ສະວິດເຊີແລນ ເສີມຂະຫຍາຍໂອກາດໃນການມີວຽກເຮັດງານທຳ ສຳລັບຜູ້ດ້ອຍໂອກາດໃນປະເທດ
ວຽງຈັນ (ວຽງຈັນທາມສ໌/ANN) – ລັດຖະບານສະວິດເຊີແລນ ໄດ້ສະໜອງງົບປະມານມູນຄ່າ US$8.6 ລ້ານໂດລາ ເພື່ອຊ່ວຍເຫຼືອໃນການຝຶກອົບຮົມວິຊາຊີບ ແລະ ສະໜັບສະໜູນການປະກອບອາຊີບ ສຳລັບກຸ່ມຜູ້ດ້ອຍໂອກາດໃນລາວ.
ທ່ານ ປອ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ຊອງ-ຝຼັ່ງຊົວ ເຊີນອດ ອຳນວຍການປະຈຳພາກພື້ນ ຂອງອົງການເພື່ອການພັດທະນາ ແລະ ການຮ່ວມມືສະວິດ (SDC) ໄດ້ຮ່ວມລົງນາມໃນຂໍ້ຕົກລົງໃນວັນສຸກແລ້ວນີ້ ເພື່ອສະໜັບສະໜູນການສຶກສາວິຊາຊີບ ແລະ ປັບປຸງໂອກາດໃນການປະກອບອາຊີບ ສຳລັບກຸ່ມຜູ້ດ້ອຍໂອກາດໃນທ້ອງຖິ່ນ.
ໂຕະຂ່າວວຽງຈັນທາມສ໌
