ການພົວພັນຕ່າງປະເທດ

(ຂປລ) ເຄືອຂ່າຍຂ່າວສານທາງສາຍໃໝ–BRNN- ຈະກາຍເປັນຊ່ອງທາງທີ່ໃຫຍ່ກວ່າໃນການສະໜອງແຫຼ່ງຂໍ້ມູນຂ່າວສານທີ່ສະດວກສະບາຍຕໍ່ການເຂົ້າເຖິງ.ກອງປະຊຸມສະພາເຄືອຂ່າຍຂ່າວສານທາງສາຍໃໝ (BRNN) ຄັ້ງທີ 1 ໄດ້ຈັດຂຶ້ນທີ່ນະຄອນປັກກິ່ງ ປະເທດຈີນ ໃນວັນທີ 23 ເມສານີ້ ເພື່ອຫາລື ແລະ ສະຫຼຸບແຜນດຳເນີນງານຂອງເຄືອຂ່າຍຂ່າວສານທາງສາຍໃໝປະຈຳປີ 2019-2020.ໃນກອງປະຊຸມດັ່ງກ່າວ ມີອົງການຈັດຕັ້ງສື່ມວນຊົນເຂົ້າຮ່ວມຫຼາຍກວ່າ 40 ອົງການ ຈາກ 26 ປະເທດທົ່ວໂລກ ເຊິ່ງໄດ້ຮ່ວມເປັນສັກຂີພະຍານໃນການເປີດຕົວລະບົບເຄືອຂ່າຍຂ່າວສານອອນລາຍ ທີ່ກ່ຽວຂ້ອງກັບການລິເລີ່ມທາງສາຍໃໝ (BRI).ອ່ານຕໍ່ ...

ວຽງຈັນ  (ວຽງຈັນທາມສ໌/ANN) – ນັກສຶກສາຈາກຄະນະນິຕິສາດ ແລະ ວິທະຍາສາດການເມືອງ ມະຫາວິທະຍາໄລແຫ່ງຊາດ ໄດ້ປະກອບສ່ວນໃນການປຶກສາຫາລື ແລະ ຮຽນຮູ້ກ່ຽວກັບບັນຫາໃນພາກພື້ນ ພາຍໃຕ້ໂຄງການກອງປະຊຸມຕົວແບບອາຊຽນ (MAM) ເຊິ່ງຈັດຂຶ້ນທີ່ວຽງຈັນໃນວັນເສົາຜ່ານມາ.ໃນງານດັ່ງກ່າວ ທ່ານ ຮສ ບຸນຕຽງ ພົມມະຈັນ ຮອງອະທິການບໍດີຄະນະນິຕິສາດ ແລະ ວິທະຍາສາດການເມືອງ ກ່າວວ່າ ໂຄງການນີ້ແມ່ນການລິເລີ່ມຂອງມູນນິທິອາຊຽນ ເພື່ອສົ່ງເສີມຄວາມເຂົ້າໃຈໃຫ້ແກ່ນັກສຶກສາ ກ່ຽວກັບວຽກງານການທູດ ແລະ ວິທີການທີ່ຜູ້ນຳປະເທດສະມາຊິກອາຊຽນ ນຳໃຊ້ໃນການແກ້ໄຂບັນຫາຂອງພາກພື້ນໃນກອງປະຊຸມສຸດຍອດອາຊຽນ ແລະ ກອງປະຊຸມສຳຄັນອື່ນໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ແທນກວ່າ 30 ຄົນຈາກເກົ້າປະເທດສະມາຊິກອາຊຽນ, ສະຫະພາບເອີຣົບ, ອົງການຄວາມປອດໄພທາງການບິນເອີຣົບ (EASA) ແລະ ຊ່ຽວຊານການຂົນສົ່ງທາງອາກາດພົບປະທີ່ວຽງຈັນຫວ່າງໝໍ່ໆມານີ້ ເພື່ອຫາລືບັນຫາຫ່ຽວກັບການປົກປ້ອງຜູ້ໂດຍສານ, ທົບທວນການປະຕິບັດການຂົນສົ່ງທາງອາກາດ ແລະ ຄົ້ນຄວ້າຊ່ອງທາງໃນການແກ້ໄຂບັນຫາ.ກອງປະຊຸມພາຍໃຕ້ຫົວຂໍ້ ການປົກປ້ອງຜູ້ໂດຍສານຂອງປະເທດສະມາຊິກອາຊຽນ (AMS) ໄດ້ຈັນຂຶ້ນລະຫວ່າງວັນທີ 2-4 ເມສາ ພາຍໃຕ້ການເຂົ້າຮ່ວມຂອງຊ່ຽວຊານອີຢູ. ເຊິ່ງໄດ້ຮັບການສະໜັບສະໜູນຈາກໂຄງການ ARISE Plus ຂອງສະຫະພາບເອີຣົບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ເສດຖະກິດລະດັບສູງຈາກ 10 ປະເທດສະມາຊິກອາຊຽນ, ເລຂາທິການອາຊຽນ ແລະ 4 ຄູ່ຮ່ວມເຈລະຈາ ໄດ້ປະຊຸມທີ່ວຽງຈັນໃນອາທິດນີ້ ເພື່ອທົບທວນຄວາມຄືບໜ້າໃນການຈັດຕັ້ງປະຕິບັດກິດຈະກຳທາງດ້ານເສດຖະກິດ.ກອງປະຊຸມເຈົ້າໜ້າທີ່ເສດຖະກິດລະດັບສູງອາຊຽນຄັ້ງທີ່ສອງ ເພື່ອກະກຽມສຳລັບກອງປະຊຸມລັດຖະມົນຕີເສດຖະກິດອາຊຽນຄັ້ງທີຫ້າ ແມ່ນມີຂຶ້ນໃນລະຫວ່າງວັນທີ 4-7 ເມສານີ້ ພາຍໃຕ້ການເປັນປະທານຂອງທ່ານນາງ ອໍຣະມົນ ສຸພະທະວີທຸມ ຫົວໜ້າກົມການເຈລະຈາການຄ້າ, ກະຊວງພານິດປະເທດໄທ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ມາເລເຊຍໄດ້ລົງນາມບົດບັນທຶກຄວາມເຂົ້າໃຈ ເພື່ອເສີມຂະຫຍາຍສາຍພົວພັນ ແລະ ລິເລີ່ມການຮ່ວມມືຢ່າງເລິກເຊິ່ງ ໃນວຽກງານປ້ອງກັນປະເທດ ບົນພື້ນຖານຕ່າງຝ່າຍຕ່າງມີຜົນປະໂຫຍດຮ່ວມກັນ.ຕາມກະຊວງປ້ອງກັນປະເທດຂອງມາເລເຊຍ, ບົດບັນທຶກຄວາມເຂົ້າໃຈດັ່ງກ່າວໄດ້ມີການລົງນາມ ໃນລະຫວ່າງການຢ້ຽມຢາມມາເລເຊຍຢ່າງເປັນທາງການຂອງທ່ານພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດລາວ ໃນລະຫວ່າງວັນທີ 21-23 ມີນາທີ່ຜ່ານມາ. ເຊິ່ງເປັນການຢ້ຽມຢາມມາເລເຊຍຄັ້ງທຳອິດນັບແຕ່ເຂົ້າຮັບຕຳແໜ່ງໃນເດືອນເມສາປີ 2016.ອ່ານຕໍ່ ...

ລັດຖະບານລາວສະແດງຄວາມຮູ້ບຸນຄຸນຕໍ່ການຊ່ວຍເຫຼືອຂອງລັດຖະບານ ແລະ ປະຊາຊົນນໍເວ ໃນການພັດທະນາປະເທດລາວ ໂດຍສະເພາະ ໃນຂະແໜງການເກັບກູ້ລະເບີດ ເຊິ່ງເປັນອຸປະສັກອັນໃຫຍ່ຫຼວງໃນການພັດທະນາລາວ.ເຈົ້າໜ້າທີ່ລະດັບສູງຂອງລາວໄດ້ທຳການຕ້ອນຮັບທ່ານ ດັກ ອິງ ຢູສຕຽນ ລັດຖະມົນຕີກະຊວງການພັດທະນາສາກົນແຫ່ງປະເທດນໍເວ ເຊິ່ງເດີນທາງມາຢ້ຽມຢາມລາວຢ່າງເປັນທາງການ ໃນວັນສຸກຜ່ານມາ.ອ່ານຕໍ່ ...

ໄຫໜານ, ຈີນ (ວຽງຈັນທາມສ໌/ANN) – ທ່ານ ທອງລຸນ ສີສຸລິດ ນາຍົກລັດຖະມົນຕີລາວໄດ້ເນັ້ນໜັກເຖິງຄວາມຈຳເປັນໃນການຈັດຕັ້ງການຮ່ວມມືຫຼາຍຝ່າຍ ເພື່ອສົ່ງເສີມຜົນປະໂຫຍດຮ່ວມກັນ ແລະ ບົດບາດຄວາມສຳຄັນຂອງການຫັນສູ່ສາກົນ ໃນກອງປະຊຸມປະຈຳປີຂອງອາຊີ ໂປອາວ 2019 (BFA)  ເຊິ່ງຈັດຂຶ້ນທີ່ແຂວງໄຫໜານ ເກາະທາງພາກໃຕ້ຂອງຈີນ.ທ່ານນາຍົກໄດ້ເດີນທາງເຂົ້າຮ່ວມກອງປະຊຸມດ່ັງກ່າວ ເຊິ່ງຈັດຂຶ້ນໃນລະຫວ່າງວັນທີ 26-29 ມີນານີ້, ຕາມຄຳເຊີນຂອງທ່ານ ລີ ເປົາຕົງ ເລຂາທິການໃຫຍ່ BFA, ຕາມການເປີດເຜີຍຂອງກະຊວງການຕ່າງປະເທດລາວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງການເງິນລາວ ແລະ ຫວຽດນາມໄດ້ຕົກລົງສືບຕໍ່ເສີມຂະຫຍາຍການຈັດຕັ້ງປະຕິບັດການຮ່ວມມືຍຸດທະສາດໃນຂະແໜງການເງິນ ທີ່ສອງຝ່າຍໄດ້ຮ່ວມລົງນາມສຳລັບປີ 2016-2020 ແລະ ຕົກລົງສຸມໃສ່ການປັບປຸງຫຼາຍວຽກງານ.ໃນປີນີ້ ຫວຽດນາມຕັ້ງເປົ້າຊ່ວຍເຫຼືອກະຊວງການເງິນລາວ ໃນການຮ່າງກົດໝາຍກ່ຽວກັບການຄຸ້ມຄອງອາກອນຕ່າງໆ, ຍຸດທະສາດຄັງເງິນແຫ່ງຊາດ, ລວມເຖິງດຳລັດ ແລະ ຂໍ້ຕົກລົງຂອງລັດຖະມົນຕີໃນຂົງເຂດວຽກງານຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລາວ ແລະ ຫວຽດນາມໄດ້ຢືນຢັນວ່າຈະສືບຕໍ່ການຮ່ວມມື ເພື່ອພັດທະນາທັກສະຝີມືແຮງງານໃນລາວ ແລະ ປົກປ້ອງສິດທິຂອງຜູ້ອອກແຮງງານໃນສອງຊາດ.ຜູ້ເຂົ້າຮ່ວມໃນກອງປະຊຸມຂະແໜງແຮງງານ ແລະ ສະຫວັດດີການສັງຄົມລາວ-ຫວຽດນາມປະຈຳປີ ທີ່ວຽງຈັນ ໄດ້ບັນລຸຂໍ້ຕົກລົງເອກະພາບກ່ຽວກັບມາດຕະການໃນການສົ່ງເສີມສາຍພົວພັນດ້ານແຮງງານຂອງສອງຝ່າຍ ເຊິ່ງຕົ້ນຕໍແມ່ນແນໃສ່ການສ້າງການຮ່ວມມືສອງຊາດຢ່າງເລິກເຊິ່ງ ແລະ ຍົກສູງປະສິດທິພາບຂອງແຜນການກ່ຽວກັບແຮງງານ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວສະແດງຄວາມເຫັນດີຕໍ່ການຄົ້ນຄວ້າທາງດ້ານນະໂຍບາຍຮ່ວມ ເພື່ອສົ່ງເສີມການຮ່ວມມືໃນການພັດທະນາ ໃນອະນຸພາກພື້ນແມ່ນ້ຳລ້ານຊ້າງ-ແມ່ນ້ຳຂອງ ເພື່ອຜົນຜະໂຫຍດຮ່ວມຂອງບັນດາປະເທດສະມາຊິກ.ທ່ານນາງ ຄຳເພົ້າ ເອີນທະວັນ ຮອງລັດຖະມົນຕີກະຊວງການຕ່າງປະເທດ ໄດ້ສະແດງຄຳເຫັນໃນນາມຂອງລັດຖະບານໃນການກ່າວໃນກອງປະຊຸມຫາລືຂອງສູນຄົ້ນຄວ້າແມ່ນ້ຳຂອງໂລກ (GCMS) ຄັ້ງທີ 2 ໃນວັນສຸກແລ້ວນີ້ ທີ່ນະຄອນຫຼວງວຽງຈັນ.ອ່ານຕໍ່  ...