ເດິລາວທຽນທາມສ໌

ເສົາສີຟ້າສຳລັບເຫດສຸກເສີນ ເຊິ່ງເລີ່ມມີການຕິດຕັ້ງໃນທົ່ວນະຄອນວຽງຈັນໃນຊ່ວງສອງສາມເດືອນຜ່ານມາ ແມ່ນຖືກອອກແບບເພື່ອໃຫ້ການບໍລິການແບບທັນສະພາບໃນພາວະສຸກເສີນ ແລະ ໃຫ້ການຊ່ວຍເຫຼືອຕາມແຕ່ລະຈຸດໃນກໍລະນີຈຳເປັນ, ຕາມທີ່ທາງສຳນັກ Laotian Times ໄດ້ຮູ້ມາ.ເມື່ອມີຜູ້ກົດປຸ່ມຢູ່ໃນເສົາ, ເຈົ້າໜ້າທີ່ຈາກສູນບໍລິການເຫດສຸກເສີນ ຈະມາຮັບສາຍເພື່ອໃຫ້ການຊ່ວຍເຫຼືອ. ເຈົ້າໜ້າທີ່ຈະສາມາດສົນທະນາກັນຜູ້ທີ່ໂທເຂົ້າມາ ແລະ ສາມາດເບິ່ງເຫັນຜູ້ໂທຜ່ານກ້ອງວົງຈອນປິດທີ່ຕິດຕັ້ງໄວ້.ອ່ານຕໍ່ ...

ລາວຈະປາບປາມທຸລະກິດຂອງຕ່າງປະເທດທີ່ດຳເນີນການຢູ່ໃນລາວໂດຍບໍ່ມີໃບອະນຸຍາດດຳເນີນທຸລະກິດທີ່ຖືກຕ້ອງ.ລັດຖະບານລາວໄດ້ເລີ່ມລົງກວດກາທຸລະກິດຂອງຕ່າງປະເທດ ເພື່ອຮັບປະກັນໃຫ້ສອງຄ່ອງຕາມລະບຽບກົດໝາຍ, ຕາມຄຳສັ່ງແນະນຳຂອງລັດຖະມົນຕີກະຊວງອຸດສາຫະກຳ ແລະ ການຄ້າ, ຕາມການລາຍງານຂອງໜັງສືພິມວຽງຈັນທາມສ໌ໃນອາທິດແລ້ວນີ້.ເຈົ້າຂອງທຸລະກິດຕ່າງປະເທດອາດຖືກປັບໃໝເປັນຈຳນວນ 10 ລ້ານກີບ (ຫຼື USD 1,150 ໂດລາ) ຖ້າພົບວ່າມີການດຳເນີນການໂດຍບໍ່ມີໃບທະບຽນ ແລະ ໃບອະນຸຍາດດຳເນີນທຸລະກິດ.ອ່ານຕໍ່ ...

ແຂວງສາລະວັນທາງພາກໃຕ້ຂອງລາວມີຈຳນວນໝູຕາຍຍ້ອນພະຍາດອະຫິວາໝູອາຟຣິກາ (ASF) ເພີ່ມຂຶ້ນ. ຕົວເລກໝູຕາຍຫຼ້າສຸດຈາກອຳນາດການປົກຄອງທ້ອງຖິ່ນແມ່ນຢູ່ທີ່ 2,500 ໂຕ ຕາມສຳນັກຂ່າວວຽງຈັນທາມສ໌.ແຂວງດັ່ງກ່າວໄດ້ມີການຢືນຢັນການລະບາດຂອງພະຍາດ ASF ດັ່ງກ່າວໃນທ້າຍເດືອນແລ້ວນີ້, ເຊິ່ງມີເຈັດບ້ານທີ່ໄດ້ຮັບຜົນກະທົບ ເຮັດໃຫ້ມີສັດລ້ຽງລົ້ມຕາຍ 973 ໂຕ, ຕາມກະຊວງກະສິກຳ ແລະ ປ່າໄມ້ຂອງລາວ.ອ່ານຕໍ່ ...

ລັດຖະບານຈະສະໜອງຂໍ້ມູນກ່ຽວກັບຕະຫຼາດແຮງງານຜ່ານການຮ່ວມງານຄັ້ງໃໝ່ກັບເຈົ້າຂອງເວັບໄຊຊອກວຽກທີ່ໃຫຍ່ທີ່ສຸດໃນປະເທດລາວ, 108 Jobs, ເພື່ອແກ້ໄຂບັນຫາການບໍ່ມີວຽກເຮັດງານທຳທີ່ເພີ່ມສູງຂຶ້ນ.ພາຍໃຕ້ຂໍ້ຕົກລົງສະບັບວັນທີ 27 ມິຖຸນາ, ສູນບໍລິການແຮງງານ ພາຍໃຕ້ກະຊວງແຮງງານ ແລະ ສະຫວັດດີການສັງຄົມ ແລະ ກຸ່ມບໍລິສັດ 108-1009 ກຣຸບນະຄອນຫຼວງວຽງຈັນ ຈະຮ່ວມມືກັນພັດທະນາລະບົບຂໍ້ມູນຂ່າວສານຕະຫຼາດແຮງງານເພື່ອເຜີຍແຜ່ຂໍ້ມູນການຮັບສະໝັກຕຳແໜ່ງງານຕ່າງໆ ຜ່ານທາງເວັບໄຊຂອງກະຊວງ www.lmi.molsw.gov.la ແລະ ເວັບ 108.jobs.ອ່ານຕໍ່ ...

ລາວ ແລະ ໄທໄດ້ລົງນາມໃນຂໍ້ຕົກລົງເພື່ອຂະຫຍາຍການເຊື່ອມຕໍ່ເສັ້ນທາງ ແລະ ທາງລົດໄຟລະຫວ່າງສອງປະເທດ ເຊິ່ງມີມູນຄ່າລວມກວ່າ 3 ຕື້ບາດໄທ (USD 98.2 ລ້ານໂດລາ).ພາຍໃຕ້ຂໍ້ຕົກລົງດັ່ງກ່າວ ສອງປະເທດໄດ້ວາງແຜນປັບປຸງເສັ້ນທາງ R11 ທີ່ເຊື່ອມຕໍ່ດ່ານຊານແດນພູດູ່ ຈັງຫວັດອຸດຕະລະດິດທາງພາກເໜືອຂອງໄທ ກັບນະຄອນຫຼວງວຽງຈັນຂອງລາວ. ເສັ້ນທາງສອງເລນດັ່ງກ່າວຈະໄດ້ຮັບການປູຢາງ ເຊິ່ງຄິດເປັນມູນຄ່າປະມານ 1.8 ຕື້ບາດໄທ (USD 59 ລ້ານໂດລາ), ຕາມການລາຍງານຂອງສຳນັກຂ່າວບາງກອກໂພສ໌ ໃນວັນທີ 1 ກໍລະກົດນີ້.ອ່ານຕໍ່ ...

ເສັ້ນທາງໃໝ່ທີ່ເຊື່ອມຕໍ່ລະຫວ່າງແຂວງຫຼວງພະບາງຂອງກັບຊາຍແດນຈັງຫວັດນ່ານຂອງໄທ ໄດ້ມີການເປີດນຳໃຊ້ຢ່າງເປັນທາງການ, ເຊິ່ງຊ່ວຍປະຢັດເວລາໃນການເດີນທາງສຳລັບນັກທ່ອງທ່ຽວ.ເສັ້ນທາງໃໝ່ດັ່ງກ່າວແມ່ນຕັດຈາກເມືອງຫົງສາ ຫາແຂວງຫຼວງພະບາງ ແລະ ຕໍ່ຍາວໄປເຖິງດ່ານຊາຍແດນຈັງຫວັດນ່ານປະເທດໄທ.ກ່ອນໜ້າການກໍ່ສ້າງເສັ້ນທາງດັ່ງກ່າວ, ການເດີນທາງລະຫວ່າງສອງແຂວງຕ້ອງໃຊ້ເວລາເຖິງເກົ້າຊົ່ວໂມງ, ໃນຂະນະທີ່ປະຈຸບັນ ການເດີນທາງແມ່ນໃຊ້ເວລາປະມານສີ່ເຖິງຫ້າຊົ່ວໂມງ. ອ່ານຕໍ່ ...

ລາວຈະເລີ່ມເປີດບໍລິການຮັບສະໝັກວີຊາແບບອີເລັກໂທຣນິກ (ອີວີຊາ) ໃນເດືອນກໍລະກົດປີນີ້, ເພື່ອໃຫ້ນັກທ່ອງທ່ຽວສາມາດສະໝັກວິຊາແບບອອນໄລ ກ່ອນເດີນທາງເຂົ້າປະເທດ.ເວັບໄຊທາງການສຳລັບການສະໝັກອີວີຊາກໍຄື https://laoevisa.gov.la ເວັບໄຊອີວີຊານີ້ແມ່ນຢູ່ພາຍໃຕ້ການຄຸ້ມຄອງຂອງກົມກົງສຸນ ກະຊວງການຕ່າງປະເທດ ແລະ ກະຊວງປ້ອງກັນຄວາມສະຫງົບ. ວີຊາທ່ອງທ່ຽວເຊິ່ງມີອາຍຸນຳໃຊ້ 30 ວັນ ຈະເປັນວີຊາປະເພດທຳອິດທີ່ໃຫ້ບໍລິການຜ່ານທາງເວັບໄຊ, ສ່ວນວີຊາປະເພດອື່ນຈະໃຫ້ບໍລິການເພີ່ມເຕີມໃນພາຍຫຼັງ.ອ່ານຕໍ່ ...

ປະເທດຈີນ ແລະ ໄທ ສັ່ງຫ້າມນຳເຂົ້າຊິ້ນໝູ ແລະ ຜະລິດຕະພັນກ່ຽວກັບໝູຈາກລາວ ຫຼັງຈາກພົບການລະບາດຂອງພະຍາດອະຫິວາໝູອາຟຣິກາໃນລາວເປັນກໍລະນີທຳອິດ.ໄດ້ມີການຢືນຢັນການລະບາດຂອງພະຍາດອະຫິວາໝູອາຟຣິກາກໍລະນີທຳອິດໃນລາວ, ເຊິ່ງມີການລະບາດຂອງພະຍາດໃນເຈັດບ້ານຂອງແຂວງສາລະວັນ, ເຮັດໃຫ້ມີສັດຕາຍແລ້ວ 973 ໂຕ, ຕາມກະຊວງກະສິກຳ ແລະ ປ່າໄມ້ຂອງລາວ.ອ່ານຕໍ່ ...

ບໍລິສັດຕ່າງປະເທດທີ່ຕ້ອງການສົ່ງອອກສິນຄ້າມາປະເທດລາວ ແມ່ນບໍ່ຈຳເປັນຕ້ອງຂໍໃບອະນຸຍາດດຳເນີນທຸລະກິດພາຍໃນປະເທດ ຕາມລະບຽບການການຄ້າໃໝ່ຂອງກະຊວງການຄ້າ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າລາວ ໄດ້ອອກຂໍ້ຕົກລົງຂອງລັດຖະມົນຕີ ສະບັບໃໝ່ ໃນວັນທີ 6 ມິຖຸນາ ເພື່ອຍົກເລີກລະບຽບການທີ່ບໍລິສັດຕ່າງປະເທດຕ້ອງຂໍໃບອະນຸຍາດດຳເນີນທຸລະກິດພາຍໃນ ໃນການສົ່ງອອກສິນຄ້າມາປະເທດລາວ.ພາຍໃຕ້ລະບຽບການໃໝ່ນີ້ ບໍລິສັດຕ່າງປະເທດທີ່ຕ້ອງການສົ່ງອອກສິນຄ້າມາປະເທດລາວ ຕ້ອງຍື່ນໃບຄຳຮ້ອງຂໍສິດທາງການຄ້າ ໂດຍກົງຕໍ່ກົມການນຳເຂົ້າ ແລະ ສົ່ງອອກ.ອ່ານຕໍ່  ...

ບໍລິສັດກໍ່ສ້າງຂອງເກົາຫຼີໃຕ້ບໍ່ຍອມຮັບຂໍ້ສະຫຼຸບຫຼ້າສຸດຂອງລັດຖະບານລາວ ທີ່ກ່າວອ້າງກ່ຽວກັບສາເຫດຂອງການແຕກຂອງເຂື່ອນໄຟຟ້ານ້ຳຕົກໃນປີກາຍນີ້ຢູ່ລາວ.ບໍລິສັດ  SK ເອັນຈິເນຍຣິງ  & ຄອນສະຕຣັກເຊິນ ກ່າວໃນກອງປະຊຸມສື່ມວນຊົນໃນວັນທີ 29 ພຶດສະພາວ່າ ທາງບໍລິສັດບໍ່ສາມາດຍອມຮັບ ກ່ຽວກັບຂໍ້ສະຫຼຸບດັ່ງກ່າວໄດ້ ເນື່ອງຈາກມັນຂາດພື້ນຖານ ແລະ ຂໍ້ມູນທີ່ເປັນວິທະຍາສາດ.ອ່ານຕໍ່ ...