ວຽງຈັນທາມສ໌

ປະລິມານຝົນທີ່ຕົກຕໍ່ເນື່ອງທາງພາກເໜືອເຖິງພາກກາງຂອງປະເທດ ເຮັດໃຫ້ລະດັບນ້ຳໃນແມ່ນ້ຳເພີ່ມສູງຂຶ້ນຢ່າງຕໍ່ເນື່ອງ, ກົມອຸຕຸນິຍົມວິທະຍາ ແລະ ອຸທຸກະສາດແຈ້ງເຕືອນ.ທາງກົມໄດ້ແຈ້ງວ່າລະດັບນ້ຳໃນແມ່ນ້ຳເຊບັ້ງໄຟ ເມືອງເຊບັ້ງໄຟ ແຂວງຄຳມ່ວນປະຈຸບັນວັດແທກໄດ້ 19.14 ແມັດ ເກີນລະດັບອັນຕະລາຍ 18.50 ແມັດ. ເຮັດໃຫ້ຂົວແມ່ນ້ຳເຊບັ້ງໄຟ ເມືອງມະຫາໄຊ ສ່ຽງຕໍ່ໄພນ້ຳຖ້ວມ.ອ່ານຕໍ່ ...

ຜູ້ຕາງຈາກບັນດາຄູ່ຮ່ວມພັດທະນາ ແລະ ຖັນແຖວກົມກອງຂອງກະຊວງວິທະຍາສາດ ແລະ ເທັກໂນໂລຢີ ໄດ້ປະຊຸມ​ຢູ່ນະຄອນຫຼວງວຽງຈັນໃນອາທິດແລ້ວນີ້ ເພື່ອເສີມຂະຫຍາຍຄວາມເຂົ້າໃຈກ່ຽວກັບການພັດທະນາແຂວງແບບສະຫຼາດ.ການພັດທະນາແຂວງແບບສະຫຼາດແມ່ນນະໂຍບາຍການພັດທະນາຊຸມຊົນອັນໜຶ່ງ ທີ່ສຸມໃສ່ລະບົບການພັດທະນາໂດຍນຳໃຊ້ວິທະຍາສາດ ແລະ ເທັກໂນໂລຢີ ເຊັ່ນ ການຮັກສາສິ່ງແວດລ້ອມ, ເທັກໂນໂລຢີຂໍ້ມູນຂ່າວສານ ແລະ ການສື່ສານ ແລະ ການພັດທະນາພື້ນຖານໂຄງລ່າງ.ອ່ານຕໍ່ ...

ກົມແຜນການ ພາຍໃຕ້ກະຊວງແຜນການ ແລະ ການລົງທຶນໄດ້ຈັດກອງປະຊຸມສຳມະນາໄລຍະໜຶ່ງວັນກ່ຽວກັບ “ການນຳແບບສະຫຼາດສຳລັບແມ່ຍິງ” ເຊິ່ງແນໃສ່ເສີມຂະຫຍາຍຄວາມສາມາດຂອງພະນັກງານເພດຍິງ.ທ່ານນາງ ພອນວັນ ອຸທະວົງ ຫົວໜ້າກົມ ແລະ ທ່ານນາງ ທຳມາ ເພັດວິໄຊ ເລຂາທິການປະຈຳກະຊວງແຜນການ ແລະ ການລົງທຶນ ໄດ້ເຂົ້າຮ່ວມເປັນປະທານໃນກອງປະຊຸມສຳມະນາດັ່ງກ່າວເພື່ອສົ່ງເສີມບົດຍາງຂອງແມ່ຍິງໃນການພັດທະນາເສດຖະກິດສັງຄົມ.ອ່ານຕໍ່ ...

ພະນັກງານທ້ອງຖິ່ນໄດ້ຮັບການຊຸກຍູ້ໃຫ້ຍົກລະດັບຄຸນນະພາບ ແລະ ເພີ່ມທະວີການເຂົ້າເຖິງການບໍລິການດ້ານສຸຂະພາບສຳລັບແມ່ ໃນເມືອງເປົ້າໝາຍຂອງແຂວງສະຫວັນນະເຂດໃຫ້ສອດຄ່ອງຕາມນະໂຍບາຍແຫ່ງຊາດ.ນີ້ແມ່ນຂໍ້ຄວາມຈາກທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ໃນພິທີມອບລົດໂຮງໝໍໃຫ້ແກ່ເມືອງເປົ້າໝາຍອາທິດແລ້ວນີ້.ທ່ານໄດ້ໃຫ້ຄຳເຫັນວ່າ ລົດໂຮງໝໍດັ່ງກ່າວຈະຊ່ວຍຫຼຸດຜ່ອນອັດຕາການຕາຍຂອງແມ່. ທີ່ຜ່ານມາ ຍ້ອນການຂາດແຄນລົດໂຮງໝໍໄດ້ສົ່ງຜົນກະທົບຮ້າຍແຮງຕໍ່ຄວາມປອດໄພ ແລະ ຄຸະນນະພາບໃນການເບິ່ງແຍງແມ່ ແລະ ເດັກ.ອ່ານຕໍ່ ...

ອຳນາດການປົກຄອງລາວ ແລະ ຫວຽດນາມໄດ້ສັ່ງໂຈະການຄົ້ນຫາຫົກຜູ້ສູນຫາຍເນື່ອງຈາກເຫດດິນເຈື່ອນຢູ່ແຂວງຫົວພັນ ແລະ ຄາດວ່າຊາກສົບຜູ້ເສຍຊີວິດອາດຢູ່ຟາກແມ່ນ້ຳເບື້ອງປະເທດຫວຽດນາມ.ເຫດໄພພິບັດດິນເຈື່ອນດັ່ງກ່າວແມ່ນເກີດຂຶ້ນຢູ່ບ້ານດິນດຳ ເມືອງວຽງໄຊ ໃນວັນທີ 3 ສິງຫາ, ເຮັດໃຫ້ເຮືອນປະຊາຊົນເສຍຫາສອງຫຼັງ ແລະ ມີຜູ້ສູນຫາຍເຈັດຄົນ.ທ່ານ ພົນສຸກ ອິນທະວົງ ເຈົ້າເມືອງວຽງໄຊ ໄດ້ລາຍງານຜ່ານສຳນັກຂ່າວວຽງຈັນທາມສ໌ໃນວັນພະຫັດນີ້ວ່າ “ພາລະກິດການຄົ້ນຫາຜູ້ສູຍຫາຍຢູ່ຟາກແມ່ນ້ຳເບື້ອງປະເທດຫວຽດນາມຈຳຕ້ອງໂຈະເປັນເວລາສອງສາມວັນ ຈົນກວ່າພະຍຸຝົນຈະພັດຜ່ານແຂວງທັນຫົວຂອງຫວຽດນາມ.” ອ່ານຕໍ່ ...

ນັກສຶກສາລາວຈຳນວນ 20 ຄົນຈະເດີນທາງໄປສຶກສາ ແລະ ຄົ້ນຄວ້ລະດັບສູງຢູ່ປະເທດຍີ່ປຸ່ນ ພາຍໃຕ້ໂຄງການທຶນການສຶກສາເພື່ອການພັດທະນາຊັບພະຍາກອນມະນຸດປະເທດຍີ່ປຸ່ນ (JDS) ແລະ ໂຄງການຜູ້ນຳໜຸ່ມ (YLP).ງານລ້ຽງຮັບຮອງນັກສຶກສາ ແລະ ອະດີດນັກສຶກສາທຶນ JDS ແລະ YLP ໄດ້ຈັນຂຶ້ນຢູ່ນະຄອນຫຼວງວຽງຈັນໃນວັນອັງຄານນີ້ ເພື່ອເປັນການລ້ຽງສົ່ງນັກສຶກສາທີ່ຈະເດີນທາງໄປຮຽນຕໍ່ຢູ່ປະເທດຍີ່ປຸ່ນ ແລະ ເປັນການສະຫຼີມສະຫຼອງວັນສ້າງຕັ້ງໂຄງການ JDS ຄົບຮອບ 20 ປີ.ອ່ານຕໍ່ ...

ການກໍ່ສ້າງເສັ້ນທາງແຂວງສາລະວັນທີ່ຫາກໍ່ສຳເລັດນີ້ ຈະຊ່ວຍຍົກລະດັບການເຂົ້າເຖິງພື້ນທີ່,​ ໂດຍສະເພາະໃນທ້ອງຖິ່ນທຸກຍາກຂອງແຂວງ, ໃຫ້ເຂົ້າເຖິງຕະຫຼາດ, ໂຮງຮຽນ, ສູນບໍລິການດ້ານສາທາລະນະສຸກ ແລະ ການບໍລິການຂອງລັດ.ພິທີເປີດເສັ້ນທາງດັ່ງກ່າວໄດ້ມີຂຶ້ນໃນອາທິດນີ້ ພາຍໃຕ້ໂຄງການພັດທະນາພື້ນຖານໂຄງລ່າງໃນຊົນນະບົດໄລຍະທີ 6 ຢູ່ເມືອງສະມ້ວຍ ແລະ ຕະໂອຍ ແຂວງສາລະວັນ ພາຍໃຕ້ການຮ່ວມມືຂອງເຢຍລະມັນຜ່ານທະນາຄານພັດທະນາ KfW.ອີງຕາມກະຊວງໂຍທາທິການ ແລະ ຂົນສົ່ງ,​ ໂຄງການກໍ່ສ້າງເສັ້ນທາງໄລຍະທີ 6 ດັ່ງກ່າວໄດ້ເລີ່ມຕົ້ນໃນປີ 2015 ແລະ ຫາກໍ່ສຳເລັດຫວ່າງໝໍ່ໆມານີ້. ໃນນີ້ ເສັ້ນທາງຊົນນະບົດໄລຍະລວມ 122 ກມ ໄດ້ຮັບການບູລະນະ ແລະ ຍົກລະດັບຢູ່ເມືອງສະມ້ວຍ ແລະ ຕະໂອຍ, ໂດຍມີການຄຳນຶງເຖິງຄວາມຈຳເປັນໃນການປ້ອງກັນສະພາບອາກາດທີ່ຮ້າຍແຮງ.ອ່ານຕໍ່ ...

ລັດຖະບານກຸຍບາໄດ້ໃຫ້ທຶນການສຶກສາສຳລັບນັກສຶກສາລາວຈຳນວນ 6 ທຶນເພື່ອໄປສຶກສາຕໍ່ຢູ່ປະເທດກຸຍບາ ຢູ່ທີ່ໂຮງຮຽນວິທະຍາການແພດອາເມລິກາລາຕິນ (ELAM) ເມືອງຮາວານາ, ໃນຂະແໜງກົດໝາຍ ແລະ ກະເສດສາດ ສຳລັບສົກການສຶກສາ 2019-2020.ພິທີລ້ຽງສົ່ງນັກສຶກສາທຶນດັ່ງກ່າວໄດ້ຈັດຂຶ້ນທີ່ສະຖານທູດກຸຍບາ ໃນຕອນແລງຂອງວັນສຸກແລ້ວນີ້ ພາຍໃຕ້ການເຂົ້າຮ່ວມຂອງທ່ານ ປາໂບລ ອັນໂຕນີໂອ ໂຣດິເກັດສ໌ ວິດາວ, ເຈົ້າໜ້າທີ່ການທູດກຸຍບາ, ນັກສຶກສາ ແລະ ເຈົ້າໜ້າທີ່ລັດຖະບານ.ອ່ານຕໍ່  ...

ຕົວແທນວາງສະແດງກວ່າ 200 ຫົວໜ່ວຍຈາກທົ່ວປະເທດຈະເຂົ້າຮ່ວມໃນງານວາງສະແດງສິນຄ້າຫັດຖະກຳລາວໃນປີນີ້ ທີ່ສູນວາງສະແດງສິນຄ້າ ແລະ ການປະຊຸມລາວສາກົນ (ລາວ-ໄອເຕັກ) ນະຄອນຫຼວງວຽງຈັນໃນລະຫວ່າງວັນທີ 28 ຕຸລາ ເຖິງ 3 ພະຈິກປີນີ້.ລາຍລະອຽດຂອງງານດັ່ງກ່າວໄດ້ມີການເປີດເຜີຍໃນກອງປະຊຸມຕໍ່ສື່ມວນຊົນໃນວັນສຸກແລ້ວນີ້ ພາຍໃຕ້ການເຂົ້າຮ່ວມຂອງທ່ານ ຫານຊະນະ ສີສານ ປະທານສະມາຄົມຫັດຖະກຳລາວ, ທ່ານ ທິບພະວັນ ອຸລາ ຮອງຫົວໜ້າກົມພັດທະນາການທ່ອທ່ຽວ ພ້ອມດ້ວຍສື່ມວນຊົນ ແລະ ເຈົ້າໜ້າທີ່ກະຊວງ.ອ່ານຕໍ່ ...

ລັດຖະບານເດຍສະໜັບສະໜູນຫຼັກສູດພະນັກງານວິຊາການ ທີ່ສູນພັດທະນາ ແລະ ຝຶກອົບຮົມທັກສະກ່ຽວກັບຊັອບແວ ລາວ-ອິນເດຍ (CESDT) ຂອງສະຖາບັນເທັກໂນໂລຢີຂໍ້ມູນຂ່າວສານ ແລະ ການສື່ສານ ເຊິ່ງເປັນສ່ວນໜຶ່ງຂອງໂຄງການມູນຄ່າ US$1.3 ລ້ານໂດລາ.ໂຄງການ CESDT ແຕ່ປີ 2017-2019 ແມ່ນພາລະກິດການຮ່ວມມືລະຫວ່າງສະຖາບັນເທັກໂນໂລຢີຂໍ້ມູນຂ່າວສານ ແລະ ການສື່ສານ (IICT) ພາຍໃຕ້ກະຊວງໄປສະນີ ແລະ ໂທລະຄົມມະນາຄົມຂອງລາວ ແລະ ສູນພັດທະນາການຄັອມພິວເຕີລະດັບສູງຂອງອິນເດຍ (C-DAC). ອ່ານຕໍ່ ...