News

ຊາວໜຸ່ມກວ່າ 300 ຄົນຈາກທົ່ວປະເທດໄດ້ເຂົ້າຮ່ວມປະຊຸມຢູ່ສູນກາງຊາວໜຸ່ມປະຊາຊົນປະຕິວັດລາວ ນະຄອນຫຼວງວຽງຈັນໃນວັນພຸດຜ່ານມານີ້ ເພື່ອສະເຫຼີມສະຫຼອງວັນຊາວໜຸ່ມສາກົນ (12 ສິງຫາ) ພາຍໃຕ້ຫົວຂໍ້ທົ່ວໂລກ “ການປະຕິຮູບການສຶກສາ.”ພາຍໃຕ້ການສະໜັບສະໜູນຂອງອົງການກອງທຶນເພື່ອປະຊາກອນ ສະຫະປະຊາຊາດ (UNFPA) ແລະ ສູນການຊາວໜຸ່ມປະຊາຊົນປະຕິວັດລາວ, ວັນຊາວໜຸ່ມສາກົນ ໄດ້ເປີດໂອກາດໃຫ້ມີການສະເຫຼີມສະຫຼອງ ແລະ ສົ່ງເສີມການປະກອບສ່ວນຂອງຊາວໜຸ່ມໃນຂົງເຂດການສຶກສາ ແລະ ການສົ່ງເສີມບົດບາດຂອງຊາວໜຸ່ມໃນການເພີ່ມທະວີຄວາມສະເໝີພາບ ແລະ ຄວາມເທົ່າທຽມດ້ານການສຶກສາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພະນະທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ກ່າວຕໍ່ລັດຖະມົນຕີ ແລະ ອຳນາດການປົກຄອງທ້ອງຖິ່ນ ໃຫ້ສືບຕໍ່ມີສະຕິລະມັດລະວັງໃນການຄວບຄຸມການລະບາດຂອງພະຍາດໄຂ້ເລືອດອອກ ແລະ ພະຍາດອະຫິວາໝູອາຟຣິກາຢູ່ແຂວງສາລະວັນ.ພະນະທ່ານນາຍົກໄດ້ໃຫ້ຄຳຊີ້ນຳດັ່ງກ່າວໃນຂະນະລົງຢ້ຽມຢາມພື້ນທີ່ແຂວງພາກໃຕ້ ເຊິ່ງເປັນສ່ວນໜຶ່ງຂອງການເດີນທາງຢ້ຽມຢາມແຂວງພາກກາງ ແລະ ພາກໃຕ້ ເພື່ອສົ່ງເສີມຄວາມສາມາດດ້ານການຜະລິດໃຫ້ສູງຂຶ້ນ ແລະ ໃຫ້ທິດຊີ້ນຳກ່ຽວກັບບັນຫາທີ່ເກີດຂຶ້ນໃນທ້ອງຖິ່ນ.ອ່ານຕໍ່ ...

ແມງໄມ້ທີ່ກິນໄດ້ ໄດ້ສ້າງຄວາມສົນໃຈໃນເວທີສາກົນໃນປີ 2013, ເມື່ອອົງການອາຫານ ແລະ ການກະເສດ (FAO) ໄດ້ເຜີຍແຜ່ບົດລາຍງານ ເຊິ່ງຢັ້ງຢືນວ່າແມງໄມ້ອາດເປັນຊ່ອງທາງໜຶ່ງໃນການແກ້ໄຂບັນຫາການຂາດແຄນດ້ານສະບຽງອາຫານຂອງໂລກ.ໃນນີ້​ ອົງການ FAO ໄດ້ໃຫ້ຂໍ້ສັງເກດວ່າ ແມງໄມ້ເປັນສິນຄ້າອາຫານໃນຍາມສຸກເສີນ ທ່າມກາງບັນຫາທີ່ເກີດຂຶ້ນໃນສັດຕະວັດທີຊາວເອັດເນື່ອງຈາກຄ່າອາຫານທາດຊີ້ນທີ່ເພີ່ມສູງຂຶ້ນ, ຄວາມບໍ່ໝັ້ນຄົງຂອງສິນຄ້າສະບຽງອາຫານ, ຄວາມກົດດັນຕໍ່ສິ່ງແວດລ້ອມ ແລະ ການຂະຫຍາຍຕົວຂອງປະຊາກອນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) — ຄະນະກຳມາທິການແມ່ນ້ຳຂອງ (MRC) ກຳລັງຕິດຕາມການໄຫຼຂອງນ້ຳໃນແມ່ນ້ຳຂອງຢ່າງໃກ້ຊິດ ທ່າມກາງໄພຂົ່ມຂູ່ທີ່ເພີ່ມທະວີຂຶ້ນຈາກການປ່ຽນແປງຂອງສະພາບອາກາດ.“ພາຍໃຕ້ສະພາບໃນປະຈຸບັນທີ່ການໄຫຼຂອງກະແສນ້ຳມີຕ່ຳ ແລະ ໄພແຫ້ງແລ້ງທີ່ຮ້າຍແຮງເປັນປະຫວັດສາດ, MRC ກຳລັງມີການຄາດຄະເນ ແລະ ແຈ້ງຂໍ້ມູນຂ່າວສານຕໍ່ພາກສ່ວນກ່ຽວຂ້ອງກ່ຽວກັບການປ່ຽນແປງການໄຫຼຂອງນ້ຳໃນແມ່ນ້ຳຂອງ, ເພື່ອໃຫ້ບັນດາປະເທດ ແລະ ຊຸມຊົນໃນຂົງເຂດລຸ່ມແມ່ນ້ຳຂອງໄດ້ກຽມຕົວ ແລະ ວາງແຜນຮັບມື,” ທ່ານ ປອ ສຸເທ ເຂັມ ຜູ້ຊ່ຽວຊານການປະເມີນແມ່ນ້ຳຂອງຄະນະເລຂາທິການ MRC ກ່າວໃນອາທິດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານໂລກໄດ້ແນະນຳໃຫ້ປະເທດລາວປ່ອຍຄ່າເງິນຕາຂອງຕົນໃຫ້ເປັນໄປຕາມກະແສຂອງຕະຫຼາດ ໃນຂະນະທີ່ປະເທດຕ່າງໆໄດ້ມີການປະກາດຫຼຸດອັດຕາດອກເບ້ຍ ທ່າມກາງສົງຄາມການຄ້າລະຫວ່າງສະຫະລັດ ແລະ ຈີນ.ທ່ານ ສົມນຶກ ດາວວະດິງ ນັກເສດຖະສາດລະດັບສູງຂອງທະນາຄານໂລກ ໄດ້ໃຫ້ຄຳແນະນຳດັ່ງກ່າວໃນການເປີດຕົວບົດລາຍງານການຕິດຕາມເສດຖະກິດຂອງລາວສະບັບຫຼ້າສຸດໃນວັນຈັນຜ່ານມາ, ພາຍຫຼັງທະນາຄານກາງຂອງສະຫະລັດ ໄດ້ແຈ້ງຫຼຸດອັດຕາດອກເບ້ຍເພື່ອຫຼຸດຜ່ອນຜົນກະທົບຈາກຄວາມເຄັ່ງຕຶງທາງການຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຖ້ຳເກົາເລົາ ບ້ານນ້ຳແອ໋ງ ເມືອງວຽງພູຄາ ແຂວງຫຼວງນ້ຳທາ ຈະກັບມາເປີດໃຫ້ບໍລິການໃນທ້າຍປີນີ້ ຫຼັງຈາກທີ່ມີການປິດຊົ່ວຄາວເປັນເວລາຫ້າເດືອນເພື່ອປັບປຸງສິ່ງອຳນວຍຄວາມສະດວກສຳລັບນັກທ່ອງທ່ຽວ.ທ່ານ ສີວິໄລ ປັນແກ້ວ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງຫຼວງນ້ຳທາ ໄດ້ລາຍງານຕໍ່ສຳນັກຂ່າວວຽງຈັນທາມສ໌ໃນວັນຈັນນີ້ວ່າ ທາງພະແນກໄດ້ຕັດສິນໃຈປິດຖ້ຳທີ່ມີຊື່ສຽງດັ່ງກ່າວເປັນການຊົ່ວຄາວ ຍ້ອນວ່າສິ່ງອຳນວຍຄວາມສະດວກບໍ່ພຽງພໍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄົນລາວ ແລະ ຕ່າງປະເທດສາມາດນຳໃຊ້ການບໍລິການຈ່າຍເງິນຜ່ານ Alipay ໄດ້ແລ້ວທີ່ທະນາຄານພັດທະນາລາວ (ທພລ). ນອກຈາກນີ້ ທາງທະນາຄານຍັງກະກຽມທີ່ຈະເສີມຂະຫຍາຍການຮ່ວມມືກັບບັນດາຄູ່ຮ່ວມງານສາກົນໃນຕ່າງປະເທດ ແລະ ຄາດວ່າຈະກ້າວເຂົ້າສູ່ຕະຫຼາດຫຼັກຊັບໃນອະນາຄົດຕໍ່ໜ້າ.ທພລ ໄດ້ມີການຮ່ວມມືກັບບໍລິສັດ UnionPay ແລະ Alipay ຂອງຈີນ, ເຊິ່ງເປັນຜູ້ນຳດ້ານເທັກໂນໂລຢີການເງິນດັ່ງກ່າວ, ແລະ ສາຂາສະຖາບັນການເງິນຕ່າງປະເທດ ແລະ ໜ່ວຍປະກອບການຂອງທະນາຄານຈີນໃນລາວ, ສຳລັບການເຄື່ອນໄຫວແລກປ່ຽນເງິນກີບ ແລະ ເງິນຢວນ.ອ່ານຕໍ່ ...

ກິດຈະກຳຝຶກອົບຮົມສຳລັບຊາວໜຸ່ມລາວ ກ່ຽວກັບວິທີທີ່ດີທີ່ສຸດໃນການດຶງດູດຄວາມສົນໃຈຂອງມະຫາຊົນຕໍ່ກັບສົນທິສັນຍາກ່ຽວກັບສິດທິເດັກຜ່ານສື່ວິທະຍຸ ແລະ ສື່ສັງຄົມອອນໄລ ໄດ້ຈັດຂຶ້ນຢູ່ເມືອງປາກຊັນ ແຂວງບໍລິຄຳໄຊ.ກິດຈະກຳໄລຍະສາມວັນດັ່ງກ່າວແຕ່ວັນອັງຄານເຖິງວັນພະຫັດອາທິດແລ້ວນີ້ ແມ່ນຈັດໂດຍສາຖານນີວິທະຍຸກະຈາຍສຽງແຫ່ງຊາດ ພາຍໃຕ້ການສະໜັບສະໜູນຂອງອົງການຢູນິເຊັບ.ກິດຈະກຳດັ່ງກ່າວຍັງເປັນການສະເຫຼີມສະຫຼອງວັນສ້າງຕັ້ງສື່ຊາວໜຸ່ມລາວຄົບຮອບ 15 ປີ  (2004-2019) ແລະ ວັັນສ້າງຕັ້ງສື່ມວນຊົນ ແລະ ການພິມຈຳໜ່າຍວັນທີ 13 ສິງຫາ ຄົບຮອບ 69 ປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການກອງທຶນການເງິນສາກົນ (IMF) ຄາດວ່າທ່າອ່ຽງການຂະຫຍາຍຕົວດ້ານເສດຖະກິດຂອງລາວມີແນວໂນ້ມທີ່ດີໃນຊຸມປີຕໍ່ໜ້າ ເຖິງຈະຜະເຊີນກັບຂໍ້ຫຍຸ້ງຍາກໃນປະຈຸບັນ. ສະຖານບັນການເງິນສາກົນໄດ້ເປີດເຜີຍຕົວເລກຄາດຄະເນເສດຖະກິດໃນອາທິດແລ້ວນີ້ ເຊິ່ງເປັນສ່ວນໜຶ່ງຂອງການປະຊຸມຫາລືກັບປະເທດສະມາຊິກຕາມມາດຕາ 4 (Article 4 Consultation) ກ່ຽວກັບພາລະກິດຂອງ ສປປ ລາວ, ເຊິ່ງຈັດຂຶ້ນຢູ່ວຽງຈັນໃນເດືອນພຶດສະພານີ້.ການຄາດຄະເນສະແດງໃຫ້ເຫັນວ່າ ການລົງທຶນຂອງຂະແໜງເອກະຊົນຢ່າງຕໍ່ເນື່ອງ, ການເພີ່ມຂຶ້ນຂອງການສົ່ງອອກກະແສໄຟຟ້າ ແລະ ການສຳເລັດໂຄງການເສັ້ນທາງລົດໄຟລາວ-ຈີນ ຈະຊ່ວຍສົ່ງເສີມການຂະຫຍາຍຕົວດ້ານເສດຖະກິດໃຫ້ໄປເຖິງ 7 ເປີເຊັນໃນໄລຍະກາງ.ອ່ານຕໍ່  ...

ມູນນິທິເຟຼັດຮາໂລວສ໌ ໄດ້ໃຫ້ທຶນຊ່ວຍເຫຼືອກວ່າ 430 ລ້ານກີບ (US$50,000 ໂດລາ) ເພື່ອເປັນຄ່່າໃຊ້ຈ່າຍໃຫ້ແກ່ພະນັກງານກະຊວງສາທາລະນະສຸກ ໃນການລົງປະຕິບັດງານນອກພື້ນທີ່ນະຄອນຫຼວງວຽງຈັນ.ທ່ານ ດຣ ພຸກ ຫວຽນ ທັນ ຫົວໜ້າມູນນິທິຮອລໂລວເຟຼດພາກພື້ນອາຊີຕາເວັນອອກ, ແລະ ທ່ານ ດຣ ບຸນແຝງ ພົມມະໄລສິດ ຫົວໜ້າຫ້ອງການປະກັນສຸຂະພາບກະຊວງ ໄດ້ລົງນາມໃນບົດບັນທຶກຄວາມເຂົ້າໃຈກ່ຽວກັບທຶນຊ່ວຍເຫຼືອດັ່ງກ່າວ ທີ່ນະຄອນວຽງຈັນໃນອາທິດແລ້ວນີ້.ທ່ານ ດຣ. ບຸນແຝງ ໄດ້ກ່າວວ່າ ທຶນຊ່ວຍເຫຼືອດັ່ງກ່າວພາຍໃຕ້ການສະໜັບສະໜູນຂອງມູນນິທິ ແມ່ນສຳລັບເຈົ້າໜ້າທີ່ກະຊວງເພື່ອນຳໃຊ້ໄປເຖິງເດືອນກຸມພາ 2020.ອ່ານຕໍ່ ...