ວຽງຈັນທາມສ໌

ອຳນາດການປົກຄອງແຂວງຈຳປາສັກຈະສືບຕໍ່ຂໍຄວາມຊ່ວຍເຫຼືອເປັນປັດໄຈ ແລະ ອຸປະກອນການກໍ່ສ້າງ ທີ່ຈຳເປັນເລັ່ງດ່ວນສຳລັບປະຊາຊົນບ້ານນາພູຄຳ ເມືອງຊະນະສົມບູນ ຫຼັງຈາກເຫດອັກຄີໄພໃນ 22 ຫຼັງຄາເຮືອນໃນອາທິດແລ້ວນີ້.ເຖິງຈະບໍ່ມີຜູ້ເສຍຊີວິດຈາກເຫດອັກຄີໄພດັ່ງກ່າວ, ກໍມີຜູ້ໄດ້ຮັບບາດເຈັບສາຫັດໜຶ່ງຄົນ.ນາຍບ້ານ ຄຳແສນ ສວນມະນີ ໄດ້ບອກຕໍ່ຜູ້ສື່ຂ່າວວຽງຈັນທາມສ໌ວ່າ ອັກຄີໄພດັ່ງກ່າວໄດ້ເກີດຂຶ້ນໃນວັນທີ 14 ເມສາ, ສັນນິຖານວ່າເກີດຂຶ້ນໃນຂະນະຄົວກິນ, ປະເມີນຜົນເສຍຫາຍແມ່ນປະມານ 2 ຕື້ກີບ.ອ່ານຕໍ່  ...

ແຂວງຕ່າງໆທົ່ວປະເທດໄດ້ລາຍງານຜົນລວມຂອງຈຳນວນນັກທ່ອງທ່ຽວໃນຊ່ວງປີໃໝ່ລາວ ເຊິ່ງບາງແຂວງກໍມີນັກທ່ອງທ່ຽວຫຼາຍກວ່າປີຜ່ານມາ ໃນຂະນະທີ່ບາງແຂວງກໍ່ມີຈຳນວນຫຼຸດປີຜ່ານມາ.ທ່ານ ບຸນມີ ພົມມະວົງສາ ຫົວໜ້າຫ້ອງການຖະແຫຼງຂ່າວ, ວັດທະນະທຳ ແລະ ທ່ອງທ່ຽວເມືອງວັງວຽງ ລາຍງານຕໍ່ໜ່ວຍຂ່າວວຽງຈັນທາມສ໌ ວານນີ້ວ່າ ຈຳນວນນັກທີ່ທ່ຽວໃນສະຖານທີ່ທ່ອງທ່ຽວຍອດນິຍົມໃນປີນີ້ຫຼຸດລົງປະມານ 20% ທຽບກັບປີ 2018.ອ່ານຕໍ່ ...

ຊຸມຊົນທີ່ໄດ້ຮັບຜົນກະທົບຈາກໄພນ້ຳຖ້ວມ ຈະໄດ້ຮັບຜົນປະໂຫຍດຈາກໂຄງການ ‘ເງິນເພື່ອວຽກ’ ເຊິ່ງເປັນສ່ວນໜຶ່ງຂອງການຮ່ວມມືລະຫວ່າງກະຊວງແຮງງານ ແລະ ສະຫວັດດີການສັງຄົມ ແລະ ອົງການສະຫະປະຊາດເພື່ອການພັດທະນາ.ໂຄງການດັ່ງກ່າວແມ່ນເລີ່ມແຕ່ປີ 2018 ເພື່ອຊ່ວຍເຫຼືອຄອບຄົວທີ່ອ່ອນໄຫວຕໍ່ໄພພິບັດທີ່ສຸດ ເຊັ່ນ ຊາວກະສິກອນທີ່ຕ້ອງເຊົ່າທີ່ດິນ ຫຼື ຜູ້ອອກແຮງງານທີ່ບໍ່ມີພື້ນທີ່ທຳການຜະລິດຂອງໂຕເອງ ທີ່ໄດ້ຮັບຜົນກະທົບຈາກໄພນ້ຳຖ້ວມໃນສີ່ເມືອງຂອງແຂວງຄຳມ່ວນ ຄື ເມືອງມະຫາໄຊ, ຍົມມະລາດ, ຫີນບູນ ແລະ ໜອງບົກ.ອ່ານຕໍ່ ...

ລາວຮ່ວມມືກັບນາໆຊາດ ແລະ ຄູ່ຮ່ວມພັດທະນາໃນກອງປະຊຸມຂະແໜງລັດຖະມົນຕີ (SMM) ເຊິ່ງຈັດຂຶ້ນໂດຍເຄືອຂ່າຍການຮ່ວມມືນ້ຳ ແລະ ສຸຂາພິບານເພື່ອທຸກຄົນ ທີ່ເມືອງຊັນໂຈເຊ, ປະເທດຄອສ໌ຕາຣິກາ ໃນວັນທີ 4-5 ເມສານີ້.ຫົວຂໍ້ຂອງກອງປະຊຸມແມ່ນກ່ຽວກັບການສະໜັບສະໜູນການບັນລຸເປົ້າໝາຍທີ່ກ່ຽວຂ້ອງກັບນ້ຳ, ສຸຂາພິບານ ແລະ ສຸຂະອະນາໄມ (WASH) ໃນເປົ້າໝາຍການພັດທະນາແບບຍືນຍົງ.ອ່ານຕໍ່ ...

ກະຊວງຍຸດຕິທຳຈະຈັດແຜນຝຶກອົບຮົມໃຫຍ່ ເພື່ອສ້າງມາດຕະຖານແບບມືອາຊີບໃຫ້ແກ່ນັກວາງນະໂຍບາຍໃນຂັ້ນທ້ອງຖິ່ນ ເພື່ອຈັດສັນສະພາບແວດລ້ອມໃນການປະຕິບັດລະບຽບການ ເພື່ອສະໜັບສະໜູນການພັດທະນາທຸລະກິດ ແລະ ຊຸມຊົນລາວ.ໂຄງການດັ່ງກ່າວແມ່ນນຳໂດຍສູນປະເມີນຜົນກະທົບດ້ານລະບຽບການ (RIA Centre) ເຊິ່ງຈັດຕັ້ງໂດຍກົມນິຕິບັນຍັດ, ກະຊວງຍຸດຕິທຳ.ອ່ານຕໍ່ ...

ການກໍ່ສ້າງວິທະຍາໄລການຊ່າງລາວ-ເຢຍລະມັນແຫ່ງທີ່ສອງໄດ້ເລີ່ມລົງມືແລ້ວ ທີ່ນະຄອນວຽງຈັນ ເຊິ່ງຈະຊ່ວຍເພີ່ມປະລິມານນັກສຶກສາໃນການຮ່ຳຮຽນຫຼັກສູດວິຊາສະເພາະທີ່ສາມາດນຳໃຊ້ໃນການປະກອບອາຊີບ ເຊັ່ນການປະຕິບັດການດ້ານກົນຈັກ.ການກໍ່ສ້າງວິທະຍາເຂດວິທະຍາໄລດັ່ງກ່າວ ແມ່ນໄດ້ຮັບທຶນຊ່ວຍເຫຼືອລ້າຈາກລັດຖະບານລາວ ແລະ ເຢຍລະມັນ ແລະ ຈະເພີ່ມທາງເລືອກສຳລັບນັກສຶກສາທີ່ຮຽນຈົບຊັ້ນມັດທະຍົມ ທີ່ຕ້ອງການຮ່ຳຮຽນໃນຂະແໜງວິຊາຊີບ.ອ່ານຕໍ່ ...

ຊາວກະສິກອນບ້ານປາກສີ ນະຄອນຫຼວງພະບາງ ປະຈຸບັນຈະສາມາດສ້າງລາຍຮັບຈາກການຜະລິດເຂົ້າ ແລະ ການເກັບກ່ຽວອາຫານສຳລັບງົວຄວາຍໄດ້ຫຼາຍຂຶ້ນ ຍ້ອນໂຄງການສົ່ງເສີມຊີວະນາໆພັນ ແລະ ການຕະຫຼາດໃນການຊື້ຂາຍງົວ.ໂຄງການດັ່ງກ່າວແມ່ນຢູ່ພາຍໃຕ້ການສະໜັບສະໜູນຂອງ ສູນຄົ້ນຄວ້າກະສິກຳສາກົນອອສ໌ເຕຣເລຍ (ACIAR) ແລະ ດຳເນີນການຮ່ວມໂດຍມະຫາວິມະຍາໄລຊິດນີ ແລະ ກົມລ້ຽງສັດ ແລະ ການປະມົງລາວ, ເຊິ່ງແນໃສ່ການປ້ອງກັນພະຍາດໃນງົວ ເພື່ອໃຫ້ຊາວກະສິກອນສາມາດຂາຍສັດລ້ຽງໄດ້ຫຼາຍຂຶ້ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ສ້າງສອງອຸດທະຍານແຫ່ງຊາດຢູ່ທາງພາກເໜອ ແລະ ພາກກາງຂອງລາວ ເພື່ອປົກປັກຮັກສາປ່າໄມ້, ຊີວະນາໆພັນ, ຄວາມອຸດົມສົມບູນຂອງທຳມະຊາດ ແລະ ການພັດທະນາທາງທໍລະນີວິທະຍາຂອງປະເທດ.ທ່ານ ທອງລຸນ ສີສຸລິດ ນາຍົກລັດຖະມົນຕີໄດ້ລົງນາມຮັບຮອງເອົາດຳລັດຂອງນາຍົກລັດຖະມົນຕີສອງສະບັບໃນເດືອນແລ້ວນີ້, ເພື່ອສ້າງຕັ້ງເຂດອຸດທະຍານແຫ່ງຊາດນ້ຳແອດ-ພູເລີຍ ທາງພາກເໜືອ ແລະ ອຸດທະຍານແຫ່ງຊາດນາກາຍ-ນ້ຳເທີນ ທາງພາກກາງຂອງລາວ.ອ່ານຕໍ່ ...

ໃນອາທິດແລ້ວນີ້ໄດ້ມີການປະກາດລາຍຊື່ນັກຮຽນເກັ່ງ 8 ຄົນທີ່ໄດ້ຊະນະເລີດໃນການສອບເສັງນັກຮຽນເກັ່ງຊັ້ນມັດທະຍົມແຫ່ງຊາດປະຈຳສົກຮຽນ 2018-2019 ທີ່ນະຄອນຫຼວງວຽງຈັນ. ນັກຮຽນເກັ່ງຊັ້ນມັດທະຍົມແປດຄົນໃນລະດັບຊັ້ນ ມໍ4 ແລະ ມໍ7  ໄດ້ຮັບວາງວັນຊະນະເລີດຫຼັງຈາກທີ່ສອບເສັງທົ່ວປະເທດໄດ້ຄະແນນສູງສຸດໃນວິຊາວັນນະຄະດີ, ຄະນິດສາດ, ຟິຊິກສາດ ແລະ ເຄມີສາດ.ອ່ານຕໍ່ ...

ລັດຖະບານສາທາລະນະລັດເກົາຫຼີຄາດຄະເນງົບປະມານ ປະມານ US$4 ລ້ານໂດລາເພື່ອຊ່ວຍເຫຼືອເພີ່ມເຕີມສຳລັບລາວແຕ່ປີ 2019-2023 ໃນການປັບປຸງລະບົບເຕັກໂນໂລຊີຂໍ້ມູນຂ່າວສານ ເພື່ອສະກັດກັ້ນການລະບາດຂອງພະຍາດຕິດຕໍ່.ພິທີເຊັນບົດບັນທຶກຄວາມເຂົ້າໃຈສຳລັບການຊ່ວຍເຫຼືອແມ່ນໄດ້ຈັດຂື້ນໃນວັນສຸກແລ້ວນີ້ທີ່ວຽງຈັນ ລະຫວ່າງທ່ານ (ດຣ) ສີສະຫວັດ ສຸດທະນິຣະໄຊ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ, ທ່ານນາງ ແຮຈິງຢຸນ ຮອງປະທານບໍລິສັດເກົາຫຼີເທເລຄອມ (KT), ແລະ ທ່ານ ຈູວັງ ບຽກ ຕົວແທນຫ້ອງການມູນລະນິທິເພື່ອສຸຂະພາບສາກົນເກົາຫຼີ (KOFIH) ປະຈຳລາວ.ອ່ານຕໍ່ ...