Announcements

ຄວນປະຢັດເງິນ ຫຼື ຄວນອະນຸລັກສິ່ງແວດລ້ອມ? ບໍ່ວ່າຈະເລືອກວິທີການໃດ ຜູ້ທີ່ຮັກການທ່ອງທ່ຽວ, ຜູ້ປະກອບການອຸດສາຫະກຳການທ່ອງທ່ຽວ ແລະ ຜູ້ສະໜອງກໍ່ລ້ວນແຕ່ມີເຫດຜົນໃນການເຂົ້າຮ່ວມງານວາງສະແດງທີ່ຫຼວງພະບາງ ເຊິ່ງຈະຈັດຂຶ້ນໄຕ່ວັນທີ 14-15 ກັນຍານີ້.ງານວາງສະແດງການແກ້ໄຂບັນຫາການທ່ອງທ່ຽວແບບຍືນຍົງ ຈະລວມເອົາຫົວໜ່ວຍທຸລະກິດການທ່ອງທ່ຽວ ແລະ ຜູ້ໃຫ້ບໍລິການຜະລິດຕະພັນ, ເຕັກໂນໂລຊີ ແລະ ການບໍລິການແບບຍືນຍົງມາວາງສະແດງທີ່ເມືອງມໍລະດົກໂລກຂອງອົງການຢູເນັສໂກ.ອ່ານຕໍ່ ...

ບຸນຮູບເງົາຫຼວງພະບາງ (LPFF) ເປີດຮັບສະໝັກຜູ້ເຂົ້າຮ່ວມສຳລັບ Talent Lab ປີ 2018 ຊຶ່ງຈັດໂດຍສະຖາບັນຮູບເງົາຕຣີເບກາ (TFI).ຫ້ອງຮຽນດັ່ງກ່າວຈະຈັດຝຶກອົບຮົມນັກສ້າງຮູບເງົາໃນອາຊີຕາເວັນອອກສຽງໃຕ້ ກ່ຽວກັບການຂຽນເພື່ອຂໍທຶນ ແລະ ການນຳສະເໜີໂຄງການ ເຊິ່ງຈະຈັດຂຶ້ນໃນລະຫວ່າງທ້າຍອາທິດທຳອິດຂອງບຸນຮູບເງົາປີຈຳປີຄັ້ງທີເກົ້າ ໃນວັນທີ 7-12 ທັນວານີ້.ອ່ານຕໍ່ ...

(ຂປລ) ງານມະຫາກຳເທັກມາດເພື່ອສົ່ງເສີມ ICT 2018 ຈະຈັດຂຶ້ນທີ່ສູນການຄ້າລາວ ໄອເຕັກ ນະຄອນວຽງຈັນ ໃນລະຫວ່າງວັນທີ 12-21 ຕຸລານີ້ ເພື່ອສົ່ງເສີມອຸດສາຫະກຳ ICT  ໃນລາວ.ອ່ານຕໍ່  ...

ໄອເອັຟຊີ (IFC) ຊຸກຍູ້ບໍລິສັດເອກະຊົນ ແລະ ລັດຖະບານໃນການພິຈາລະນາຜົນກະທົບແບບສະສົມຂອງໂຄງການພະລັງງານໄຟຟ້ານ້ຳຕົກ ຈາກທັດສະນະທີ່ກວ້າງຂວາງ ແລະ ເລິກເຊິ່ງ ເຊິ່ງລວມມີການວາງແຜນພັດທະນາພື້ນທີ່ເໜືອ ແລະ ໃຕ້ເຂື່ອນ. ວຽກງານການປະເມີນຜົນກະທົບແບບສະສົມ (CIA) ໃນຂະແໜງການພະລັງງານໄຟຟ້ານ້ຳຕົກແຜ່ຂະຫຍາຍຈາກລາວ ໄປສູ່ມຽນມ້າ, ເນປານ ແລະ ປາກິສະຖານ. ໃນ ສປປ ລາວ ພວກເຮົາສຸມໃສ່ການເຮັດ CIA ຄັ້ງທຳອິດໃນຂະແໜງການພະລັງງານໝູນວຽນໃນປີ 2018.ໜ້າເວັບນີ້ແບ່ງປັນຂໍ້ມູນ ແລະ ເຄື່ອງມືສຳລັບວຽກງານ CIAs ໃນຂະແໜງພະລັງງານໄຟຟ້ານ້ຳຕົກ. ...

ຈັກຂຸແພດຈະໃຫ້ບໍລິການຜ່າຕັດຕໍ້ກະຈົກແບບບໍ່ເສຍຄ່າທີ່ວຽງຈັນແຕ່ວັນທີ 20-25 ສິງຫານີ້ ເພື່ອຊ່ວຍເຫຼືອປະຊາຊົນຜູ້ທຸກຍາກໃຫ້ກັບມາເບິ່ງເຫັນ.ອ່ານຕໍ່ ...

ກົມອຸຕຸນິຍົມເຕືອນພື້ນທີ່ທົ່ວປະເທດໃຫ້ລະວັງຝົນຟ້າຄະນອງ ແລະ ລົມແຮງ ເນື່ອງຈາກຄວາມກົດດັນອາກາດຕ່ຳພັດຜ່ານພື້ນທີ່ພາກເໜືອ ແລະ ພາກກາງຂອງລາວແຕ່ວັນທີ 10-13 ສິງຫາ.ອ່ານຕໍ່ ...

ແຈ້ງການ ສະບັບເລກທີ 1027/ອຄ.ກຄນນ ລົງວັນທີ 31 ກໍລະກົດ 2018 ເຖິງ ຫົວໜ້າພະແນກອຸດສາຫະກໍາ ແລະ ການຄ້າແຂວງ, ນະຄອນຫຼວງໃນຂອບເຂດທົ່ວປະເທດໃຫ້ເອົາໃຈໃສ່ຊີ້ນໍາໃນການຄຸ້ມຄອງລາຄາສິນຄ້າ ຄ່າບໍລິການ ເພື່ອຮອງຮັບໄພພິບັດນໍ້າຖ້ວມໃນປີ 2018 ບໍ່ໃຫ້ສົ່ງຜົນກະທົບຕໍ່ການດຳລົງຊີວິດຂອງປະຊາຊົນ.ອ່ານຕໍ່ ...

ມີການອອກແຈ້ງເຕືອນສະພາບອາກາດ ສຳລັບຫຼາຍພື້ນທີ່ໃນພາກເໜືອ ແລະ ພາກກາງແຕ່ວັນທີ 18-20 ກໍລະກົດ ຈາກພະຍຸລະດູຮ້ອນຊອນຕິນຈະພັດເຂົ້າລາວຜ່ານຫວຽດນາມ. ອຸຕຸນິຍົມເຕືອນວ່າ ພະຍຸດັ່ງກ່າວມຸ່ງໜ້າໄປທາງທິດຕາເວັນຕົກດ້ວຍຄວາມໄວ 35 ກິໂລແມັດຕໍ່ຊົ່ວໂມງ ເຊິ່ງຈະເຮັດໃຫ້ເກີດຝົນຟ້າຄະນອງ ແລະ ລົມແຮງ.ອ່ານຕໍ່ ...

ເນື່ອງຈາກນ້ຳມັນເປັນອົງປະກອບສຳຄັນຕໍ່ປັດໄຈທາງເສດຖະກິດໃນທົ່ວສັງຄົມ ສະນັ້ນເມື່ອນ້ຳມັນດີດຕົວຂຶ້ນສູງຈະສົ່ງຜົນກະທົບຫຼາຍຢ່າງຕໍ່ການດຳລົງຊີວິດ ກະຊວງອຸດສາຫະກຳ ແລະການຄ້າຈິ່ງໄດ້ມີການປັບລົງລາຄານ້ຳມັນຂາຍຍ່ອຍໜ້າປ້ຳໃນທົ່ວປະເທດ ເລີ່ມແຕ່ມື້ອື່ນເຊົ້າ(28 ມິຖຸນາ 2018) ເວລາ 6:00 ເປັນຕົ້ນໄປ. ໂດຍອີງຕາມການແຈ້ງການ ສະບັບເລກທີ 0836/ ອຄ.ກຄພນ, ລົງວັນທີ 27 ມິຖຸນາ 2018.ອ່ານຕໍ່ ...

ອຳນາດການປົກຄອງແຂວງຫຼວງພະບາງຈະຈັດງານກິດຈະກຳ ງາມແທ້ໂອ ຫຼວງພະບາງ (Oh Luang Prabang, You’re Simply Beautiful) ແຕ່ວັນທີ 4-7 ກໍລະກົດນີ້ ທີ່ເມືອງມໍລະດົກໂລກ.ອ່ານຕໍ່ ...