News

ວຽງຈັນ (ວຽງຈັນທາມສ໌/ANN) – ຄະນະລັດຖະບານສັນຍາວ່າຈະສືບຕໍ່ຄວາມພະຍາຍາມໃນການຫັນຂັ້ນຕອນການດຳເນີນງານເຂົ້າສູ່ກະແສຫຼັກ ເພື່ອປັບປຸງການອຳນວຍຄວາມສະດວກໃນການດຳເນີນທຸລະກິດ.ຄຳໝັ້ນດັ່ງກ່າວແມ່ນມີຂຶ້ນໃນການສະຫຼຸບກອງປະຊຸມປະຈຳເດືອນພຶດສະພາຂອງຄະນະລັດຖະບານ ເຊິ່ງສຳເລັດລົງໃນມື້ວານນີ້, ຕາມບົດຂ່າວຕໍ່ສື່ມວນຊົນຂອງສຳນັກງານນາຍົກລັດຖະມົນຕີ.ກອງປະຊຸມໄລຍະສອງວັນດັ່ງກ່າວໄດ້ຮັບຮອງເອົາບົດລາຍງານ ເຊິ່ງທົບທວນຄວາມຄືບໜ້າໃນການຈັດຕັ້ງປະຕິບັດຄຳສັ່ງຂອງນາຍົກລັດຖະມົນຕີເລກທີ 2 ກ່ຽວກັບການຍົກລະດັບຂັ້ນຕອນການດຳເນີນງານ ແລະ ກົນໄກການປະສານງານລະຫວ່າງພະແນກການຂອງລັດ ເພື່ອປັບປຸງສະພາບແວດລ້ອມໃນການດຳເນີນທຸລະກິດ.ອ່ານຕໍ່  ...

ເຈົ້າໜ້າທີ່ກະຊວງສາທາລະນະສຸກໃນຂະແໜງນາລີເວດ ແລະ ສຸຕິສາດ ໄດ້ຈັດຕັ້ງກອງປະຊຸມປະຈຳປີທີ່ນະຄອນຫຼວງວຽງຈັນວານນີ້ ເພື່ອທົບທວນຄວາມຄືບໜ້າ ແລະ ຫາລືແຜນການປີ 2019.ຜູ້ເຂົ້າຮ່ວມກອງປະຊຸມໄດ້ລາຍງານຄວາມຄືບໜ້າຂອງກິດຈະກຳຕ່າງໆ ແລະ ແລກປ່ຽນແຜນການໃນຕໍ່ໜ້າ.ໃນນີ້ລວມມີການລາຍງານກ່ຽວກັບອັດຕາການຕາຍ, ການຮັກສາມະເລັງເຕົ້ານົມແບບທັນສະໄໝ, ພາວະເລືອດອອກຜິດປົກກະຕິຈາກມົດລູກ, ແນວທາງການປິ່ນປົວພະຍາດຕິດຕໍ່ທາງເພດສຳພັນແຫ່ງຊາດ, ໂພຊະນາການສຳລັບເດັກຫຼັງເກີດ, ແນວທາງປ້ອງກັນການເອົາລູກອອກແບບບໍ່ປອດໄພ ແລະ ກໍລະນີສຶກສາອື່ນໆ.ອ່ານຕໍ່ ...

ວຽງຈັນ, 23 ພຶດສະພາ (Xinhua) — ແຂວງຫົວພັນ ທາງພາກເໜືອຂອງລາວ ຜະເຊີນກັບການລະບາດຂອງຕັກແຕນໄມ້ປ່ອງຫຼັງເຫຼືອງ ເຊິ່ງອຳນາດການປົກຄອງພວມສຸມຄວາມພະຍາຍາມສະກັດກັ້ນຄວາມເສຍຫາຍຕໍ່ພືດພັນເຄື່ອງປູກຂອງຝັງ.“ພວກເຮົາພົບການລະບາດຂອງຝູງຕັກແຕນຢູ່ໃນ 143 ຈຸດ ເຊິ່ງກວມເອົາ 63 ບ້ານ ເກົ້າເມືອງ. ເຊິ່ງແຕ່ລະຈຸດທີ່ພົບການລະບາດກວມເອົາເນື້ອທີ່ຫຼາຍເຮັກຕາ,” ຕາມຂໍ້ມູນຈາກສື່ທ້ອງຖິ່ນ ວຽງຈັນທາມສ໌ ຕາມການກ່າວຂອງທ່ານ ສໍສະຫວັນ ບັນຄຳມີ ຮອງຫົວໜ້າພະແນກກະສິກຳ ແລະ ປ່າໄມ້ແຂວງຫົວພັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງຄວາມເທົ່າທຽມທາງເພດ ແລະ ຄອບຄົວຂອງເກົາຫຼີໃຕ້ ໃຫ້ການຊ່ວຍເຫຼືອແກ່ສູນຝຶກອົບຮົມແມ່ຍິງລາວ ຂອງສະຫະພັນແມ່ຍິງລາວ ເພື່ອຈັດຫຼັກສູດຝຶກອົບຮົມວິຊາຊີບສຳລັບແມ່ຍິງທີ່ດ້ອຍໂອກາດ.ກອງປະຊຸມຫາລືກ່ຽວກັບໂຄງການໄລຍະສາມປີດັ່ງກ່າວ (ແຕ່ປີ 2016-2018) ໄດ້ມີຂຶ້ນວານນີ້ທີ່ນະຄອນຫຼວງວຽງຈັນ ລະຫວ່າງເຈົ້າໜ້າທີ່ກະຊວງຄວາມເທົ່າທຽມທາງເພດ ແລະ ຄອບຄົວຂອງເກົາຫຼີໃຕ້ ແລະ ສະຫະພັນແມ່ຍິງລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນປີຜ່ານມາລາວໄດ້ພະຍາຍາມຫຼຸດຜ່ອນຜົນກະທົບຂອງໄພພິບັດທາງທຳມະຊາດ ແຕ່ຍັງຜະເຊີນກັບສີ່ງທ້າທາຍຈຳນວນໜຶ່ງເຊັ່ນ ຂໍ້ຈຳກັດດ້ານງົບປະມານ.ເຈົ້າໜ້າທີ່ແຮງງານຍອມຮັບວ່າ ພວກເຂົາມີຄວາມກັງວົນວ່າຈະບໍ່ສາມາດບັນລຸຕາມເປົ້າໝາຍທີ່ວາງໄວ້ ເນື່ອງຈາກຂໍ້ຈຳກັດດ້ານງົບປະມານໃນປະຈຸບັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະມາຄົມນັກການທະນາຄານລາວ (LBA) ກຳລັງມີການຍົກລະດັບທັກສະໃຫ້ແກ່ພະນັກງານທະນາຄານທີ່ເປັນສະມາຊິກສະມາຄົມ ໃນການເພີ່ມຄວາມເຂົ້າໃຈກ່ຽວກັບການຄຸ້ມຄອງຄວາມສ່ຽງ ແລະ ການປ້ອງກັນການຟອກເງິນ ແລະ ການສະໜັບສະໜູນທາງການເງິນເພື່ອການກໍ່ການຮ້າຍ.ທ່ານ ພູໂຂງ ຈັນທະຈັກ ປະທານ LBA ກ່າວຕໍ່ຜູ້ເຂົ້າຮ່ວມກອງປະຊຸມວິຊາການກ່ຽວກັບບັນຫາເຫຼົ່ານີ້ໃນມື້ວານນີ້ວ່າ ທາງສະມາຄົມໃຫ້ບູລິມະສິດການເສີມຂະຫຍາຍ ແລະ ຍົກລະດັບທັກສະໃຫ້ແກ້ພະນັກງານທະນາຄານທີ່ຮັບຜິດຊອບໃນການປ້ອງກັນການຟອກເງິນ ແລະ ການສະໜັບສະໜູນທາງການເງິນເພື່ອການກໍ່ການຮ້າຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງຝ່າຍລາວ ແລະ ໄທ ຊຸກຍູ້ໃຫ້ມີການກໍ່ສ້າງຂົວຂ້າມແມ່ນ້ຳຂອງຕື່ມອີກສອງແຫ່ງ ເພື່ອອຳນວຍຄວາມສະດວກໃຫ້ແກ່ການຂົນສົ່ງສິນຄ້າ ແລະ ການເດີນທາງຂອງປະຊາຊົນສອງຊາດ.ທ່ານ (ປອ) ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະ ຂົນສົ່ງຂອງລາວ ແລະ ທ່ານ ອາຄົມ ເທີມພິທະຍະໄພສິດ ລັດຖະມົນຕີຝ່າຍໄທ ໄດ້ຈັດການໂອ້ລົມຫາລືເພື່ອບັນລຸຂໍ້ຕົກລົງກ່ຽວກັບວິທີທາງໃນຕໍ່ໜ້າ ທີ່ຈັງຫວັດໜອງຄາຍປະເທດໄທ ໃນວັນຈັນຜ່ານມາ.ສອງຝ່າຍໄດ້ສຳເລັດຮ່າງຂໍ້ຕົກລົງກ່ຽວກັບການກໍ່ສ້າງຂົວມິດຕະພາບລາວ-ໄທແຫ່ງທີຫ້າ ເພື່ອເຊື່ອມຕໍ່ແຂວງບໍລິຄຳໄຊຂອງລາວກັບຈັງຫວັດບຶງການຂອງໄທ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານລາວຕັ້ງເປົ້າຫຼຸດຜ່ອນການຂາດດູນດ້ານການຄ້າກບຫວຽດນາມໃຫ້ເຫຼືອປະມານ US$227 ລ້ານໂດລາໃນປີນີ້, ເຊິ່ງລາວຈະຜະລິດສິນຄ້າສົ່ງອອກໃຫ້ຫຼາຍຂຶ້ນ.ມູນຄ່າສິນຄ້ານຳເຂົ້າຈາກຫວຽດນາມມາລາວ ແມ່ນຄາດວ່າຈະຢູ່ໃນລະດັບ US$985.3 ລ້ານໂດລາ, ແລະ ລາວມີແຜນບັນລຸເປົ້າໝາຍການສົ່ງອອກໃຫ້ໄດ້ US$757.9 ລ້ານໂດລາ, ຕາມກະຊວງອຸດສາຫະກຳ ແລະ ການຄ້າ.ໃນປີຜ່ານມາລາວຜະເຊີນກັບການຂາດດູນທາງການຄ້າກັບຫວຽດນາມ ມູນຄ່າ US$496.2 ລ້ານໂດລາ, ເຊິ່ງມີສິນຄ້ານຳເຂົ້າມູນຄ່າ US$1,381.5 ລ້ານໂດລາ ແລະ ສິນຄ້າສົ່ງອອກແມ່ນ US$885.3 ໂດລາ.ອ່ານຕໍ່ ...

ຊະນະຄາມ, ລາວ (ວຽງຈັນທາມສ໌/ANN) – ເມືອງຊະນະຄາມ ແຂວງໄຊຍະບູລີ ແມ່ນຂຶ້ນຊື່ວ່າມີດິນປູກຝັງທີ່ງາມ ແລະ ອຸດົມສົມບູນ ແລະ ມີໝາກກ້ວຍ, ໝາກຂາມ, ໝາກນັດ ແລະ ໝາກພ້າວທີ່ມີຄຸນນະພາບເປັນອັນດັບໜຶ່ງມາຫຼາຍປີ.ຜະລິດຕະພັນປຸງແຕ່ງຈາກໝາກໄມ້ທີ່ປູກໃນທ້ອງຖິ່ນ ນັ້ນກໍຄືໝາກໄມ້ກວນ ພວມກຳລັງເປັນທີ່ນິຍົມ ແລະ ຄວາມຫຼາກຫຼາຍດ້ານຮູບແບບກໍຖືວ່າເປັນຂອງຕ້ອນທີ່ເປັນທີ່ນິຍົມ ສຳລັບນັກທ່ອງທ່ຽວ ແລະ ຜູ້ທີ່ມາຢ້ຽມຢາມພື້ນທີ່ດັ່ງກ່າວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ກະຊວງກະສິກຳ ແລະ ປ່າໄມ້ກ່າວໃນມື້ວານນີ້ວ່າ ບັນຫາກ່ຽວກັບສວນກ້ວຍໃນລາວ ແມ່ນເນື່ອງມາຈາກນັກລົງທຶນດຳເນີນການເຈລະຈາໂດຍກົງກັບຊຸມຊົນທ້ອງຖິ່ນ ແທນທີ່ຈະດຳເນີນຂັ້ນຕອນຕາມລະບຽບກົດໝາຍຢ່າງເປັນທາງການ.ທ່ານ ບຸນກວ້າງ ຄຳບຸນເຮືອງ ຮອງລັດຖະມົນຕີກ່າວຕໍ່ໜັງສືພິມວຽງຈັນທາມສ໌ວ່າ ບັນຫາທີ່ເກີດຂຶ້ນຈາກສວນກ້ວຍ ເຊິ່ງສົ່ງຜົນເສຍຕໍ່ສິ່ງແວດລ້ອມ ແລະ ປະຊາຊົນໃນບາງທ້ອງຖິ່ນ ແມ່ນເກີດຂຶ້ນຍ້ອນບັນດາຫົວໜ່ວຍທຸລະກິດ ແລະ ນັກລົງທຶນ ໄດ້ທຳການຫາລືການເຊົ່າທີ່ດິນກັບແຕ່ລະຊຸມຊົນ ແລະ ຈັດຕັ້ງທຸລະກິດພາຍຫຼັງບັນລຸຂໍ້ຕົກລົງກັບອຳນາດການປົກຄອງທ້ອງຖິ່ນ.ອ່ານຕໍ່  ...