News

ໃນວັນທີ 28 ສິງຫານີ້ ສານປະຊາຊົນເແຂວງກວາງບິນ ປະເທດຫວຽດນາມ ໄດ້ຕັດສິນປະຫານຊີວິດນັກຄ້າຢາເສບຕິດຄົນລາວ ໃນຄະດີຄ້າຢາມ້າ 308.6 ກິໂລໃນປະເທດຫວຽດນາມ.ຜູ້ຕ້ອງໂທດຊື່ວ່າທ. ເຊັງ ວ່າງ ເກີດເມື່ອວັນທີ 6 ສິງຫາ 1995, ອາໄສຢູ່ແຂວງບໍລິຄຳໄຊຂອງລາວ.ຈາກສຳນວນຄະດີ, ສາມເດືອນກ່ອນຖືກຈັບກຸມ ຜູ້ກ່ຽວໄດ້ຮູ້ຈັກກັບທ. ຫາງ ອາ ຊີນ, ຊາວຫວຽດນາມ ເກີດປີ 1996, ແລະ ອາໄສຢູ່ເຂດພູສູງໃນແຂວງດັກນອງ.ອ່ານຕໍ່ ...

ແໜ ຫຼືພາສາທ້ອງຖິ່ນເອີ້ນວ່າຜັກແໜ ບໍ່ແມ່ນເລື່ອງໃໝ່ສຳລັບປະຊາຊົນລາວຈຳນວນຫຼາຍທີ່ນິຍົມກັນບໍລິໂພກເປັນອາຫານເສີມ. ສິ່ງທີ່ຫຼາຍຄົນຍັງບໍ່ຮູ້ກໍຄື ຜັກດັ່ງກ່າວມີຄຸນຄ່າທາງການຄ້າລະດັບໂລກ.ແໜແມ່ນສາຍພັນພືດທີ່ມີໃບນ້ອຍກົມ, ເກີດຢູ່ຕາມໜ້ານ້ຳ. ສຳລັບຫຼາຍຄົນ ມັນແມ່ນພືດທີ່ມີຢູ່ທົ່ວໄປຕາມຫ້ວຍໜອງຕ່າງໆ.ແໜເປັນແຫຼ່ງອາຫານທີ່ມີທາດໂປຣຕີນສູງຕັ້ງແຕ່ 25 ເຖິງ 45 ສ່ວນຮ້ອຍ, ເຊິ່ງຖືໄດ້ວ່າສູງກວ່າອາຫານຈາກຖົ່ວເຫຼືອງເຊິ່ງມີທາດໂປຣຕີນພຽງແຕ່ 36 ສ່ວນຮ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຈັດຕັ້ງຄະນະກຳມະການສົ່ງເສີມປະສິດທະພາບຂອງການຜະລິດກະສິກຳ ເພື່ອຕອບສະໜອງຕະຫຼາດທັງພາຍໃນ ແລະ ຕ່າງປະເທດ, ໃນຂະນະດຽວກັນກໍ່ຈະຈັດການກັບການນຳເຂົ້າສິນຄ້າທີ່ບໍ່ຖືກຕາມລະບຽບກົດໝາຍໃນເຂດຊາຍແດນ.ລັດຖະບານຍັງຈະມີການກວດກາສິນຄ້າກະເສດທີ່ນຳເຂົ້າຈາກປະເທດເພື່ອນບ້ານ ວ່າຈະສາມາດຜະລິດຢູ່ພາຍໃນປະເທດຫຼືບໍ່ ເພື່ອຫຼຸດຜ່ອນການເອື່ອຍອີງໃສ່ການນຳເຂົ້າສິນຄ້າເກີນຄວາມຈຳເປັນ.ນີ້ກໍເນື່ອງຈາກວ່າ ໃນປະຈຸບັນປະເທດລາວມີການຂາດດູນການຄ້າເພີ່ມຂຶ້ນ ທ່າມກາງການເໜັງຕີງຂອງອັດຕາແລກປ່ຽນ, ສົ່ງຜົນໃຫ້ຄັງສຳຮອງເງິນຕາຕ່າງປະເທດນັບມື້ນັບຫຼຸດລົງ.ອ່ານຕໍ່ ...

ພະຍຸເຂດຮ້ອນໂພດູຈະສົ່ງຜົນກະທົບຕໍ່ພາກເໜືອ, ພາກກາງ ແລະ ພາກໃຕ້ຂອງລາວ, ສະນັ້ນທຸຄົນຄວນມີສະຕິກຽມພ້ອນ ເພື່ອຮັບມືກັບສະພາບຝົນຕົກໜັກ ແລະ ລົມພັດແຮງຈາກພະຍຸລູກດັ່ງກ່າວ ແຕ່ວັນທີ 29 ສິງຫາ ເຖິງ 1 ກັນຍານີ້.ລົມພະຍຸດັ່ງກ່າວກຳລັງມຸ່ງໜ້າໄປທາງທິດຕາເວັນຕົກດ້ວຍຄວາມໄວ 40 ກິໂລແມັດ ຕາມຂ່າວພະຍາກອນອາກາດ. ກົມອຸຕຸນິຍົມວິທະຍາ ແລະ ອຸທຸກະສາດໄດ້ແຈ້ງເຕືອນມາຍັງປະຊາຊົນໃນ 15 ແຂວງເພື່ອກຽມຮັບມືກັບສະພາບອາກາດດັ່ງກ່າວ.ພື້ນທີ່ສ່ຽງທີ່ຈະໄດ້ຮັບຜົນກະທົບຈາກພະຍຸດັ່ງກ່າວລວມມີ ນະຄອນຫຼວງວຽງຈັນ, ແຂວງຫົວພັນ, ຊຽງຂວາງ, ອຸດົມໄຊ, ຫຼວງພະບາງ, ໄຊຍະບູລີ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ, ແລະ ອັດຕະປື.ອ່ານຕໍ່ ...

ການກໍ່ສ້າງໂຮງຮຽນມັດທະຍົມໂພນສະຫວັນໃໝ່ຢູ່ບ້ານໂພນມີໄຊ ເມືອງແປກ ແຂວງຊຽງຂວາງ ປະຈຸບັນແມ່ນສຳເລັດແລ້ວ 70 ສ່ວນຮ້ອຍ ແລະ ອຳນາດການປົກຄອງຄາດວ່າໂຄງການດັ່ງກ່າວຈະສຳເລັດໃນຕົ້ນປີໜ້າ.ທ່ານ ສີໂນ ບຸນປະເສີດ ພະນັກງານໂຄງການໄດ້ເປີດເຜີຍຕໍ່ສຳນັກຂ່າວວຽງຈັນທາມສ໌ວ່າ “ຜູ້ຮັບເໝົາໂຄງການກຳລັງເລັ່ງໜ້າວຽກກໍ່ສ້າງ, ໂດຍສະເພາະແມ່ນໃນຕົວອາຄານ ແລະ ພາກສ່ວນຫຼັງຄາ.”“ໂຄງການດັ່ງກ່າວໃນປະຈຸບັນແມ່ນສຳເລັດແລ້ວ 70-80 ສ່ວນຮ້ອຍ. ເຊິ່ງພວກເຮົາຄາດວ່າຈະໃຫ້ສຳເລັດພາຍໃນເດືອນມີນາປີໜ້າ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ກຳປູເຈຍໄດ້ຕົກລົງກັນຖອນກຳລັງທະຫານຂອງແຕ່ລະຝ່າຍອອກຈາກພື້ນທີ່ຊາຍແດນເມືອງມູນລະປະໂມກ ແຂວງຈຳປາສັກ ເຊິ່ງສອງປະເທດຍັງບໍ່ສາມາດຕົກລົງປັກຫຼັກໝາຍຊາຍແດນ.ທັງສອງຝ່າຍຈະຖອນກຳລັງທະຫານອອກຈາກພື້ນທີ່ໃນລະຫວ່າງ 8 ເຖິງ 11 ໂມງເຊົ້າຂອງວັນພະຫັດນີ້.ອ່ານຕໍ່ ...

(ຂປລ) ທະນາຄານອຸດສາຫະກຳແລະກ້ານຄ້າແຫ່ງປະເທດຈີນ ຈຳກັດ (ICBC) ໄດ້ມອບເຄື່ອງຄັອມພິວເຕີຕັ້ງໂຕະ 30 ໜ່ວຍ ແລະ ຄັອມພິວເຕີມືຖືສາມໜ່ວຍໃຫ້ກະຊວງສຶກສາທິການ ແລະ ກິລາ ເພື່ອແຈກຢາຍໃຫ້ແກ່ໂຮງຮຽນປະຖົມ ແລະ ມັດທະຍົມ 11 ແຫ່ງໃນນະຄອນຫຼວງວຽງຈັນ.ພິທີມອບເຄື່ອງບໍລິຈາກດັ່ງກ່າວໄດ້ຈັດຂຶ້ນທີ່ນະຄອນຫຼວງວຽງຈັນໃນວັນທີ 27 ສິງຫານີ້ ລະຫວ່າງທ່ານ ບົວລານ ສິລິປັນຍາ ຮອງລັດຖະມົນຕີກະຊວງສຶກສາທິການ ແລະ ກິລາ ແລະ ທ່ານ ຊຸນ ເຟັງ ເລີ່ຍ ຜູ້ອຳນວຍການໃຫຍ່ທະນາຄານ ICBC.ອ່ານຕໍ່ ...

(ຂປລ) ສະຫະກອນສົ່ງເສີມການກະເສດເມືອງຫົງສາ ແຂວງໄຊຍະບູລີ ໄດ້ຮັບອຸປະກອນເຄື່ອງຕອງນ້ຳມູນຄ່າກວ່າ 100,000 ບາດຈາກບໍລິສັດໄຟຟ້າຫົງສາ.ພິທີມອບອຸປະກອນດັ່ງກ່າວໄດ້ມີຂຶ້ນໃນວັນຈັນຜ່ານມາ ລະຫວ່າງທ່ານ ຄະທາຍຸດ ຊູພູນ ອຳນວນການບໍລິຫານບໍລິສັດໄຟຟ້າຫົງສາ ແລະ ທ່ານ ທອງ ສິມມະທອງ ຫົວໜ້າສະຫະກອນສົ່ງເສີມການກະເສດເມືອງຫົງສາ, ແລະ ຕາງໜ້າຈາກອຳນາດການປົກຄອງທີ່ກ່ຽວຂ້ອງເຂົາຮ່ວມ.ອ່ານຕໍ່ ...

(ຂປລ) ປະສິດທິພາບຂອງການຮ່ວມມືໃນການຄຸ້ມຄອງປ່າສະຫງວນແຫ່ງຊາດຫີນໜາມໜໍ່ ເພີ່ມຂຶ້ນປະມານ 16% ນັບແຕ່ປີ 2014 ທີ່ມີການຈັດຕັ້ງລະບົບການຄຸ້ມຄອງຮ່ວມ.ການປະຕິບັດການຄຸ້ມຄອງສວນອຸດທະຍານທີ່ມີການປັບປຸງຢ່າງເຫັນຈະແຈ້ງດັ່ງກ່າວແມ່ນການທົດສອບຄວາມພ້ອມຂອງຫີນໜາມໜໍ່ ໃນການຮ່ວມກັບອຸດທະຍານແຫ່ງຊາດ Phong Nha-Ke Bang ຂອງຫວຽດນາມ ໃຫ້ເປັນພື້ນທີ່ມໍລະດົກໂລກທາງທຳມະຊາດຂອງ UNESCO ຂ້າມຊາຍແດງແຫ່ງທຳອິດໃນອາຊີຕາເວັນອອກສຽງໃຕ້.ອ່ານຕໍ່ ...

ແຮງງານລາວ, ເຊິ່ງຫຼາຍຄົນຍັງຢູ່ໃນໄວໜຸ່ມ ແລະ ບາງຄົນກໍຍັງເປັນໄວລຸ້ນ ໄດ້ຫຼັ່ງໄຫຼກັນໄປອອກແຮງງານຢູ່ປະເທດໄທເພື່ອນບ້ານໃນປີນີ້ໃນອັດຕາທີ່ເພີ່ມຂຶ້ນ, ​ໂດບບໍ່ເກງກົວຕໍ່ການຂູດຮີດແຮງງານ ແລະ ສະພາບການເຮັດວຽກທີ່ສ່ຽງຕໍ່ອັນຕະລາຍ ເພື່ອຊອກຫາວຽກເຮັດງານທຳຊ່ວຍເຫຼືອຄອບຄົວທາງບ້ານ, ຕາມແຫຼ່ງຂ່າວໃນປະເທດໄທ.ຫຼາຍຄົນກໍໄດ້ຮັບການຊຸກຍູ້ຈາກພໍ່ແມ່ໃຫ້ໄປອອກແແຮງງານຢູ່ຕ່າງປະເທດ, ຕາມແຫຼ່ງຂ່າວ. ບາງຄົນກໍຕົກເປັນເຫຍື່ອຂອງການຄ້າມະນຸດ ແລະ ຕິດກັບດັກໜີ້ສິນ, ຫຼື ຖືກເສຍຊີວິດຍ້ອນອຸບັດຕິເຫດແຮງງານ ຫຼື ອຸບັດຕິເຫດບົນທ້ອງຖະໜົນ.ໃນວັນຈັນຜ່ານມາ, ສົບຂອງແຮງງານລາວອົບພະຍົບ 9 ຄົນທີ່ເສຍຊີວິດໃນວັນທີ 18 ສິງຫາ ເນື່ອງຈາກອຸບັດຕິເຫດລົດຕຳກັນໃນຂະນະເດີນທາງໄປຊາຍແດນເພື່ອຕໍ່ວີຊາທ່ອງທ່ຽວເພື່ອເຂົ້າປະເທດໄທ ໄດ້ຖືກສົ່ງກັບສູ່ຄອບຄົວ. ສ່ວນອີກສົບໜຶ່ງແມ່ນໄດ້ເຮັດພິທີເຜົາຢູ່ປະເທດໄທ. ອ່ານຕໍ່ ...