Vientiane Times/ANN

ສະຫວັນນະເຂດ, ລາວ (ວຽງຈັນທາມສ໌/ANN) – ແຂວງສະຫວັນນະເຂດ ມີແຜນພັດທະນານ້ຳຕົກຕາດຫ້ວຍຫຼາຫຼາບ ເຊິ່ງຕັ້ງຢູ່ໃກັບ້ານອ້ອຍ-ຕັນຕີບ ເມືອງນອງ ໃຫ້ເປັນສະຖານທີ່ທ່ອງທ່ຽວ ຫຼັງຈາກມີນັກທ່ອງທ່ຽວທັງພາຍໃນ ແລະ ຕ່າງປະເທດໃຫ້ຄວາມສົນໃຈໃນສະຖານທີ່ທາງທຳມະຊາດດັ່ງກ່າວ.ທ່ານນາງ ເພັດມະນີ ມາດມະນີສອນ ເຈົ້າໜ້າທີ່ທ່ອງທ່ຽວແຂວງໄດ້ບອກຜ່ານໜັງສືພີມວຽງຈັນທາມສ໌ໃນວັນສຸກຜ່ານມານີ້ວ່າ ນ້ຳຕົກຕາດຫ້ວຍຫຼາຫຼາບມີຄວາມງົດງາມ ແລະ ມີທ່າແຮງສູງໃນການພັດທະນາເປັນແຫຼ່ງທ່ອງທ່ຽວຢ່າງເປັນທາງການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວກຳລັງຊອກຫາວິທີທາງໃນການເພີ່ມທະວີຈຳນວນນັກທຸລະກິດຍິງ ເຊິ່ງເປັນສ່ວນໜຶ່ງໃນຄວາມພະຍາຍາມຂອງລັດຖະບານໃນການສົ່ງເສີມການປະກອບທຸລະກິດໃນກຸ່ມແມ່ຍິງ ແລະ ສ້າງໂອກາດໃຫ້ແກ່ເຂົາເຈົ້າໄດ້ແບ່ງປັນຄວາມສຳເລັດໃນທຸລະກິດທີ່ບໍລິຫານໂດຍແມ່ຍິງລາວ.ເພື່ອຈຸດປະສົງດັ່ງກ່າວ, ສູນບໍລິການ SME ພາຍໃຕ້ສະພາການຄ້າ ແລະ ອຸດສາຫະກຳແຫ່ງຊາດລາວ ໄດ້ເລີ່ມມີການຈັດກິດຈະກຳເພື່ອສ້າງເຄືອຂ່າຍດ້ານທຸລະກິດ ແລະ ໃຫ້ຂໍ້ມູນຂ່າວສານໃນຮອບໄຕມາດ ພາຍໃຕຫົວຂໍ້ ການສົນທະນາ ‘SSC Breakfast Talk’.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫ້ອງການປົກຄອງເມືອງຫີນບູນ ແຂວງຄຳມ່ວນ ໄດ້ແຈ້ງການປິດການບໍລິການໃນສະຖານທີ່ທ່ອງທ່ຽວຂຸນນ້ຳກອງແລງເປັນການຊົ່ວຄາວໃນວັນພຸດຜ່ານມາ ເພື່ອດຳເນີນການສຶກສາຄວາມເປັນໄປໄດ້ໃນການພັດທະນາສະຖານທີ່ທ່ອງທ່ຽວດັ່ງກ່າວ.ຂຸນນ້ຳກອງແລງ ແຂວງຄຳມ່ວນ ແມ່ນຕັ້ງຢູ່ບໍລະເວນຕີນພູຫີນປູນ ຫ່າງຈາກຕົວເມືອງທ່າແຂກໄປທາງເໜືອປະມານ 50 ກມ. ບຶງນ້ຳດັ່ງກ່າວແມ່ນໜຶ່ງໃນ 10 ສະຖານທີ່ທ່ອງທ່ຽວທາງທຳມະຊາດຂອງເມືອງຫີນບູນ ທີ່ທາງແຂວງໄດ້ອະນຸມັດໃຫ້ບໍລິສັດທ່ອງທ່ຽວພາຍໃນດຳເນີນການສຶກສາຄວາມເປັນໄປໄດ້ໃນການພັດທະນາໃນຖຄງການໂລກສີຂຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງໂຍທາທິການ ແລະ ຂົນສົ່ງ ໄດ້ຮັບຄຳແນະນຳໃຫ້ແກ້ໄຂບັນຫາກ່ຽວກັບການກໍ່ສ້າງຖະໜົນ ແລະ ຂົວທີ່ຍືດເຍື້ອ ເຊິ່ງມີມູນຄ່າການກໍ່ສ້າງ ແລະ ສ້ອມແປງທີ່ສູງ ແຕ່ວ່າມີມາດຕະຖານຄຸນນະພາບທີ່ຕ່ຳ.ໃນກອງປະຊຸມແຫ່ງຊາດຂອງຂະແໜງການເຊິ່ງໄດ້ອັດລົງໃນວັນສຸກຜ່ານມາທີ່ວຽງຈັນ, ທ່ານ ສົມດີ ດວງດີ ຮອງນາຍົກລັດຖະມົນຕີໄດ້ກ່າວວ່າ ສັງຄົມໄດ້ມີຫາງສຽງຕຳນິກ່ຽວກັບບັນຫາດັ່ງກ່າວ ກໍຄືຄວາມຊັກຊ້າໃນຂະບວນການກໍ່ສ້າງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນຍີ່ປຸ່ນ (JICA) ຈະສືບຕໍ່ຊ່ວຍເຫຼືອລັດຖະບານໃນການຜັນຂະຫຍາຍເປົ້າໝາຍເພື່ອການຟື້ນຟູເນື້ອທີ່ປ່າໄມ້ໃຫ້ເຖິງ 70% ພາຍໃນປີ 2020 ຜ່ານໂຄງການຊ່ວຍເຫຼືອເພື່ອການຫຼຸດຜ່ອນການປ່ອຍທາດອາຍພິດຈາກການທຳລາຍປ່າໄມ້ ແລະ ການເສື່ອມໂຊມຂອງປ່າໄມ້ (REDD).ມື້ວານນີ້ ອົງການໄຈກາ ຮ່ວມກັບກົມປ່າໄມ້ ພາຍໃຕ້ກະຊວງກະສິກຳ ແລະ ປ່າໄມ້ ໄດ້ທຳການແກ້ໄຂ ແລະ ວາງແຜນຍຸດທະສາດການຄຸ້ມຄອງປ່າໄມ້ໃນອະນາຄົດ ໃນກອງປະຊຸມຄັ້ງທີ 5 ຂອງຄະນະປະສານງານຮ່ວມຂອງ REDD.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຍ້າຍຖິ່ນຖານພູມລຳເນົາຂອງປະຊາຊົນ 60,000 ຄົນຈາກ 12,000 ຄອບຄົວໃນ 200 ບ້ານທົ່ວປະເທດລາວ ໄດ້ນຳໃຊ້ງົບປະມານກວ່າ US$500 ລ້ານໂດລາ ເພື່ອດຳເນີນໂຄງການເຂື່ອນໄຟຟ້າ, ລັດຖະມົນຕີກະຊວງພະລັງງານ ແລະ ບໍ່ແຮ່ກ່າວ.ທ່ານ (ປອ) ຄຳມະນີ ອິນທິລາດ ລາຍງານຕົວເລກດັ່ງກ່າວໃນກອງປະຊຸມຄັ້ງທີສີ່ວ່າດ້ວຍການຖອດຖອນບົດຮຽນ ແລະ ແລກປ່ຽນປະສົບການກ່ຽວກັບການຍ້າຍພູມລຳເນົາ, ການຈ່າຍຄ່າຊົດເຊີຍ ແລະ ການຟື້ນຟູຊີວິດການເປັນຢູ່ຂອງປະຊາຊົນ ທີ່ໄດ້ຮັບຜົນກະທົບຈາກໂຄງການເຂື່ອນໄຟຟ້າໃນແຂວງຄຳມ່ວນໃນໄລຍະຜ່ານມາ.ອ່ານຕໍ່ແຫຼ່ງທີ່ມາ: LIWG ...

ວຽງຈັນ (ວຽງຈັນທາມສ໌/ANN) – ອັດຕາການຂະຫຍາຍຕົວດ້ານເສດຖະກິດຂອງລາວແມ່ນມີສູງທຽບກັບປະເທດເພື່ອນບ້ານ ແລະ ບັນດາປະເທດໃນພາກພື້ນ,​ ແຕ່ວ່າສິ່ງນີ້ບໍ່ໄດ້ເຮັດໃຫ້ຄວາມທຸກຍາກພາຍໃນປະເທດຫຼຸດຜ່ອນລົງ.ອັດຕາການຂະຫຍາຍຕົວຂອງເສດຖະກິດລາວແຕ່ປີ 2005 ເຖິງ 2018 ສະເລ່ຍແມ່ນປະມານ 7.66% ຕໍ່ປີ, ໃນຂະນະທີ່ປະເທດໄທມີພຽງ 3.27%, ຫວຽດນາມ 6.11% ແລະ ກຳປູເຈຍ 6.60%, ຕາມບົດລາຍງາຍຈາກສູນຄົ້ນຄວ້ານະໂຍບາຍເສດຖະກິດມະຫາພາກ ແລະ ການຟື້ນຟູເສດຖະກິດ (CMER) ພາຍໃຕ້ສະຖາບັນຄົ້ນຄວ້າເສດຖະກິດແຫ່ງຊາດ (NEIR).ອ່ານຕໍ່ ...

ໄຫໜານ, ຈີນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີລາວໄດ້ເນັ້ນໜັກເຖິງຄວາມຈຳເປັນໃນການຈັດຕັ້ງການຮ່ວມມືຫຼາຍຝ່າຍ ເພື່ອສົ່ງເສີມຜົນປະໂຫຍດຮ່ວມກັນ ແລະ ບົດບາດຄວາມສຳຄັນຂອງການຫັນສູ່ສາກົນ ໃນກອງປະຊຸມປະຈຳປີຂອງອາຊີ ໂປອາວ 2019 (BFA)  ເຊິ່ງຈັດຂຶ້ນທີ່ແຂວງໄຫໜານ ເກາະທາງພາກໃຕ້ຂອງຈີນ.ທ່ານນາຍົກໄດ້ເດີນທາງເຂົ້າຮ່ວມກອງປະຊຸມດ່ັງກ່າວ ເຊິ່ງຈັດຂຶ້ນໃນລະຫວ່າງວັນທີ 26-29 ມີນານີ້, ຕາມຄຳເຊີນຂອງທ່ານ ລີ ເປົາຕົງ ເລຂາທິການໃຫຍ່ BFA, ຕາມການເປີດເຜີຍຂອງກະຊວງການຕ່າງປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດພັດທະນາສວນວັດທະນະທຳລ້ານຊ້າງຈຳກັດ, ເຊິ່ງເປັນບໍລິສັດລົງທຶນຂອງເອກະຊົນໃນວຽງຈັນ, ໄດ້ຮັບການຄັດເລືອກຈາກລັດຖະບານໃນການພັດທະນາພື້ນທີ່ 88 ເຮັກຕາໃຫ້ເປັນສວນວັດທະນະທຳ, ພຶກສາ ແລະ ພັກຜ່ອນແຫ່ງໃໝ່ໃນນະຄອນຫຼວງວຽງຈັນ.ຜູ້ຮັບເໝົາໂຄງການຕັ້ງເປົ້າລົງທຶນເບື້ອງຕົ້ນ US$80 ລ້ານໂດລາ ສຳລັບສາມໄລຍະຂອງການພັດທະນາພື້ນທີ່, ເຊິ່ງລວມມີ ສວນວັດທະນະທຳ ແລະ ພັກຜ່ອນ, ສວນພຶກສາ ແລະ ສວນສັດ, ສູນການຄ້າ ແລະ ໂຮງແຮມ, ແລະ ສິ່ງອຳນວນຄວາມສະດວກດ້ານທີ່ຢູ່ອາໄສ ແລະ ການພັດທະນາພື້ນຖານໂຄງລ່າງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ດັດຊະນີລາຄາຜູ້ບໍລິໂພກປີຕໍ່ປີ (CPI) ຂອງລາວເພີ່ມຂຶ້ນຢ່າງຕໍ່ເນື່ອງໃນເດືອນກຸມພາ, ຕາມການເພີ່ມຂຶ້ນຂອງລາຄາສິນຄ້າເສື້ອຜ້າ ແລະ ເກີບນຳເຂົ້າ ເຊິ່ງເປັນຕົວຂັບເຂື່ອນຫຼັກຂອງການເພີ່ມຂຶ້ນດັ່ງກ່າວ, ຕາມບົດລາຍງານຈາກສູນສະຖິຕິແຫ່ງຊາດ.ໃນບົດລາຍງານອັດຕາເງິນເຟີ້ຫຼ້າລຸດທາງເວັບໄຊຂອງສູນສະຖິຕິ ພາຍໃຕ້ກະຊວງແຜນການ ແລະ ການລົງທຶນ ຊີ້ໃຫ້ເຫັນວ່າ ຄ່າເງິນເຟີ້ເພີ່ມຂຶ້ນ 1.57% ໃນເດືອນກຸມພາ, ຫຼາຍກວ່າອັດຕາ 1.50% ຂອງເດືອນມັງກອນ .ອ່ານຕໍ່ ...