ສິ່ງແວດລ້ອມ ແລະ ຊັບພະຍາກອນທຳມະຊາດ

ອຳນາດການປົກຄອງເມືອງສັງທອງ ນະຄອນຫຼວງວຽງຈັນ ກຳລັງທຳການປະເມີນຂອບເຂດການທຳລາຍລ້າງຂອງໄຟປ່າ ໃນປ່າສະຫງວນແຫ່ງຊາດພູພະນັງ ໃນອາທິດຜ່ານມາ.ເຈົ້າໜ້າທີ່ເມືອງກ່າວວ່າຂໍ້ມູນທາງການກ່ຽວກັບຄວາມເສຍຫາຍ ແລະ ມາດຕະການປ້ອງກັນໃນຕໍ່ໜ້າຍັງຢູ່ໃນໄລຍະການປະເມີນ.ທ່ານຮ້ອຍເອກ ອຳລາ ສິງສະໄໝ ຕາງໜ້າອຳນາດການປົກຄອງທີ່ຮັບຜິດຊອບການຄວບຄຸມໄຟປ່າ ໄດ້ລາຍງານຜ່ານໜັງສືພີມປະເທດລາວວ່າ ນັບແຕ່ວັນທີ 7 ມີນາເປັນຕົ້ນມາ ໄຟປ່າໄດ້ເຜົາທຳລາຍພື້ນທີ່ປ່າໄມ້ແລ້ວ 95 ​ເຮັກຕາໃນ 9 ບ້ານໃນເຂດພູພະນັງ.ອ່ານຕໍ່ ...

ມີຫຍັງແດ່ຢູ່ໃນອາກາດທີ່ເຮົາຫາຍໃຈ? ຊາວນະຄອນຫຼວງວຽງຈັນ ແລະ ແຂວງຕ່າງໆປະສົບສະພາບທ້ອງຟ້າມົວ ແລະ ຄຸນນະພາບອາກາດທີ່ເສື່ອມໂຊມ ຈົນຕ້ອງນຳໃຊ້ຜ້າອັດປາກ, ເຄື່ອງກອງອາກາດ ແລະ ອຸປະກອນວັດແທກຄຸນນະພາບອາກາດ.ສິ່ງທີ່ກວດພົບແມ່ນເປັນໜ້າຢ້ານກົວ ແລະ ກັງວົນຢ່າງຍິ່ງ. ຄຸນນະພາບອາກາດໃນປະເທດລາວສ່ວນໃຫຍ່ ແລະ ພາກເໜືອຂອງໄທ ພວມປະສົບກັບປະລິມານຝຸ່ນລະອອງໃນອາກາດທີ່ສູງ ເຊິ່ງເປັນອັນຕະລາຍຕໍ່ທັດສະນາການເບິ່ງເຫັນດ້ວຍຕາເປົ່າ ແລະ ການຫາຍໃຈໃນນະຄອນຫຼວງວຽງຈັນ ແລະ ແຂວງຕ່າງໆ. ບັນຫາສະພາບອາກາດ ແລະ ຄວາມດັນອາກາດທີ່ມີປະລິມານເພີ່ມຂຶ້ນດັ່ງກ່າວແມ່ນເກີດມາຈາກຫຼາຍປັດໃຈ ເຊັ່ນການປ່ອຍອາຍພິດໃນປະເທດ ແລະ ຂ້າມປະເທດ ເຮັດໃຫ້ສະພາບການທີ່ບໍ່ມີຊາຍແດນດັ່ງກ່າວຍິ່ງຮ້າຍແຮງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໄຟປ່າໃນລາວ ແລະ ປະເທດເພື່ອນບ້ານເຮັດໃຫ້ເກີດມົນລະພິດທາງອາກາດໃນລະດັບອັນຕະລາຍ ໃນຫຼາຍພາກຂອງລາວ ໂດຍສະເພາະແມ່ນໃນນະຄອນຫຼວງວຽງຈັນ.ທ່ານນາງ ສີສຸພັນ ຫຼວງລາດ ຫົວໜ້າກົມຄວບຄຸມມົນລະພິດ ພາຍໃຕ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ລາຍງານຜ່ານໜັງສືພິມວຽງຈັນທາມສ໌ໃນວັນພະຫັດນີ້ວ່າ ໄດ້ເກີດຝຸ່ນລະອອງມົນລະພິດຂະໜາດນ້ອຍ (PM) 2.5 ໃນຫຼາຍພາກຂອງປະເທດລາວ ແລະ ສະພາບມົນລະພິດໃນນະຄອນວຽງຈັນແມ່ນເກີນຂີດລະດັບປອດໄພ.ອ່ານຕໍ່ ...

(ຂປລ) ເປັນໄລຍະເກືອບສີ່ປີແລ້ວ ທີ່ອົງການ UNDP ໄດ້ມີໂຄງການຢູ່ແຂວງໄຊຍະບູລີ ທາງພາກເໜືອຂອງລາວ ເພື່ອຊ່ວຍເຫຼືອຊາວກະສິກອນທີ່ທຸກຍາກໃນການຜະເຊີນໜ້າກັບການປ່ຽນແປງຂອງສະພາບອາກາດ.ໃນເດືອນກຸມພານີ້, ໂຄງການຈະລົງຢ້ຽມຢາມໜຶ່ງໃນບ້ານເປົ້າໝາຍ ເພື່ອສຶກສາວ່າເຂົາເຈົ້າສາມາດຈັດການກັບສະພາບອາກາດທີ່ມີການປ່ຽນແປງໄດ້ຄືແນວໃດນັບແຕ່ດຳເນີນໂຄງການມາ.ເປົ້າໝາຍການພັດທະນາແບບຍືນຍົງ ທີ່ມີການຮັບຮອງໃນທົ່ວໂລກໃນປີ 2015, ເຮັດໃຫ້ໂຄງການໃນອົງການ UNDP ລາວ ຍິ່ງເພີ່ມທະວີຄວາມຮັບຜິດຊອບ ເພື່ອຮັບປະກັນວ່າໂຄງການພັດທະນາຕ່າງໆ ບໍ່ພຽງແຕ່ໃຫ້ການຊ່ວຍເຫຼືອຊຸມຊົນທີ່ທຸກຍາກໃນ ສປປ ລາວ ແບບຊົ່ວຄັ້ງຊົ່ວຄາວ, ແຕ່ຈະເປັນການສ້າງພື້ນຖານທີ່ໝັ້ນຄົງສຳລັບການສ້າງອະນາຄົດທີ່ຍືນຍົງຂອງເຂົາເຈົ້າອີກດ້ວຍ.ອ່ານຕໍ່ ...

ຄວັນໝອກຫຼົວໄດ້ປົກຄຸມທ້ອງຟ້ານະຄອນຫຼວງວຽງຈັນ ແລະ ເກີດມີມົນລະພິດທາງອາກາດໃນຫຼາຍແຂວງຂອງລາວ.ເຮັດໃຫ້ຊາວເມືອງທັງລາວ ແລະ ຕ່າງປະເທດທີ່ມີຄວາມກັງວົນ ຕິດຕາມສະພາບການຢ່າງໃກ້ຊິດ, ທັງມີການລາຍງານສະຖານະການໃນໂລກອອນໄລ ກ່ຽວກັບລະດັບຝຸ່ນລະອອງຂະໜາດນ້ອຍ (PM) ໃນອາກາດໃນທ້ອງຖິ່ນ ໂດຍການນຳໃຊ້ເຄື່ອງວັດແທກຄຸນນະພາບອາກາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງໄດ້ອອກແນວທາງໃໝ່ເພື່ອຄຸ້ມຄອງການສ້າງ ແລະ ການເຄື່ອນໄຫວສວນສັດ, ຟາມສັດປ່າ ແລະ ການຊື້ຂາຍສັດ ແລະ ພືດປ່າຈຳນວນໜຶ່ງ.ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ໄດ້ອອກທິດຊີ້ນຳໃໝ່ໃນຂໍ້ຕົກລົງເລກທີ 0188 ວ່າດ້ວຍການສ້າງ ແລະ ຄຸ້ມຄອງສວນສັດ, ຟາມສັດປ່າ, ສູນຟື້ນຟູ ແລະ ຂະຫຍາຍພັນສັດປ່າ ແລະ ສວນພືດປ່າ.ອ່ານຕໍ່ ...

ອຸດສາຫະກຳທີ່ສ້າງມົນລະພິດຈະຕ້ອງຈ່າຍອາກອນເພີ່ມເຕີມ ຕາມແນວທາງຍຸດທະສາດການພັດທະນາສີຂຽວຂອງລັດຖະບານ. ພາຍໃຕ້ຍຸດທະສາດດັ່ງກ່າວ ເຊິ່ງຮັບຮອງໂດຍ ທ່ານນາຍົກ ທອງລຸນ ສີສຸລິດ ໃນວັນທີ 30 ມັງກອນ, ກະຊວງການເງິນໄດ້ແຈ້ງອາກອນເພື່ອຫຼຸດຜ່ອນການສ້າງມົນລະພິດ ແລະ ຂີ້ເຫຍື້ອທີ່ເປັນອັນຕະລາຍຂອງອຸດສາຫະກຳຕ່າງໆ.ປະຈຸບັນ ອຸດສາຫະກຳຕ້ອງເສຍອາກອນທຸລະກິດ ເຊິ່ງຄິດເປັນ 24% ຂອງກຳໄລຂອງບໍລິສັດ, ກໍຄືພາສີ, ອາກອນມູນຄ່າເພີ່ມ ແລະ ອາກອນລາຍຮັບ.ອ່ານຕໍ່   ...

ວຽງຈັນ (ວຽງຈັນທາມສ໌/ANN) – ລາວ ແລະ ກຳປູເຈຍໄດ້ຕົກລົງກ່ຽວກັບການປະຕິບັດການຮ່ວມ ກ່ຽວກັບບູລິມະສິດຕົ້ນຕໍຂອງໂຄງການຮ່ວມມືໃນການພັດທະນາ ແລະ ການຄຸ້ມຄອງຊັບພະຍາກອນແຫຼ່ງນ້ຳຂ້າມຊາຍແດນ.ຕົວແທນຈາກສອງຊາດໄດ້ຮ່ວມຫາລືແຜນການໃນກອງປະຊຸມຂອງຄະນະກວດສອບລະດັບພາກພື້ນ, ເຊິ່ງໄດ້ກຳນົດເອົາການທ່ອງທ່ຽວແບບອະນຸລັກ ແລະ ການຄຸ້ມຄອງການປະມົງເປັນບູລິມະສິດສູງສຸດສຳລັບໂຄງການ ລະຫວ່າງແຂວງສະຕັງເຕຣັງຂອງກຳປູເຈຍ ແລະ ແຂວງຈຳປາສັກຂອງລາວ.ອ່ານຕໍ່ ...

ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ, ໜ່ວຍງານວ່າດ້ວຍການປັບຕົວຕໍ່ສິ່ງແວດລ້ອມພາຍໃຕ້ການປ່ຽນແປງຂອງສະພາບອາກາດສະຫະປະຊາຊາດ ແລະ ອົງການສິ່ງແວດລ້ອມໂລກ (GEF) ຈະຮ່ວມມືກັນສົ່ງເສີມການປັບປຸງດ້ານປະສິດທິພາບ ແລະ ຜົນກະທົບຂອງການປັບຕົວຕໍ່ການປ່ຽນແປງຂອງສະພາບອາກາດໃນລາວ. ເຈົ້າໜ້າທີ່ລັດຖະບານ ແລະ ຜູ້ມີສ່ວນຮ່ວມໄດ້ເຕົ້າໂຮມທີ່ວຽງຈັນວານນີ້ ເພື່ອເຂົ້າຮ່ວມກອງປະຊຸມສຳມະນາກ່ຽວກັບການຜ່ານຮ່າງຂໍ້ສະເໜີສຳລັບການສ້າງຄວາມສາມາດໃຫ້ແກ່ລາວ ເພື່ອດຳເນີນຂະບວນການວາງແຜນໃນການປັບຕົວແຫ່ງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສູນຄົ້ນຄວ້າປ່າໄມ້ພາຍໃຕ້ສະຖານບັນຄົ້ນຄວ້າກະສິກຳ ແລະ ປ່າໄມ້ແຫ່ງຊາດ ຈະຜະລິດເບ້ຍໄມ້ 100,000 ເບ້ຍໃນປີນີ້ ໃຫ້ເປັນສ່ວນໜຶ່ງຂອງພາລະກິດການຟື້ນຟູພື້ນທີ່ປົກຄຸມປ່າໄມ້ໃຫ້ໄດ້ 70% ພາຍໃນປີ 2020.ທ່ານ ວົງວິໄລ ວົງຄຳຊາວ ອຳນວຍການສູນ ກ່າວວ່າ ທາງສູນຜະລິດເບ້ຍໄມ້ 100,000 ຕົ້ນຕໍ່ປີ ເພື່ອເພີ່ມພື້ນທີ່ສີຂຽວຂອງປະເທດ.ອ່ານຕໍ່ ...