ພື້ນຖານໂຄງລ່າງ

ວຽງຈັນ, 11 ພະຈິກ (Xinhua) –– ລັດວິສາຫະກິດໄຟຟ້າລາວ (EDL), ໃນນາມຂອງລັດຖະບານ, ໄດ້ສຳເລັດການຂະຫຍາຍຕາຂ່າຍສົ່ງໄຟຟ້າເກີນກວ່າ 80 ສ່ວນຮ້ອຍ ເພື່ອສົ່ງກະແສໄຟຟ້າເຂົ້າສູ່ສາຍສົ່ງໄຟຟ້າຂອງກຳປູເຈຍ ຢູ່ຊາຍແດນລະຫວ່າງສອງປະເທດ.ນີ້ແມ່ນເນື່ອງມາຈາກຂໍ້ຕົກລົງການຊື້ຂາຍໄຟຟ້າ ລະຫວ່າງລາວ ແລະ ກຳປູເຈຍ ໃນລະຫວ່າງການຢ້ຽມຢາມເຮັດວຽກຢູ່ປະເທດກຳປູເຈຍ ຂອງທ່ານ ທອງລຸນ ສີສຸລິດ ນາຍົກລັດຖະມົນຕີ ໃນເດືອນກັນຍາທີ່ຜ່ານມາ, ຕາມການລາຍງານຂອງສຳນັກຂ່າວທ້ອງຖິ່ນວຽງຈັນທາມສ໌ ໃນວັນຈັນນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດສະຕາເທເລຄອມ (ຢູນິເທວ) ໄດ້ທຳການທົດສອບລະບົບ 5G ຢ່າງເປັນທາງການໃນອັດຕາຄວາມໄວສູງສຸດ 1.7 Gbps,  ແລະ ສາມາດປັບຄວາມໄວສູງສຸດໄດ້ເຖິງ 2.5 Gbps ເມື່ອເຊື່ອມໂຍງກັບລະບົບ 4G (ໂດຍນຳໃຊ້ຮູບແບບການເຊື່ອມຕໍ່ສອງລະບົບເພື່ອສົ່ງຕໍ່ຂໍ້ມູນຂ່າວສານພ້ອມກັນທັງໃນລະບົບ 5G ແລະ 4G ເພື່ອໄປເຖິງປາຍທາງ).ການທົດສອບດັ່ງກ່າວໄດ້ມີຂຶ້ນທີ່ນະຄອນຫຼວງວຽງຈັນຫວ່າງໝໍ່ໆມານີ້ ໃນເນື່ອງໃນກອງປະຊຸມລັດຖະມົນຕີ ICT ອາຊຽນຄັ້ງທີ 19 ແລະ ວັນເປີດຕົວຍີ້ຫໍ້ ຢູນິເທວ ຄົບຮອບ 10 ປີ.ອ່ານຕໍ່ ...

ຫົວໜ້າຫ້ອງການປົກຄອງແຂວງສະຫວັນນະເຂດ ພ້ອມດ້ວຍເຈົ້າໜ້າທີ່ພະແນກໂຍທາທິການ ແລະ ຂົນສົ່ງແຂວງສະຫວັນນະເຂດ ໄດ້ປະຊຸມຫວ່າງໝໍ່ໆມານີ້ ເພື່ອເຜີຍແຜ່ເນື້ອນຂໍ້ຕົກລົງກ່ຽວກັບການຄຸ້ມຄອງທ່າເຮືອບົກ, ເພື່ອສົ່ງເສີມການໃຊ້ບໍລິການທ່າເຮືອບົກສະຫວັນນະເຂດໃຫ້ຫຼາຍຍິ່ງຂຶ້ນ.ຂໍ້ຕກລົງໄດ້ດັ່ງກ່າວແມ່ນອອກໂດຍກະຊວງໂຍທາທິການ ແລະ ຂົນສົ່ງ ໃນວັນທີ 5 ເມສາ 2018 ກ່ຽວກັບການຄຸ້ມຄອງທ່າເຮືອບົກສະຫວັນນະເຂດ ແລະ ມີແຈ້ງການສະໜັບສະໜູນຈາກຫ້ອງການປົກຄອງແຂວງສະຫວັນນະເຂດ ລົງວັນທີ 11 ຕຸລາ 2019.ອ່ານຕໍ່ ...

ບໍລິສັດການບິນລາວ ມີແຜນເປີດຖ້ຽວບິນຈາກນະຄອນວຽງຈັນ ແລະ ເມືອງຫຼວງພະບາງ ເຖິງເມືອງກຸມາໂມໂຕ ແຂວງກິວຊິວ ປະເທດຍີ່ປຸ່ນ ໃນເດືອນມິນາປີໜ້າ ພາຍຫຼັງໄດ້ຮັບການຕອບຮັບຈາກຫ້ອງການຄຸ້ມຄອງການບິນພົນລະເຮືອນຂອງຍີ່ປຸ່ນ.ຖ້ຽວບິນ ວຽງຈັນ-ກຸມາໂມໂຕ ຈະໃຫ້ບໍລິການຜູ້ໂດຍສານໃນທຸກໆວັນພຸດ ແລະ ວັນເສົາ, ໃນຂະນະທີ່ຖ້ຽວບິນ ຫຼວງພະບາງ-ກຸມາໂມໂຕ ຈະບິນໃນທຸກໆວັນຈັນ ແລະ ວັນສຸກ.ຖ້ຽວບິນທັງສອງຈະນຳໃຊ້ຍົນໂດຍສານແອບັສ໌ 142 ບ່ອນນັ່ງ, ຕາມເຈົ້າໜ້າທີ່ການຕະຫຼາດຂອງບໍລິສັດການບິນລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດວິສາຫະກິດນ້ຳປະປານະຄອນຫຼວງວຽງຈັນ ໄດ້ທຳການຕິດຕັ້ງຈັກສູບນ້ຳໃນແມ່ນ້ຳງື່ມ ເພື່ອສະໜອງນ້ຳໃຫ້ແກ່ໂຮງງານຜະລິດນ້ຳປະປາດົງໝາກຄາຍ ເມືອງໄຊທານີ, ເພື່ອຮັບປະກັນການສະໜອງນ້ຳໃຫ້ພຽງພໍກັບຄວາມຕ້ອງການຂອງປະຊາຊົນໃນທ້ອງຖິ່ນ ໃນລະດູແລ້ງນີ້.ຕາມການສຳພາດທາງໂທລະສັບກັບສຳນັກຂ່າວວຽງຈັນທາມສ໌ວານນີ້ ທ່ານ ຄຳເຜີຍ ວົງສາຄຳຜຸຍ ຫົວໜ້າລັດວິສາຫະກິດນ້ຳປະປານະຄອນຫຼວງວຽງຈັນ ເປີດເຜີຍວ່າ ຫຼັງຈາກທີ່ລະດບນ້ຳໃນແມ່ນ້ຳຫຼຸດຕ່ຳລົງ ທາງວິສາຫະກິດຈຶ່ງໄດ້ຕັດສິນໃຈຕິດຕັ້ງຈັກສູບນ້ຳ ເພື່ອດູດນ້ຳຈາກແມ່ນ້ຳຂຶ້ນສູ່ໂຮງງານ.ເຄື່ອງຈັກສູບນ້ຳດັ່ງກ່າວແມ່ນດຳເນີນການໄດ້ດີ ແລະ ເຮັດໃຫ້ການສະໜອງນ້ຳປະປາໃນແຕ່ລະຄົວເຮືອນມີຄວາມສະໝ່ຳສະເໝີ.ອ່ານຕໍ່ ...

ບໍລິສັດນ້ຳປະປານະຄອນຫຼວງວຽງຈັນ ກຳລັງທຳການຕິດຕັ້ງຈັກສູບນ້ຳເຄື່ອງໃໝ່ ເພື່ອສູບນ້ຳຈາກລຳນ້ຳງື່ມ ພາຍຫຼັງທີ່ບາງພື້ນທີ່ໃນນະຄອນວຽງຈັນໄດ້ຜະເຊີນພາວະຂາດນ້ຳໃຊ້.ໂດຍສະເພາະໃນບາງສ່ວນຂອງເມືອງໄຊທານີ, ໄຊເສດຖາ, ແລະ ຈັນທະບູລີ ແມ່ນບໍ່ມີນ້ຳພຽງພໍຕໍ່ການນຳໃຊ້, ຕາມການລາຍງານຂອງສຳນັກຂ່າວລາວພັດທະນາ.ພາວະຂາດແຄນດັ່ງກ່າວ ແມ່ນເນື່ອງຈາກສະຖານນີນ້ຳປະປາດົງໝາກຄາຍ ບໍ່ສາມາດຜະລິດນ້ຳໄດ້ພຽງພໍກັບຄວາມຕ້ອງການ ເນື່ອງຈາກລະດັບນ້ຳໃນແມ່ງື່ມຫຼຸດລົງຕ່ຳກວ່າປົກກະຕິໃນຊ່ວງກາງເດືອນນີ້.ອ່ານຕໍ່  ...

ກຸ່ມບໍລິສັດ Meal Temple ຂອງກຳປູເຈຍ ໄດ້ເປີດບໍລິການລົດຮັບສົ່ງໃນລາວ, ກາຍເປັນບໍລິສັດທີສອງຂອງປະເທດລາວທທີ່ໃຫ້ບໍລິການດັ່ງກ່າວ ນອກຈາກບໍລິສັດທ້ອງຖິ່ນ LOCA.ກຸ່ມບໍລິສັດ Meal Temple ເຊິ່ງໄດ້ມີການກໍ່ຕັ້ງໃນປີ 2013 ໄດ້ຂະຫຍາຍກິດຈະການເຂົ້າມາໃນລາວໃນເດືອນກໍລະກົດປີນີ້ ດ້ວຍການຊື້ກິດຈະການ MyDelivery ບໍລິການຈັດສົ່ງອາຫານຜ່ານໂທລະສັບມືຖື ຈາກບໍລິສັດ Kiwi Group ຂອງລາວ. ປະຈຸບັນ ທາງບໍລິສັດມີກິດຈະການຢູ່ໃນປະເທດມຽນມາ, ເນປານ ແລະ ພູຖານ.ກຸ່ມບໍລິສັດດັ່ງກ່າວຈະເຂົ້າມາເປີດບໍລິການລົດຮັບສົ່ງໃນລາວ ທ່າມກາງການຂະຫຍາຍຕົວຂອງຂະແໜງການທ່ອງທ່ຽວໃນປະເທດ.ອ່ານຕໍ່ ...

ສະມາຄົມກໍ່ສ້າງທາງລົດໄຟອິນໂດເນເຊຍ ໄດ້ຖະແຫຼງແຜນການກໍ່ສ້າງເສັ້ນທາງລົດໄຟເຊື່ອມຕໍ່ລະຫວ່າງຫວຽດນາມ ແລະ ລາວ ທີ່ຈະເລີ່ມໃນປີ 2021 ໃນມູນຄ່າ $1.9 ຕື້ໂດລາ.ສະມາຄົມດັ່ງກ່າວແມ່ນປະກອບດ້ວຍບໍລິສັດ INKA, ເຊິ່ງເປັນບໍລິສັດທາງລົດໄຟແຫ່ງລັດຂອງອິນໂດເນເຊຍ, ແລະ ບໍລິສັດທາງລົດໄຟອິນໂດເນເຊຍ ເຊິ່ງເປັນຜູ້ດຳເນີນການຫຼັກ. ນອກຈາກນີ້ ຍັງປະກອບໄປດ້ວຍ ບໍລິສັດໄຟຟ້າ Len Industri ແລະ ບໍລິສັດຜູ້ຮັບເໝົາ Waskita Karya.ທາງສະມາຄົມໄດ້ລົງນາມໃນຂໍ້ຕົກລົງການຮ່ວມມືກັບບໍລິສັດ HT ກໍ່ສ້າງຂອງຫວຽດນາມ ແລະ ບໍລິສັດ ປີໂຕຼເທຼດຂອງລາວ.ອ່ານຕໍ່  ...

ບໍລິສັດການບິນໄທສາກົນ ມີແຜນຍົກເລີກເສັ້ນທາງການບິນ 6 ສາຍໃນ 4 ປະເທດອາຊຽນ ຄື: ກຳປູເຈຍ, ຫວຽດນາມ, ມຽນມາ ແລະ ລາວ.ເສັ້ນທາງການບິນດັ່ງກ່າວ, ເຊິ່ງທັງໝົດແມ່ນເດີນທາງຈາກສະໜາມບິນສຸວັນນະພູມຂອງໄທ, ໄດ້ແກ່ເສັ້ນທາງໄປພະນົມເປັນ, ຮ່າໂນ້ຍ, ໂຮຈິມິນ, ຢ້າງກຸ້ງ, ວຽງຈັນ ແລະ ຫຼວງພະບາງ, ຕາມການລາຍງານຂອງສຳນັກຂ່າວ The Nation.ແຫຼ່ງຂ່າວຍັງໃຫ້ຂໍ້ມູນຕື່ມວ່າ ທ່ານ ສຸເມດ ດຳຣຸງໃຈທຳ ປະທານບໍລິສັດການບິນໄທ ກ່າວວ່າ ເສັ້ນທາງເຫຼົ່ານີ້ມີຈຳນວນຖ້ຽວບິນໜ້ອຍ ແລະ ມີປະລິມານລູກຄ້າຕ່ຳ.ທ່ານ ສຸເມດ ຍັງໄດ້ກ່າວເພີ່ມເຕີມວ່າ ການບິນໄທ ຈະມອບໝາຍໃຫ້ສາຍການບິນ ໄທສະມາຍແອເວ ຄອບຄຸມເສັ້ນທາງການບິນເຫຼົ່ານີ້ ເມື່ອມີຂໍ້ສະຫຼຸບກ່ຽວກັບແຜນຍົກເລີກດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວໄດ້ມອບໝາຍໃຫ້ບໍລິສັດ ປິໂຕຼລຽມເທຼດດິງລາວມະຫາຊົນ (ປີໂຕຼເທຼດ) ດຳເນີນການສຶກສາຄວາມເປັນໄປໄດ້ ກ່ຽວກັບໂຄງການກໍ່ສ້າງເສັ້ນທາງລົດໄຟລາວ-ຫວຽດ ແຕ່ເມືອງທ່າແຂກ ແຂວງຄຳມ່ວນ ຫາຊາຍແດນຫວຽດນາມ.ກະຊວງແຜນການ ແລະ ການລົງທຶນ ໃນນາມຂອງລັດຖະບານລາວ ແລະ ບໍລິສັດ ປີໂຕຼເທຼດ ໄດ້ລົງນາມໃນບົດບັນທຶກຄວາມເຂົ້າໃຈ ທີ່ນະຄອນວຽງຈັນໃນວັນອັງຄານນີ້ ເພື່ອດຳເນີນການສຶກສາຄວາມເປັນໄປໄດ້ ແລະ ອອກແບບລາຍລະອຽດສຳລັບເສັ້ນທາງລົດໄຟດັ່ງກ່າວ.ອ່ານຕໍ່ ...