ວິທະຍຸເສລີເອເຊຍ

ໃນວັນສຸກແລ້ວນີ້ ກຸ່ມສິດທິມະນຸດລາວໄດ້ຮຽກຮ້ອງໃຫ້ເຈົ້າໜ້າທີ່ນະຄອນຫຼວງວຽງຈັນ ສືບສວນສອບສວນການເສຍຊີວິດຂອງຜູ້ຕ້ອງຂັງໃນເດືອນແລ້ວນີ້ ເຊິ່ງແມ່ນຊາວບ້ານທີ່ຖືກກັກຕົວມາແຕ່ປີ 2011 ໃນຄະດີການປະທ້ວງກ່ຽວກັບທີ່ດິນຢູ່ແຂວງສາລະວັນ.ລັດຖະບານຍັງຄົງບໍ່ສະແດງທ່າທີໃດໆກ່ຽວກັບການຕາຍໃນຄຸກຂອງທ້າວສີ ພົງ ໜຶ່ງໃນສອງນັກໂທດທີ່ຖືກຈຳຄຸກ ຫຼັງຈາກທີ່ຜູ້ຮ່ວມປະທ້ວງຈຳນວນ 23 ຄົນເຊິ່ງຖືກກັກຕົວໃນປີ 2011 ໄດ້ຮັບການປ່ອຍຕົວ.ອ່ານຕໍ່ ...

ລັດຖະບານລາວໄດ້ປະຕິບັດວິໄນເຈົ້າໜ້າທີ່ 200 ກວ່າຄົນ ທີ່ມີສ່ວນພົວພັນກ່ຽວຂ້ອງກັບການກິນສິນບົນ ຫຼື ສໍ້ໂກງໃນຊຸມເດືອນຜ່ານມາ ເຊິ່ງເປັນສ່ວນໜຶ່ງຂອງພາລະກິດການປາບປາມການສໍ້ລາດບັງຫຼວງທີ່ແຜ່ຫຼາຍໃນລາວ, ແຕ່ວ່າກໍມີພຽງຈຳນວນໜ້ອຍເທົ່ານັ້ນ ທີ່ໄດ້ຮັບການລົງໂທດທາງອາຍາຍ້ອນການກະທຳດັ່ງກ່າວ.ໃນຕົ້ນອາທິດນີ້ ອຳນາດການປົກຄອງແຂວງຊຽງຂວາງ ໄດ້ສຶກສາອົບຮົມເຈົ້າໜ້າທີ່ລັດຈຳນວນ 16 ຄົນ, ສັ່ງປົດ 2 ຄົນ, ແລະ ຕັກເຕືອນອີກ 9 ຄົນ ຫຼັງຈາກທີ່ກວດພົບວ່າເຂົາເຈົ້າໄດ້ສໍ້ໂກງງົບປະມານ ຫຼາຍລ້ານໂດລາ, ຕາມການລາຍງານຂອງສື່ມວນຊົນລັດ.ອ່ານຕໍ່ ...

ລັດຖະບານລາວໄດ້ສັ່ງຢຸດການອະນຸມັດການສຳປະທານສວນກ້ວຍແຫ່ງໃໝ່ ແລະ ຈະລົງໂທດເຈົ້າໜ້າທີ່ທີ່ລະເມີດຄຳສັ່ງດັ່ງກ່າວ, ທັງນີ້ກໍ່ເນື່ອງມາຈາກບັນຫາຄວາມຂັດແຍ່ງກ່ຽວກັບການໃຊ້ສານເຄມີປາບສັດຕູພືດເກີນຂະໜາດ ເຊິ່ງຊາວບ້ານເຫັນວ່າເຮັດໃຫ້ເກີດມົນລະພິດ ແລະ ທຳລາຍສະພາບແວດລ້ອມການເປັນຢູ່.ຄວາມກັງວົນກ່ຽວກັບສານເຄມີຈາກສວນກ້ວຍຂອງຈີນທີ່ໄຫຼລົງສູ່ແມ່ນ້ຳເຮັດໃຫ້ເກີດມົນລະພິດໃນເດືອນມັງກອນປີ 2017 ເຮັດໃຫ້ລັດຖະບານຕ້ອງອອກຄຳສັ່ງຫ້າມອະນຸມັດການສຳປະທານສວນກ້ວຍແຫ່ງໃໝ່, ເຖິງຢ່າງໃດກໍຕາມ ສວນກ້ວຍຫຼາຍແຫ່ງ ຍັງຄົງສືບຕໍ່ດຳເນີນການ ພາຍໃຕ້ສັນຍາສຳປະທານທີ່ຍັງໃຊ້ໄດ້ອີກຫຼາຍປີ.ອ່ານຕໍ່ ...

ຊາວບ້ານ 140 ຄອບຄົວຈາກແປດບ້ານໃນເມືອງໂຂງ ແຂວງຈຳປາສັກ ທາງພາກໃຕ້ຂອງລາວ ປະຕິເສດການຂາຍທີ່ດິນ ຫຼື ຍ້າຍພູມລຳເນົາເພື່ອເປີດທາງ ໃຫ້ແກ່ການສ້າງເຂດເສດຖະກິດພິເສດ ທີ່ໄດ້ວາງແຜນສຳລັບເຂດດັ່ງກ່າວ.ເຖິງຢ່າງໃດກໍຕາມ ຜູ້ຮັບເໝົາກໍໄດ້ເລີ່ມເລັ່ງມືໃນການກໍ່ສ້າງຖະໜົນເຂົ້າເຖິງພື້ນທີ່ ເຊິ່ງອາດເຮັດໃຫ້ການສັນຈອນໃນການກໍ່ສ້າງເປັນອັນຕະລາຍ ເນື່ອງຈາກຢູ່ໃກ້ກັບບ້ານ.ອ່ານຕໍ່ ...

ຊາວບ້ານທີ່ຖືກອົບພະຍົບຈາກໂຄງການເຂື່ອນໄຟຟ້າດອນສະໂຮງທີ່ກຳລັງດຳເນີນການກໍ່ສ້າງໃກ້ກັບຊາຍແດນກຳປູເຈຍ ຍັງຄົງບໍ່ມີວຽກເຮັດງານທຳ ແລະ ລາຍຮັບ ຫຼັງຈາກສາມປີຂອງການດຳເນີນໂຄງການ ທັງໆທີ່ລັດຖະບານສັນຍາວ່າຈະໃຫ້ການຊ່ວຍເຫຼືອ.ການກໍ່ສ້າງເຂື່ອນໄຟຟ້າແມ່ນ້ຳຂອງດັ່ງກ່າວ ແມ່ນຢູ່ພາຍໃຕ້ການດຳເນີນການຂອງບໍລິສັດມາເລເຊຍ ຮ່ວມກັບລັດຖະບານລາວ ເຊິ່ງເລີ່ມຕົ້ນມາແຕ່ເດືອນມັງກອນ 2016, ແຕ່ວ່າປະຊາຊົນທີີ່ຖືກຍົກຍ້າຍພູມລຳເນົາ ຍັງຄົງໄດ້ຮັບການຊ່ວຍເຫຼືອພຽງເລັກນ້ອຍຈາກພາກສ່ວນລັດ ຫຼື ເອກະຊົນທີ່ກ່ຽວຂ້ອງ, ຕາມແຫຼ່ງຂ່າວ.ອ່ານຕໍ່ ...

ໄທ, ຈີນ ແລະ ລາວຈະລົງນາມບົດບັນທຶກການຮ່ວມມືກ່ຽວກັບຂົວທາງລົດໄຟແຫ່ງໃໝ່ເພື່ອຂ້າມແມ່ນ້ຳຂອງ ໃນລະຫວ່າງການຢ້ຽມຢາມນະຄອນປັກກິ່ງຂອງທ່ານ ປະຍຸດ ຈັນໂອຊາ ນາຍົກລັດຖະມົນຕີໄທ ໃນອາທິດນີ້, ຕາມການລາຍງານຂອງເຈົ້າໜ້າທີ່ກະຊວງການຕ່າງປະເທດໄທໃນວັນອັງຄານຜ່ານມາ.ຂົວດັ່ງກ່າວຈະເຊື່ອມຕໍ່ຈັງຫວັດໜອງຄາຍທາງພາກອີສານຂອງໄທ ກັບນະຄອນຫຼວງວຽງຈັນຂອງລາວ, ເຈົ້າໜ້າທີ່ໄທກ່າວຕໍ່ BenarNews, ເຊິ່ງນັກວິເຄາະເຊື່ອວ່າຈະເສີມຂະຫຍາຍຄວາມມຸ່ງໝັ້ນຂອງຈີນ ໃນການສ້າງເຄືອຂ່າຍທາງລົດໄຟຄວາມໄວສູງໃນອາຊີຕາເວັນອອກສຽງໃຕ້, ເຊິ່ງຕໍ່ຍາວໄປເຖິງມາເລເຊຍ ແລະ ເຂົ້າສູ່ສິງກະໂປ.ອ່ານຕໍ່ ...

ໃນອາທິດນີ້ ເຈົ້າໜ້າທີ່ຕຳຫຼວດລາວໄດ້ຈັບຕົວຊາວຈີນສາມຄົນ ທີ່ພະຍາຍາມນຳໃຊ້ເງິນປອມຊື້ເສື້ອຜ້າໃນຊ່ວງປີໃໝ່ ເຊິ່ງວ່າເຈົ້າຂອງຮ້ານໄດ້ສັງເກດເຫັນຮອຍນ້ຳໝຶກທີ່ຊຶມອອກມາ, ຈຶ່ງໄດ້ແຈ້ງຕໍ່ເຈົ້າໜ້າທີ່, ຕາມແຫຼ່ງຂ່າວໃນລາວ.ຜູ້ຕ້ອງສົງໄສ ເປັນຜູ້ຊາຍສອງຄົນ ແລະ ຍິງໜຶ່ງຄົນ ໄດ້ເດີນທາງເຂົ້າມາລາວຈາກແຂວງຢຸນນານຂອງຈີນ ແລະ ພວມກຳລັງຢູ່ໃນຂັ້ນຕອນການສືບສວນສອບສວນ ແຕ່ຍັງບໍ່ທັນມີການແຈ້ງຂໍ້ກ່າວຫາ, ເຈົ້າໜ້າທີ່ຕຳຫຼວດນະຄອນຫຼວງພະບາງລາຍງານຕໍ່ໜ່ວຍຂ່າວ RFA ລາວໃນວັນພຸດຜ່ານມາ.ອ່ານຕໍ່ ...

ປັບປຸງເວລາ 3.45 P.M. ວັນທີ 2019-04-18ຊາວອາເມລິກາສາມຄົນທີ່ຖືກກັກຕົວໃນລາວມາແຕ່ອາທິດແລ້ວນີ້ ໃນຂໍ້ຫາເຂົ້າມາເຜີຍແຜ່ຄຳພີໄບເບີ້ນ ແລະ ສື່ສາດສະໜາດໂດຍບໍ່ໄດ້ຮັບອະນຸຍາດຈາກການຈັດຕັ້ງ ໄດ້ຖືກປ່ອຍຕົວ ແລະ ເນລະເທດໄປປະເທດໄທ ໃນວັນພະຫັດນີ້, ອົງການຈັດຕັ້ງສາດສະໜາທີ່ກ່ຽວຂ້ອງເຜີຍຕໍ່ໜ່ວຍຂ່າວ RFA ລາວ.ອາສາສະໝັກຈາກ ອົງການສາດສະໜາ Vision Beyond Borders ທີ່ຕັ້ງຢູ່ຫວຽວໝິງ, ໃນນາມສົມມຸດ: ເວ, ອໍທຳ ແລະ ໂຈເຊັບ ໄດ້ຖືກກັກຕົວໂດຍເຈົ້າໜ້າທີ່ຕຳຫຼວດ ທີ່ແຂວງຫຼວງນ້ຳທາ ພາກເໜືອຂອງລາວ ໃນວັນທີ 8 ເມສາ, ຫຼັງຈາກທີ່ໄດ້ລົງເຜີຍແຜ່ສື່ສາດສະໜາໃຫ້ແກ່ຊາວບ້ານ, ຕາມການບອກກ່າວຂອງເຈົ້າໜ້າທີ່ ແລະ ພະຍານ ຕໍ່ໜ່ວຍຂ່າວ RFA.ອ່ານຕໍ່ ...

ແກ້ໄຂ 7 P.M. ວັນທີ 2019-04-12ເຈົ້າໜ້າທີ່ລາວໄດ້ຈັບຕົວຊາວອາເມລິກາ 3 ຄົນ ທີ່ເມືອງສິງ ແຂວງຫຼວງນ້ຳທາ ທີ່ທຳການເຜີຍແຜ່ຄຳພີໄບເບີ້ນ ແລະ ສື່ໂຄສະນາສາດສະໜາຕ່າງໆ ໂດຍບໍ່ໄດ້ຮັບອະນຸຍາດ, ອົງການຄຣິສຕຽນອາເມລິກາລາຍງານຕໍ່ໜ່ວຍຂ່າວ RFA ລາວໃນວັນສຸກຜ່ານມາ.ຕາມການເປີດເຜີຍລາຍຊື່ຈາກອົງການ, ເວນ, ອໍທຳ ແລະ ໂຈເຊັບ ຄາດວ່າໄດ້ຖືກກັກຕົວທີ່ບ້ານພັກມາແຕ່ວັນຈັນ, ຫຼັງຈາກທີ່ໄດ້ລົງເຜີຍແຜ່ສື່ສາດສະໜາດັ່ງກ່າວຢູ່ຕາມບ້ານທາງພາກເໜືອຂອງລາວ.ອ່ານຕໍ່ ...

ເຂດເສດຖະກິດພິເສດ (SEZ) ບໍ່ເຕັນຂອງລາວໄດ້ຮັບຄວາມສົນໃຈເປັນພິເສດຈາກນັກລົງທຶນຈີນ ເນື່ອງຈາກໂຄງການທາງລົດໄຟລາວ-ຈີນໃກ້ສຳເລັດການກໍ່ສ້າງ, ແຕ່ວ່າຊາວບ້ານພັດມີຄວາມຢ້ານກົວຕໍ່ການປ່ຽນແປງຢ່າງໄວວາດັ່ງກ່າວ. ພວກເຂົາເວົ້າວ່າໂຄງການພັດທະນາດັ່ງກ່າວແມ່ນດີສຳລັບຊາວຈີນ, ແຕ່ວ່າບໍ່ແມ່ນສຳລັບປະຊາຊົນລາວທີ່ອາໄສຢູ່ເຂດດັ່ງກ່າວ.ເຂດເສດຖະກິດດັ່ງກ່າວ ເຊິ່ງຕັ້ງຢູ່ແຂວງຫຼວງນ້ຳທາ ມີຊາຍແດນຕິດກັບເມືອງໂມຮັນໃນມົນທົນຢຸນນານປະເທດຈີນ. ລັດຖະບານລາວຄາດວ່າເມື່ອໂຄງການສຳເລັດ ແລະ ມີການເປີດນຳໃຊ້ທາງລົດໄຟໃນປີ 2021, ນັກທ່ອງທ່ຽວຈີນຫຼາຍລ້ານຄົນຈະຫຼັ່ງໄຫຼເຂົ້າມາໃນເຂດດັ່ງກ່າວ.ອ່ານຕໍ່ ...