News

ວຽງຈັນ (ວຽງຈັນທາມສ໌/ANN) – ໂຄງການເຂື່ອນໄຟຟ້າຫຼວງພະບາງ ດຳເນີນມາເຖິງຂັ້ນຕອນການພັດທະນາທີ່ສຳຄັນອີນຂັ້ນໜຶ່ງ ພາຍຫຼັງທີ່ລັດຖະບານລາວໄດ້ຮຽກຮ້ອງໃຫ້ຄະນະກຳມາທິການແມ່ນ້ຳຂອງ (MRC) ຈັດການປຶກສາຫາລືລ່ວງໜ້າກ່ຽວກັບໂຄງການດັ່ງກ່າວ. ລັດຖະບານ ໄດ້ອະນຸຍາດໃຫ້ບໍລິສັດ ປີໂຕຼ ໄຟຟ້າ ຫວຽດນາມ ດຳເນີນການກໍ່ສ້າງເຂື່ອນໄຟຟ້າຫຼວງພະບາງໃນປີ 2007. ເນື່ອງຈາກເຂື່ອນດັ່ງກ່າວຈະກໍ່ສ້າງຢູ່ໃນສາຍແມ່ນ້ຳຂອງ, ລັດຖະບານຈຶ່ງໄດ້ຮ້ອງຂໍໃຫ້ MRC ຈັດການປຶກສາຫາລືລ່ວງໜ້າກ່ຽວກັບໂຄງການດັ່ງກ່າວ ພາຍໃຕ້ຂໍ້ຕົກລົງແມ່ນ້ຳຂອງປີ 1995.ອ່ານຕໍ່ ...

ເຈົ້າໜ້າທີ່ແຂວງຫົວພັນ ກ່າວວ່າຕ້ອງການຍົກເລີກການສັນຍາການສຳຫຼວດຂອງບໍລິສັດຖ່ານຫີນຈີນ ຫຼັງຈາກພົບວ່າການດຳເນີນການຂອງບໍລິສັດໄດ້ສ້າງຄວາມລຳບາກໃຫ້ແກ່ຊາວບ້ານ ເຊິ່ງຍັງບໍ່ໄດ້ຮັບການຊົດເຊີຍໃດໆ.ຈາກການລາຍງານ ບໍລິສັດດັ່ງກ່າວໄດ້ສ້າງຄວາມເສຍຫາຍໃຫ້ແກ່ພື້ນທີ່ນາແປດເຮັກຕາ, ແລະຍັງເຮັດໃຫ້ດິນເຈື່ອນ ເນື່ອງຈາກການຂຸດຄອງເໝືອງເພື່ອການສຳຫຼວດ.ເຈົ້າໜ້າທີ່ພະແນກພະລັງງານ ແລະ ບໍ່ແຮ່ໄດ້ກ່າວຕໍ່ໜ່ວຍຂ່າວວິທະຍຸເສລີອາຊີລາວວ່າ ການສຳປະທານດັ່ງກ່າວຄວນໄດ້ຮັບການຍົກເລີກ ເນື່ອງຈາກເຫດຜົນທາງສະພາບແວດລ້ອມ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັກທ່ອງທ່ຽວທີ່ຕັ້ງຕາລໍຄອຍ ສາມາດເຂົ້າມາຮ່ວມມ່ວນຊື່ນກັບກິດຈະກຳທີ່ຫຼາກຫຼາຍ ແລະ ຊົມຄວາມສວຍງາມຂອງທຳມະຊາດໃນສວນອຸດທິຍານ ພູຜາສຸກ ແຂວງສາລະວັນ ເຊິ່ງຈະກັບມາເປີດໃຫ້ບໍລິການຕາມປົກກະຕິໃນກາງເດືອນນີ້.ທ່ານ ປັນຍາ ມຸດສິກະ ເຈົ້າໜ້າທີ່ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ເປີດເຜີຍຜ່ານສຳນັກຂ່າວວຽງຈັນທາມສ໌ວ່າ ສວນອຸດທິຍານດັ່ງກ່າວໄດ້ທຳການປິດໃຫ້ບໍລິການໃນຊ່ວງລະດູຝົນຂອງທຸກໆປີ ເນື່ອງຈາກມີຝົກຕົກໜັກ ແລະ ເພື່ອຈຸດປະສົງໃນການບູລະນະສ້ອມແປງ.ສວນອຸດທິຍານດັ່ງກ່າວ ປະກອບດ້ວຍຖ້ຳຫຼາຍແຫ່ງ, ໃນນັ້ນມີຖ້ຳ ພູຜາສຸກ ຊຶ່ງເປັນໜຶ່ງໃນຖ້ຳທີ່ສວຍງາມທີ່ສຸດ. ແຕ່ວ່າໃນຊ່ວງລະດູຝົນ ລະດັບນ້ຳພາຍໃນຖ້ຳດັ່ງກ່າວຈະຂຶ້ນສູງ ແລະ ບໍ່ສາມາດເຂົ້າຊົມໄດ້.ອ່ານຕໍ່ ...

ແຂວງຄຳມ່ວນ: ອຳນາດການປົກຄອງແຂວງກຳລັງທຳການຕິດຕາມ ແລະ ຄຸ້ມຄອງລາຄາສິນຄ້າບໍລິໂພກ ໂດຍສະເພາະແມ່ນເຂົ້າສານ ແລະ ຊີ້ນ ພາຍໃຕ້ສະພາບຄວາມຂາດແຄນອັນເນື່ອງມາຈາກໄພນ້ຳຖ້ວມໃນຫົກເມືອງ.ແຂວງຄຳມ່ວນແມ່ນແຂວງໜຶ່ງທີ່ໄດ້ຮັບຜົນກະທົບຈາກໄພນ້ຳຖ້ວມ ເນື່ອງຈາກພະຍຸເຂດຮ້ອນ ໂພດູ ພັດຜ່ານເຮັດໃຫ້ເກີດຝົນຕົກໜັກ ໃນຊ່ວງທ້າຍເດືອນສິງຫາເຖິງຕົ້ນເດືອນກັນຍາທີ່ຜ່ານມາ. ສ້າງຄວາມເສຍຫາຍໃຫ້ແກ່ພື້ນທີ່ດິນນາ ແລະ ດິນທຳການຜະລິດຫຼາຍເຮັກຕາ, ຕາມຂໍ້ມູນຈາກພະແນກກະສະກຳ ແລະ ປ່າໄມ້ແຂວງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ການຄ້າໃນຫົກແຂວງຂອງລາວ ແລະ ແຂວງດຽນບຽນຟູຂອງຫວຽດນາມ ໄດ້ຕົກລົງຈັດບັ້ນສົນທະນາທາງທຸລະກິດຂຶ້ນໃນປີໜ້າ ເພື່ອສົ່ງເສີມດ້ານການຄ້າ.ແຜນການຈັດບັ້ນສົນທະນາດັ່ງກ່າວ ແມ່ນສ່ວນໜຶ່ງຂອງແຜນການຮ່ວມມືສຳລັບປີ 2019-2020 ເຊິ່ງໄດ້ມີການຫາລືໃນກອງປະຊຸມຫຼ້າສຸດ ລະຫວ່າງສອງຝ່າຍ ຢູ່ແຂວງຫຼວງພະບາງ.ອ່ານຕໍ່ ...

ຕາມການລົງນາມໃນຂໍ້ຕົກລົງການກະກຽມການປະຕິບັດ (PAs) ສອງສະບັບທີ່ສະໜັບສະໜູນເຊິ່ງກັນແລະກັນໃນວັນທີ 17 ກັນຍານີ້, ອົງການພະລັງງານປະລະມະນູສາກົນ (IAEA) ໄດ້ຈັດຕັ້ງຂອບໂຄງສ້າງການຮ່ວມມືໃຕ້-ໃຕ້ ທີ່ກ່ຽວຂ້ອງກັນສາມປະເທດສະມາຊິກໃນພາກພື້ນອາຊີ ແລະ ປາຊິຟິກ ຄຽງຄູ່ກັບ IAEA.ຂໍ້ຕົກລົງການກະກຽມດັ່ງກ່າວ ແມ່ນເປັນຂອບໂຄງສ້າງເພື່ອການຮ່ວມມື ໃນຂົງເຂດວຽກງານບູລິມະສິດລະດັບກວ້າງ, ນັບແຕ່ການທົບສອບປະລະມະນູໂດຍສັນຕິ ແລະ ການນຳໃຊ້ເພື່ອອຸດສາຫະກຳ ໄປເຖິງການນຳໃຊ້ນິວເຄຼຍໃນທາງການແພດ ແລະ ການປັບປຸງທາງພັນທຸກຳ. ພາຍໃຕ້ຂອບໂຄງສ້າງດັ່ງກ່າວ, ປະເທດຫວຽດນາມຈະເປັນຜູ້ສະໜັບສະໜູນໂຄງການສຶກສາອົບຮົມໃນໄລຍະສັ້ນ ແລະ ໄລຍະຍາວໃຫ້ແກ່ປະເທດກຳປູເຈຍ ແລະ ສປປ ລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (ທຫລ) ໄດ້ແຈ້ງການກ່ຽວກັບການເປີດຂາຍພັນທະບັດອອມຊັບສະກຸນເງິນໂດລາ ເພື່ອເປີດໂອກາດດ້ານການລົງທຶນ ແລະ ຜົນຕອບແທນທີ່ໜ້າດຶງດູດໃຈ.ຕາມບົດຂ່າວທີ່ສຳນັກຂ່າວວຽງຈັນທາມສ໌ ໄດ້ມາຈາກເວັບໄຊຂອງທະນາຄານກາງ, ພັນທະບັດສະກຸນເງິນໂດລາຊຸດດັ່ງກ່າວແມ່ນເລີ່ມວາງຈຳໜ່າຍແຕ່ວັນທີ 1 ເຖິງ 31 ຕຸລານີ້, ເພື່ອແນໃສ່ລະດົມທຶນເຂົ້າຄັງທະນາຄານໃຫ້ໄດ້ US$500 ລ້ານໂດລາ.ຕາມບົດຂ່າວດັ່ງກ່າວ ພັນທະບັດອອມຊັບນີ້ສາມາດຫາຊື້ໄດ້ທີ່ກົມບໍລິການທະນາຄານ ທຫລ ແລະ ສາຂາທະນາ ທຫລ ແຂວງອຸດົມໄຊ, ຫຼວງພະບາງ, ຊຽງຂວາງ, ສະຫວັນນະເຂດ ແລະ ຈຳປາສັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ສາທາລະນະລັດເກົາຫຼີຈະເສີມຂະຫຍາຍການຮ່ວມມືໃນດ້ານພະລັງງານ ພາຍຫຼັງທີ່ຕົກລົງກັນເປັນຄູ່ຮ່ວມງານຍຸດທະສາດ ໃນຂະແໜງພະລັງງານໄຟຟ້ານ້ຳຕົກ.ຜູ້ຊ່ຽວຊານດ້ານພະລັງງານລາວ-ເກົາຫຼີ ເຂົ້າຮ່ວມກອງປະຊຸມວິຊາການໃນຫົວຂໍ້ “ການຮ່ວມມືໃນຂະແໜງພະລັງງານ” ເຊິ່ງຈັດຂຶ້ນຢູ່ນະຄອນວຽງຈັນ ວານນີ້ ເຊິ່ງເປັນສ່ວນໜິ່ງຂອງພາລະກິດການສົ່ງເສີມການຮ່ວມມືທາງດ້ານພະລັງງານ.ກອງປະຊຸມດັ່ງກ່າວແມ່ນຈັດຂຶ້ນພາຍໃຕ້ການສະໜັບສະໜູນໂດຍ ສະຖາບັນເສດຖະສາດພະລັງງານເກົາຫຼີ (KEEI), ສະຖາບັນຄົ້ນຄວ້າພະລັງງານ ແລະ ບໍ່ແຮ່ (RIEM), ແລະ ຫ້ອງການອົງການສົ່ງເສີມການຄ້າ-ການລົງທຶນເກົາຫຼີ (KOTRA) ປະຈຳນະຄອນຫຼວງວຽງຈັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) –  ນະຄອນຫຼວງວຽງຈັນຈະເປັນເຈົ້າພາບຈັດກອງປະຊຸມສຸດຍອດການທ່ອງທ່ຽວ ນະຄອນໃນພາກພື້ນລຸ່ມແມ່ນ້ຳຂອງ 2019 ໃນລະຫວ່າງວັນທີ 12-15 ຕຸລານີ້ ເພື່ອສົ່ງເສີມການຮ່ວມມືດ້ານການທ່ອງທ່ຽວ ແລະ ວັດທະນະທຳ ລະຫວ່າງຕົວເມືອງໃນປະເທດກຳປູເຈຍ, ລາວ, ມຽນມາ, ໄທ ແລະ ຫວຽດນາມ.ທ່ານນາງ ວິໄລວອນ ຈັນທະລາຕີ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວນະຄອນຫຼວງວຽງຈັນ ໄດ້ເປີດເຜີຍໃນງານຖະແຫຼງຂ່າວໃນອາທິດແລ້ວນີ້ ກ່ຽວກັບການຈັດກອງປະຊຸມດັ່ງກ່າວ.ກອງປະຊຸມຄະນະຜູ້ແທນດັ່ງກ່າວຈະນຳໂດຍເຈົ້າຄອງ ຫຼື ຮອງເຈົ້າຄອງນະຄອນໂຮຈິມິນ ປະເທດຫວຽດນາມ, ນະຄອນພະນົມເປັນ ປະເທດກຳປູເຈຍ, ນະຄອນຢ້າງ ກຸ້ງປະເທດມຽນມາ, ນະຄອນກຸງເທບ ປະເທດໄທ ແລະ ນະຄອນຫຼວງວຽງຈັນ.ອ່ານຕໍ່ ...

ແຂວງຄຳມ່ວນ: ອຳນາດການປົກຄອງເມືອງຍົມມະລາດແຂວງຄຳມ່ວນທີ່ປະສົບໄພນ້ຳຖ້ວມ ໄດ້ແຈກຢາຍເຂົ້າສານ, ນ້ຳດື່ມ ແລະ ເຄື່ອງໃຊ້ທີ່ຈຳເປັນໃຫ້ແກ່ຄອບຄົວທີ່ປະສົບໄພນ້ຳຖ້ວມ, ທັງໄດ້ເນັ້ນວ່າ ແນວພັນພືດກໍ່ເປັນສິ່ງໜຶ່ງທີ່ຈຳເປັນເລັ່ງດ່ວນ.ທ່ານ ຄູນສີ ແສງດາລາ ເຈົ້າເມືອງຍົມມະລາດ ໄດ້ລາຍງານຜ່ານສື່ມວນຊົນທີ່ລົງຢ້ຽມຢາມພື້ນທີ່ປະສົບໄພນ້ຳຖ້ວມເຂດແມ່ນ້ຳເຊບັ້ງໄຟ ໃນທ້າຍເດືອນສິງຫາເຖິງຕົ້ນເດືອນກັນຍາທີ່ຜ່ານມາ, ເຊິ່ງສົ່ງຜົນກະທົບຕໍ່ 23 ບ້ານ ແລະ ປະຊາຊົນ 11,617 ຄົນໃນຈຳນວນ 2,412 ຄອບຄົວ.ອ່ານຕໍ່ ...