ເດິລາວທຽນທາມສ໌

ພາກໃຕ້ຂອງລາວໄດ້ຮັບຜົນກະທົບຈາກໄພນ້ຳຖ້ວມຮ້າຍແຮງ ຫຼັງຈາກພະຍຸເຂດຮ້ອນພັດເຂົ້າຕິດຕໍ່ກັນສອງລູກ.ພື້ນທີ່ໄດ້ຮັບຜົນກະທົບລວມມີແຂວງຈຳປາສັກ, ສາລະວັນ, ເຊກອງ, ອັດຕະປື ແລະ ສະຫວັນນະເຂດ. ປະຊາຊົນໃນພື້ນທີ່ໄດ້ຮັບຜົນກະທົບຮ້າຍແຮງ ແລະ ພະຍາຍາມດິ້ນຮົນເພື່ອປົກປ້ອງທີ່ຢູ່ອາໄສ, ສັດລ້ຽງ ແລະ ເຄື່ອງປູກຂອງຕົນ. 75 ໃນຈຳນວນ 124 ບ້ານຂອງແຂວງສາລະວັນປະສົບກັບໄພນ້ຳຖ້ວມ. ໃນນັ້ນ 41 ບ້ານແມ່ນຂາດການຕິດຕໍ່ກັບເຈົ້າໜ້າທີ່ ແລະ ບໍ່ສາມາດເຂົ້າເຖິງໄດ້.ອ່ານຕໍ່ ...

ລັດຖະບານລາວໄດ້ເນັ້ນເຖິງຄວາມຈຳເປັນຕໍ່ການເຂັ້ມງວດໃນການຄຸ້ມຄອງການແລກປ່ຽນເງິນຕາຕ່າງປະເທດ ທ່າມກາງຊ່ອງຫວ່າງລະຫວ່າງອັດຕາແລກປ່ຽນທາງການກັບອັດຕາແລກປ່ຽນໃນທ້ອງຕະຫຼາດທີ່ເພີ່ມສູງຂຶ້ນ.ໃນກອງປະຊຸມສື່ມວນຊົນໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທີ 19 ສິງຫານີ້,​ ລັດຖະບານໄດ້ຖະແຫຼງວ່າ ຊ່ອງຫວ່າງລະຫວ່າງອັດຕາແລກປ່ຽນທາງການກັບອັດຕາແລກປ່ຽນໃນທ້ອງຕະຫຼາດທີ່ເພີ່ມສູງຂຶ້ນ ໄດ້ສົ່ງຜົນກະທົບທາງລົບຕໍ່ລາຄາສິນຄ້າອຸປະໂພກບໍລິໂພກໃນລາວ.ສິນຄ້າອຸປະໂພກບໍລິໂພກສ່ວນໃຫຍ່ໃນລາວແມ່ນສິນຄ້ານຳເຂົ້າ, ສະນັ້ນເມື່ອຄ່າເງິນກີບອ່ອນລົງ ເມື່ອທຽບກັບເງິນຕາຕ່າງປະເທດສ່ວນໃຫຍ່ ເຊັ່ນ ເງິນໂດລາ ຫຼື ເງິນບາດ, ເຮັດໃຫ້ລາຄາສິນຄ້າເພີ່ມສູງຂຶ້ນເປັນລຳດັບ.ອ່ານຕໍ່ ...

ຕະຫຼາດຫຼັກຊັບລາວ (LSX) ໄດ້ຈັດບໍລິສັດພູສີກໍ່ສ້າງ ແລະ ພັດທະນາ (PCD) ມະຫາຊົນ ເຂົ້າໃນສະຖານະບໍລິສັດ “ທີ່ບໍ່ໜ້າເຊື່ອຖື”, ພາຍຫຼັງທີ່ບໍລິສັດ PDC ບໍ່ສາມາດເປີດເຜີຍບົດລາຍງານກາງປີ ແລະ ບົດລາຍງານປີ 2018 ຂອງຕົນຜ່ານທາງລະບົບຂອງ LSX.ສະຖານະ “ບໍ່ໜ້າເຊື່ອຖື” ຈະຂຶ້ນສະແດງໃນຊື່ໂລໂກຂອງບໍລິສັດ PCD ໃນລະບົບຊື້ຂາຍຫຸ້ນໃນຕະຫຼາດຫຼັກຊັບ ແລະ ທາງເວັບໄຊຕະຫຼາດຫຼັກຊັບນັບແຕ່ວັນທີ 27 ສິງຫາເປັນຕົ້ນໄປ ຈົນກວ່າບໍລິສັດ PCD ຈະສາມາດແກ້ໄຂບັນຫາດັ່ງກ່າວ, ຕາມການແຈ້ງການຂອງຕະຫຼາດຫຼັກຊັບລາວໃນວັນທີ 26 ສິງຫານີ້.ອ່ານຕໍ່ ...

ແໜ ຫຼືພາສາທ້ອງຖິ່ນເອີ້ນວ່າຜັກແໜ ບໍ່ແມ່ນເລື່ອງໃໝ່ສຳລັບປະຊາຊົນລາວຈຳນວນຫຼາຍທີ່ນິຍົມກັນບໍລິໂພກເປັນອາຫານເສີມ. ສິ່ງທີ່ຫຼາຍຄົນຍັງບໍ່ຮູ້ກໍຄື ຜັກດັ່ງກ່າວມີຄຸນຄ່າທາງການຄ້າລະດັບໂລກ.ແໜແມ່ນສາຍພັນພືດທີ່ມີໃບນ້ອຍກົມ, ເກີດຢູ່ຕາມໜ້ານ້ຳ. ສຳລັບຫຼາຍຄົນ ມັນແມ່ນພືດທີ່ມີຢູ່ທົ່ວໄປຕາມຫ້ວຍໜອງຕ່າງໆ.ແໜເປັນແຫຼ່ງອາຫານທີ່ມີທາດໂປຣຕີນສູງຕັ້ງແຕ່ 25 ເຖິງ 45 ສ່ວນຮ້ອຍ, ເຊິ່ງຖືໄດ້ວ່າສູງກວ່າອາຫານຈາກຖົ່ວເຫຼືອງເຊິ່ງມີທາດໂປຣຕີນພຽງແຕ່ 36 ສ່ວນຮ້ອຍ.ອ່ານຕໍ່ ...

ໃນຕອນເຊົ້າຂອງວັນທີ 27 ສິງຫາ ຢູ່ທີ່ກະຊວງການຕ່າງປະເທດຂອງລາວ, ທ່ານ ອານຸສິດ ຄັດຕິຍະລາດ ຮອງຫົວໜ້າຄະນະກຳມະການຊາຍແດນແຫ່ງຊາດ ໄດ້ຈັດຖະແຫຼງຂ່າວຢ່າງເປັນທາງການກ່ຽວກັບສະຖານະການໃນພື້ນທີ່ຊາຍແດນລາວ-ກຳປູເຈຍ.“ໃນອາທິດແລ້ວນີ້ ໄດ້ມີການເຜຍແຜ່ຂໍ້ມູນທີ່ບໍ່ຖືກຕ້ອງຜ່ານທາງສື່ສັງຄົມອອນໄລ ກ່ຽວກັບສະຖານະການຢູ່ຊາຍແດນລາວ-ກຳປູເຈຍ, ເຊິ່ງຝ່າຍລາວແມ່ນຢູ່ຕອນເທິງຂອງເຊລຳເພົາ ເມືອງມູນລະປະໂມກ ແຂວງຈຳປາສັກ ເຊິ່ງມີຊາຍແດນຕິດກັບເມືອງແສບ ແຂວງພະວິຫານ ປະເທດກຳປູເຈຍ.ແຈ້ງຂ່າວຢ່າງເປັນທາງການວ່າ ພື້ນທີ່ດັ່ງກ່າວຍັງມີຄວາມໝັ້ນຄົງດີ, ແລະ ທັງສອງປະເທດກໍ່ບໍ່ມີການປະທະກັນແຕ່ຢ່າງໃດ. ບໍ່ມີສະພາບຄວາມເຄັ່ງຕຶງໃດໆ ແລະ ບໍ່ໄດ້ເກີດບັນຫາໃຫຍ່ຫຼວງໃດໆ. ບໍ່ມີການປະທະກັນທາງທະຫານ ແລະ ບໍ່ມີສະພາບອື່ນໆທີ່ກ່ຽວຂ້ອງໃດໆ.ອ່ານຕໍ່ ...

ອິນເດຍມີແຜນລວມລາວເຂົ້າໃນແຜນຕາຂ່າຍໄຟຟ້າໂລກ, ເພື່ອຮອງຮັບຕໍ່ການປ່ຽນແປງຂອງສະຖາປັດຕະຍະກຳຄວາມໝັ້ນຄົງດ້ານພະລັງງານ.ປະເທດອິນເດຍຈະປ້ອງກັນບົດສະເໜີກ່ຽວກັບຕາຂ່າຍໄຟຟ້າໃນກອງປະຊຸມໃຫຍ່ຄັ້ງທີສອງຂອງອົງການພັດທະມິດພະລັງງານແສງອາທິດສາກົນ (ISA) ເຊິ່ງຈະຈັດຂຶ້ນຢູ່ເມືອງນິວເດລີ ໃນວັນທີ 30 ຕຸລາ ເຖິງ 2 ພະຈິກນີ້, ຕາມການລາຍງານຂອງສຳນັກຂ່າວ Livemint.ນອກຈາກປະເທດລາວ, ອິນເດຍຍັງມີເປົ້າໝາຍເລີ່ມຕົ້ນການເຊື່ອມຕໍ່ກັບປະເທດຕ່າງໆເຊັ່ນ ມຽນມາ, ໄທ, ກຳປູເຈຍ ແລະ ຫວຽດນາມ.ອ່ານຕໍ່ ...

ລາວໄດ້ເປີດໂຕໂຄງການລົດໄຟຟ້າໃໝ່, ຮ່ວມກັບບັນດາປະເທດເພື່ອນບ້ານໃນພາກພື້ນອາຊີຕາເວັນອອກສຽງໃຕ້ ໃນຂະນະທີ່ຕະຫຼາດລົດໄຟຟ້າກຳລັງຂະຫຍາຍຕົວ.ລັດວິສາຫະກິດໄຟຟ້າລາວ ແລະ ບໍລິສັດ EV ລາວນະຄອນຫຼວງວຽງຈັນໄດ້ຮ່ວມກັນຈັດຕັ້ງໂຄງການດັ່ງກ່າວຂຶ້ນ, ເຊິ່ງມີຈຸດປະສົງເພື່ອສົມທຽບຕົ້ນທຶນຂອງການນຳໃຊ້ທີ່ແລ່ນດ້ວຍພະລັງງານໄຟຟ້າ ແລະ ແລ່ນດ້ວຍນ້ຳມັນເຊື້ອໄຟຈາກຊາກດຶກດຳບັນ, ກໍຄືມາດຕະການດ້ານຄວາມປອດໄພ ແລະ ເພື່ອຮັບປະກັນຄຸນນະພາບຂອງຍານພາຫະນະດັ່ງກ່າວ.ອ່ານຕໍ່ ...

ລາວຊະນະນັກລົງທຶນຕ່າງຊາດໃນການໄກ່ເກ່ຍຄະດີຂອງສານສາກົນ ກ່ຽວກັບອຸດສາຫະກຳກາຊີໂນ.ສານສູນແກ້ໄຂຂໍ້ຂັດແຍ່ງດ້ານການລົງທຶນສາກົນ (ICSID) ໄດ້ຕັດສິນຄະດີທີ່ຍື່ນຟ້ອງໂດຍບໍລິສັດ Lao Holdings NV (LHNV) ຂອງເນເທີແລນ ທີ່ຟ້ອງຮ້ອງລັດຖະບານລາວ ໂດຍກ່າວຫາວ່າລາວລະເມີດສັນຍາການລົງທຶນພາຄີລະຫວ່າງເນທີແລນ ແລະ ລາວ.ທາງສານກ່າວວ່າ ບໍລິສັດ LHNV “ບໍ່ມີນ້ຳໜັກພໍໃນການພິສູດ” ສຳລັບຄະດີດັ່ງກ່າວ ແລະ ສັ່ງໃຫ້ບໍລິສັດຈ່າຍເງິນເພີ່ມເຕີມໃຫ້ແກ່ລັດຖະບານລາວຈຳນວນ 481,623 ໂດລາ ເພື່ອເປັນສ່ວນເພີ່ມເຕີມຂອງເງິນລ່ວງໜ່້າຂອງລັດຖະບານໃຫ້ແກ່ກອງທຶນ ICSID.ອ່ານຕໍ່ ...

ລັດວິສາຫະກິດລົດເມນະຄອນຫຼວງວຽງຈັນ ຜູ້ໃຫ້ບໍລິການລົດເມໂດຍສານໃນນະຄອນຫຼວງວຽຈັນ ກຳລັງຈະເລີ່ມການນຳໃຊ້ລະບົບການຈ່າຍຄ່າໂດຍສານແບບອີເລັກໂທຣນິກໂດຍບໍ່ໃຊ້ເງິນສົດສຳລັບລົດໂດຍສານບາງສາຍໃນນະຄອນຫຼວງວຽງຈັນ.ປະຈຸບັນ ຜູ້ໂດຍສານລົດເມສາຍສະໜາມບິນ ແລະ ສູນການຄ້າລາວ-ໄອເຕັກ ສາມາດຈ່າຍຄ່າໂດຍສານຜ່ານລະບົບບໍລິການກອງທຶນຂອງ ທພລ, ເຊິ່ງເປັນລະບົບການຈ່າຍເງິນຜ່ານລະຫັດ QR code ຂອງທະນາຄານພັດທະນາລາວ (ທພລ).ນອນນີ້ ລູກຄ້າຍັງສາມາດຈ່າຍເງິນໂດຍໃຊ້ບັດ VISA, MasterCard, UnionPay ແລະ JCB, ຕາມຮູບຖ່າຍການບໍລິການທີ່ເຜີຍແຜ່ໂດຍອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ປະຈຳລາວ.ອ່ານຕໍ່  ...

ແມງໄມ້ທີ່ກິນໄດ້ ໄດ້ສ້າງຄວາມສົນໃຈໃນເວທີສາກົນໃນປີ 2013, ເມື່ອອົງການອາຫານ ແລະ ການກະເສດ (FAO) ໄດ້ເຜີຍແຜ່ບົດລາຍງານ ເຊິ່ງຢັ້ງຢືນວ່າແມງໄມ້ອາດເປັນຊ່ອງທາງໜຶ່ງໃນການແກ້ໄຂບັນຫາການຂາດແຄນດ້ານສະບຽງອາຫານຂອງໂລກ.ໃນນີ້​ ອົງການ FAO ໄດ້ໃຫ້ຂໍ້ສັງເກດວ່າ ແມງໄມ້ເປັນສິນຄ້າອາຫານໃນຍາມສຸກເສີນ ທ່າມກາງບັນຫາທີ່ເກີດຂຶ້ນໃນສັດຕະວັດທີຊາວເອັດເນື່ອງຈາກຄ່າອາຫານທາດຊີ້ນທີ່ເພີ່ມສູງຂຶ້ນ, ຄວາມບໍ່ໝັ້ນຄົງຂອງສິນຄ້າສະບຽງອາຫານ, ຄວາມກົດດັນຕໍ່ສິ່ງແວດລ້ອມ ແລະ ການຂະຫຍາຍຕົວຂອງປະຊາກອນ.ອ່ານຕໍ່ ...