ວຽງຈັນທາມສ໌

ກະຊວງແຮງງານ ແລະ ສະຫວັດດີການສັງຄົມ ແລະ ອົງການ RADION ສາກົນ ໄດ້ຕົກລົງຢ່າງເປັນທາງການໃນການສົ່ງເສີມການສ້າງຄວາມສາມາດສຳລັບການປົກປ້ອງ ແລະ ການພັດທະນາເດັກນ້ອຍໃນຊຸມຊົນເປົ້າໝາຍໃນແຂວງພາກກາງ.ໂຄງການເພື່ອການປົກປ້ອງ ແລະ ພັດທະນາເດັກນ້ອຍ ພາຍໃຕ້ການສະໜັບສະໜູນຂອງອົງການ RADION ສາກົນ ແມ່ນແນໃສ່ການຍົກລະດັບຊີວິດການເປັນຢູ່ ແລະ ການປົກປ້ອງສິດທິຂອງເດັກດ້ອຍໂອກາດ ໃນຊຸມຊົນຕ່າງໆໃນນະຄອນຫຼວງ ແລະ ແຂວງວຽງຈັນ.ມູນຄ່າລວມຂອງໂຄງການຫ້າປີດັ່ງກ່າວ (2018-2023), ເຊິ່ງເລີ່ມຕົ້ນມາແຕ່ປີກາຍນີ້ ແມ່ນປະມານ US$600,000 ໂດລາ, ເຊິ່ງມີການດຳເນີນກິດຈະກຳຢູ່ໃນເມືອງໄຊທານີ ນະຄອນຫຼວງວຽງຈັນ ແລະ ເມືອງໂພນໂຮງ ແລະ ທຸລະຄົມ ແຂວງວຽງຈັນ.ອ່ານຕໍ່ ...

ເຈົ້າໜ້າທີ່ແຮງງານທ້ອງຖິ່ນຈະສືບຕໍ່ປະສານງານກັບກະຊວງແຮງງານຂອງໄທ ເພື່ອປົກປ້ອງສິດທິຂອງແຮງງານລາວໃນພາກໃຕ້ຂອງໄທ, ຕາມເຈົ້າໜ້າທີ່ການນຳ.ທ່ານ ປອ ຄຳແພງ ໄຊສົມແພງ ລັດຖະມົນຕີກະຊວງແຮງງານ ແລະ ສະຫວັດດີການສັງຄົມ ໄດ້ໃຫ້ຄຳໝັ້ນຕໍ່ພະນັກງານໃນກອງປະຊຸມການຄຸ້ມຄອງແຮງງານປະຈຳປີ ທີ່ວຽງຈັນ ໃນວັນພຸດຜ່ານມານີ້.ອ່ານຕໍ່ ...

ເຈົ້າໜ້າທີ່ແຂວງສາລະວັນ, ຈຳປາສັກ, ເຊກອງ ແລະ ອັດຕະປືໄດ້ປະຊຸມກັນທີ່ແຂວງສາລະວັນໃນວັນພຸດແລ້ວນີ້ ເພື່ອຫາລືກ່ຽວກັບການຮ່ວມມືກັບກຳປູເຈຍ ແລະ ຫວຽດນາມໃນເຂດສາມຫຼ່ຽມພັດທະນາ.ປະທານຮ່ວມໃນກອງປະຊຸມດັ່ງກ່າວມີທ່ານ ທອງພັນ ສະຫວັນເພັດ ຮອງລັດຖະມົນຕີກະຊວງການຕ່າງປະເທດ ແລະ ທ່ານ ພູທອງ ຄຳມະນີວົງ ຮອງເຈົ້າແຂວງແຂວງສາລະວັນ, ເຊິ່ງໄດ້ມີການເຜຍແຜ່ຜົນຂອງກອງປະຊຸມສຸດຍອດ ກຳປູເຈຍ-ລາວ-ຫວຽດນາມ (CLV) ຄັ້ງທີ 10.ອ່ານຕໍ່  ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຮຽກຮ້ອງໃຫ້ເຈົ້າໜ້າທີ່ສາທາລະນະສຸກທົ່ວປະເທດ ສືບຕໍ່ເຜີຍແຜ່ຂໍ້ມູນຂ່າວສານໃຫ້ແກ່ຊຸມຊົນທ້ອງຖິ່ນ ໂດຍສະເພາະເພື່ອການປັບປຸງໝາກຜົນຂອງວຽກງານແມ່, ເດັກອ່ອນ ແລະ ເດັກນ້ອຍຕ່ຳກວ່າຫ້າປີ.ທ່ານນາຍົກໄດ້ໃຫ້ຄຳແນະນຳດັ່ງກ່າວໃນວັນພະຫັດຜ່ານມານີ້ ໃນກອງປະຊຸມປະຈຳປີຂອງຂະແໜງສາທາລະນະສຸກ ເພື່ອທົບທວນວຽກງານພາຍໃນຂະແໜງ ແລະ ຫາລືແຜນການປີ 2019.ອ່ານຕໍ່  ...

ເຢຍລະມັນຕົກລົງໃຫ້ທຶນຊ່ວຍເຫຼືອກວ່າ 487 ຕື້ກີບ (50 ລ້ານຢູໂຣ) ເພື່ອເສີມຂະຫຍາຍການຮ່ວມມືກັບລາວ ເພື່ອກ້າວໄປສູ່ການບັນລຸເປົ້າໝາຍການພັດທະນາແບບຍືນຍົງ.ທຶນຊ່ວຍເຫຼືອຂອງເຢຍລະມັນດັ່ງກ່າວແມ່ນເພື່ອສະໜັບສະໜູນໂຄງການຕ່າງໆໃນຂະແໜງການພັດທະນາຊົນນະບົດ, ສິ່ງແວດລ້ອມ ແລະ ຊັບພະຍາກອນທຳມະຊາດ, ການພັດທະນາເສດຖະກິດແບບຍືນຍົງ, ແລະ ການຟື້ນຟູພື້ນຖານໂຄງລ່າງໃນແຂວງອັດຕະປື.ອ່ານຕໍ່ ...

ຜູ້ອອກແຮງງານມີສິດທິຕາມກົດໝາຍໃນການຮຽກຮ້ອງຕໍ່ຜູ້ຈ້າງງານ ເພື່ອຮັບປະກັນດ້ານສຸຂະພາບ ແລະ ຄວາມປອດໄພໃນການອອກແຮງງານ, ຕາມລັດຖະດຳລັດສະບັບໃໝ່. ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ເຊັນຮັບຮອງເອົາດຳລັດວ່າດ້ວຍຄວາມປອດໄພ ແລະ ສຸຂະພາບໃນການອອກແຮງງານໃນຕົ້ນເດືອນນີ້. ດຳລັດຈຳນວນ 22 ໜ້າດັ່ງກ່າວ ເຊິ່ງມີການເຜີຍແຜ່ໃນຈົດໝາຍວຽນທາງລັດຖະການໃນວັນທີ 25 ກຸມພານີ້ ຈະມີຜົນບັງຄັບໃຊ້ຫຼັງຈາກ 15 ວັນນັບແຕ່ມື້ເຜີຍແຜ່. ຜູ້ອອກແຮງງານສາມາດຍື່ນຄຳຮ້ອງຕໍ່ອົງການຄຸ້ມຄອງແຮງງານ ເພື່ອຮ້ອງຮຽນໃນກໍລະນີທີ່ນາຍຈ້າງບໍ່ດຳເນີນການປັບປຸງສະພາບແວດລ້ອມຂອງສະຖານທີ່ອອກແຮງງານໃຫ້ສອດຄ່ອງຕາມມາດຕະຖານດ້ານສຸຂະພາບ ແລະ ຄວາມປອດໄພ ຕາມການຮ້ອງຂໍຂອງຜູ້ອອກແຮງງານ.ອ່ານຕໍ່ ...

ເຈົ້າໜ້າທີ່ກະຊວງສາທາລະນະສຸກທົ່ວປະເທດໄດ້ເຂົ້າຮ່ວມກອງປະຊຸມປະຈຳປີ ທີ່ນະຄອນວຽງຈັນມື້ວານນີ້ ເພື່ອທົບທວນຄວາມຄືບໜ້າຂອງຂະແໜງການ ແລະ ຫາລືແຜນການສຳລັບປີ 2019.ໃນກອງປະຊຸມມີການທົບທວນວຽກງານການສົ່ງເສີມສຸຂະພາບ ແລະ ສຸຂະອະນາໄມ, ການປ້ອງກັນ ແລະ ຄວບຄຸມພະຍາດຕິດຕໍ່ໃນແຂວງເປົ້າໝາຍ, ການຫຼຸດຜ່ອນອັດຕາການຕາຍຂອງແມ່ ແລະ ເດັກ, ການປິ່ນປົວ ແລະ ຟື້ນຟູສຸຂະພາບ, ການຄຸ້ມຄອງອາຫານ ແລະ ຢາ, ແລະ ການປັບປຸງການວາງແຜນການເງິນ ແລະ ການຈັດງົບປະມານພາຍໃນຂະແໜງສາທາລະນະສຸກ.ອ່ານຕໍ່ ...

ເຮືອນຊານປະຊາຊົນປະມານ 30 ຫຼັງຄາເຮືອນທີ່ເມືອງຊຽງຄໍ້ ແຂວງຫົວພັນ ໄດ້ຮັບຄວາມເສຍຫາຍຈາກພະຍຸຝົນທີ່ພັດກະໜ່ຳພື້ນທີ່ໃນອາທິດຜ່ານມາ ເຊິ່ງມີທັງພະຍຸ, ຝົນ, ໝາກເຫັບ ແລະ ລົມແຮງ.ທ່ານເຈົ້າເມືອງ ພັນຕາ ທອງວົງສາ ໄດ້ລາຍງານຜ່ານວຽງຈັນທາມສ໌ໃນວັນຈັນນີ້ວ່າ ‘ພະຍຸຝົນໄດ້ພັດຜ່ານເກົ້າບ້ານຂອງເມືອງໃນວັນທີ 19 ກຸມພາ. ໃນນັ້ນ ມີສາມສິບຫຼັງຄາເຮືອນ ພ້ອມດ້ວຍໂຮງຮຽນສອງຫຼັງ ທີ່ເມືອງນາຄາງ ແລະ ມົນງາມ ໄດ້ຮັບຄວາມເສຍຫາຍໜັກ. ມີຫຼັງຄາເປີດ ແລະ ໂຄງສ້າງອື່ນໆຖືກພັດພັງເສຍຫາຍ.’ໂຊກດີທີ່ບໍ່ມີລາຍງານຜູ້ໄດ້ຮັບບາດເຈັບ.ອ່ານຕໍ່ ...

ບຸນຊ້າງປະຈຳປີທີ່ແຂວງໄຊຍະບູລີໄດ້ໝູນວຽນມາອີກຄັ້ງ ເຊິ່ງໃນປີນີ້ມີຊ້າງເຂົ້າຮ່ວມ 70 ເຊືອກພ້ອມກວານຊ້າງ ແລະ ມີກິດຈະກຳຢ່າງຫຼວງຫຼາຍສ້າງຄວາມມ່ວນຊື່ນໃຫ້ແກ່ແຂກທີ່ມາທ່ຽວຊົມ.ບຸນຊ້າງ ເຊິ່ງໄດ້ຮັບຄວາມນິຍົມໃນທຸກປີນັບແຕ່ມີການເລີ່ມຈັດງານຄັ້ງທຳອິດໃນປີ 2007 ທີ່ເມືອງຫົງສາ, ໄດ້ມີພິທີເປີດຢ່າງຄືກຄື້ນໃນວັນເສົາທີ່ຜ່ານມາ ເຊິ່ງມີຫຼາກຫຼາຍກິດຈະກຳສຳລັບຮອງຮັບນັກທ່ອງທ່ຽວ ແຕ່ວັນທີ 17-28 ກຸມພານີ້.ອ່ານຕໍ່ ...

ການກຳນົດຄ່າປັບໄໝໃນອັດຕາທີ່ສູງຂອງເຈົ້າໜ້າທີ່ ຕໍ່ເຈົ້າຂອງຍານພາຫະນະຈະຊ່ວຍຊຸກຍູ້ການຈ່າຍອາກອນທາງຕາມກຳນົດການ ແລະ ຊ່ວຍສົ່ງເສີມການເກັບງົບປະມານເຂົ້າລັດ, ຕາມຄວາມເຫັນຂອງເຈົ້າໜ້າທີ່ກົມອາກອນ.ທີ່ຜ່ານມາ ລັດຖະບານຂາດດູນລາຍຮັບຈາກອາກອນທາງປະຈຳປີ ເຊິ່ງສ່ວນໃຫຍ່ແມ່ນເກັບກຳໄດ້ພຽງ 30% ຂອງຍານພາຫະນະທັງໝົດ.ອ່ານຕໍ່  ...