ການສຶກສາ ແລະ ການຝຶກອົບຮົມ

ໂຮງຮຽນນາໆຊາດຮີດຟິລ໌ດ໌ ແມ່ນໂຮງຮຽນອີກແຫ່ງໜຶ່ງທີ່ຈະເປີດສອນເປັນພາສາອັງກິດ ສຳລັບພໍ່ແມ່ຜູ້ປົກຄອງທີ່ຕ້ອງການໃຫ້ລູກຫຼານໄດ້ຮຽນພາສາເຊິ່ງເປັນທີ່ຮັບຮູ້ໃນລະດັບສາກົນ.ທ່ານ ສູນທອນ ພົມມະຈັກ ອຳນວຍການໂຮງຮຽນ ໄດ້ເປີດເຜິີຍແນວທາງການສິດສອນຂອງໂຮງຮຽນໃນອາທິດແລ້ວນີ້ ໃນໂອກາດການຢ້ຽມຢາມຂອງທ່ານນາງ ຂັນທະລີ ສິຣິພົງພັນ ຮອງລັດຖະມົນຕີກະຊວງສຶກສາທິການ ແລະ ກິລາ, ແລະ ທ່ານ ຮິວ ອີວານ ເອກອັກຄະລັດຖະທູດອັງກິດປະຈຳລາວ.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ພິທີມອບຮັບໂຮງຮຽນເຕັກນິກ-ວິຊາຊົບແຂວງບໍ່ແກ້ວທີ່ໄດ້ຮັບການປົວແປງໄດ້ມີຂຶ້ນຢ່າງເປັນທາງການຫວ່າງໝໍ່ໆມານີ້.ການປັບປຸງໂຮງຮຽນໃຫ້ທັນສະໄໝ ແລະ ການຂະຫຍາຍອາຄານຮຽນແມ່ນໄດ້ຮັບທຶນຊ່ວຍເຫຼືອຈາກລັດຖະບານລາວ ແລະ ລັດຖະບານເຢຍລະມັນຜ່ານໂຄງການ KfW, ເຊິ່ງມີມູນຄ່າລວມເກືອບ 1 ລ້ານຢູໂຣ.ໃນປີ 2015 ໂຮງຮຽນດັ່ງກ່າວໄດ້ເຂົ້າຮ່ວມໂຄງການຮ່ວມມືລາວ-ເຢຍລະມັນ VELA-FC (ການສຶກສາວິຊາຊີບໃນລາວ) ເຊິ່ງແນໃສ່ຍົກລະດັບການສຶກສາ ແລະ ການຝຶກອົບຮົມສຳລັບໂຮງຮຽນວິຊາຊີບໃນລາວ ທັງໃນດ້ານປະລິມານ ແລະ ຄຸນນະພາບ.ອ່ານຕໍ່ ...

ກະຊວງສຶກສາທິການ ແລະ ກິລາ ໄດ້ໃຫ້ທຶນການສຶກສາບໍ່ຈຳກັດຈຳນວນສຳລັບນັກຮຽນທີ່ຕ້ອງສູນເສຍພໍ່ແມ່ ເນື່ອງຈາກເຫດໄພນ້ຳຖ້ວມຄັ້ງຮ້າຍແຮງ ທີ່ເມືອງສະໜາມໄຊ ແຂວງອັດຕະປືໃນປີກາຍນີ້.ທຶນການສຶກສາດັ່ງກ່າວແມ່ນສຳລັບນັກຮຽນທີ່ທຸກຍາກ ພາຍໃຕ້ນະໂຍບາຍຂອງກະຊວງກ່ຽວກັບຜູ້ປະສົບໄພນ້ຳຖ້ວມ.ທ່ານ (ປອ) ບຸນມີ ພົນເສນາ ປະທານມະຫາວິທະຍາໄລຈຳປາສັກ ໄດ້ລາຍງານຜ່ານໜັງສືພິມວຽງຈັນທາມສ໌ ກ່ຽວກັບແຜນການເພື່ອຊ່ວຍເຫຼືອຜູ້ປະສົບໄພໂດຍການໃຫ້ທຶນການສຶກສາ.ພາຍໃຕ້ນະໂຍບາຍດັ່ງກ່າວ, ຜູ້ທີ່ມີສິດໄດ້ຮັບທຶນຕ້ອງຮຽນຈົບຊັ້ນມັດທະຍົມຕອນປາຍ ແລະ ມີຄະແນນສະເລ່ຍທ້າຍພາກ 6.5 ຄະແນນຂຶ້ນໄປ. ຜູ້ກ່ຽວບໍ່ຕ້ອງທຳການສອບເສັງເພື່ອເຂົ້າຮຽນ.ອ່ານຕໍ່ ...

ພະແນກສຶກສາທິການ ແລະ ກິລາແຂວງວຽງຈັນ ພ້ອມດ້ວຍສະມາຄົມຮ່ວມນ້ຳໃຈກັບເດັກນ້ອຍລາວ (ALC), ຈະດຳເນີນໂຄງການພັດທະນາເດັກທີ່ເມືອງໂພນໂຮງ ແລະ ເມືອງຫີນເຫີບ.ພິທີລົງນາມບົດບັນທຶກຄວາມເຂົ້າໃຈກ່ຽວກັບໂຄງການພັດທະນາເດັກດັ່ງກ່າວ ໂດຍກົມສາມັນສຶກສາ ກະຊວງສຶກສາທິການ ແລະ ກິລາ ໄດ້ຈັດຂຶ້ນທີ່ນະຄອນວຽງຈັນ ໃນວັນອັງຄານຜ່ານມານີ້.ອ່ານຕໍ່ ...

ບໍ່ແກ້ວ, ລາວ (ວຽງຈັນທາມສ໌/ANN) – ພາຍໃຕ້ສົກສຶກສາທີ່ກຳລັງຈະສິ້ນສຸດໃນເດືອນໜ້ານີ້, ໂຄງການຊ້າງລາວຮັກອ່ານພວມເລັ່ງມືໃນການລົງຢ້ຽມຢາມໂຮງຮຽນຕ່າງໆທີ່ເມືອງຫ້ວຍຊາຍ, ແຂວງບໍ່ແກ້ວ ເພື່ອນຳພາເດັກນ້ອນຈັດກິດຈະກຳເພື່ອສ້າງແຮງບັນດານໃຈຕ່າງໆ ເຊັ່ນ ການອ່ານ, ແລະ ການແຈກຢາຍອຸປະກອນການສຶກສາ.ໂຄງການຊ້າງລາວຮັກອ່ານແມ່ນໂຄງການຂັ້ນຮາກຖານ ແລະ ເປັນການລິເລີ່ມແບບບໍ່ຫວັ່ງຜົນກຳໄລ ເພື່ອສົ່ງເສີມການອ່ານໃນເມືອງຫ້ວຍຊາຍ. ໂຄງການດັ່ງກ່າວມີການໃຫ້ບໍລິການຫ້ອງອ່ານຂະໜາດນ້ອຍໃນໃຈກາງຕົວເມືອງ ມາແຕ່ທ້າຍປີ 2017  ເພື່ອສົ່ງເສີມໃຫ້ເດັກນ້ອຍຮັກໃນການອ່ານ ແລະທັງເປັນການໂຄສະນາກິດຈະກຳຂອງໂຄງການໃຫ້ແກ່ນັກທ່ອງທ່ຽວ.ອ່ານຕໍ່ ...

ພິທີມອບຮັບໂຮງຮຽນເຕັກນິກ-ວິຊາຊີບແຂວງບໍລິຄຳໄຊທີ່ໄດ້ສຳເລັດການບູລະນະສ້ອມແປງໄດ້ມີຂຶ້ນໃນທ້າຍເດືອນຜ່ານມາ.ການບູລະນະດັ່ງກ່າວແມ່ນນຳໃຊ້ທຶນເກືອບ 1.3 ລ້ານຢູໂຣເຂົ້າໃນການສ້າງຄວາມທັນສະໄໝ ແລະ ຂະຫຍາຍອາຄານຮຽນ ແລະ ການສະໜອງອຸປະກອນຕ່າງໆ. ພາຍໃຕ້ທຶນການຊ່ວຍເຫຼືອຂອງໂຄງການ VELA-FC  (ການສົ່ງເສີມການສຶກສາວິຊາຊີບໃນລາວ) ມີໂຮງຮຽນວິຊາຊີບສອງແຂວງຄື ບໍ່ແກ້ວ ແລະ ບໍລິຄຳໄຊ ແລະ ສະຖາບັນພັດທະນາການສຶກສາວິຊາຊີບວຽງຈັນ.ອ່ານຕໍ່ ...

ໃນປີນີ້ ຈະມີໂຄງການການສຶກສາເພື່ອສ້າງປະໂຫຍດໃຫ້ແກ່ເດັກນ້ອຍ 7,000 ຄົນ ເຊິ່ງເຈົ້າໜ້າທີ່ຄາດວ່າຈະຊ່ວຍປັບປຸງວຽກງານການບໍລິຫານໂຮງຮຽນ, ຊ່ວຍສ້າງຄວາມພ້ອມໃຫ້ແກ່ໂຮງຮຽນ ແລະ ພັດທະນາທັກສະກ່ຽວກັບການອ່ານ ແລະ ຕົວເລກໃຫ້ແກ່ເດັກນ້ອຍນັກຮຽນຊັ້ນອະນຸບານ ແລະ ຊັ້ນປະຖົມ.ອົງການ Aide et Action ໄດ້ເປີດຕົວໂຄງການທີ່ມີຊື່ວ່າ ‘ການສ້າງສະພາບແວດລ້ອມທີ່ເໝາະສົມ ແລະ ເປັນມິດຕໍ່ເດັກນ້ອຍ ແລະ ການປັບປຸງຄຸນນະພາບຜົນການຮຽນ ສຳລັບໂຮງຮຽນອະນຸບານ ແລະ ປະຖົມໃນແຂວງວຽງຈັນ ແລະ ອຸດົມໄຊ’ ເຊິ່ງມີໄລຍະການປະຕິບັດໂຄງການ 5 ປີ, ມີທຶນ 8.5 ຕື້ກີບ (US$1 ລ້ານໂດລາ) ໃນວັນທີ 25 ເມສານີ້ ເຊິ່ງຄາດວ່າຈະຊ່ວຍຫຼຸດຜ່ອນສິ່ງທ້າທາຍທາງດ້ານການສຶກກສາຂອງປະເທດໃນລະດັບໜຶ່ງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສອງອົງການຈັດຕັ້ງສາກົນວາງແຜນສ້າງຕັ້ງການຮ່ວມມື ເພື່ອຊ່ວຍເຫຼືອລາວໃນການປັບປຸງຜົນການສຶກສາຮ່ຳຮຽນໃນເຂດຊາຍແດນຫ່າງໄກສອກຫຼີກ.ອົງການຈັດຕັ້ງລັດຖະມົນຕີການສຶກສາໃນອາຊິຕາເວັນອອກສຽງໃຕ້ (Seameo) ແລະ ສະມາຄົມປະຊາຊາດອາຊີຕາເວັນອອກສຽງໃຕ້ (Asean) ໄດ້ຈັດກອງປະຊຸມກຸ່ມເຮັດວຽກວິຊາການຂຶ້ນທີ່ນະຄອນວຽງຈັນ ໃນວັນທີ 4 ເມສາ ເພື່ອຫາລືກ່ຽວກັບຄວາມເປັນໄປໄດ້ໃນການຮ່ວມມືດ້ານການພັດທະນາການສຶກສາໃນພາກພື້ນ ລວມທັງໃນປະເທດລາວ.ອ່ານຕໍ່ ...

ການກໍ່ສ້າງວິທະຍາໄລການຊ່າງລາວ-ເຢຍລະມັນແຫ່ງທີ່ສອງໄດ້ເລີ່ມລົງມືແລ້ວ ທີ່ນະຄອນວຽງຈັນ ເຊິ່ງຈະຊ່ວຍເພີ່ມປະລິມານນັກສຶກສາໃນການຮ່ຳຮຽນຫຼັກສູດວິຊາສະເພາະທີ່ສາມາດນຳໃຊ້ໃນການປະກອບອາຊີບ ເຊັ່ນການປະຕິບັດການດ້ານກົນຈັກ.ການກໍ່ສ້າງວິທະຍາເຂດວິທະຍາໄລດັ່ງກ່າວ ແມ່ນໄດ້ຮັບທຶນຊ່ວຍເຫຼືອລ້າຈາກລັດຖະບານລາວ ແລະ ເຢຍລະມັນ ແລະ ຈະເພີ່ມທາງເລືອກສຳລັບນັກສຶກສາທີ່ຮຽນຈົບຊັ້ນມັດທະຍົມ ທີ່ຕ້ອງການຮ່ຳຮຽນໃນຂະແໜງວິຊາຊີບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານອອສ໌ເຕຣເລຍເປີດໂອກາດໃຫ້ນັກສຶກສາລາວຫຼາຍຮ້ອຍຄົນ ໃນການພົບປະກັບຕົວແທນຈາກມະຫາວິທະຍາໄລຈາກອອສ໌ເຕຣເລຍ ໃນງານວາງສະແດງການສຶກສາອອສ໌ເຕຣເລຍ ທີ່ວຽງຈັນ ແລະ ຮຽນຮູ້ກ່ຽວກັບວ່າເປັນຫຍັງ ອອສ໌ເຕຣເລຍ ຈຶ່ງເປັນໜຶ່ງໃນສາມປະເທດຕົວເລືອກຍອດນິຍົມຂອງບັນດານັກສຶກສາຕ່າງປະເທດທົ່ວໂລກ.ອອສ໌ເຕຣເລຍ ມີມະຫາວິທະຍາໄລເຈັດແຫ່ງທີ່ຕິດອັນດັບໜຶ່ງໃນຮ້ອຍຂອງມະຫາວິທະຍາໄລທົ່ວໂລກ ຄື ມະຫາວິທະຍາໄລເມວເບີນ, ຊິດນີ, ຄວີນສ໌ແລນ, ອະດິເລດ, ນິວເຊົາເວວສ໌, ມະຫາວິທະຍາໄລແຫ່ງຊາດອອສ໌ເຕຣເລຍ ແລະ ມະຫາວິທະຍາໄລໂມນາສ໌. ເຈັດມະຫາວິທະຍາໄລຊື່ດັງນີ້ ລວມເຖິງມະຫາວິທະຍາໄລອື່ນອີກເຈັດແຫ່ງ ໄດ້ເຂົ້າຮ່ວມໃນງານວາງສະແດງດັ່ງກ່າວ, ຕາມບົດຂ່າວຈາກສະຖານທູດອອສ໌ເຕຣເລຍປະຈຳ ສປປ ລາວ.ເບິ່ງ www.australiaawardslaos.org ກ່ຽວກັບລາຍລະອຽດການສະໝັກ.ອ່ານຕໍ່ ...