ວຽງຈັນທາມສ໌

ລັດຖະກອນຖືກສັ່ງຫ້າມບໍ່ໃຫ້ສົ່ງຕໍ່ ແລະ ເຜີຍແຜ່ ຫຼື ທຳລາຍເອກະສານທີ່ເປັນຄວາມລັບຂອງຊາດ ເຊັ່ນ ຂໍ້ກົດໝາຍທີ່ອາດສົ່ງຜົນເສຍຫາຍຕໍ່ຄວາມສະຫງົບ ແລະ ຄວາມເປັນລະບຽບຮຽບຮ້ອຍຂອງບ້ານເມືອງ.ທ່ານ ຄຳໝັ້ນ ສຸນວິເລີດ ລັດຖະມົນຕີກະຊວງພາຍໃນ ໄດ້ສະເໜີຮ່າງກົດໝາຍກ່ຽວກັບການເກັບມ້ຽນເອກະສານ ເພື່ອຫາລືໃນກອງປະຊຸມສະໄໝສາມັນຂອງສະພາແຫ່ງຊາດທີ່ກຳລັງດຳເນີນ.ອ່ານຕໍ່ ...

ຜູ້ຮັບເໝົາ ທີ່ຮັບຜິດຊອບການຍົກລະດັບຖະໜົນໄລຍະ 9.4-ກມ ຈາກທາງແບ່ງຕານມີໄຊ ເມືອງໄຊທານີ ຫາທາງແບ່ງສີເກີດ ເມືອງນາຊາຍທອງ ນະຄອນຫຼວງວຽງຈັນ ຢືນຢັນວ່າຈະໃຫ້ສຳເລັດໂຄງການພາຍໃນທ້າຍເດືອນນີ້.ເຖິງຢ່າງໃດກໍຕາມ ຫຼາຍຄົນທີ່ອາໄສຢູ່ລຽບແຄມທາງດັ່ງກ່າວ ກໍຍັງຮຽກຮ້ອງໃຫ້ຜູ້ຮັບເໝົາເລັ່ງມືໃນໜ້າວຽກ, ຍ້ອນວ່າການກໍ່ສ້າງດັ່ງກ່າວເຮັດມີຄວາມຫຍຸ້ງຍາກຕໍ່ການສັນຈອນ. ພວກເຂົາຍັງເນັ້ນຕື່ມວ່າ ຖ້າບໍ່ຮີບຮ້ອນແກ້ໄຂ ອາດສ້າງບັນຫາໃນການໃຊ້ຖະໜົນໃນຊ່ວງລະດູຝົນນີ້.ອ່ານຕໍ່ ...

ສິນຄ້າ ແລະ ການບໍລິການທີ່ລັດຖະບານບໍ່ສົ່ງເສີມ ເຊັ່ນ ເຄື່ອງດື່ມມືນເມົາ ຈະຖືກເກັບອາກອນເພີ່ມຂຶ້ນ ຖ້າວ່າກົດໝາຍວ່າດ້ວຍພາສີອາກອນສະບັບໃໝ່ມີຜົນບັງຄັບໃຊ້ໃນປີ 2020.ໃນທາງກົງກັນຂ້າມ, ລັດຈະຫຼຸດພາສີສຳລັບສິນຄ້າເຊັ່ນ ນ້ຳມັນເຊື້ອໄຟ ແລະ ລົດຈັກ ເຊິ່ງເຫັນວ່າມີຄວາມຈຳເປັນຕໍ່ການປັບປຸງຊີວິດການເປັນຢູ່.ອ່ານຕໍ່ ...

ລັດຖະບານຄາດຄະເນວ່າ ການຂາດດູນງົບປະມານແຫ່ງຊາດໃນຊ່ວງຫົກເດືອນຕົ້ນປີນີ້ ອາດເພີ່ມຂຶ້ນສູງເຖິງ 1.16 ພັນຕື້ກີບ, ເພີ່ມທະວີຄວາມເຄັ່ງຕຶງດ້ານງົບປະມານ ເນື່ອງຈາກສະພາບຂາດແຄນທາງດ້ານລາຍຮັບຢ່າງຕໍ່ເນື່ອງ.ຖ້າລວມທັງຈຳນວນເງິນຕົ້ນທີ່ຕ້ອງຈ່າຍຄືນໃຫ້ເຈົ້າໜີ້ທັງພາຍໃນແລະ ຕ່າງປະເທດ, ປະເທດລາວອາດຕ້ອງໃຊ້ງົບທັງໝົດ 5.87 ພັນຕື້ກີບ ເພື່ອຮອງຮັບຄວາມຕ້ອງການໃນການໃຊ້ຈ່າຍໃນປະຈຸບັນ.ໃນກອງປະຊຸມສະໄໝສາມມັນຂອງສະພາແຫ່ງຊາດຄັ້ງຫຼ້າສຸດ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ແຈ້ງແຜນການຂອງລັດຖະບານ ໃນການແກ້ໄຂບັນຫາການຂາດດູນດັ່ງກ່າວ ໂດຍການລະດົມແຫຼ່ງທຶນເພີ່ມເຕີມຈາກທັງພາຍໃນ ແລະ ຕ່າງປະເທດ. ອ່ານຕໍ່ ...

ລັດຖະບານໄດ້ເນັ້ນໃຫ້ເຫັນເຖິງຄວາມຈຳເປັນໃນການປັບປຸງລະບົບການເກັບອາກອນໃຫ້ທັນສະໄໝ ແລະ ເພີ່ມທະວີຄວາມໂປ່ງໃສໃນຂະແໜງການເງິນ ເພື່ອສົ່ງເສີມລາຍຮັບແຫ່ງຊາດ, ເຈົ້າໜ້າທີ່ການນຳກ່າວ.ທ່ານ ສົມດີ ດວງດີ ຮອງນາຍົກລັດຖະມົນຕີ ແລະ ລັດຖະມົນຕີກະຊວງການເງິນ ໄດ້ສະເໜີຮ່າງກົດໝາຍວ່າດ້ວຍການຄຸ້ມຄອງອາກອນໃນມື້ວານນີ້ ໃນກອງປະຊຸມສະໄໝສາມັນຂອງສະພາແຫ່ງຊາດທີ່ກຳລັງດຳເນີນ ກ່ອນການຫາລືຂອງສະມາຊິກສະພາ.ທ່ານ ສົມດີ ໄດ້ກ່າວເນັ້ນວ່າກົດໝາຍສະບັບປະຈຸບັນໄດ້ມີການດັດແກ້ມາແລ້ວຫ້າຄັ້ງ ເຊິ່ງຫຼ້າສຸດແມ່ນຕັ້ງແຕ່ປີ 2015.ອ່ານຕໍ່ ...

ລັດຖະບານຈະຫຼຸດຜ່ອນການຂາດດູນດ້ານງົບປະມານໃຫ້ເປັນສູນພາຍໃນປີໜ້າ ເພື່ອຮັບປະກັນວ່າໜີ້ສິນສາທາລະນະລະດັບສູງຂອງລາວ ຈະສາມາດຊົດໃຊ້ໄດ້ໄວເທົ່າທີ່ເປັນໄປໄດ້, ທ່ານ ສົມດີ ດວງດີ ຮອງນາຍົກລັດຖະມົນຕີລາຍງານຕໍ່ສະພາແຫ່ງຊາດໃນອາທິດແລ້ວນີ້.ທ່ານ ສົມດີ ເຊິ່ງຄວບຕຳແໜ່ງລັດຖະມົນຕີກະຊວງການເງິນຍັງກ່າວຕື່ມວ່າ, ‘ພວກເຮົາຂໍຮັບປະກັນວ່າ ແຜນການໃຊ້ຈ່າຍຂອງລັດຈະກຳນົດຕາມອັດຕາລາຍຮັບຕົວຈິງ,’ ໃນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດ.‘ນີ້ແມ່ນບັນຫາທ້າທາຍອັນໜຶ່ງ.’ອ່ານຕໍ່ ...

ລັດຖະບານຈະສ້າງແຜນໄລຍະກາງເພື່ອການພັດທະນາຊັບພະຍາກອນມະນຸດ ຫຼັງຈາກມີຫາງສຽງຈາກສະມາຊິກສະພາແຫ່ງຊາດທີ່ວ່າ ລາວກຳລັງຜະເຊີນກັບການຂາດແຄນແຮງງານໃນຂົງເຂດການພັດທະນາບູລິມະສິດ.ໃນກອງປະຊຸມສະພາແຫ່ງຊາດອາທິດແລ້ວນີ້, ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ ກ່າວວ່າ ຄະນະກຳມະການພັດທະນາຊັບພະຍາກອນມະນຸດຈະເປັນຜູ້ຮັບຜິດຊອບໃນການສ້າງແຜນການດັ່ງກ່າວ.ຄະນະກຳມະການດັ່ງກ່າວປະກອບດ້ວຍຕາງໜ້າຈາກກະຊວງ ແລະ ອົງການຈັດຕັ້ງຕ່າງໆ ເຊິ່ງຈະຮ່ວມກັນສ້າງແຜນການ ແລະ ຈັດຕັ້ງປະຕິບັດໃນລະຫວ່າງປີ 2020 ຫາປີ 2025.ອ່ານຕໍ່ ...

ໃນອາທິດແລ້ວນີ້ ກະຊວງການຕ່າງປະເທດຂອງລາວ ແລະ ກະຊວງການຕ່າງປະເທດຂອງລາດຊະອານາຈັກສະວີເດັນ ໄດ້ລົງນາມໃນບົດບັນທຶກຄວາມເຂົ້າໃຈ ເຊິ່ງແນໃສ່ເພີ່ມທະວີການຮ່ວມມືລະຫວ່າງສອງກະຊວງ ແລະ ສອງຊາດ.ທ່ານ ບຸນເພັງ ສາຍກັນຍາ ເອກອັກຄະລັດຖະທູດລາວປະຈຳສະວິເດັນ ຕາງໜ້າໃຫ້ຝ່າຍລາວ ແລະ ທ່ານນາງ ແອນນິກາ ໂຊເດີ ເລຂາທິການກະຊວງການຕ່າງປະເທດສະວີເດັນ ຕາງໜ້າຝ່າຍສະວີເດັນ ໃນພິທີລົງນາມບົດບັນທຶກຄວາມເຂົ້າໃຈ ທີ່ສຳນັກງານກະຊວງການຕ່າງປະເທດສະວີເດັນ ທີ່ສະຕ໋ອກໂຮມ.ອ່ານຕໍ່ ...

ສະພາແຫ່ງຊາດຈຳເປັນຕ້ອງເພີ່ມທະວີບົດບາດໃນການປະກາດໃຊ້ກົດໝາຍ ແລະ ການກວດສອບການປະຕິບັດງານຂອງລັດຖະບານ ເພື່ອຊຸກຍູ້ການພັດທະນາປະເທດຊາດໃຫ້ຈະເລີນຮຸ່ງເຮືອງ.ໃນວັນພຸດນີ້ ສະມາຊິກສະພາແຫ່ງຊາດໄດ້ມີການຫາລືບັນຫາສຳຄັນກ່ຽວກັບການເພີ່ມທະວີພາລະບົດບາດຂອງສະພາ ຕາມບົດລາຍງານຂອງທ່ານນາງ ສີໄສ ຮອງປະທານສະພາແຫ່ງຊາດ ໃນກອງປະຊຸມສະໄໝສາມັນທີ່ພວມກຳລັງດຳເນີນ.ທ່ານນາງ ສີໄສ ໄດ້ເນັ້ນໃຫ້ເຫັນເຖິງຜົນສຳເລັດຂອງສະພາແຫ່ງຊາດໃນປີນີ້ ແລະ ແຜນການສຳລັບໄລຍະທີ່ຍັງເຫຼືອຂອງປີ.ອ່ານຕໍ່ ...

ເຈົ້າໜ້າທີ່ລັດຖະບານກວ່າ 70 ຄົນໄດ້ປະຊຸມກັນທີ່ວຽງຈັນວານນີ້ ເພື່ອທົບທວນໝາກຜົນ, ຄວາມຄືບໜ້າ ແລະ ສິ່ງທ້າທາຍໃນການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງ (SDGs) ສຳລັບສົກປີ 2018-2019.ກອງປະຊຸມປະຈຳປີຂອງຄະນະຊີ້ນຳການຈັດຕັ້ງປະຕິບັດເປົ້າໝາຍການພັດທະນາແບບຍືນຍົງແຫ່ງຊາດຂອງລາວຈົນເຖິງປີ 2030 ໄດ້ຈັດຂຶ້ນທີ່ສູນປະຊຸມ ແລະ ຝຶກອົບຮົມສາກົນ ນະຄອນຫຼວງວຽງຈັນ ເພື່ອທົບທວນຄວາມຄືບໜ້າ ແລະ ສິ່ງທ້າທາຍໃນການຈັດຕັ້ງປະຕິບັດ ທັງມີການແລກປ່ຽນຄຳຄິດຄຳເຫັນຂອງຜູ້ເຂົ້າຮ່ວມກ່ຽວກັບແຜນໃນຕໍ່ໜ້າ.ອ່ານຕໍ່ ...