ເດິລາວທຽນທາມສ໌

ລາວມີທ່າແຮງດ້ານລົດໄຟຟ້າ (EV) ສູງ ເມື່ອລັດວິສາຫະກິດໄຟຟ້າລາວ EDL ແລະ ບໍລິສັດລົດໄຟຟ້າ  EVLao ລົງນາມໃນຂໍ້ຕົກລົງ, ຕາມໜ່ວຍຂ່າວ Laotian Times .ເມື່ອສັງເກດເບິ່ງປະເທດຜູ້ນຳໃນອຸດສາຫະກຳການຜະລິດຄື ຍີ່ປຸ່ນ, ເຢຍລະມັນ ແລະ ຈີນ, ເຫັນວ່າລາວຈະເລີ່ມຕົ້ນກ້າວເຂົ້າສູ່ຍຸກໄຟຟ້າ, ເມື່ອລົດໄຟຟ້າໄດ້ເຂົ້າມາສູ່ຕະຫຼາດ ແລະ ເປັນທີ່ຮູ້ຈັກໃນລາວ.ອ່ານຕໍ່ ...

ລາວໄດ້ເພີ່ມໝວດໃໝ່ໃນໃນກົດໝາຍອາຍາ ເຊິ່ງເວົ້າກ່ຽວກັບການລົງໂທດຕໍ່ການທາລຸນະກຳສັດ.ໝວດດັ່ງກ່າວໄດ້ລວມຢູ່ໃນກົດໝາຍສະບັບປັບປຸງຫຼ້າສຸດ, ເຊິ່ງໄດ້ມີການປະກາດໃຊ້ໂດຍລັດຖະບານ ໃນວັນທີ່ 18 ພະຈິກ 2018.ມາດຕາ 353 ຂອງກົດໝາຍອາຍາສະບັບປັບປຸງ ກ່າວວ່າ ບຸກຄົນທີ່ທຳການທາລຸນນະກຳ ຫຼື ບຽດບຽນສັດ ເຊັ່ນ ກະທຳການກັກຂັງສັດໂດຍທີ່ບໍ່ໃຫ້ອາຫານ ຫຼື ນ້ຳ, ນຳໃຊ້ແຮງງານສັດແບບບໍ່ມີການຢຸດພັກ, ທຸບຕີສັດຢ່າງໜັກ, ຂົນຍ້າຍສັດບໍ່ຖືກຕາມມາດຕະຖານ, ຂ້າສັດຢ່າງໂຫດຮ້າຍປ່າເຖື່ອນ, ຫຼື ໃຊ້ຢາເບື່ອຕໍ່ສັດ, ຈະໄດ້ຮັບໂທດຈຳຄຸກ ຫຼື ປັບໃໝຢູ່ໃນລະຫວ່າງ 500,000 ກີບເຖິງ 3,000,000 ກີບ.ອ່ານຕໍ່ ...

ພາຍໃຕ້ການຂະຫຍາຍຕົວຂອງປະຊາກອນ ແລະ ການພັດທະນາ ແລະ ຫັນເປັນຕົວເມືອງທາງດ້ານເສດຖະກິດ-ສັງຄົມທີ່ວ່ອງໄວ ເຊິ່ງຮຽກຮ້ອງໃຫ້ມີການລົງທຶນທາງດ້ານຊັບພະຍາກອນມະນຸດ ແລະ ພື້ນຖານໂຄງລ່າງ, ຄວາມຮຽກຮ້ອງຕ້ອງທາງການເງິນພາກລັດແມ່ນມີສູງກວ່າທີ່ຜ່ານມາ.ຄວາມຕ້ອງການເຫຼົ່ານີ້ແມ່ນແຜ່ຫຼາຍຢູ່ໃນທຸກຂະແໜງການຂອງຊາດ ຄຽງຄູ່ກັບສິ່ງທ້າທາຍສະເພາະຂອງປະເທດກໍຄືລູກລະເບີດທີ່ຍັງບໍ່ທັນແຕກ (ລບຕ).ອ່ານຕໍ່ ...

ມີຫຍັງແດ່ຢູ່ໃນອາກາດທີ່ເຮົາຫາຍໃຈ? ຊາວນະຄອນຫຼວງວຽງຈັນ ແລະ ແຂວງຕ່າງໆປະສົບສະພາບທ້ອງຟ້າມົວ ແລະ ຄຸນນະພາບອາກາດທີ່ເສື່ອມໂຊມ ຈົນຕ້ອງນຳໃຊ້ຜ້າອັດປາກ, ເຄື່ອງກອງອາກາດ ແລະ ອຸປະກອນວັດແທກຄຸນນະພາບອາກາດ.ສິ່ງທີ່ກວດພົບແມ່ນເປັນໜ້າຢ້ານກົວ ແລະ ກັງວົນຢ່າງຍິ່ງ. ຄຸນນະພາບອາກາດໃນປະເທດລາວສ່ວນໃຫຍ່ ແລະ ພາກເໜືອຂອງໄທ ພວມປະສົບກັບປະລິມານຝຸ່ນລະອອງໃນອາກາດທີ່ສູງ ເຊິ່ງເປັນອັນຕະລາຍຕໍ່ທັດສະນາການເບິ່ງເຫັນດ້ວຍຕາເປົ່າ ແລະ ການຫາຍໃຈໃນນະຄອນຫຼວງວຽງຈັນ ແລະ ແຂວງຕ່າງໆ. ບັນຫາສະພາບອາກາດ ແລະ ຄວາມດັນອາກາດທີ່ມີປະລິມານເພີ່ມຂຶ້ນດັ່ງກ່າວແມ່ນເກີດມາຈາກຫຼາຍປັດໃຈ ເຊັ່ນການປ່ອຍອາຍພິດໃນປະເທດ ແລະ ຂ້າມປະເທດ ເຮັດໃຫ້ສະພາບການທີ່ບໍ່ມີຊາຍແດນດັ່ງກ່າວຍິ່ງຮ້າຍແຮງ.ອ່ານຕໍ່ ...

ຄວັນໝອກຫຼົວໄດ້ປົກຄຸມທ້ອງຟ້ານະຄອນຫຼວງວຽງຈັນ ແລະ ເກີດມີມົນລະພິດທາງອາກາດໃນຫຼາຍແຂວງຂອງລາວ.ເຮັດໃຫ້ຊາວເມືອງທັງລາວ ແລະ ຕ່າງປະເທດທີ່ມີຄວາມກັງວົນ ຕິດຕາມສະພາບການຢ່າງໃກ້ຊິດ, ທັງມີການລາຍງານສະຖານະການໃນໂລກອອນໄລ ກ່ຽວກັບລະດັບຝຸ່ນລະອອງຂະໜາດນ້ອຍ (PM) ໃນອາກາດໃນທ້ອງຖິ່ນ ໂດຍການນຳໃຊ້ເຄື່ອງວັດແທກຄຸນນະພາບອາກາດ.ອ່ານຕໍ່ ...

ການບິນລາວໄດ້ມີການກວດກາລະບົບກົນຈັກ ຫຼັງຈາກທີ່ພົບວ່າມີໄຟສັນຍານແຈ້ງເຕືອນກ່ຽວກັບລະບົບເບຣກ ໃນຖ້ຽວບິນຈາກວຽງຈັນໄປນະຄອນຊຽງໄຮ ເຮັດໃຫ້ຕ້ອງບິນກັບສູ່ສະໜາມບິນສາກົນວັດໄຕ ນະຄອນວຽງຈັນ.ເຮືອບິນລຳດັ່ງກ່າວຕ້ອງໄດ້ບິນຢູ່ເໜືອອ່າງເຂື່ອງນ້ຳງື່ມຫຼາຍຮອບເພື່ອຈູດທຳລາຍເຊື້ອເພີງ ກ່ອນທີ່ຈະລົງຈອດທີ່ສະໜາມບິນວັດໄຕໄດ້ຢ່າງປອດໄພ ຕາມການລາຍງານຂອງເວັບໄຊການບິນ Aerolaos.ອ່ານຕໍ່ ...

ຊາວຕ່າງປະເທດທີ່ຕ້ອງການເຮັດວີຊາສຳລັບການພັກອາໄສ ຫຼື ທ່ອງທ່ຽວ ຕ້ອງເພື່ອເວລາລໍຖ້າສອງອາທິດສຳລັບການນັດສຳພາດວີຊາ ຫຼື ການຕໍ່ວີຊາຜ່ານສະຖານກົງສູນໄທປະຈຳນະຄອນວຽງຈັນ, ປະເທດລາວ.ໄລຍະການລໍຖ້າສອງອາທິດດັ່ງກ່າວແມ່ນສຳລັບການນັດໝາຍວີຊາເຂົ້າປະເທດໄທຜ່ານລະບົບວີຊາກົງສູນທີ່ https://thaivisavientiane.com/.ອ່ານຕໍ່ ...

ໂຄງການສະຖາບັນຊຳຊຸງ-ລາວເຕັກໂນ 2019 ຈະເປີດຫຼັກສູດຝຶກອົບຮົມກ່ຽວກັບການຂຽນ app  ແລະ ທັກສະພື້ນຖານໃນການຂຽນໂປຣແກຣມສຳລັບ Android ໃຫ້ແກ່ນັກພັດທະນາໂປຣແກຣມໜຸ່ມລາວ ແລະ ຜູ້ທີ່ສົນໃຈກ່ຽວກັບ app.ປະຈຸບັນມີການເປີດຮັບສະໝັກໂດຍບໍ່ເສຍຄ່າໃຊ້ຈ່າຍ, ຜູ້ທີ່ສົນໃຈສາມາດເຂົ້າສະໝັກຕາມເວັບໄຊ . ຮັບຈຳນວນຈຳກັດພຽງ 40 ຄົນ.ອ່ານຕໍ່ ...

ພິທີເຊັນສັນຍາໄດ້ມີຂຶ້ນໃນມື້ວານນີ້ ທີ່ສຳນັກງານໃຫຍ່ບໍລິສັດການບິນລາວ ວັດໄຕ ລະຫວ່າງທ່ານ ບຸນມາ ຈັນທະວົງສາ ປະທານລັດວິສາຫະກິດການບິນລາວ ແລະ ທ່ານກັບຕັນ ຣິສເຊີວານ ຣາຊິດ ປະທານບໍລິສັດ Avia Nautics.ບໍລິສັດຂອງກັບຕັນຣາຊິດ ຈະທຳໜ້າທີ່ເປັນທີ່ປຶກສາໃຫ້ແກ່ການບິນລາວ ເພື່ອສືບຕໍ່ໂຄງການເສີມຂະຫຍາຍການກວດສອບຄວາມປອດໄພໃນການປະຕິບັດການ IATA (E-IOSA), ເຊິ່ງເປັນລະບົບການປະເມີນຜົນສຳລັບການບໍລິຫານ ແລະ ຄວບຄຸມການປະຕິບັດການຂອງສາຍການບິນ ທີ່ເປັນທີ່ຮັບຮູ້ ແລະ ຍອມຮັບໃນສາກົນ.ການບິນລາວຍັງຄົງສາມາດຮັກສາມາດຕະຖານຄວາມປອດໄພທາງອາກາດໄດ້ເປັນຢ່າງດີ,​ ເຊິ່ງຮັບປະກັນຄວາມປອດໄພຂອງເຮືອບິນແຕ່ລະລຳໃນລະດັບສູງສຸດ ແລະ ຄວາມປອດໄພສຳລັບຜູ້ໂດຍສານ. ການບິນລາວໄດ້ຮັບໃບຢັ້ງຢືນມາດຕະຖານຄວາມປອດໄພ ແລະ ເປັນລະບຽບຮຽບຮ້ອຍໂລກຈາກສະມາຄົມການຂົນສົ່ງທາງອາກາດສາກົນ IATA ໃນທຸກປີ ນັບແຕ່ປີ 2015 ເປັນຕົ້ນມາ.ອ່ານຕໍ່ ...

ເພື່ອເປັນການສົ່ງເສີມສຸຂະພາບ ແລະ ຄວາມປອດໄພຂອງພົນລະເມືອງລາວ, ເຈົ້າຄອງນະຄອນຫຼວງວຽງຈັນໄດ້ອອກມາດຕະການສັ່ງຫ້າມຂາຍເຄື່ອງດື່ມທີ່ມີທາດເຫຼົ້າໃນນະຄອນຫຼວງວຽງຈັນກ່ອນເວລາ 4 ໂມງແລງ.ຕາມຂໍ້ຕົກລົງຂອງເຈົ້າຄອງນະຄອນຫຼວງວຽງຈັນ ລົງວັນທີ  21 ທັນວາ 2018 ວ່າດ້ວຍມາດຕະການຫຼຸດຜ່ອນອຸບັດຕິເຫດ ແລະ ສົ່ງເສີມຄວາມປອດໄພຕາມທ້ອງຖະໜົນ, ເຈົ້າໜ້າທີ່ຈະເລີ່ມມີການກວດກາ ແລະ ປັບໃໝລົງໂທດຫ້າງຮ້ານ ແລະ ກິດຈະການຕ່າງໆທີ່ຈຳໜ່າຍເຄື່ອງດື່ມທີ່ມີທາດເຫຼົ້າທີ່ບໍ່ປະຕິບັດຕາມລະບຽບການ ເລີ່ມແຕ່ວັນທີ 1 ມັງກອນ 2019 ເປັນຕົ້ນໄປ.ອ່ານຕໍ່  ...