News

ວຽງຈັນ (ວຽງຈັນທາມສ໌/ANN) – ກະຊວງສາທາລະນະສຸກຮຽກຮ້ອງໃຫ້ແຂວງສາລະວັນເພີ່ມທະວີຄວາມພະຍາຍາມໃນການກວດກາອາຫານທະເລ, ຊີ້ນ ແລະ ຜັກຕ່າງໆທີ່ນຳເຂົ້າຈາກບັນດາປະເທດເພື່ອນບ້ານ ພາຍຫຼັງການກວດພົບສານເຄມີປົນເປື້ອນໃນອາຫານເຫຼົ່ານີ້.ການກວດພົບສານເຄມີປົນເປື້ອນໃນອາຫານທະເລນຳເຂົ້າ, ຜັກ ແລະ ຊີ້ນນຳເຂົ້າຍັງຄົງເປັນບັນຫາທີ່ສືບຕໍ່ເກີດຂຶ້ນຢູ່ແຂວວງສາລະວັນ ເຖິງວ່າເຈົ້າໜ້າທີ່ຈະດຳເນີນການກວດສອບຢ່າງເປັນປົກກະຕິ.ອ່ານຕໍ່ ...

ສະພາປະຊາຊົນຫຼາຍແຂວງໄດ້ຈັດປະຊຸມໃນອາທິດນີ້ ເພື່ອຫາລືບັນຫາພົ້ນເດັ່ນໃນທ້ອງຖິ່ນ ພາຍຫຼັງການສິ້ນສຸດກອງປະຊຸມສະໄໝສາມັນເທື່ອທີເຈັດຂອງສະພາແຫ່ງຊາດ.ສະພາປະຊາຊົນແຂວງສະຫວັນນະເຂດໄດ້ໄຂກອງປະຊຸມສະໄໝສາມັນຮອບເຄິ່ງປີແຕ່ວັນຈັນຈົນເຖິງມື້ວານນີ້. ໃນກອງປະຊຸມໄລຍະສີ່ວັນດັ່ງກ່າວ ສະມາຊິກສະພາແຂວງໄດ້ຫາລືມາດຕະການກ່ຽວກັບການຄຸ້ມຄອງການຜະລິດຖ່ານ ແລະ ການຄຸ້ມຄອງທຸລະກິດຖ່ານຂາວພາຍໃນແຂວງ ເຊິ່ງສະເໜີໂດຍພະແນກອຸດສາຫະກຳ ແລະ ການຄ້າແຂວງ, ແລະ ການຄຸ້ມຄອງການຈ່າຍເບ້ຍບຳນານ ແລະ ເບ້ຍລ້ຽງສຳລັບຄົນພິການ ເຊິ່ງສະເໜີໂດຍພະແນກແຮງງານ ແລະ ສະຫວັດດີການສັງຄົມແຂວງ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ພິທີສະເຫຼີມສະຫຼອງທົ່ງໄຫຫີນທີ່ໄດ້ຮັບຮອງໃຫ້ເປັນໜຶ່ງໃນມໍລະດົກໂລກໂດຍອົງການສະຫະປະຊາຊາດເພື່ອການສຶກສາ,​ ວິທະຍາສາດ ແລະ ວັດທະນະທຳ (UNESCO) ຢ່າງເປັນທາງການ ແມ່ນມີແຜນຈັດຂຶ້ນໃນວັນທີ 22 ມິນາ 2020 ຢູ່ແຂວງຊຽງຂວາງ ພ້ອມກັບພິທີເປີດການແຂ່ງຂັນກິລາແຫ່ງຊາດ.ແຜນການສະເຫຼີມສະຫຼອງດັ່ງກ່າວໄດ້ມີການເປີດເຜີຍໃນກອງປະຊຸມສື່ມວນຊົນ ທີ່ວຽງຈັນວານນີ້ ພາຍໃຕ້ການເປັນປະທານຂອງທ່ານ ສຈ.ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານໄດ້ຮຽກຮ້ອງໃຫ້ຂະແໜງການທີ່ກ່ຽວຂ້ອງ ເພີ່ມທະວີຄວາມຮັບຜິດຊອບເພື່ອຄົ້ນຄວ້າວິທີການໃນການແກ້ໄຂຫົກບັນຫາພົ້ນເດັ່ນທີ່ສົ່ງຜົນກະທົບຕໍ່ການພັດທະນາເສດຖະກິດ-ສັງຄົມ.ບັນຫາດັ່ງກ່າວໄດ້ມີການຫາລືໃນກອງປະຊຸມປະຈຳເດືອນຂອງຄະນະລັດຖະບານ ເຊິ່ງຈັດຂຶ້ນຢູ່ນະຄອນຫຼວງວຽງຈັນໃນວັນທີ 23-24 ກໍລະກົດນີ້ ເຊິ່ງຄະນະລັດຖະບານໄດ້ຫາລືມາດຕະການໃນການແກ້ໄຂບັນຫາດັ່ງກ່າວ.ຫົກບັນຫາພົ້ນເດັ່ນດັ່ງກ່າວລວມມີ:ການລະບາດຂອງພະຍາດໄຂ້ເລືອດອອກ;ການລະບາດຂອງພະຍາດອະຫິວາໝູອາຟຣິກາ;ການແຜ່ລະບາດຂອງບົ້ງຝູງສາລີ (Spodoptera frugiperda) ຢູ່ແຂວງໄຊຍະບູລີ;ໄພແຫ້ງແລ້ງທີ່ແກ່ຍາວ;ການເໜັງຕີງຂອງອັດຕາແລກປ່ຽນ, ການອ່ອນຄ່າຂອງເງິນກີບທຽບກັບເງິນຕາຕ່າງປະເທດ, ແລະ ການຫຼຸດລົງຂອງຄັງສຳຮອງແລກປ່ຽນເງິນຕາຕ່າງປະເທດ;ບັນຫາທີ່ກ່ຽວຂ້ອງກັບການເຜີຍແຜ່ຂໍ້ມູນໃນສື່ສັງຄົມອອນໄລຂອງມະຫາຊົນ ກ່ຽວກັບການສະແດງຄຳຄິດຄຳເຫັນຕໍ່ການຄຸ້ມຄອງ ແລະ ບໍລິຫານຂອງພາກລັດ.ອ່ານຕໍ່ ...

ລັດຖະບານລາວ ແລະ ເຈົ້າຂອງໂຄງການເຂື່ອນໄຟຟ້ານ້ຳຂອງໄຊຍະບູລີ ປະຕິເສດຂໍ້ກ່າວຫາທີ່ວ່າ ການກັ້ນເຂື່ອນໃນແມ່ນ້ຳຂອງ ເພື່ອທົດລອງການຜະລິດກະແສໄຟຟ້າ ແມ່ນໜຶ່ງໃນສາເຫດທີ່ເຮັດໃຫ້ລະດັບນ້ຳຂອງຫຼຸດລົງຢ່າງໄວວາໃນສາຍນ້ຳຂອງທີ່ຢູ່ເບື້ອງລຸ່ມຂອງເຂື່ອນ. ລະດັບນ້ຳໃນອ່າງໂຕ່ງເຂື່ອນ ໄລຍະ 30 ແມັດຈາກຕາຝັ່ງ ແມ່ນມີປະມານ 2.75 ແມັດ.ບໍລິສັດ CK Power (ປະເທດໄທ) ສາຂາບໍລິສັດ Ch Karn Chang ເຈົ້າຂອງໂຄງການເຂື່ອນ ໄດ້ອອກມາກ່າວປະຕິເສດໃນມື້ນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແຂວງໄຊຍະບູລີ ຄາດວ່າຈະຂາດທຶນເຖິງ 30% ໃນການສະໜອງສາລີຫວານສູ່ຕະຫຼາດທັງພາຍໃນ ແລະ ຕ່າງປະເທດໃນປີນີ້ ເນື່ອງຈາກການໂຈມຕີຂອງບົ້ງຝູງສາລີ.ການລະບາດຂອງສັດຕູພືດດັ່ງກ່າວໃນປະຈຸບັນ (Spodoptera frugiperda) ໃນທົ່ວແຂວງໄດ້ສ້າງບັນຫາອັນໃຫຍ່ຫຼວງໃຫ້ແກ່ຊາວກະສິກອນ ແລະ ອຳນາດການປົກຄອງ ໃນການຄວບຄຸມການລະບາດ.ທ່ານ ສົມຫວັງ ແກ້ວວິໄລສັກ ຫົວໜ້າພະແນກກະສິກຳ ແລະ ປ່າໄມ້ແຂວງໄຊຍະບູລີ ກ່າວວ່າ 30 ເປີເຊັນຂອງພື້ນທີ່ໄຮ່ສາລີທັງໝົດ 35,000 ເຮັກຕາ ໄດ້ຮັບຄວາມເສຍຫາຍຈາກການລະບາດຂອງບົ້ງສາລີດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການກອງທຶນສາກົນເພື່ອການພັດທະນາກະສິກຳ (IFAD) ມີແຜນອະນຸມັດການຊ່ວຍເຫຼືອດ້ານການເງິນຊຸດໃໝ່ ໃນການຈັດຕັ້ງປະຕິບັດໂຄງການໃນຊົນນະບົດ ແນໃສ່ສົ່ງເສີມການຜະລິດເປັນສິນຄ້າ.ໂຄງການດັ່ງກ່າວ ຊຶ່ງເປັນສ່ວນໜຶ່ງຂອງສືບຕໍ່ການຊ່ວຍເຫຼືອໃນປະຈຸບັນ ຈະດຳເນີນແຕ່ປີ 2020-2026 ໃນມູນຄ່າລວມ US$30 ລ້ານໂດລາ ເຊິ່ງຄາດວ່າຈະໄດ້ຮັບການອະນຸມັດໃນປີນີ້.ເຈົ້າໜ້າທີ່ໄດ້ເປີດເຜີຍຂໍ້ມູນດັ່ງກ່າວຕໍ່ສື່ມວນຊົນໃນໂອກາດທີ່ທ່ານ ກິວເບີດ ຟ. ຮຸງໂບ ປະທານ IFAD ພ້ອນດ້ວຍຄະນະ ເດີນທາງຢ້ຽມຢາມແຂວງຊຽງຂວາງເພື່ອກວດສອບຄວາມຄືບໜ້າຂອງໂຄງການໃນອາທິດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະກຳມະການຈັດງານຕະຫຼາດນັດສິນຄ້າ “Made in Laos 2019” ຫວັງວ່າງານດັ່ງກ່າວຈະຊ່ວຍສົ່ງເສີມພາບລັກຜະລິດຕະພັນຂອງລາວ ຜ່ານກອງປະຊຸມດ້ານການຄ້າ, ການຈັບຄູ່ທຸລະກິດ ແລະ ການຝຶກອົບຮົມ.ງານຕະຫຼາດນັດດັ່ງກ່າວ ເຊິ່ງແນໃສ່ສ້າງຕະຫຼາດພາກພື້ນ ແລະ ສາກົນ ເຊິ່ງໄດ້ໄຂຂຶ້ນທີ່ສູນການຄ້າລາວ-ໄອເຕັກວຽງຈັນ ໃນວັນຈັນນີ້ ແລະ ຈະມີໄປຈົນເຖິງວັນທີ 28 ກໍລະກົດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊຸມຊົນທຸລະກິດລາວ ແລະ ໄທ ກຳລັງຮ່າງແຜນເພື່ອເພີ່ມທະວີປະລິມານການຄ້າ ແລະ ການລົງທຶນພາຄີໃນຊຸມປີຕໍ່ໜ້າ ໂດຍການຂ້າມຜ່ານອຸປະສັກຕ່າງໆທີ່ມີມາດົນນານ.ທັງສອງຝ່າຍຄາດວ່າຈະຈັດຕັ້ງກຸ່ມເຮັດວຽກພິເສດ ເຊິ່ງຈະມາຈາກບຸກຄະລາກອນທັງສອງຝ່າຍ ເພື່ອຈຸດປະສົງເຊື່ອມຕໍ່ຊ່ອງຫວ່າງລະຫວ່າງລັດຖະບານລາວ ແລະ ໄທ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ລັດຖະບານກຳລັງຈັດການກັບບັນຫາຢາເສບຕິດໃນທົ່ວປະເທດໂດຍການຮ່ວມມືກັບບັນດາປະເທດເພື່ອນບ້ານ ແລະ ເຈົ້າໜ້າທີ່ຕຳຫຼວດກໍໄດ້ມີການຍືດຢາບ້າ, ເຮໂລອິນ ແລະ ຢາໄອສ໌ ເປັນຈຳນວນຫຼວງຫຼາຍ.ນີ້ແມ່ນສະຖານະການກ່ຽວກັບຢາເສບຕິດໃນປະຈຸບັນທີ່ມີການລາຍງານໃນກອງປະຊຸມເຊິ່ງຈັດຂຶ້ນໃນວັນອັງຄານນີ້ ເພື່ອທົບທວນຄວາມຄືບໜ້າກ່ຽວກັບການຄວບຄຸມຢາເສບຕິດ. ກອງປະຊຸມດັ່ງກ່າວມີການເຂົ້າຮ່ວມຂອງ ທ່ານພົນຕີ ປອ ສົມຫວັງ ທຳມະສິດ ຮອງລັດຖະມົນຕີກະຊວງປ້ອງກັນຄວາມສະຫງົບ ແລະ ຫົວໜ້າໜ່ວຍງານຄວບຄຸມ ແລະ ກວດກາຢາເສບຕິດ ພ້ອມດ້ວຍເຈົ້າໜ້າທີ່ຕຳຫຼວດ 50 ຄົນ ແລະ ເຈົ້າໜ້າທີ່ທີ່ກ່ຽວຂ້ອງ.ອ່ານຕໍ່ ...