ວຽງຈັນທາມສ໌

ລາຍຮັບຈາກອາກອນຂອງລາວເພີ່ມຂຶ້ນ 20 ເປີເຊັນໃນຊ່ວງຫົກເດືອນຕົ້ນປີນີ້ ທຽບກັບໄລຍະດຽວກັນຂອງປີຜ່ານມາ, ຕາມກະຊວງການເງິນ.ການເພີ່ມຂຶ້ນຂອງລາຍຮັບດັ່ງກ່າວແມ່ນມາຈາກການເລີ່ມນຳໃຊ້ລະບົບຂໍ້ມູນຂ່າວສານທີ່ທັນສະໄໝໃນການຄຸ້ມຄອງລາຍຮັບຈາກອາກອນ (TAXRIS) ໃນຕົ້ນປີນີ້. ມາເຖິງປະຈຸບັນລະບົບດັ່ງກ່າວໄດ້ມີການນຳໃຊ້ຢູ່ໃນ 10 ຕົວເມືອງໃຫຍ່ ໃນເຈັດແຂວງຂອງລາວ.ກະຊວງການເງິນມີແຜນເສີມຂະຫຍາຍການນຳໃຊ້ລະບົບດັ່ງກ່າວໃນທົ່ວປະເທດພາຍໃນປີ 2020 ເຊິ່ງເປັນສ່ວນໜຶ່ງຂອງພາລະກິດຂອງລັດຖະບານ ໃນການສ້າງຄວາມທັນສະໄໝໂດຍການນຳໃຊ້ລະບົບການຈ່າຍອາກອນແບບອີເລັກໂທຣນິກ ແລະ ເພື່ອສົ່ງເສີມຄວາມໂປ່ງໃສໃນຂະແໜງການເງິນຂອງຊາດ.ອ່ານຕໍ່ ...

ກອງປະຊຸມປະຈຳປີຂອງລັດຖະມົນຕີຕ່າງປະເທດອາຊຽນໄດ້ໄຂຂຶ້ນທີ່ບາງກອກ ປະເທດໄທ ໃນມື້ວານນີ້ ເພື່ອຫາລື ແລະ ສືບຕໍ່ການກໍ່ສ້າງຊຸມຊົນອາຊຽນໃຫ້ເຂັ້ມແຂງ ແລະ ເສີມຂະຫຍາຍການຮ່ວມມືໃນພາກພື້ນ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດຂອງລາວກໍໄດ້ເດີນທາງເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ 25 ດັ່ງກ່າວ ແລະ ກອງປະຊຸມທີ່ກ່ຽວຂ້ອງອື່ນໆ ເຊິ່ງຈັດຂຶ້ນຢູ່ປະເທດໄທ.ອ່ານຕໍ່ ...

ບັນດາຄອບຄົວໃນແຕ່ລະຊຸມຊົນ ຮ່ວມກັບເຈົ້າໜ້າທີ່ສາທາລະນະສຸກ ກຳລັງຮ່ວມແຮງກັນໃນການກຳຈັດແຫຼ່ງເພາະພັນຂອງຍຸງລາຍ ເພື່ອຊ່ວຍສະກັດກັ້ນການລະບາດຂອງພະຍາດໄຂ້ເລືອດອອກ.ເຈົ້າໜ້າທີ່ສາທາລະນະສຸກໄດ້ມີການຮ່ວມງານຢ່າງໃກ້ຊິດກັບພະແນກສາທາລະນະສຸກສູນກາງ ແລະ ແຂວງ ເພື່ອຕິດຕາມຈຳນວນກໍລະນີຄົນເຈັບພະຍາດໄຂ້ເລືອດອອກ ແລະ ກຳຈັດແຫຼ່ງເພະາພັນຂອງຍຸງລາຍ.ອ່ານຕໍ່ ...

ອຳນາດການປົກຄອງນະຄອນວຽງຈັນໄດ້ແຈ້ງເຕືອນຕໍ່ເຈົ້າໜ້າທີ່ ກ່ຽວກັບການອອກໃບຕາດິນຊ້ຳຊ້ອນໂດຍເຈດຕະນາ ຈະຕ້ອງຈະຕ້ອງຜະເຊີນກັບການລົງໂທດທີ່ຮ້າຍແຮງ, ພາຍໃຕ້ຂໍ້ຂັດແຍ່ງດ້ານທີ່ດິນທີ່ຍັງຄົງມີຢູ່.ຜູ້ລະເມີດຈະຖືກດຳເນີນຄະດີໃນຂໍ້ຫາປອມແປງເອກະສານພາຍໃຕ້ກົດໝາຍອາຍາ ມາດຕາ 364, ທ່ານ ບຸນທຳ ພຸດທະວົງສາ ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມ ນະຄອນຫຼວງວຽງຈັນກ່າວໃນທີ່ປະຊຸມສານປະຊາຊົນນະຄອນຫຼວງຫວ່າງໝໍ່ໆມານີ້.ອ່ານຕໍ່ ...

ການສົ່ງເສີມການທ່ອງທ່ຽວໃນປີທ່ອງທ່ຽວລາວ-ຈີນ 2019 ປະສົບຜົນສຳເລັດໃນການເພີ່ມຈຳນວນນັກທ່ອງທ່ຽວ, ຕາມເຈົ້າໜ້າທີ່ທ່ອງທ່ຽວ. ໃນຊ່ວງຫົກເດືອນຕົ້ນປີນີ້ ມີນັກທ່ອງທ່ຽວເຂົ້າມາທ່ຽວລາວກວ່າ 2.2 ລ້ານຄົນ, ເພີ່ມຂຶ້ນ 5% ທຽບກັບປີກາຍ, ຕາມກົມພັດທະນາການທ່ອງທ່ຽວ, ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການຮ່ວມມືດ້ານທຸລະກິດລະຫວ່າງລາວ ແລະ ອິນໂດເນເຊຍໄດ້ຮັບການຍົກສູງ ແລະ ການຮ່ວມມືທຸລະກິດຕໍ່ທຸລະກິດກຳລັງໄດ້ຮັບການສົ່ງເສີມ ພາຍໃຕ້ການຮ່ວມມືຢ່າງໃກ້ຊິດລະຫວ່າງລັດຖະບານສອງຊາດ, ຕາມການເປີດເຜີຍຂອງທ່ານລັດຖະມົນຕີ.“ພວກເຮົາກຳລັງເປີດກວ້າງໂອກາດດ້ານທຸລະກິດ ໂດຍສະເພາະສຳລັບລັດວິສາຫະກິດ ລະຫວ່າງສອງປະເທດ,” ທ່ານ ປອ ກິແກ້ວ ຈັນທະບູລີ ຮອງລັດຖະມົນຕີກະຊວງແຜນການ ແລະ ການລົງທຶນຂອງລາວ ກ່າວໃນພິທີລົງນາມບົດບັນທຶກຄວາມເຂົ້າໃຈກ່ຽວກັບການຮ່ວມມືດ້ານທຸລະກິດລະຫວ່າງບໍລິສັດຂອງອິນໂດເນເຊຍ ແລະ ກຸ່ມບໍລິສັດພົງສະຫວັນ ທີ່ນະຄອນວຽງຈັນຫວ່າງໝໍ່ໆມານີ້.ອ່ານຕໍ່ ...

ເຈົ້າໜ້າທີ່ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຂອງລາວ ແລະ ກົມວັດທະນະທຳ ແລະ ການທ່ອງທ່ຽວຂອງເຂດປົກຄອງຕົນເອງກວາງຊີຈວງຂອງຈີນ ໄດ້ປະຊຸມຢູ່ນະຄອນຫຼວງວຽງຈັນ ໃນວັນພຸດແລ້ວນີ້ ເພື່ອສືບຕໍ່ກິດຈະກຳການສົ່ງເສີມການທ່ອງທ່ຽວລະຫວ່າງສອງປະເທດ.ກອງປະຊຸມສຳມະນາກ່ຽວກັບການທ່ອງທ່ຽວໃນກວາງຊີດັ່ງກ່າວ ແມ່ນນຳໂດຍທ່ານ ບຸນລັບ ດວງພູມີ ຮອງຫົວໜ້າກົມສົ່ງເສີມການທ່ອງທ່ຽວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຂອງລາວ ແລະ ທ່ານ ຫວງ ຢັນຊີ ຮອງຫົວໜ້າພະແນກວັດທະນະທຳ ແລະ ທ່ອງທ່ຽວຂອງເຂດກວາງສີ.ອ່ານຕໍ່ ...

ສາທາລະນະລັດເກົາຫຼີຈະໃຫ້ທຶນຊ່ວຍເຫຼືອຈຳນວນ US$6.78 ລ້ານໂດລາສຳລັບໂຄງການສ້າງຄວາມສາມາດດ້ານການບຳບັດຂີ້ເຫຍື້ອ ແລະ ນ້ຳເສຍ ເພື່ອການປັບປຸງການຄຸ້ມຄອງສິ່ງແວດລ້ອມໃນວຽງຈັນ ແລະ ປາກເຊ.ລັດຖະບານເກົາຫຼີຈະສະໜອງທຶນຊ່ວຍເຫຼືອຈຳນວນ US$6.5 ລ້ານໂດລາ, ໃນຂະນະທີ່ທຶນອີກ US$280,000 ໂດລາ ຈະມາຈາກສະຖາບັນການຂະຫຍາຍພື້ນທີ່ສີຂຽວໂລກ.ອ່ານຕໍ່ ...

ສະພາປະຊາຊົນຫຼາຍແຂວງໄດ້ຈັດປະຊຸມໃນອາທິດນີ້ ເພື່ອຫາລືບັນຫາພົ້ນເດັ່ນໃນທ້ອງຖິ່ນ ພາຍຫຼັງການສິ້ນສຸດກອງປະຊຸມສະໄໝສາມັນເທື່ອທີເຈັດຂອງສະພາແຫ່ງຊາດ.ສະພາປະຊາຊົນແຂວງສະຫວັນນະເຂດໄດ້ໄຂກອງປະຊຸມສະໄໝສາມັນຮອບເຄິ່ງປີແຕ່ວັນຈັນຈົນເຖິງມື້ວານນີ້. ໃນກອງປະຊຸມໄລຍະສີ່ວັນດັ່ງກ່າວ ສະມາຊິກສະພາແຂວງໄດ້ຫາລືມາດຕະການກ່ຽວກັບການຄຸ້ມຄອງການຜະລິດຖ່ານ ແລະ ການຄຸ້ມຄອງທຸລະກິດຖ່ານຂາວພາຍໃນແຂວງ ເຊິ່ງສະເໜີໂດຍພະແນກອຸດສາຫະກຳ ແລະ ການຄ້າແຂວງ, ແລະ ການຄຸ້ມຄອງການຈ່າຍເບ້ຍບຳນານ ແລະ ເບ້ຍລ້ຽງສຳລັບຄົນພິການ ເຊິ່ງສະເໜີໂດຍພະແນກແຮງງານ ແລະ ສະຫວັດດີການສັງຄົມແຂວງ.ອ່ານຕໍ່  ...

ຄະນະຜູ້ແທນລາວຢືນຢັນສະໜັບສະໜູນການເພີ່ມທະວີການຮ່ວມມືລະຫວ່າງສື່ມວນຊົນໃນພາກພື້ນເພື່ອອະນາຄົດທີ່ດີຂຶ້ນ ໃນຂະນະເຂົ້າຮ່ວມກອງປະຊຸມລະດັບສູງອາຊຽນ-ຈີນກ່ຽວກັບການຮ່ວມມືສື່ມວນຊົນ ທີ່ຈາກາຕາ, ອິນໂດເນເຊຍ.ໃນກອງປະຊຸມໃນວັນອັງຄານທີ່ຜ່ານມາ ທ່ານ ສະຫວັນຄອນ ຣາຊມຸນຕຣີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຂອງລາວ ກ່າວວ່າ ປະເທດລາວມີຄວາມຍິນດີໃນການສະໜັບສະໜູນ ແລະ ສົ່ງເສີມການພັດທະນາສື່ມວນຊົນ ເພື່ອສົ່ງເສີມການປັບປຸງດ້ານປະສິດທິພາບເປັນລຳດັບ.ອ່ານຕໍ່  ...