ຂປລ-ຂ່າວສານປະເທດລາວ

(ຂປລ) ໃນວັນທີ 18 ກໍລະກົດຜ່ານມາ ກະຊວງຍຸດຕິທຳໄດ້ຈັດກອງປະຊຸມປຶກສາຫາລື ກ່ຽວກັບການດັດແກ້ຮ່າງກົດໝາຍວ່າດ້ວຍການຟື້ນຟູ ແລະ ການລົ້ມລະລາຍຂອງວິສາຫະກິດ. ຮ່າງກົດໝາຍດັ່ງກ່າວຄາດວ່າຈະຍື່ນສະເໜີຕໍ່ສະພາແຫ່ງຊາດເພື່ອພິຈາລະນາຮັບຮອງເອົາໃນໄວໆນີ້.ກອງປະຊຸມດັ່ງກ່າວໄດ້ຈັດຂຶ້ນຢູ່ນະຄອນຫຼວງວຽງຈັນ ພາຍໃຕ້ການຊ້ອງໜ້າຂອງທ່ານ ເສີມສຸກ ສິມພະວົງ ຮອງລັດຖະມົນຕີກະຊວງຍຸດຕິທຳ ແລະ ທ່ານ ນິນາ ໂມເຊວາ ຫົວໜ້າຊ່ຽວຊານຂະແໜງການເງິນຂອງກຸ່ມທະນາຄານໂລກ ພ້ອມດ້ວຍເຈົ້າໜ້າທີ່ທີ່ກ່ຽວຂ້ອງ.ອ່ານຕໍ່ ...

(ຂປລ) ສະຫະລັດສືບຕໍ່ແບ່ງປັນຄວາມຮູ້ ແລະ ການຮ່ວມມືກັບນັກວິທະຍາສາດໜຸ່ມລາວກ່ຽວກັບບັນຫາທ້າທາຍດ້ານສຸຂະພາບທີ່ສຳຄັນ.ໃນວັນທີ 1 ກໍລະກົດນີ້ ພະນັກງານຈາກສະຖານທູດສະຫະລັດ, ກະຊວງສາທາລະນະສຸກ ແລະ ມະຫາວິທະຍາໄລແຫ່ງຊາດ ໄດ້ຕ້ອນຮັບກຸ່ມນັກວິທະຍາສາດ 33 ຄົນຈາກລາວ, ກຳປູເຈຍ, ມຽນມາ, ໄທ ແລະ ຫວຽດນາມ ເພື່ອສະເຫຼີມສະຫຼອງການເປີດໂຄງການລິເລີ່ມໃນພາກພື້ນລຸ່ມແມ່ນ້ຳຂອງຂອງນັກວິທະຍາສາດໜຸ່ມ.ອ່ານຕໍ່ ...

(ຂປລ) ຊ່ຽວຊານ, ເຈົ້າໜ້າທີ່ລັດຖະບານ ແລະ ຄູ່ຮ່ວມພັດທະນາໄດ້ຮ່ວມປະຊຸມທີ່ນະຄອນຫຼວງວຽງຈັນໃນອາທິດນີ້ ເພື່ອຫາລືວິທີການໃນການປັບຕົວ ແລະ ນຳໃຊ້ຊຸດບໍລິການທີ່ຈຳເປັນ (Essential Service Package) ເພື່ອເປັນເຄື່ອງມືໃນການໃຫ້ບໍລິການທີ່ຈຳເປັນສຳລັບແມ່ຍິງ ແລະ ເດັກຍິງທີ່ຕົກເປັນເຫຍື່ອຂອງການໃຊ້ຄວາມຮຸນແຮງ.ສະຫະພັນແມ່ຍິງລາວໄດ້ເປັນເຈົ້າພາບຈັດກອງປະຊຸມປຶກສາຫາລືລະຫວ່າງຜູ້ມີສ່ວນຮ່ວມຫຼາຍພາກສ່ວນກ່ຽວກັບການນຳໃຊ້ ຊຸດບໍລິການທີ່ຈຳເປັນ (Essential Service Package) ເປັນຄັ້ງທຳອິດໃນລະຫວ່າງວັນທີ 8-9 ກໍລະກົດ 2019.ກອງປະຊຸມດັ່ງກ່າວຍັງໄດ້ແນໃສ່ສົ່ງເສີມການປະສານງານ ແລະ ເປັນຊ່ອງທາງອ້າງອີງໃນກຸ່ມຜູ້ໃຫ້ບໍລິການ ເພື່ອປັບປຸງການສະກັດກັ້ນ ແລະ ການຮັບມືກັບການໃຊ້ຄວາມຮຸນແຮງທາງເພດ.ອ່ານຕໍ່ ...

(ຂປລ) ທ່ານ ເຣນາ ພິດເຊີ ເອກອັກຄະລັດຖະທູດສະຫະລັດປະຈຳລາວໄດ້ມອບມຸ້ງກັນຍຸງປະມານ 174,000 ດາງໃຫ້ແກ່ທ່ານ ຄຳພອນ ພຸດທະວົງ ຮອງລັດຖະມົນຕີກະຊວງສາທາລະນະສຸກ ທີ່ນະຄອນຫຼວງວຽງຈັນໃນວັນທີ 9 ກໍລະກົດຜ່ານມາ.ມຸ້ງກັນຍຸງຈຳນວນດັ່ງກ່າວຈະໄດ້ນຳໄປແຈກຢາຍໃຫ້ແກ່ຊຸມຊົນໃນຊົນນະບົດ ຢູ່ໃນພື້ນທີ່ແຂວງຈຳປາສັກທາງພາກໃຕ້ ທີ່ມີກໍລະນີຜູ້ຕິດເຊື້ອໄຂ້ຍຸງສູງ.ອ່ານຕໍ່  ...

(ຂປລ) ປະລິມານນ້ຳທີ່ປ່ອຍຈາກອ່າງເຂື່ອນໄຟຟ້າຊຽງຮຸ່ງ ມົນທົນຢຸນນານປະເທດຈີນ ຈະມີການເໜັງຕີງປ່ຽນແປງແຕ່ວັນທີ 5-19 ກໍລະກົດ 2019 ຕາມການແຈ້ງການຂອງກະຊວງຊັບພະຍາກອນນ້ຳຂອງຈີນ ເຊິ່ງໄດ້ສຳເນົາສົ່ງໃຫ້ເລຂາທິການຄະນະກຳມາທິການແມ່ນ້ຳຂອງໃນວັນທີ 3 ກໍລະກົດ.ເຖິງຈະມີການຄາດຄະເນວ່າປະລິມານຝົນຈະເພີ່ມຂຶ້ນ ທັງລະດູຝົນກໍໄດ້ເລີ່ມຄືບຄານເຂົ້າມາ, ການປ່ຽນແປງຂອງລະດັບນ້ຳດັ່ງກ່າວຄາດວ່າຈະບໍ່ສົ່ງຜົນກະທົບຫຼາຍ.ຕາມແຈ້ງການດັ່ງກ່າວມີໃຈຄວາມວ່າ ແຕ່ວັນທີ 5-9 ກໍລະກົດ ປະລິມານນ້ຳທີ່ປ່ອຍຈາກອ່າງເຂື່ອນຊຽງຮຸ່ງຈະເລີ່ມຫຼຸດລົງປະມານເຄິ່ງໜຶ່ງຈາກ 1,050 – 1,250 ແມັດກ້ອນຕໍ່ວິນາທີ (m3/s) ມາເປັນ 504-600 m3/s.ອ່ານຕໍ່   ...

(ຂປລ) ຕາມຄວາມເຫັນດີ ແລະ ຄຳເຊີນຂອງລັດຖະບານລາວ, ທ່ານ ຟິລິບ ອາວສ໌ຕັນ ທູດພິເສດຂອງອົງການສະຫະປະຊາຊາດດ້ານຄວາມທຸກຍາກ ແລະ ສິດທິມະນຸດໄດ້ເດີນທາງມາຢ້ຽມຢາມ ສປປ ລາວ ໃນວັນທີ 18-28 ມີນາ 2019. ຈຸດປະສົງຂອງການຢ້ຽມຢາມດັ່ງກ່າວແມ່ນເພື່ອປະເມີນ ແລະ ຢືນຢັນລະດັບຄວາມທຸກຍາກທີ່ຍັງມີຢູ່ໃນລາວ, ລວມທັງນຳສະເໜີສາເຫດ ແລະ ທິດທາງການພັດທະນາໃນຕໍ່ໜ້າສຳລັບລັດຖະບານລາວ, ກໍຄືລາຍງານຜົນສຳເລັດ ແລະ ສິ່ງທ້າທາຍໃນການສົ່ງເສີມ ແລະ ປົກປ້ອງສິດທິຂອງປະຊາຊົນລາວທີ່ຍັງຢູ່ພາຍໃຕ້ຄວາມທຸກຍາກ.ອ່ານຕໍ່ ...

(ຂປລ) ສູນຮ່ວມມືລາວ-ສິງກະໂປ (LSCC) ໄດ້ມີການເປີດຕົວຢ່າງເປັນທາງການໃນວັນທີ 24 ມິຖຸນານີ້ ເຊິ່ງມີຈຸດປະສົງໃນການສົ່ງເສີມການຮ່ວມມືລະຫວ່າງຜູ້ມີສ່ວນຮ່ວມພາກສ່ວນຕ່າງໆ ເພື່ອນຳເອົາຄວາມຮູ້ ແລະ ທັກສະໃໝ່ໆເຂົ້າມາແກ້ໄຂບັນຫາໃນການພັດທະນາ.ສູນດັ່ງກ່າວຕັ້ງຢູ່ຊັ້ນ 5 ຂອງອາຄານໂຕໂກປະກັນໄພ, ບ້ານບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ.ອ່ານຕໍ່  ...

(ຂປລ) ບົດລາຍງານ “ການສຶກສາວິໄຈຄວາມຂາດເຂີນຂອງເດັກອາຍຸຫຼຸດຫ້າປີແບບທັບຊ້ອນ, ສປປ ລາວ” ເຊິ່ງເຜີຍແຜ່ໃນວັນທີ 20 ມິຖຸນາ ສະແດງວ່າ ໃນລະດັບສູນກາງ ແລະ ລະດັບແຂວງ ເດັກເຕ້ຍໃນລາວມີຄວາມຂາດເຂີນຢ່າງໜ້ອຍສາມດ້ານຂຶ້ນໄປ, ເຊິ່ງບົດລານງາຍໄດ້ເນັ້ນໃຫ້ເຫັນເຖິງຄວາມສຳພັນທີ່ສູງລະຫວ່າງອັດຕາເດັກເຕ້ຍ ແລະ ຄວາມທຸກຍາກໃນຫຼາຍດ້ານໃນລາວ ແລະ ແນະນຳວ່າ ການຫຼຸດຜ່ອນອັດຕາເດັກເຕ້ຍສາມາດເຮັດໄດ້ຍ້ອນການຫຼຸດຜ່ອນຄວາມທຸກຍາກໃນຂົງເຂດຕ່າງໆ.ບົດລາຍງານສະແດງວ່າ ໃນຈຳນວນເດັກເຕ້ຍ 33% ມີ 32% ທີ່ຢູ່ໃນພາລະເຕ້ຍ ແລະ ຂາດແຄນໃນການເຂົ້າເຖິງໂພຊະນາການທີ່ດີ, ສຸຂະພາບ, ທີ່ຢູ່ອາໄສ, ນ້ຳ ແລະ ສຸຂາພິບານ, ການຫຼິ້ນ ແລະ ການສົ່ງເສີມພັດທະນາການ ແລະ ດ້ານອື່ນໆ.ອ່ານຕໍ່ ...

(ຂປລ) ກອງປະຊຸມປຶກສາຫາລືບັນຫາທີ່ກ່ຽວຂ້ອງກັບເດັກນ້ອຍໄດ້ມີຂຶ້ນໃນວັນທີ 17 ມິຖຸນາ ທີ່ເມືອງສາມັກຄີໄຊ ແຂວງອັດຕະປື, ພາຍໃຕ້ການເປັນປະທ່ານຮ່ວມຂອງທ່ານ ຮສ ປອ ສົມອົກ ກິ່ງສະດາ ຮອງປະທານສູນການແນວລາວສ້າງຊາດ ແລະ ທ່ານນາງ ສີສະຫວັນ ແສງໄພບູນ ປະທານແນວລາວແຂວງອັດຕະປື.ເຂົ້າຮ່ວມໃນກອງປະຊຸມດັ່ງກ່າວມີພະນັກງານກວ່າ 40 ຄົນຈາກຫ້ອງການແນວລາວຫ້າຕົວເມືອງ ແລະ ພະແນກການທີ່ກ່ຽວຂ້ອງຂອງແຂວງ.ອ່ານຕໍ່ ...

(ຂປລ) ໃນຊ່ວງຫົກເດືອນມານີ້ ໃນລາວພົບຜູ້ເສຍຊີວິດຍ້ອນພະຍາດໄຂ້ເລືອດອອກແລ້ວ 14 ຄົນ ເຊິ່ງໃນນັ້ນນະຄອນຫຼວງວຽງຈັນມີ 5 ກໍລະນີ, ແຂວງສະຫວັນນະເຂດ ແລະ ຈຳປາສັກແຂວງລະ 3 ກໍລະນີ, ແຂວງສາລະວັນ 2 ກໍລະນີ ແລະ ຂວງບໍລິຄຳໄຊ 1 ກໍລະນີ.ສູນວິເຄາະ ແລະ ລະບາດວິທະຍາ ພາຍໃຕ້ກະຊວງສາທາລະນະສຸກ ລາຍງານວ່າໄດ້ກວດພົບການລະບາດຂອງພະຍາດທີ່ມາຈາກຍຸງຫຼາຍພັນກໍລະນີໃນທົ່ວປະເທດ, ເຊັ່ນ ແຂວງຈຳປາສັກມີຢ່າງໜ້ອຍ 1,500 ກໍລະນີ, ສະຫວັນນະເຂດ 719 ກໍລະນີ, ນະຄອນຫຼວງວຽງຈັນ 718 ກໍລະນີ, ອັດຕະປື 466 ກໍລະນີ, ຫຼວງນ້ຳທາ 266 ກໍລະນີ, ຄຳມ່ວນ 234 ກໍລະນີ, ສາລະວັນ 244 ກໍລະນີ, ບໍລິຄຳໄຊ 135 ກໍລະນີ, ເຊກອງ 69 ກໍລະນີ, ແຂວງວຽງຈັນ ...