ວຽງຈັນທາມສ໌

ເຈົ້າໜ້າທີ່ແຮງງານທົ່ວປະເທດຕ້ອງເລັ່ງມືຂະບວນການຂຶ້ນທະບຽນແຮງງານຕ່າງປະເທດທີ່ບໍ່ໄດ້ຂຶ້ນທະບຽນຕາມກົດໝາຍ, ທ່ານ ສອນໄຊ ສີພັນດອນກ່າວ. ເຈົ້າໜ້າທີ່ໃນທຸກໆແຂວງຕ້ອງເລັ່ງມືຂັ້ນຕອນການຂຶ້ນທະບຽນດັ່ງກ່າວ ເພື່ອໃຫ້ສອດຄ່ອງຕາມລະບຽບກົດໝາຍ.ອ່ານຕໍ່ ...

ນັກທ່ອງທ່ຽວຈະໄດ້ມ່ວນຊື່ນລື່ນເລິງໃນການເຂົ້າຮ່ວມງານບຸນຂອງຊົນເຜົ່າຂະມຸ ເຊິ່ງຈະຈັດຂຶ້ນທີ່ເມືອງໄຊ ແຂວງອຸດົມໄຊ ໃນທ້າຍເດືອນນີ້. ທ່ານ ດວງຕາ ແສງມະນີ ໜຶ່ງໃນຄະນະຮັບຜິດຊອບຈັດງານ ໄດ້ເປີດເຜີຍຕໍ່ໜັງສືພິມວຽງຈັນທາມສ໌ວ່າ ງານບຸນດັ່ງກ່າວຈະໄດ້ຈັດຂຶ້ນແຕ່ວັນທີ 24-27 ມັງກອນນີ້ ທີ່ບ້ານແຈ້ງ.ອ່ານຕໍ່  ...

ການກໍ່ສ້າງທາງດ່ວນເພື່ອເຊື່ອມຕໍ່ສູນການຕົວເມືອງກັບເຂດຊານເມືອງວຽງຈັນຈະເລີ່ມລົງມືໃນເດືອນໜ້າ ຕາມການລາຍງານຂອງການນຳລັດຖະບານ.ການກໍ່ສ້າງທາງໄລຍະ 15 ກມ ຈະຊ່ວຍຫຼຸດຜ່ອນບັນຫາລົດຕິດ ແລະ ຮອງຮັບຄວາມຕ້ອງການໃນການສັນຈອນທີ່ເພີ່ມຂຶ້ນຂອງຕົວເມືອງ ໃຫ້ມີຄວາມວ່ອງໄວ ແລະ ສະດວກສະບາຍ.ອ່ານຕໍ່  ...

ສານປະຊາຊົນວຽງຈັນອອກຄຳສັ່ງໃຫ້ບໍລິສັດກະສິກຳຂອງຈີນປະຕິບັດຕາມລະບຽບການດ້ານສິ່ງແວດລ້ອມ ຫຼື ບໍ່ດັ່ງນັ້ນອາດຕ້ອງມີການເພີກຖອນໃບອະນຸຍາດດຳເນີນທຸລະກິດ.ໝາຍສານດັ່ງກ່າວໄດ້ອອກຫຼັງຈາກທີ່ບໍລິສັດ, ທີ່ໄດ້ຮັບສຳປະທານທີ່ດິນ 160 ເຮັກຕາເພື່ອປູກກ້ວຍ, ສາລີ ແລະ ພືດພັນອື່ນໆໃນເມືອງສັງທອງໃນປີ 2014, ໄດ້ນຳໃຊ້ສານເຄມີທີ່ເປັນອັນຕະລາຍເຂົ້າໃນການຜະລິດ. ສານເຄມີດັ່ງກ່າວໄດ້ໄຫຼລົງສູ່ແມ່ນ້ຳຕອນ ເຮັດໃຫ້ມີປາຕາຍຫຼາຍກວ່າ 300 ກິໂລໃນເດືອນພະຈິກຜ່ານມາ.ອ່ານຕໍ່ ...

ກະຊວງແຮງງານ ແລະ ສະຫວັດດີການສັງຄົມ ແລະ ອົງການຈັດຕັ້ງລັດຖະບານທີ່ກ່ຽວຂ້ອງຈັດກອງປະຊຸມວານນີ້ ເພື່ອຫາລືຮ່າງກົດລະບຽບດ້ານແຮງງານ ທີ່ກ່ຽວຂ້ອງກັບບັນຫາແຮງງານຕ່າງປະເທດໃນລາວ ທີ່ບໍ່ມີໃບອະນຸຍາດຕາມລະບຽບກົດໝາຍ.ອ່ານຕໍ່ ...

ລາວ ແລະ ຫວຽດນາມຕົກລົງຮັດແໜ້ນການຮ່ວມມືໃນຫຼາຍຂົງເຂດ ເຊັ່ນ ການພັດທະນາຊັບພະຍາກອນມະນຸດ, ການຄ້າ, ແລະ ການລົງທຶນ.ການຕົກລົງດັ່ງກ່າວແມ່ນເນື່ອງມາຈາກການຢ້ຽມຢາມຂອງທ່ານ ທອງລຸນ ສີສຸລິດ ນາຍົກລັດຖະມົນຕີລາວ ພ້ອມດ້ວຍຄະນະລັດຖະບານລາວ ເປັນປະທານຮ່ວມໃນກອງປະຊຸມຄັ້ງທີ 41 ຂອງຄະນະກຳມະການຮ່ວມລັດຖະບານຫວຽດນາມ-ລາວ ເຊິ່ງຈັດຂຶ້ນທີ່ນະຄອນຮາໂນ້ຍ ຄັ້ງວັນທີ 5-6 ມັງກອນນີ້ ຕາມການເຊື້ອເຊີນຂອງທ່ານ ຫງວຽນ ຊວນພຸກ ນາຍົກລັດຖະມົນຕີຫວຽດນາມ.ອ່ານຕໍ່ ...

ກອງເລຂາຄະນະກຳມະການແຫ່ງຊາດດ້ານໂພຊະນາການ ແລະ ອົງການສົ່ງເສີມສຸຂະພາບ ແລະ ຫຼຸດຜ່ອນຄວາມທຸກຍາກ (HPA) ຮ່ວມລົງນາມໃນບົດບັນທຶກຄວາມເຂົ້າໃຈສຳລັບ ໂຄງການ ການຮ່ວມມືເພື່ອເສີມຂະຫຍາຍການຄວາມສາມາດໃນການຮອງຮັບໄພພິບັດ ແລະ ການສົ່ງເສີມຄວາມໝັ້ນຄົງດ້ານສະບຽງອາຫານ ແລະ ໂພຊະນາການສຳລັບຊຸມຊົນທີ່ມີຄວາມສ່ຽງໃນແຂວງຄຳມ່ວນ.ໂຄງການດັ່ງກ່າວມີໄລຍະດຳເນີນການສາມປີ ດ້ວຍທຶນຈຳນວນ 2.8 ລ້ານຢູໂຣ ພາຍໃຕ້ການສະໜັບສະໜູນຂອງສະຫະພາບເອີຣົບ.ອ່ານຕໍ່   ...

ລັດຖະບານສາທາລະນະລັດເກົາຫຼີສືບຕໍ່ໃຫ້ການຊ່ວຍເຫຼືອປະເທດລາວ ເນື່ອງຈາກໄພນ້ຳຖ້ວມເປັນບໍລິເວນກວ້າງໃນຫຼາຍແຂວງ, ເຊິ່ງໜັກກວ່າໝູ່ແມ່ນຢູ່ແຂວງອັດຕະປື.ເອກອັກຄະລັດຖະທູດສາທາລະນະລັດເກົາຫຼີ ກ່າວຢືນຢັນການຊ່ວຍເຫຼືອສຳລັບປະເທດລາວໃນວັນສຸກຜ່ານມາ ໃນການມອບເຂົ້າສານຈຳນວນ 1,000 ໂຕນຈາກໂຄງການຄັງສຳຮອງເຂົ້າສຸກເສີນອາຊຽນບວກສາມ (APTERR) ລະດັບສາມ ໃຫ້ແກ່ເຈົ້າໜ້າທີ່ຝ່າຍລາວ, ເຊິ່ງເປັນສ່ວນໜຶ່ງຂອງການຊ່ວຍເຫຼືອຂອງເກົາຫຼີສຳລັບຊຸມຊົນທີ່ປະສົບໄພນ້ຳຖ້ວມໃນລາວ.ອ່ານຕໍ່ ...

ໜ່ວຍທຸລະກິດທີ່ດຳເນີນການໃນເຂດການຄ້າຊາຍແດນທີ່ດ່ານຊາຍແດນລາວ-ຫວຽດນາມ ແຂວງສະຫວັນນະເຂດ ຈະໄດ້ຮັບນະໂຍບາຍອາກອນແບບພິເສດ ແລະ ການຍົກເວັ້ນອາກອນ ເຊັ່ນດຽວກັບໃນເຂດເສດຖະກິດພິເສດ.ທຸລະກິດທີ່ປະກອບການຢູ່ເຂດການຄ້າຊາຍແດນບ້ານແດນສະຫວັນຈະໄດ້ຮັບນະໂຍບາຍອາກອນແບບພິເສດ ແລະ ການຍົກເວັ້ນອາກອນ ແບບດຽວກັບເຂດເສດຖະກິດພິເສດສະຫວັນ-ເຊໂນອ່ານຕໍ່  ...

ອຳນາດການປົກຄອງຝ່າຍລາວ ແລະ ຈີນຈະຫາລືກ່ຽວກັບການເປີດຕົວປີທ່ອງທ່ຽວລາວ-ຈີນ 2019 ຢ່າງເປັນທາງການ ໃນທ້ານເດືອນນີ້ ຫຼື ໃນຊ່ວງກຸດຈີນຕົ້ນເດືອນກຸມພານີ້. ທ່ານ ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ເຊັນອະນຸມັດແຜນການສຳລັບໂຄງການປີທ່ອງທ່ຽວລາວ-ຈີນ 2019.ອ່ານຕໍ່ ...