ໂຄສົກກະຊວງການຕ່າງປະເທດຂອງ ສປປ ລາວຊົມເຊີຍຜົນຂອງກອງປະຊຸມສຸດຍອດລະຫວ່າງ ສປ ເກົາຫຼີ – ສະຫະລັດ ຄັ້ງທີສອງ
ສປປ ລາວ ຊົມເຊີຍຄວາມພະຍາຍາມຂອງສາທາລະນະລັດ ປະຊາຊົນ ປະຊາທິປະໄຕເກົາຫຼີ (ສປ ເກົາຫຼີ) ແລະ ສະຫະລັດອາເມລິກາ ໃນການຮ່ວມກອງປະຊຸມສຸດຍອດຄັ້ງທີສອງ ລະຫວ່າງຜູ້ນຳຂອງສອງປະເທດ ໃນວັນທີ 27-28 ກຸມພາ 2019, ທີ່ນະຄອນຮາໂນຍ, ຫວຽດນາມ.
ສປປ ລາວ ຍັງໄດ້ກ່າວຊົມເຊີຍລັດຖະບານ ແລະ ປະຊາຊົນຫວຽດນາມໃນການເປັນເຈົ້າພາບຈັດກອງປະຊຸມສຸດຍອດດັ່ງກ່າວ, ເຊິ່ງເປັນການປະກອບສ່ວນໃນການສ້າງສັນຕິພາບໃນພາກພື້ນ ແລະ ໃນໂລກ, ເຖິງວ່າໃນກອງປະຊຸມຈະບໍ່ມີການບັນລຸຂໍ້ຕົກລົງຮ່ວມໃດໆກໍຕາມ.
ໂຕະຂ່າວ
