕ້ອງຢຸດການຮຽນການສອນຊົ່ວຄາວ ເນື່ອງຈາກນ້ຳຖ້ວມເຊິ່ງເປັນຜົນຈາກພະຍຸເຂດຮ້ອນໂພດູ ເຊິ່ງໄດ້ສ້າງຄວາມເສຍຫາຍໃຫ້ແກ່ພື້ນຖານໂຄງລ່າງ ກໍຄືອາຄານຫ້ອງຮຽນ.ເດັກນ້ອຍນັກຮຽນຫຼາຍຄົນຍັງຄົງລໍຖ້າເຂົ້າໂຮງຮຽນ ໃນຂະນະທີ່ເຈົ້າໜ້າທີ່ທ້ອງຖິ່ນກຳລັງເລັ່ງມືໃນການສ້ອມແປງອາຄານຮຽນທີ່ໄດ້ຮັບຜົນກະທົບ ແລະ ຈັດຫາອຸປະກອນການສຶກສາຊຸດໃໝ່.ແຂວງສາລະວັນແມ່ນໜຶ່ງໃນແຂວງທີ່ໄດ້ຮັບຜົນກະທົບໜັກສຸດ ມີໂຮງຮຽນທີ່ປະສົບໄພນ້ຳຖ້ວມ 194 ແຫ່ງຢູ່ເມືອງສາລະວັນ, ວາປີ ແລະ ຄົງເຊໂດນ ໃນຊ່ວງວັນທີ 2-6 ກັນຍານີ້, ເຊິ່ງເປັນອາທິດທຳອິດຂອງການເປີດສົກຮຽນໃໝ່ໃນທົ່ວປະເທດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສູນການການຈັດຕັ້ງລັດຖະມົນຕີສຶກສາ ພາກພື້ນອາຊີຕາເວັນອອກສຽງໃຕ້ ເພື່ອການພັດທະນາການສຶກສາໃນຊຸມຊົນ (SEAMEO CED) ໄດ້ຈັດກອງປະຊຸມວິຊາການ ພາຍໃຕ້ການຮ່ວມມືກັບອົງການ DVV ສາກົນ ແລະ ອຳນາດການປົກຄອງແຂວງຫຼວງພະບາງ ເພື່ອສົ່ງເສີມການສຶກສາ.ກອງປະຊຸມກ່ຽວກັບການສຶກສາສຳລັບຊຸມຊົນໃນຊົນນະບົດ ເຊິ່ງຈັດຂຶ້ນຢູ່ຫຼວງພະບາງ ຫວ່າງໝໍ່ໆມານີ້ ແມ່ນແນໃສ່ສົ່ງເສີມການສຶກສາ ແລະ ການຮຽນຮູ້ ເພື່ອສົ່ງເສີມຊີວິດການເປັນຢູ່ແບບຍືນຍົງ, ຕາມເປົ້າໝາຍການພັດທະນາແບບຍືນຍົງທີ 4 – ຮັບປະກັນການສຶກສາທີ່ມີຄຸນນະພາບຢ່າງທົ່ວເຖິງ ແລະ ເທົ່າທຽມ ແລະ ສົ່ງເສີມການຮຽນຮູູ້ຕະຫຼອດຊີວິດ”, ຕາມຄຳເຫັນຂອງ SEAMEO CED.ອ່ານຕໍ່ ...

ລັດຖະບານສຸມໃສ່ຍົກລະດັບການເຂົ້າຮຽນຊັ້ນປະຖົມລະດັບສູງ ແລະ ຊັ້ນມັດທະຍົມຕົ້ນ ເພື່ອແນໃສ່ລົບລ້າງການກືກໜັງສື, ຕາມເຈົ້າໜ້າທີ່ການນຳ. ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ເປີດເຜີຍກ່ຽວກັບເຈດຈຳນົງຂອງລັດຖະບານໃນການລົບລ້າງການກືກໜັງສື ເນື່ອງໃນໂອກາດວັນຮູ້ໜັງສືສາກົນ ຄົບຮອບ 45 ປີ ໃນວັນເສົາວັນທີ 8 ກັນຍາຜ່ານມານີ້.ທ່ານໄດ້ກ່າວວ່າ ລັດຖະບານໄດ້ເອົາໃຈໃສ່ສົ່ງເສີມນັກຮຽນທີ່ຮຽນຈົບຊັ້ນປະຖົມ ໃຫ້ສືບຕໍ່ເຂົ້າຮຽນຊັ້ນມັດທະຍົມຕົ້ນ ເພື່ອແນ່ໃສ່ເປົ້າໝາຍໃຫ້ປະຊາຊົນລາວທຸກຄົນທີ່ມີອາຍຸລະຫວ່າງ 15-35 ປີ ໃຫ້ສຳເລັດການສຶກສາທຽບເທົ່າຊັ້ນມັດທະຍົມຕົ້ນ ພາຍໃນປີ 2020.ອ່ານຕໍ່ ...

ນັກສຶກສາມະຫາວິທະຍາໄລແຫ່ງຊາດລາວ (ມຊ) ແລະ ຜູ້ນຳໜຸ່ມ 30 ຄົນຈາກສິງກະໂປ ເຂົ້າຮ່ວມໂຄງການດຳເນີນງານເພື່ອຊຸມຊົນ ແລະ ແລກປ່ຽນແນວຄິດການນຳ ຂອງຊ່ຽວຊານມູນນິທິ Temasek ສາກົນ (TFI SCALE) ທີ່ວຽງຈັນ ໃນລະຫວ່າງວັນທີ 7-21 ກັນຍານີ້.ນັກສຶກສາລາວ, ເຈົ້າໜ້າທີ່ລະດັບສູງ, ພະນັກກງານ ແລະ ນັກສຶກສາຈາກສະຖາບັນວິຊາຊີບ Ngee Ann ຂອງສິງກະໂປ ໄດ້ເຕົ້າໂຮມກັນເພື່ອຮຽນຮູ້ກ່ຽວກັບວັດທະນາທະລາວ, ປະຫວັດສາດ, ສັງຄົມ, ການສຶກສາ ແລະ ການພັດທະນາເສດຖະກິດ-ສັງຄົມ ທີ່ສູນພັດທະນາມະນຸດລາວ-ຍີ່ປຸ່ນ, ມຊ.ອ່ານຕໍ່ ...

(ຂປລ) ໃນວັນທີ 4 ກັັນຍານີ້ ມະຫາວິທະຍາໄລສະຫວັນນະເຂດໄດ້ເປີດໂຄງການປັບປຸງການຈັດການໃນມະຫາວິທະຍາໄລ ໂດຍນຳໃຊ້ວິທີການດ້ານຄຸນນະພາບ.ໂຄງການດັ່ງກ່າວແມ່ນໄດ້ຮັບການສະໜັບສະໜູນ ແລະ ທຶນຊ່ວຍເຫຼືອຈາກອົງການຟຼັງໂກໂຟນ (Agence Universitaire de la Francophonie – AUF ) ແລະ ຈະດຳເນີນການໃນໄລຍະສາມປີ.ເປັນກຽດເຂົ້າຮ່ວມໃນພິທີເປີດໂຄງການດັ່ງກ່າວມີທ່ານ ບຸນເຮືອງ ນິນຈະເລີນ ຮອງປະທານມະຫາວິທະຍາໄລສະຫວັນນະເຂດ, ທ່ານ ລໍຣອງ ແຊັກເມ ສາດສະດາຈານຈາກສະຖາບັນຄົ້ນຄວ້າການເມືອງແຂວງເອກຊອງ (Aix en Provence), ແລະ ທ່ານ ອັງຕວນ ໂບຼມວິສ໌ ຫົວໜ້າຫ້ອງການ AUF ນະຄອນຫຼວງວຽງຈັນ.ອ່ານຕໍ່ ...