Vientiane Times/ANN

ວຽງຈັນ (ວຽງຈັນທາມສ໌/ANN) – ລາວອາດຕ້ອງເພີ່ມທະວີການນຳເຂົ້າສິນຄ້າກະເສດ ເພື່ອຕອບສະໜອງຕໍ່ຄວາມຕ້ອງການທີ່ເພີ່ມຂຶ້ນ ສຳລັບໝາກໄມ້ສົດ ແລະ ພືດຜັກ.ຕະຫຼາດສົດລາວອົດຊີ ເມືອງສີໂຄດຕະບອງ ເຊິ່ງເປັນໜຶ່ງໃນຕະຫຼາດສົດທີ່ໃຫຍ່ທີ່ສຸດໃນນະຄອນຫຼວງວຽງຈັນ ອາດຕ້ອງເພີ່ມການຊື້ຂາຍສິນຄ້ານຳເຂົ້າຈາກຕ່າງປະເທດ, ເຈົ້າໜ້າທີ່ຈັດສັນຕະຫຼາດກ່າວຜ່ານໜັງສືພິມວຽງຈັນທາມສ໌ວານນີ້.ໃນປີຜ່ານມາ, ຕະຫຼາດດັ່ງກ່າວມີການນຳເຂົ້າສິນຄ້າກະເສດ 15% ຈາກປະເທດໄທ ແລະ 15% ຈາກປະເທດຫວຽດນາມເພື່ອຈຳໜ່າຍ ໃນຂະນະທີ່ສິນຄ້າຈຳນວນໜຶ່ງກໍມາຈາກຕ່າງແຂວງ.ສິນຄ້າທີ່ນຳເຂົ້າສ່ວນໃຫຍ່ລວມມີ ໝາກເລັ່ນ, ໝາກເຂືອ, ໝາດເຜັດ, ໝາກນາວ, ຜັກບົ່ວ, ຜັກທຽມ, ໝາກໄມ້ ແລະ ຜັກຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປະເທດລາວກຳລັບຜະເຊີນກັບການລະບາດຂອງພະຍາດໄວຣັສ໌ໄຂ້ເລືອດອອກທີ່ຮ້າຍແຮງໃນລະດູຝົນປີນີ້.ສູນວິເຄາະ ແລະ ລະບາດວິທະຍາແຫ່ງຊາດໄດ້ຢືນຢັນວ່າ ກຸ່ມເຊື້ອໄວຣັສ໌ໄຂ້ເລືອດອອກປະເພດ 2 ແລະ 4 ແມ່ນເປັນສາເຫດຕົ້ນຕໍຂອງພະຍາດໄຂ້ເລືອດອອກໃນຈຳນວນກໍລະນີຄົນເຈັບກ່ວາ 14,000 ກໍລະນີ, ເຊິ່ງເຮັດໃຫ້ມີຜູ້ເສຍຊີວິດຈຳນວນ 31 ກໍລະນີ.ໂດຍສະເພາະ ກຸ່ມເຊື້ອປະເພດ 2 ເປັນສາເຫດຂອງພະຍາດໄຂ້ເລືອດອອກເຊິ່ງມີອັດຕາການຕາຍທີ່ສູງ. ຈາກການວິເຄາະກຸ່ມເຊື້ອປະເພດ 2 ດັ່ງກ່າວສະແດງໃຫ້ເຫັນວ່າເຊື້ອໄວຣັສ໌ ໄດ້ມີການກາຍພັນ. ທ່ານ ຮສ.ດຣ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ກ່າວວ່ານະຄອນຫຼວງວຽງຈັນພົບການລະບາດຂອງເຊື້ອໄວຣັສ໌ໄຂ້ຍຸງປະເພດສອງເຊິ່ງເປັນຊະນິດທີ່ຮ້າຍແຮງທີ່ສຸດ. ແຂວງຈຳປາສັກ, ສະຫວັນນະເຂດ ແລະ ແຂວງພາກໃຕ້ອື່ນໆ ກໍພົບກໍລະນີຜູ້ຕິດເຊື້ອໄວຣັສ໌ປະເພດ 2 ດັ່ງກ່າວເຊັ່ນດຽວກັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຮງງານຜະລິດໄຟຟ້າແຂວງໄຊຍະບູລີ ໄດ້ເລີ່ມທົດລອງການປະຕິບັດການຂອງຈັກປັ່ນໄຟໝາຍເລກຫ້າໃນມື້ວານນີ້, ເຊິ່ງຄາດວ່າເຂື່ອນນ້ຳຂອງແຫ່ງທຳອິດໃນເຂດລຸ່ມແມ່ນ້ຳຂອງດັ່ງກ່າວ ຈະສາມາດເລີ່ມການປະຕິບັດການເພື່ອການຄ້າພາຍໃນທ້າຍປີນີ້.  ເຈົ້າໜ້າທີ່ການນຳພະແນກພະລັງງານ ແລະ ບໍ່ແຮ່ ແຂວງໄຊຍະບູລີ ກ່າວວ່າ ການທົດລອງການຜະລິດຂອງຈັກປັ່ນໄຟໝາຍເລກຫ້າຂອງເຂື່ອນດັ່ງກ່າວ ໄດ້ເລີ່ມຂຶ້ນໃນວັນທີ 17 ກໍລະກົດທີ່ຜ່ານມາ.ການທົດລອງຈັກປັ່ນໄຟໂຕອື່ນໄດ້ມີຂຶ້ນໃນຊ່ວງຕົ້ນປີນີ້ ເຊິ່ງເປັນສ່ວນໜຶ່ງຂອງການກະກຽມການປະຕິບັດການເພື່ອການຄ້າຢ່າງເຕັມຮູບແບບ. ເຂື່ອນດັ່ງກ່າວມີຈັກປັ່ນໄຟທັງໝົດແປດເຄື່ອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ຮັບຜິດຊອບໂຄງການເຂດເສດຖະກິດພິເສດວັງເຕົ່າ-ໂພນທອງ ແຂວງຈຳປາສັກ ກ່າວວ່າການດຳເນີນໂຄງການແມ່ນເປັນໄປຕາມແຜນ ແລະ ຄາດວ່ານັກລົງທຶນພາຍໃນ ແລະ ຕ່າງະເທດຈະຕ້ອງການເຂົ້າມາລົງທຶນໃນເຂດດັ່ງກ່າວ.ພິທີວາງສິລາເລີກໂຄງການເພື່ອເລີ່ມຕົ້ນການກໍ່ສ້າງເຂດເສດຖະກິດພິເສດຢ່າງເປັນທາງການ ໄດ້ມີຂຶ້ນຫວ່າງໝໍ່ໆມານີ້ຢູ່ແຂວງຈຳປາສັກ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການຂາດສານອາຫານໃນລະດັບສູງໃນເດັກນ້ອຍ ເຮັດໃຫ້ປະເທດລາວສູນເສຍທ່າແຮງດ້ານຊັບພະຍາກອນມະນຸດ ແລະ ເສດຖະກິດຢ່າງໜ້າເສຍດາຍ ແຕ່ກໍສາມາດຫຼີດລ່ຽງໄດ້, ອີງຕາມທະນາຄານໂລກ.ໃນທົ່ວປະເທດ ພາວະເດັກເຕ້ຍແມ່ນກວມເອົາໜຶ່ງໃນສາມຂອງເດັກນ້ອຍລາວທັງໝົດທີ່ມີອາຍຸຫຼຸດຫ້າປີ, ທະນາຄານໂລກກ່າວໃນບົດສັງລວມໃນເວັບໄຊຂອງຕົນ ທີ່ໃສ່ຊື່ວ່າ  ‘ວິທີການສຸມໃສ່ຫຼາຍຂະແໜງການ ເພື່ອຫຼຸດຜ່ອນການຂາດສານອາຫານໃນ ສປປ ລາວ’.“ອັດຕາການຂາດສານອາຫານຂອງແມ່ ແລະເດັກໃນປະຈຸບັນ ເຮັດໃຫ້ ສປປ ລາວ ສູນເສຍທ່າແຮງດ້ານຊັບພະຍາກອນມະນຸດ ເຊິ່ງກວມປະມານ 2.4 ເປີເຊັນຂອງລວມຍອດຜະລິດຕະພັນພາຍໃນ (GDP) ຂອງປະເທດໃນແຕ່ລະປີ,” ທະນາຄານໂລກກ່າວ.ອ່ານຕໍ່ ...

ຊາວບ້ານປະມານ 1,400 ຄົນປະສົບຄວາມຫຍຸ້ງຍາກໃນການລ້ຽງຊີບ ພາຍໃນໄລຍະສາມເດືອນຫຼັງການຍ້າຍພູມລຳເນົາສຳລັບໂຄງການກໍ່ສ້າງເຂື່ອນ. ຊາວບ້ານບາງຈຳນວນຈຳຕ້ອງກັບຄືນບ້ານເດີມເພື່ອປູກເຂົ້າຕາມລະດູການ.ເຂື່ອນໄຟຟ້ານ້ຳອູ 4 ຂອງບໍລິສັດຈີນ ເປັນໜຶ່ງໃນເຈັດເຂື່ອນທີ່ມີແຜນກໍ່ສ້າງຕາມລຳນ້ຳອູ ທີ່ໄຫຼຜ່ານແຂວງຜົ້ງສາລີ ແລະ ແຂວງຫຼວງພະບາງທາງພາກເໜືອຂອງລາວ.ປະຊາຊົນ  1,400 ຈາກ 297 ຄອບຄົວທີ່ອາໄສຢູ່ໃນຫ້າບ້ານຂອງເມືອງຂວາ ແຂວງຜົ້ງສາລີ ໄດ້ທຳການຍົກຍ້າຍພູມລຳເນົາມາຢູ່ບ້ານໃໝ່ໃນວັນທີ 14 ມີນາ 2019.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລະດັບສູງຂອງປະເທດສະມາຊິກໄດ້ມີການຫາລືວານນີ້ ເພື່ອກະກຽມກອງປະຊຸມລັດຖະມົນຕີຄັ້ງທີ 11 ກ່ຽວກັບຊາວໜຸ່ມ (AMMY XI) ເຊິ່ງແນໃສ່ເສີມຂະຫຍາຍບົດບາດຂອງຊາວໜຸ່ມໃນການພັດທະນາແບບຍືນຍົງ ແລະ ການລວມຕົວໃນລະດັບພາກພື້ນ.ສູນກາງຊາວໜຸ່ມປະຊາຊົນປະຕິວັດລາວໄດ້ເປັນເຈົ້າພາບຈັດກອງປະຊຸມເຈົ້າໜ້າທີ່ລະດັບສູງຂຶ້ນ ທີ່ນະຄອນຫຼວງວຽງຈັນ ເພື່ອກະກຽມກອງປະຊຸມ AMMY XI ເຊິ່ງຈະມີຂຶ້ນໃນວັນທີ 20 ກໍລະກົດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກຸ່ມຊາວກະສິກອນຜູ້ລ້ຽງໝູໃນນະຄອນຫຼວງວຽງຈັນ ມີຄວາມຫວັງວ່າລັດຖະບານຈະຊ່ວຍແກ້ໄຂບັນຫາກ່ຽວກັບໜີ້ສິນ. ຊາວກະສິກອນຜູ້ລ້ຽງໝູຍັງຄົງປະສົບກັບບັນຫາໜີ້ສິນທີ່ແກ່ຍາວມາຫຼາຍປີ ແລະ ລາຄາຜະລິດຕະພັນຊິ້ນໝູຍັງຄົງສືບຕໍ່ເໜັງຕີງ ໂດຍສະເພາະພາຍໃຕ້ສະຖານະການຄວາມສ່ຽງກ່ຽວກັບການລະບາດຂອງພະຍາດອະຫິວາໝູອາຟຣິກາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຊັນສ໌ສະປາ ໂຮງແຮມຄຣາວພລາຊາວຽງຈັນ ໄດ້ຮັບລາງວັນຊະນະເລີດດ້ານສະປາໃນລະດັບສາກົນ ຫຼັງຈາກທີ່ເປີດຕົວການບໍລິການຊັ້ນເລີດພຽງໜຶ່ງປີ.ທ່ານ ນັດທະວຸດ ເວດປຣະສິດ ຜູ້ຊ່ວຍຜູ້ອຳນວຍການໂຮງແຮມຄຣາວພລາຊາ ວຽງຈັນ ຕາງໜ້າໂຮງແຮມ ເຂົ້າຮັບລາງວັນສະປາດີເດັ່ນລະດັບໂລກ ໃນພິທີມອບລາງວັນ World Luxury Awards ເຊິ່ງຈັດຂຶ້ນທີ່ ໂຮງແຮມ State Hermitage Museum Official ທີ່ນະຄອນເຊັນ ປີເຕີສ໌ເບີກ ປະເທດລັດເຊຍ ໃນວັນທີ 8 ກໍລະກົດທີ່ຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອຳນາດການປົກຄອງສັ່ງໃຫ້ຜູ້ຈັດການລະບົບຂ່າວສານສື່ສັງຄົມອອນໄລໃນລາວ ຈົດທະບຽນບັນຊີຜູ້ນຳໃຊ້ ຫຼື ໜ້າເພັຈ໌ ບໍ່ດັ່ງນັ້ນຈະຖືກດຳເນີນການຕາມລະບຽບກົດໝາຍ.ຄຳເຕືອນດັ່ງກ່າວ ແມ່ນເນື່ອງຈາກໃນລາວມີລະບົບຂ່າວສານທາງດິຈິຕອລ໌ຈຳນວນຫຼວງຫຼາຍທີ່ມີການເຜີຍແຜ່ຂ່າວສານທີ່ບໍ່ເປັນຈິງ ແລະ ຂໍ້ມູນທີ່ບໍ່ຖືກຕ້ອງ ຜ່ານທາງສື່ສັງຄົມອອນໄລ  ເຮັດໃຫ້ສັງເກີດຄວາມເຂົ້າໃຈຜິດ ແລະ ສ້າງກະແສປັ່ນປ່ວນກ່ຽວກັບເຫດການຕ່າງໆ.ອ່ານຕໍ່ ...