ແຜນການສະເຫຼີມສະຫຼອງຂົວມິດຕະພາບລາວໄທ 1 ຄົບຮອບ 25 ປີ
ວຽງຈັນ (ວຽງຈັນທາມສ໌/ANN) – ໄດ້ມີການກະກຽມຈັດຫຼາກຫຼາຍກິດຈະກຳມ່ວນຊື່ນ ແລະ ໜ້າສົນໃຈ ໃນໂອກາດສະເຫຼີມສະຫຼອງວັນສ້າງຕັ້ງຂົວມິດຕະພາບລາວ-ໄທ 1 ຄົບຮອບ 25 ປີ ເຊິ່ງຈະຈັດຂຶ້ນທີ່ບໍລິເວນຂົວດັ່ງກ່າວໃນວັນທີ 26-27 ເມສານີ້.
ຄະນະຜູ້ຈັດພິທີກ່າວວ່າ ກິດຈະກຳການສະເຫຼີມສະຫຼອງລວມມີ ພິທີຕັກບາດຖະຫວາຍສັງຄະທານ, ການແຂ່ງຂັນແລ່ນມິນິມາຣາທອນ ແລະ ການແຂ່ງຂັນຂີ່ລົດຖີບ. ໃນວັນທີ 26 ເມສານີ້ ຈະມີພິທີຕັກບາດ ແລະ ສູດຂົວ ມີຈະພະສົງຈາກລາວ ແລະ ໄທເຂົ້າຮ່ວມຈຳນວນ 125 ອົງ.
ທີມຂ່າວວຽງຈັນທາມສ໌
