ວຽງຈັນທາມສ໌

ວຽງຈັນ (ວຽງຈັນທາມສ໌/ANN) – ລາວ ແລະ ຈີນໄດ້ຕົກລົງໃນໂຄງການກ່ຽວກັບການອະນຸລັກພັນພືດ ແລະ ຊີວະນາໆພັນໃນລາວ ສຳລັບປີ 2019-2021, ເຊິ່ງແນໃສ່ການສຳຫຼວດຊີວະນາໆພັນ.ຂໍ້ຕົກລົງກ່ຽວກັບການລິເລີ່ມດັ່ງກ່າວໄດ້ມີການລົງນາມທີ່ວຽງຈັນ ໃນວັນອັງຄານນີ້ ພາຍໃຕ້ການເຂົ້າຮ່ວມຂອງທ່ານ ປອ ສຸລິອຸດົງ ສູນດາລາ ຮອງລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຈະສືບຕໍ່ການຮ່ວມມືກັບອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ໃນການຊ່ວຍເຫຼືອຊາວກະສິກອນໃນນະຄອນຫຼວງວຽງຈັນ ແລະ ແຂວງຫຼວງພະບາງ, ຊຽງຂວາງ ແລະ ຫົວພັນ ໃນການຜະລິດກະສິກຳປອດສານພິດ ແລະ ຂະຫຍາຍໂອກາດດ້ານຕະຫຼາດ.ຕາງໜ້າກົມປູກຝັງພາຍໃຕ້ກະຊວງກະສິກຳ ແລະ ປ່າໄມ້ ແລະ ອົງການ JICA ໄດ້ເຂົ້າຮ່ວມກອງປະຊຸມຄະນະກຳມະການປະສານງານຮ່ວມຊຸດທີສອງ ໃນວັນອັງຄານນີ້ ເຊິ່ງມີການຍົກປະເດັນການສົ່ງເສີມໂຄງການພັດທະນາກະສິກຳປອດສານພິດ, ໂດຍສະເພາະແມ່ນການກະສິກຳແບບອິນຊີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ພາສີໄດ້ຮັບຄວາມຮູ້ກ່ຽວກັບລະບົບຂໍ້ມູນຂ່າວສານໃໝ່ເພື່ອການເກັບກຳຂໍ້ມູນຊັບສິນທາງປັນຍາ (IP) ໃນລາວ ເຊິ່ງເປັນສ່ວນໜຶ່ງຂອງໂຄງການຮ່ວມມືລາວ-ສະຫະລັດ ແລະ ອາຊຽນ (USAID LUNA II).ໃນພິທີເປີດຕົວລະບົບຂໍ້ມູນຂ່າວສານໃໝ່ ທີ່ນະຄອນວຽງຈັນໃນອາທິດນີ້, ທ່ານ ຄຳແພນ ສີຈັນທະລາດ ຮອງອຳນວຍການຂະແໜງການຮ່ວມມືພາສີສາກົນພາຍໃຕ້ກະຊວງການເງິນກ່າວວ່າ ກອງປະຊຸມວິຊາການຄັ້ງນີ້ຈະເປັນການນຳສະເໜີລະບົບໃໝ່ນີ້ຕໍ່ເຈົ້າໜ້າທີ່ພາສີ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ຈີນມີແຜນຊ່ວຍເຫຼືອລາວໃນວຽກງານສະຖິຕິ, ແນໃສ່ພັດທະນາຄວາມຮູ້ຄວາມສາມາດຂອງເຈົ້າໜ້າທີ່ລັດຖະບານທ້ອງຖິ່ນ ເຊິ່ງເປັນສ່ວນໜຶ່ງຂອງຂໍ້ຕົກລົງການຮ່ວມມືລະຫວ່າງສອງຊາດ.ໃນຂັ້ນຕົ້ນ ຈີນຈະສົ່ງນັກຊ່ຽວຊານດ້ານສະຖິຕິມາປະເທດລາວ ເພື່ອເສີມຂະຫຍາຍການແລກປ່ຽນປະສົບການດ້ານວິຊາການຮ່ວມກັບເຈົ້າໜ້າທີ່ຂະແໜງການດັ່ງກ່າວຂອງລາວ ກ່ອນໜ້າການລົງນາມຂໍ້ຕົກລົງການຮ່ວມມືໃນທ້າຍປີນີ້ອ່ານຕໍ່  ...

ໃນອາທິດນີ້ ກະຊວງອຸດສາຫະກຳ ແລະ ການຄ້າລາວໄດ້ຮຽກຮ້ອງໃຫ້ຈີນ ພິຈາລະນາປັບໂກຕາການນຳເຂົ້າເຂົ້າຈາກລາວໃຫ້ເປັນ 50,000 ໂຕນ ຄຽງຄູ່ກັບການຮັບເອົາສິນຄ້າອຸດສະຫະກຳອື່ນໆ ເພື່ອເປັນການສົ່ງເສີມການຄ້າສອງຝ່າຍ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າຂອງລາວ ໄດ້ຍື່ນຂໍ້ສະເໜີດັ່ງກ່າວໃນວັນອັງຄານນີ້ ໃນລະຫວ່າງກອງປະຊຸມກັບຄະນະຜູ້ແທນຈີນ ເຊິ່ງນຳໂດຍທ່ານ ໜິງ ຊິເຈ ຮອງປະທານຄະນະກຳມາທິການເພື່ອການພັດທະນາ ແລະ ປະຕິຮູບແຫ່ງຊາດ (NDRC) ຂອງສາທາລະນະລັດປະຊາຊົນຈີນ ທີ່ວຽງຈັນ.ອ່ານຕໍ່ ...

ນັກຂັບຂີ່ຈະພົບຄວາມສະດວກໃນການສັນຈອນໃນນະຄອນຫຼວງ ເມື່ອການກໍ່ສ້າງເສັ້ນທາງເຊື່ອມຕໍ່ລະຫວ່າງພື້ນທີ່ບຶງທາດຫຼວງ ແລະ ຖະໜົນສາຍອື່ນໆດຳເນີນສຳເລັດ.ເຂດເສດຖະກິດພິເສດບຶງທາດຫຼວງພວມວາງແຜນລົງທຶນປະມານ US$7 ໂດລາ, ເຊິ່ງລວມມີຄ່າຊົດເຊີຍ, ຄ່າຍົກລະດັບຖະໜົນບໍລິເວນພື້ນທີ່ເຂດ ເພື່ອເຊື່ອມຕໍ່ຖະໜົນສາຍຕ່າງໆໃນນະຄອນຫຼວງວຽງຈັນ ເພື່ອຫຼຸດຜ່ອນຄວາມໜາແໜ້ນຂອງການຈໍລະຈອນ.ອ່ານຕໍ່ ...

ຮ່າໂນຍ (ວຽງຈັນທາມສ໌/ANN) – ລາວ ແລະ ຫວຽດນາມຈະສືບຕໍ່ຮ່ວມມືດ້ານການຄ້າຂາຍໄຟຟ້າ  ຫຼັງຈາກຄະນະນຳຈາກກກະຊວງພະລັງງານ ແລະ ບໍ່ແຮ່ລາວ ເດີນທາງຢ້ຽມຢາມເຈົ້າໜ້າທີ່ກະຊວງອຸດສາຫະກຳ ແລະ ການຄ້າຫວຽດນາມ ທີ່ນະຄອນຮ່າໂນຍ ປະເທດຫວຽດນາມ.ການຢ້ຽມຢາມດັ່ງກ່າວແມ່ນນຳໂດຍທ່ານ ປອ ຄຳມະນີ ອິນທິລາດ ລັດຖະມົນຕີກະຊວງພະລັງງານ ແລະ ບໍ່ແຮ່  ໃນວັນທີ 16-19 ກຸມພາ, ເພື່ອຮັດແໜ້ນສາຍພົວພັນດ້ານການຄ້າໄຟຟ້າ ລະຫວ່າງສອງປະເທດແຕ່ເໜືອເຖິງໃຕ້, ເຊິ່ງລວມມີ 9 ຈຸດໃນລະບົບສາຍສົ່ງ 220kV, 230 kV ແລະ 500kV.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນຜູ້ຕິດເຊື້ອ HIV ໃໝ່ໃນປີ 2018 ເພີ່ມເປັນສອງເທົ່າທຽບກັບປີ 2017 ໃນກຸ່ມສ່ຽງ, ຕາມເຈົ້າໜ້າທີ່ສາທາ.ທ່ານນາງ ຈິນຕະນາ ສົມຄານ ຫົວໜ້າມູນນິທິປິ່ນປົວພະຍາດ AIDS ລາວ ກ່າວວ່າຍອກຜູ້ຕິດເຊື້ອແຕ່ປີ 1990-2018 ມີເກືອບ 12,000 ກໍລະນີ ເຊິ່ງໃນນັ້ນປະມານ 1,500 ກໍລະນີ ຕິດເຊືື້ອໃນປີ 2017.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະພາອຸດສາຫະກຳ ແລະ ການຄ້າແຫ່ງຊາດລາວ (LNCCI) ຈະສົມທົບກັບກະຊວງແຮງງານ ແລະ ສະຫວັດດີການສັງຄົມ ແລະ ອົງການແຮງງານສາກົນ (ILO) ໃນການສ້າງຄຳແນະນຳກ່ຽວກັບການກຳນົດອັດຕາຄ່າແຮງງານຂັ້ນຕ່ຳໃນລາວ.ຫວ່າງບໍ່ດົນມານີ້ ກະຊວງແຮງງານ ແລະ ສະຫວັດດີການສັງຄົມໄດ້ມີການອະນຸມັດຄ່າແຮງງານຂັ້ນຕ່ຳໃຫ້ເປັນ 1,100,000 ກີບຕໍ່ເດືອນ ແລະ ກຳລັງມີການຈັດຕັ້ງປະຕິບັດ. ເຖິງຢ່າງໃດກໍ່ຕາມ, ຂະແໜງທຸລະກິດ, ໃນນາມຂອງຜູ້ຈ້າງງານ, ໄດ້ມີການຮຽກຮ້ອງໃຫ້ມີຂັ້ນຕອນການຄິດໄລ່ທີ່ສົມເຫດຜົນ ແລະ ເປັນວິທະຍາສາດ ກ່ອນທຳການປັບຂຶ້ນຄ່າແຮງງານຂັ້ນຕ່ຳ.ອ່ານຕໍ່ ...

ຈຳປາສັກ, ລາວ (ວຽງຈັນທາມສ໌/ANN) – ສະພາອຸດສາຫະກຳ ແລະ ການຄ້າແຫ່ງຊາດລາວ (LNCCI) ຈະຂະຫຍາຍສູນບໍລິການສຳລັບທຸລະກິດຂະໜາດນ້ອຍ ແລະ ຂະໜາດກາງ (SSC) ສູ່ແຂວງຈຳປາສັກ ເພື່ອເສີມຂະຫຍາຍຄວາມສາມາດໃຫ້ແກ່ທຸລະກິດ SMEs ໃນສີ່ແຂວງພາກໃຕ້.ການນຳຈາກກົມສົ່ງເສີມ SME ພາຍໃຕ້ກະຊວງອຸດສາຫະກຳ ແລະ ການຄ້າ, ສະພາອຸດສາຫະກຳ ແລະ ການຄ້າແຫ່ງຊາດລາວ, ແລະ ສູນບໍລິການ SME ລາວ ໄດ້ປະຊຸມກັບສະພາອຸດສະຫະກຳ ແລະ ການຄ້າ (CCCI) ແຂວງຈຳປາສັກ, ເຊກອງ, ສາລະວັນ ແລະ ອັດຕະປື ເພື່ອຫາລືກ່ຽວກັບການກະກຽມສ້າງຕັ້ງສູນບໍລິການພາກດັ່ງກ່າວ. ອ່ານຕໍ່ ...