ວຽງຈັນທາມສ໌

ພະທາດຫຼວງ ແລະ ຫໍພະແກ້ວທີ່ຫາກໍ່ໄດ້ຮັບການບູລະນະຈະເປັນສູນກາງຄວາມສົນໃຈ ໃນພິທີທາງສາດສະໜາທີ່ຈັດຂັ້ຶ້ນໃນງານນະມັດສະການທາດຫຼວງ.ພິທີເປີດບຸນດັ່ງກ່າວໄດ້ມີຂຶ້ນໃນຕອນຄ່ຳຂອງວັນອັນຄານນີ້ ພາຍໃຕ້ການເຂົ້າຮ່ວມຂອງເຈົ້າໜ້າທີ່ການນຳ ພ້ອມດ້ວຍພັນລະຍາ ແລະ ຄະນະທູຕານຸທູດນາໆປະເທດປະຈຳລາວ.ອ່ານຕໍ່ ...

ລັດຖະບານໄດ້ເສີມຂະຫຍາຍຄວາມພະຍາຍາມໃນການຊຸກຍູ້ສົ່ງເສີມຜົນຜະລິດຂອງຊາວກະສິກອນ ໃຫ້ສອດຄ່ອງຕາມຍຸດທະສາດຄວາມໝັ້ນຄົງດ້ານສະບຽງອາຫານແຫ່ງຊາດ ແລະ ເປົ້າໝາຍການຜະລິດປີ 2020 ເພື່ອຮອງຮັບຕໍ່ການປ່ຽນແປງຂອງສະພາບອາການທົ່ວໂລກ.ທ່ານ ປອ ຫຼຽນ ທິແກ້ວ ລັດຖະມົນຕີກະຊວງກະສິກຳ ແລະ ປ່າໄມ້ ໄດ້ກ່າວຄຳເຫັນເນື່ອງໃນວັນອາຫານໂລກ.ທ່ານໄດ້ໃຫ້ຂໍ້ສັງເກດວ່າ ປະເທດລາວໄດ້ຮັບຜົນກະທົບຢ່າງໜັກຈາກໄພທຳມະຊາດ ເຊັ່ນ ໄພນ້ຳຖ້ວມຢູ່ແຂວງພາກກາງ ແລະ ພາກໃຕ້, ການຮຸກຮານຂອງບົ້ງຝູງສາລີ ແລະ ການລະບາດຂອງພະຍາດອະຫິວາໝູອາຟຼິກາໃນຫຼາຍພາກຂອງປະເທດ.ອ່ານຕໍ່ ...

ຫົວໜ້າຫ້ອງການປົກຄອງແຂວງສະຫວັນນະເຂດ ພ້ອມດ້ວຍເຈົ້າໜ້າທີ່ພະແນກໂຍທາທິການ ແລະ ຂົນສົ່ງແຂວງສະຫວັນນະເຂດ ໄດ້ປະຊຸມຫວ່າງໝໍ່ໆມານີ້ ເພື່ອເຜີຍແຜ່ເນື້ອນຂໍ້ຕົກລົງກ່ຽວກັບການຄຸ້ມຄອງທ່າເຮືອບົກ, ເພື່ອສົ່ງເສີມການໃຊ້ບໍລິການທ່າເຮືອບົກສະຫວັນນະເຂດໃຫ້ຫຼາຍຍິ່ງຂຶ້ນ.ຂໍ້ຕກລົງໄດ້ດັ່ງກ່າວແມ່ນອອກໂດຍກະຊວງໂຍທາທິການ ແລະ ຂົນສົ່ງ ໃນວັນທີ 5 ເມສາ 2018 ກ່ຽວກັບການຄຸ້ມຄອງທ່າເຮືອບົກສະຫວັນນະເຂດ ແລະ ມີແຈ້ງການສະໜັບສະໜູນຈາກຫ້ອງການປົກຄອງແຂວງສະຫວັນນະເຂດ ລົງວັນທີ 11 ຕຸລາ 2019.ອ່ານຕໍ່ ...

ວຽງຈັນ (ວຽງຈັນທາມສ໌) – ບັນຄະນະວິຊາໃນມະຫາວິທະຍາໄລແຫ່ງຊາດລາວ (ມຊ), ສະຖາບັນ ແລະ ຊ່ຽວຊານຕ່າງປະເທດ ຈະຂຶ້ນນຳສະເໜີບົດຄົ້ນຄວ້າຂອງຕົນ ໃນກອງປະຊຸມສາກົນວ່າດ້ວຍການຄົ້ນຄວ້າວິທະຍາສາດ, ເທັກໂນໂນຢີ ແລະ ນະວັດຕະກຳເພື່ອການພັດທະນາແບບຍືນຍົງ ທີ່ ມຊ ໃນວັນທີ 5-6 ພະຈິກນີ້.ກອງປະຊຸມດັ່ງກ່າວແມ່ນຈັດໂດຍຫ້ອງການຄົ້ນຄວ້າ ແລະ ບໍລິການການສຶກສາ ມຊ ເຊິ່ງຈະມີຄູອາຈານ ແລະ ນັກຄົ້ນຄວ້າເຂົ້າຮ່ວມທັງໝົດ 98 ຄົນ ທັງລະດັບປະລິນຍາໂທ, ປະລິນຍາເອກ ແລະ ລະດັບອາຊີບ ຈາກ 13 ຄະນະວິຊາ ລວມເຖິງບັນດານັກຄົ້ນຄວ້າຈາກຕ່າງປະເທດ ທີ່ຈະມາບັນຍາຍຜົນງານການຄົ້ນຄວ້າໃນຂະແໜງວິຊາຂອງຕົນ.ອ່ານຕໍ່  ...

ພະແນກຕຳຫຼວດຈໍລະຈອນນະຄອນຫຼວງວຽງຈັນ ໄດ້ແຈ້ງເຕືອນຜູ້ຂັບຂີ່ ໃຫ້ມີສະຕິລະມັດລະວັງໃນການປົກປ້ອງຍານພາຫະນະຂອງຕົນ ຕໍ່ກັບກຸ່ມໂຈນທຸບແວ່ນລົດເພື່ອລັກເຄື່ອງ, ເຊິ່ງເກີດຂຶ້ນຫຼ້າສຸດໃນຄືນວັນຈັນທີ່ຜ່ານມາ ທີ່ບ້ານນາຄຳ ເມືອງສີໂຄດຕະບອງ.ລົດທີ່ຈອດໄວ້ບໍລິເວນຮ້ານອາຫານແຫ່ງໜຶ່ງໄດ້ຖືກທຸບ ແລະ ລັກເອົາສິ່ງຂອງມີຄ່າຢູ່ພາຍໃນລົດ, ຕາມການລາຍງານຂອງເຈົ້າໜ້າທີ່ຕຳຫຼວດ. ທາງເຈົ້າໜ້າທີ່ໄດ້ທຳການກວດເບິ່ງວີດີໂອທີ່ບັນທຶກໄວ້ໂດຍກ້ອງວົງຈອນປິດທີ່ຢູ່ໃກ້ຄຽງ ເພື່ອຂະຫຍາຍຜົນຈັບໂຕຜູ້ກະທຳຜິດດັ່ງກ່າວໃຫ້ໄວທີ່ສຸດ.ອ່ານຕໍ່ ...

ອົງການກາແດງລາວ ໄດ້ມອບເຄື່ອງຊ່ວຍເຫຼືອເພີ່ມເຕີມ ໃຫ້ແກ່ຊຸມຊົນແຂວງພາກໃຕ້ ທີ່ໄດ້ຮັບຄວາມເສຍຫາຍຈາກໄພນ້ຳຖ້ວມທີ່ຜ່ານມາ, ເຊິ່ງເປັນເຄື່ອງບໍລິຈາກ ມູນຄ່າ 60 ກວ່າລ້ານກີບ.ໃນອາທິດແລ້ວນີ້ ອົງການກາແດງ ໄດ້ນຳເອົາອຸປະກອນການສຶກສາໄປມອບໃຫ້ແກ່ໂຮງຮຽນປະຖົມພູທອງລຸ່ມ ເມືອງຊະນະສົມບູນ ແຂວງຈຳປາສັກ ເພື່ອປ່ຽນແທນອຸປະກອນການຮຽນການສອນທີ່ຖືກເປ່ເພ ຫຼື ໄດ້ຮັບຄວາມເສຍຫາຍຈາກໄພນ້ຳຖ້ວມໃນຊ່ວງເດືອນກັນຍາທີ່ຜ່ານມາ.ອ່ານຕໍ່. ...

ນັກສຶກສາຄະນະກະເສດສາດ ມະຫາວິທະຍາໄລແຫ່ງຊາດ (ມຊ) ຮຽນຮູ້ກ່ຽວກັບຕ່ອງໂສ້ຄຸນຄ່າດ້ານສະບຽງອາຫານຂອງຍີ່ປຸ່ນ ໃນການຝຶກອົບຮົມທີ່ພາກວິຊາສັດຕະວະແພດ ອາທິດແລ້ວນີ້.ຄະນະກະເສດສາດໄດ້ຮ່ວມຈັດຕັ້ງການຝຶກອົບຮົມ ໃນລະຫວ່າງວັນທີ 21-25 ຕຸລານີ້ ພາຍໃຕ້ໂຄງການຮ່ວມມືອາຊຽນ-ຍີ່ປຸ່ນ ກ່ຽວກັບຕ່ອງໂສ້ຄຸນຄ່າດ້ານສະບຽງອາຫານຂອງຍີ່ປຸ່ນ.ອ່ານຕໍ່ ...

ກະຊວງພາຍໃນ ກຳລັງທຳການຢືນຢັນຈຳນວນລັດຖະກອນຕົວຈິງ ທ່າມການຄວາມກັງວົນຕໍ່ບັນຫາ ພະນັງງານຜີ ທີ່ເກີດຂຶ້ນ, ຕາມເຈົ້າໜ້າທີ່ການນຳ.“ຂະບວນການນີ້ ແມ່ນສ່ວນໜຶ່ງຂອງຂັ້ນຕອນການຢັ້ງຢືນຈຳນວນພະນັກງານລັດຖະກອນທີ່ມີໜ້າຕົວຈິງໃນລາວ,” ທ່ານ ສຸວັນນີ ຣັດຕະນະວົງ ຫົວໜ້າກົມຄຸ້ມຄອງລັດຖະກອນ ກ່າວໃນວັນສຸກແລ້ວນີ້.ອ່ານຕໍ່ ...

ປະຊາຊົນຈຳນວນສາມສິບຄອບຄົວ ຢູ່ບ້ານສົ້ນຂົວເໜືອ ເມືອງຫົວເມືອງ ແຂວງຫົວພັນ ກຳລັງຕ້ອງການຄວາມຊ່ວຍເຫຼືອດ້ານອຸປະກອນເຄື່ອງໃຊ້ໃນຄົວເຮືອນ, ເຄື່ອງນຸ່ງຫົ່ມ, ອາຫານ ແລະ ອຸປະກອນກໍ່ສ້າງ ພາຍຫຼັງທີ່ເຂົາເຈົ້າໄດ້ສູນເສຍເຮືອນຊານ ຍ້ອນເຫດອັກຄີໄພ ໃນວັນອັງຄານຜ່ານມານີ້.ທ່ານພັນໂທ ເພັງສີ ມາລັດສົມຫວັງ ຫົວໜ້າຫ້ອງການປ້ອງກັນຄວາມສະຫງົບເມືອງ ລາຍງານຜ່ານສຳນັກຂ່າວວຽງຈັນທາມສ໌ວ່າ ປະຈຸບັນປະຊາຊົນຈຳນວນ 152 ຄົນໃນ 30 ຄອບຄົວ ໄດ້ສູນເສຍທີ່ຢູ່ອາໄສ, ແລະ ເຄື່ອງໃຊ້ຂອງສອຍ, ເຄື່ອງເຮືອນ ແລະ ຊັບສິນຫຼາຍຢ່າງ. ເຫດອັກຄີໄພດັ່ງກ່າວຄາດວ່າເກີດຈາກໄຟຟ້າລັດວົງຈອນ, ປະເມີນຄວາມເສຍຫາຍເບື້ອງຕົ້ນແມ່ນເກືອບ 2 ຕື້ກີບ. ເຮືອນຊານທີ່ຖືກໄຟໄໝ້ ສ່ວນໃຫຍ່ແມ່ນເຮັດດ້ວຍໄມ້. ບ້ານສົ້ນຂົວມີທັງໝົດ 200 ຫຼັງຄາເຮືອນ, ໃນນັ້ນເຮືອນ 22 ຫຼັງແມ່ນຖືກໄຟໄໝ້ໝົດ ແລະ ອີກ 8 ຫຼັງໄດ້ຮັບຄວາມເສຍຫາຍຮ້າຍແຮງ.ອ່ານຕໍ່  ...

ລະດັບນ້ຳໃນແມ່ນ້ຳຂອງ ແລະ ສາຂາ ທີ່ຫຼຸດຕ່ຳເປັນປະຫວັດການ ຄາດວ່າຍັງຈະສືບຕໍ່ຫຼຸດລົງ ທັງໆທີ່ຫາກໍ່ເຂົ້າຕົ້ນລະດູແລ້ງໃນເດືອນຕຸລາ,​ ຕາມຄຳເຫັນຂອງເຈົ້າໜ້າທີ່ການນຳທີ່ຮັບຜິດຊອດການຕິດຕາມລະດັບນ້ຳ.“ລະດູຝົນຫາກໍ່ໝົດໄປ, ຕໍ່ຈາກນີ້ໄປລະດັບນ້ຳໃນແມ່ນ້ຳຂອງ ແລະ ບາງສາຂາ ຈະຍັງສືບຕໍ່ຫຼຸດລົງ, ” ທ່ານນາງ ອຸທອນ ເພັດຫຼວງສີ ຮອງຫົວໜ້າກົມອຸຕຸນະຍົມວິທະຍາ ແລະ ອຸທຸກະສາດ ກ່າວຜ່ານສຳນັກຂ່າວວຽງຈັນທາມສ໌ໃນວັນພະຫັດນີ້.ອ່ານຕໍ່ ...