News

ອົງການຈັດຕັ້ງສື່ມວນຊົນໃນລາວ ແລະ ຫວຽດນາມໄດ້ຮັບການຊຸກຍູ້ໃຫ້ຫັນທິດການສົ່ງເສີມການທ່ອງທ່ຽວ ໂດຍການຮ່ວມມືຢ່າງໃກ້ຊິດຕິດແທດໃນການຊຸກຍູກສົ່ງເສີມຜູ້ຊົມໃນການທ່ອງທ່ຽວສອງປະເທດ.ນີ້ແມ່ນຄຳແນະນຳຈາກກອງປະຊຸມ ເຊິ່ງຈັດຂຶ້ນໃນວັນທີ 21-24 ພຶດສະພານີ້ ທີ່ເມືອງຮາລອງ, ແຂວງກວາງນິງ ປະເທດຫວຽດນາມ.ກອງປະຊຸມ ເຊິ່ງມີຊື່ວ່າ “ບົດບາດຂອງສື່ມວນຊົນໃນການພັດທະນຍາການທ່ອງທ່ຽວ” ແມ່ນຈັດຂຶ້ນໂດຍກະຊວງຂໍ້ມູນຂ່າວສານ ແລະ ຄົມມະນາຄົມຫວຽດນາມ ເພື່ອຈຸດປະສົງໃນການແບ່ງປັນຂໍ້ມູນຂ່າວສານກ່ຽວກັບຄວາມສວຍງາມຂອງທຳມະຊາດ ແລະ ມໍລະດົກທາງວັດທະນະທຳຂອງປະເທດຫວຽດນາມ ແລະ ລາວ.ອ່ານຕໍ່ ...

ກະຊວງສຶກສາທິການ ແລະ ກິລາ ໄດ້ໃຫ້ທຶນການສຶກສາບໍ່ຈຳກັດຈຳນວນສຳລັບນັກຮຽນທີ່ຕ້ອງສູນເສຍພໍ່ແມ່ ເນື່ອງຈາກເຫດໄພນ້ຳຖ້ວມຄັ້ງຮ້າຍແຮງ ທີ່ເມືອງສະໜາມໄຊ ແຂວງອັດຕະປືໃນປີກາຍນີ້.ທຶນການສຶກສາດັ່ງກ່າວແມ່ນສຳລັບນັກຮຽນທີ່ທຸກຍາກ ພາຍໃຕ້ນະໂຍບາຍຂອງກະຊວງກ່ຽວກັບຜູ້ປະສົບໄພນ້ຳຖ້ວມ.ທ່ານ (ປອ) ບຸນມີ ພົນເສນາ ປະທານມະຫາວິທະຍາໄລຈຳປາສັກ ໄດ້ລາຍງານຜ່ານໜັງສືພິມວຽງຈັນທາມສ໌ ກ່ຽວກັບແຜນການເພື່ອຊ່ວຍເຫຼືອຜູ້ປະສົບໄພໂດຍການໃຫ້ທຶນການສຶກສາ.ພາຍໃຕ້ນະໂຍບາຍດັ່ງກ່າວ, ຜູ້ທີ່ມີສິດໄດ້ຮັບທຶນຕ້ອງຮຽນຈົບຊັ້ນມັດທະຍົມຕອນປາຍ ແລະ ມີຄະແນນສະເລ່ຍທ້າຍພາກ 6.5 ຄະແນນຂຶ້ນໄປ. ຜູ້ກ່ຽວບໍ່ຕ້ອງທຳການສອບເສັງເພື່ອເຂົ້າຮຽນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານໃນລາວຫວັງວ່າ ການນຳສະເໜີການບໍລິການທີ່ວ່ອງໄວ ແລະ ມີຄຸນນະພາບຈະຕ້ອງຄຽງຄູ່ກັບຄວາມປອດໄພເພີ່ມເຕີມໃນຂັ້ນຕອນການຈ່າຍເງິນຂ້າມຊາຍແດນ, ເພື່ອປັບປຸງການບໍລິການ ແລະ ປົກປ້ອງລູກຄ້າ.ເພື່ອຈຸດປະສົງດັ່ງກ່າວ, ສະມາຄົມເຈົ້າໜ້າທີ່ທະນາຄານລາວ ໄດ້ເຊີນຊ່ຽວຊານຈາກສະມາຄົມການໂອນເງິນລະຫວ່າງທະນາຄານທົ່ວໂລກ (SWIFT), ເຊິ່ງເປັນຜູ້ໃຫ້ບໍລິການສົ່ງຂໍ້ຄວາມທາງການເງິນທີ່ປອດໄພທົ່ວໂລກ, ມາໃຫ້ຄວາມຮູ້ ແລະ ແລກປ່ຽນປະສົບການກ່ຽວກັບນະວັດຕະກຳການຈ່າຍເງິນທົ່ວໂລກ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າມີແຜນນຳໃຊ້ກົດບັດການບໍລິການໃໝ່ ເພື່ອຫຼຸດຜ່ອນໄລຍະເວລາໃນການອະນຸມັດການນຳເຂົ້າ ແລະ ສົ່ງອອກສິນຄ້າ ເຊິ່ງເປັນສ່ວນໜຶ່ງຂອງພາລະກິດການປັບປຸງສະພາບແວດລ້ອມການດຳເນີນທຸລະກິດໃນລາວ.ກົມນຳເຂົ້າ ແລະ ສົ່ງອອກຂອງກະຊວງ ກ່າວໃນບົດລາຍງານສະບັບຫຼ້າສຸດວ່າ ທາງກົມມີແຜນໃນການນຳໃຊ້ກົດບັດການບໍລິການດັ່ງກ່າວພາຍໃນປີນີ້ ເພື່ອໃຫ້ຜູ້ປະກອບການທຸລະກິດ ໄດ້ຮັບປະໂຫຍດຈາກການບໍລິການຈາກກົມທີ່ວ່ອງໄວຂຶ້ນກວ່າເດີມ.ພາຍໃຕ້ກົດບັດການບໍລິການສະບັບໃໝ່ນີ້, ໜ່ວຍທຸລະກິດຈະສາມາດຂໍອະນຸຍາດເພື່ອການນຳເຂົ້າ ແລະ ສົ່ງອອກຍານພາຫະນະ, ເຊື້ອໄຟ ແລະ ເພັດ ພາຍໃນໜຶ່ງວັນຫຼັງຈາກຍື່ນຄຳຮ້ອງຢ່າງເປັນທາງການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເມືອງຫຼວງພະບາງ ເມືອງມໍລະດົກໂລກແຫ່ງທຳອິດຂອງລາວ ໄດ້ຮັບການລົງຄະແນນສຽງໃຫ້ເປັນ ເມືອງທ່ອງທ່ຽວທີ່ດີທີ່ສຸດ ຈາກຜູ້ອ່ານວາລະສານການທ່ອງທ່ຽວແວນເດີລັສ໌ ຂອງສະຫະລາດຊະອານາຈັກໃນປີນີ້.ທ່ານ ສຸລິທິບ ໜໍ່ຂຸນພົນ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ບອກຜ່ານໜັງສືພີມວຽງຈັນທາມສ໌ວານນີ້ວ່າ ເມືອງພວກເຮົາໄດ້ຮັບລາງວັນໃນປະເພດເມືອງທ່ອງທ່ຽວທີ່ດີທີ່ສຸດໃນໂລກ ໃນການຈັດອັນດັບຂອງວາລະສານການທ່ອງທ່ຽວແວນເດີລັສ໌.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດທີ່ປຶກສາ FISHBIO ລາວໄດ້ຈັດກອງປະຊຸມວິຊາການຮ່ວມກັບກົມລ້ຽງສັດ ແລະ ການປະມົງ ກະຊວງກະສິກຳ ແລະ ປ່າໄມ້ ເພື່ອອະທິບາຍກ່ຽວກັບປື້ມຄູ່ມືສະບັບໃໝ່ ເຊິ່ງຈັດທຳຂຶ້ນເພື່ອເປັນແຫຼ່ງຂໍ້ມູນເພື່ອການປັບປຸງການປະເມີນເຂດຮັກສາພັນປາໃນລາວ.ປະຈຸບັນມີແຫຼ່ງຂໍ້ມູນພຽງຈຳນວນໜ້ອຍສຳລັບນັກອະນຸລັກພັນປາ ທີ່ຕ້ອງການປະເມີນປະສິດທິພາບຂອງພື້ນທີ່ປົກປ້ອງພັນປານ້ຳຈືດ ເຊັ່ນ ເຂດຮັກສາພັນປາ ທັນທີທີ່ມີການຈັດຕັ້ງປະຈິບັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວຄາດວ່າ ການເຊື່ອມໂຍງດ້ານເສດຖະກິດໃນພາກພື້ນ ແລະ ສາກົນ ໃນຂົງເຂດການຄ້າ ແລະ ການລົງທຶນ ຈະຊ່ວຍຊຸກຍູ້ການພັດທະນາເຄື່ອງມືທີ່ຈຳເປັນ ເຊິ່ງຈະຊ່ວຍປັບປຸງສະພາບແວດລ້ອມການດຳເນີນທຸລະກິດ.ໜຶ່ງໃນປັດໃຈສຳຄັນໃນການປັບປຸງດ້ານການຄ້າ ແລະ ການລົງທຶນ ກໍຄືການເຂົ້າເຖິງເທັກໂນໂນຢີຂໍ້ມູນຂ່າວສານ ແລະ ການຍົກລະດັບການແບ່ງປັນຂໍ້ມູນຂ່າວສານລະຫວ່າງສູນກາງ ແລະ ແຂວງໃນຂະແໜງການທີ່ກ່ຽວຂ້ອງ.ໂຄງການປັນປຸງແບບຈຳລອງລະບົບຂໍ້ມູນຂ່າວສານພາຍໃຕ້ການຊ່ວຍເຫຼືອຂອງຈີນ ສຳລັບກະຊວງອຸດສາຫະກຳ ແລະ ການຄ້າຈະສະໜັບສະໜູນນະໂຍບາຍຂອງກະຊວງ ກ່ຽວກັບຂອບຍຸດທະສາດການພັດທະນາ ICT ສຳລັບປີ 2016-20.ອ່ານຕໍ່ ...

ບາງກອກ, 21 ພຶດສະພາ (Xinhua) — ໂຄງການຮ່ວມມືຫຼາຍໂຄງການກ່ຽວກັບການເຊື່ອມຕໍ່ລະຫວ່າງປະເທດໄທ ແລະ ລາວ ເຊັ່ນ ໂຄງການທາງລົດໄຟຂ້າມຊາຍແດນແຫ່ງໃໝ່ທາງພາກໃຕ້ຂອງລາວ ໄດ້ມີການຫາລືລະຫວ່າງລັດຖະມົນຕີໂຍທາຂອງສອງປະເທດ.ທ່ານ ອາຄົມ ເທີມພິດທະຍະໄພສິດ ລັດຖະມົນຕີກະຊວງໂຍທາຂອງໄທ ໄດ້ຈັດກອງປະຊຸມກັບທ່ານ ບຸນຈັນ ສິນທະວົງ ລັດຖະມົນຕິກະຊວງໂຍທາທິການ ແລະ ຂົນສົ່ງຂອງລາວ ກ່ຽວກັບໂຄງການການຂົນສົ່ງ ແລະ ທາງລົດໄຟຂ້າມຊາຍແດນ ທີ່ໂຮງແຮມໃນຈັງຫວັດໜອງຄາຍ ໃນວັນຈັນຜ່ານມາ.ຕາມການເປີດເຜີຍຕໍ່ສື່ມວນຊົນຂອງກະຊວງໂຍທາຂອງໄທ, ກະຊວງຝ່າຍໄທໄດ້ຮ້ອງຂໍລັດຖະບານໄທ ໃນການລວມການສຶກສາຄວາມເປັນໄປໄດ້ຂອງໂຄງການທາງລົດໄຟອຸບົນລາດຊະທານີ-ປາກເຊ ຕອນຝັ່ງໄທໄລຍະທາງ 80 ກມ ໃນແຜນງົບປະມານປີ 2020.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນັບຕັ້ງແຕ່ມີການຄົ້ນພົບທີ່ເມືອງວັງວຽງ ແຂວງວຽງຈັນ, ຖ້ຳນາງຟ້າໄດ້ເປີດໃຫ້ນັກທ່ອງທ່ຽວເຂົ້າມາຢ້ຽມຊົມ ແລະ ປະຈຸບັນກໍໄດ້ເປີດໃຫ້ມະຫາຊົນໄດ້ເຂົ້າຊົມ ໂດຍບໍ່ມີການເກັບຄ່າເຂົ້າຊົມ ແລະ ເປັນທາງເລືອກໃໝ່ສຳລັບນັກທ່ອງທ່ຽວໃນເຂດດັ່ງກ່າວ.ທ່ານ ບຸນມີ ພົມມະວົງສາ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງ ໄດ້ລາຍງານຜ່ານໜັງສືພິມວຽງຈັນທາມສ໌ວ່າ ຖ້ຳດັ່ງກ່າວຫາກໍ່ມີການຄົ້ນພົບ ທີ່ບ້ານຫ້ວຍສະຍາວ. ເຊິ່ງຕັ້ງຢູ່ໃກ້ກັບຖ້ຳໂນນ ທີ່ຢູ່ພາຍໃຕ້ການຄຸ້ມຄອງຂອງບໍລິສັດເອກະຊົນພາຍໃຕ້ຂໍ້ຕົກລົງສຳປະທານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ ໄດ້ເຕືອນໃຫ້ທະນາຄານການຄ້າ, ຫົວໜ່ວຍທຸລະກິດ ແລະ ມະຫາຊົນຫ້າມທຳການຊື້, ຂາຍ ຫຼື ນຳໃຊ້ ສະກຸນເງິນອີເລັກໂທຣນິກ cryptocurrencies ສຳລັບການເຄື່ອນໄຫວທາງການເງິນ ເນື່ອງຈາກການກະທຳດັ່ງກ່າວແມ່ນຜິດຕໍ່ລະບຽບກົດໝາຍ.ພະແນກຄຸ້ມຄອງລະບົບການເຄື່ອນໄຫວທາງການເງິນຂອງທະນາຄານກາງ ໄດ້ອອກແຈ້ງເຕືອນ ຫຼັງພົບວ່າສະກຸນເງິນອີເລັກໂທຣນິກ cryptocurrencies ເຊັ່ນວ່າ Bitcoin, Ethereum ແລະ Litecoin ມີການໂຄສະນາການນຳໃຊ້ຜ່ານທາງສື່ສັງຄົມອອນລາຍ ທັງໆທີ່ທະນາຄານກາງໄດ້ສັ່ງຫ້າມການນຳໃຊ້ສະກຸນເງິນເຫຼົ່ານີ້.ອ່ານຕໍ່ ...