News

ການບໍລິການລົດໄຟຂົນສົ່ງສິນຄ້າຖ້ຽວທຳອິດເພື່ອເຂົ້າ ແລະ ອອກປະເທດລາວໄດ້ມີການເປີດຕົວໃນມື້ວານນີ້, ເຊິ່ງມີການຂົນສົ່ງເບຍລາວຂ້າມຂົວມິດຕະພາບໄທ-ລາວ.ປະຈຸບັນສາມາດຂົນສົ່ງສິນຄ້າຈາກສະຖານນີລົດໄຟສາງທ່ານາແລ້ງ ວຽງຈັນຂອງລາວ ຜ່ານເສັ້ນທາງລົດໄຟໄປເຖິງທ່າເຮືອແຫຼມຊະບັງຂອງໄທໄດ້ແລ້ວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານ ແລະ ຕາງໜ້າຂະແໜງເອກະຊົນໄດ້ປະຊຸມກັນຢູ່ນະຄອນຫຼວງວຽງຈັນວານນີ້ ເພື່ອຫາລືກ່ຽວກັບສິ່ງທ້າທາຍ ແລະ ໂອກາດສຳລັບການມີສ່ວນຮ່ວມຂອງພາກສ່ວນເອກະຊົນໃນການພັດທະນາສີຂຽວ ແລະ ການປ່ຽນແປງຂອງສະພາບອາກາດໃນລາວ.ກອງປະຊຸມດັ່ງກ່າວ ພາຍໃຕ້ຫົວຂໍ້ “ການມີສ່ວນຮ່ວມຂອງຂະແໜງເອກະຊົນໃນການປ່ຽນແປງຂອງສະພາບອາກາດ ແລະ ການຂະຫຍາຍຕົວສີຂຽວ” ແມ່ນສ່ວນໜຶ່ງຂອງການສົ່ງເສີມຄວາມສາມາດ ພາຍໃຕ້ໂຄງການພັດທະນາຕົວເມືອງສີຂຽວ.ອ່ານຕໍ່ ...

ລາຍຮັບຈາກອາກອນຂອງລາວເພີ່ມຂຶ້ນ 20 ເປີເຊັນໃນຊ່ວງຫົກເດືອນຕົ້ນປີນີ້ ທຽບກັບໄລຍະດຽວກັນຂອງປີຜ່ານມາ, ຕາມກະຊວງການເງິນ.ການເພີ່ມຂຶ້ນຂອງລາຍຮັບດັ່ງກ່າວແມ່ນມາຈາກການເລີ່ມນຳໃຊ້ລະບົບຂໍ້ມູນຂ່າວສານທີ່ທັນສະໄໝໃນການຄຸ້ມຄອງລາຍຮັບຈາກອາກອນ (TAXRIS) ໃນຕົ້ນປີນີ້. ມາເຖິງປະຈຸບັນລະບົບດັ່ງກ່າວໄດ້ມີການນຳໃຊ້ຢູ່ໃນ 10 ຕົວເມືອງໃຫຍ່ ໃນເຈັດແຂວງຂອງລາວ.ກະຊວງການເງິນມີແຜນເສີມຂະຫຍາຍການນຳໃຊ້ລະບົບດັ່ງກ່າວໃນທົ່ວປະເທດພາຍໃນປີ 2020 ເຊິ່ງເປັນສ່ວນໜຶ່ງຂອງພາລະກິດຂອງລັດຖະບານ ໃນການສ້າງຄວາມທັນສະໄໝໂດຍການນຳໃຊ້ລະບົບການຈ່າຍອາກອນແບບອີເລັກໂທຣນິກ ແລະ ເພື່ອສົ່ງເສີມຄວາມໂປ່ງໃສໃນຂະແໜງການເງິນຂອງຊາດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈຳນວນຂັ້ນຕອນ ແລະ ໄລຍະເວລາໃນການປະມວນເອກະສານໄດ້ມີການຫຼຸດຜ່ອນລົງຢ່າງຈະແຈ້ງ ເພື່ອສ້າງຄວາມສະດວກໃຫ້ແກ່ການດຳເນີນທຸລະກິດ, ເຊິ່ງລັດຖະບານໄດ້ເດີນໜ້ານະໂຍບາຍເພື່ອເພີ່ມຄວາມສະດວກໃຫ້ແກ່ການດຳເນີນທຸລະກິດ ແລະ ເພື່ອດຶງດູດການລົງທຶນເພື່ອຂັບເຄື່ອນການຂະຫຍາຍຕົວ.ລາວໄດ້ສ້າງຄວາມຄືບໜ້າຢ່າງເປັນຮູບປະທຳ ນັບແຕ່ທ່ານທອງລຸນ ສີສຸລິດ ນາຍົກລັດຖະມົນຕີ ໄດ້ອອກຄຳສັ່ງແນະນຳເລກທີ 2 ເພື່ອແນໃສ່ປັບປຸງສະພາບແວດລ້ອມການດຳເນີນທຸລະກິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານ ຮ່ວມກັບອົງການສະຫະປະຊາຊາດກຳລັງເຮັດວຽກຮ່ວມກັບບັນດາປະເທດໃນການສະກັດກັ້ນການຄ້າມະນຸດ, ເຊິ່ງລາວໄດ້ສຸມຄວາມພະຍາຍາມຢ່າງຈິງຈັງໃນການຈັດການກັບບັນຫາດັ່ງກ່າວ.ໃນອາທິດນີ້ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວໄດ້ຈັດກອງປະຊຸມສຳມະນາຢູ່ພາກໃຕ້ຂອງລາວ ໃຫ້ແກ່ອຳນາດການປົກຄອງຂອງລັດຖະບານ 55 ໜ່ວຍງານ ແລະ ຜູ້ຕາງໜ້າຈາກຫົວໜ່ວຍທຸລະກິດທ່ອງທ່ຽວພາກເອກະຊົນ ຢູ່ແຂວງສາລະວັນ. ອ່ານຕໍ່ ...

ລິ່ນແມ່ນສັດລ້ຽງລູກດ້ວຍນົມທີ່ມີການລັກລອບຄ້າຂາຍຫຼາຍທີ່ສຸດໃນໂລກເຈົ້າໜ້າທີ່ໄດ້ກວດພົບລິ່ນຫຼາຍສິບໂຕ ທີ່ຖືກລັກລອບຄ້າຂາຍຈາກປະເທດລາວ ເຊິ່ງຢູ່ໃນສະພາບຂາດນ້ຳ ແລະ ອ່ອນແຮງ ຢູ່ໃນກ່ອງເທິງລົດເມໂດຍສານຢູ່ຫວຽດນາມ.ເຈົ້າໜ້າທີ່ຕຳຫຼວດຫວຽດນາມໄດ້ຈັບຕົວຄົນຂັບລົດພ້ອມດ້ວຍເມຍ ໃນຂໍ້ຫາລັກລອບຄ້າສັດປ່າຈາກລາວ, ສຳນັກຂ່າວ AFP  ລາຍງານໃນວັນທີ 30 ກໍລະກົດຜ່ານມາ.ອົງການອະນຸລັກສັດປ່າຫວຽດນາມເຜີຍວ່າ ໃນຈຳນວນດັ່ງກ່າວ ມີລິ່ນຕາຍແລ້ວສີ່ໂຕ ແລະ ອີກຫຼາຍໂຕແມ່ນມີອາການບາດເຈັບ.ອ່ານຕໍ່ ...

ໂຄງການສົ່ງເສີມການນຳກັບມາໃຊ້ໃໝ່ແທນການໂຍນຖິ້ມ ຫວັງວ່າຈະຊ່ວຍແກ້ໄຂບັນຫາຂີ້ເຫຍື້ອປລາສ໌ຕິກທີ່ໃຊ້ແລ້ວຖິ້ມ ຢູ່ພາກໃຕ້ຂອງລາວ.ໃນແຕ່ລະປີ ຄາດຄະເນວ່ານັກທ່ອງທ່ຽວໃນລາວໄດ້ມີການນຳໃຊ້ກະຕຸກນ້ຳດື່ມປລາສ໌ຕິກຫຼາຍກວ່າ 100 ລ້ານຕຸກ. ຂີ້້ເຫຍື້ອສ່ວນໃຫຍ່ເຫຼົ່ານີ້ແມ່ນບໍ່ມີການນຳໄປບຳບັດເພື່ອນຳກັບມາໃຊ້ຄືນ, ແລະ ໃນຫຼາຍພາກຂອງລາວ ກໍຍັງຄົງກຳຈັດຂີ້ເຫຍື້ອດ້ວຍການຈູດເຜົາ ຍ້ອນບໍ່ມີລະບົບໃນການຈັດການກັບຂີ້ເຫຍື້ອ.ສິ່ງເຫຼົ່ານີ້ບໍ່ພຽງແຕ່ສົ່ງຜົນກະທົບຕໍ່ສິ່ງແວດລ້ອມ, ແຕ່ຍັງສົ່ງຜົນເສຍຕໍ່ສຸຂະພາບນຳອີກ, ຫຼາຍພາກຂອງລາວກໍໄດ້ພະຍາຍາມຈັດການກັບບັນຫາດັ່ງກ່າວ ດ້ວຍການຫຼຸດຜ່ອນການນຳໃຊ້ກະຕຸກນ້ຳດື່ມຢາງທີ່ໃຊ້ແລ້ວຖິ້ມ ແລະ ມີການສົ່ງເສີມຄວາມຮູ້ກ່ຽວກັບບັນຫາຂີ້ເຫຍື້ອປລາສ໌ຕິກໃນລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ປະຊາຊົນຈຳນວນຫຼາຍ ໂດຍສະເພາະແມ່ນຜູ້ທີ່ມີລາຍໄດ້ຕ່ຳ ກຳລັງໄດ້ຮັບຜົນກະທົບຈາກລາຄາອາຫານທີ່ເພີ່ມສູງຂຶ້ນຢ່າງຕໍ່ເນື່ອງ.ພວກເຂົາເວົ້າວ່າລາຄາອາຫານທີ່ສູງເຮັດໃຫ້ຄ່າຄອງຊີບສູງຂຶ້ນເຊັ່ນດຽວກັນ, ເຊິ່ງໝາຍຄວາມວ່າພວກເຂົາຕ້ອງກິນໃຫ້ໜ້ອຍລົງ ຫຼື ຕ້ອງປ່ຽນວິທີການດຳລົງຊີວິດເພື່ອຮັບມືກັບສະພາບເສດຖະກິດໃນປະຈຸບັນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການລົງທຶນຂອງວິສາຫະກິດເອກະຊົນທັງພາຍໃນ ແລະ ຕ່າງປະເທດບໍ່ຂະຫຍາຍຕົວຕາມແຜນ ເຖິງວ່າລັດຖະບານຈະເພີ່ມມາດຕະການເພື່ອສົ່ງເສີມການຂະຫຍາຍຕົວຂອງຂະແໜງເອກະຊົນ ແລະ ຮັກສາລະດັບການຂະຫຍາຍຕົວຂອງເສດຖະກິດ.ທ່ານ ປອ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ໄດ້ລາຍງານຜ່ານສຳນັກຂ່າວວຽງຈັນທາມສ໌ ຫວ່າງໝໍ່ໆມານີ້ວ່າ ໃນຊ່ວງຫົກເດືອນທຳອິດຂອງປີນີ້ ບໍລິສັດເອກະຊົນໄດ້ມີການລົງທຶນໃນ 1,266 ໂຄງການ, ເຊິ່ງມີທຶນຈົດທະບຽນລວມ US$3.6 ຕື້ໂດລາ.ເຖິງຢ່າງໃດກໍຕາມ, ທຶນໃນຕົວຈິງທີ່ມີການໂອນຜ່ານລະບົບທະນາຄານມີພຽງ US$1.09 ຕື້ໂດລາ, ຊຶ່ງທຽບເທົ່າກັບ 40 ເປີເຊັນຂອງເປົ້າໝາຍສຳລັບປີນີ້.ອ່ານຕໍ່ ...

ກອງປະຊຸມປະຈຳປີຂອງລັດຖະມົນຕີຕ່າງປະເທດອາຊຽນໄດ້ໄຂຂຶ້ນທີ່ບາງກອກ ປະເທດໄທ ໃນມື້ວານນີ້ ເພື່ອຫາລື ແລະ ສືບຕໍ່ການກໍ່ສ້າງຊຸມຊົນອາຊຽນໃຫ້ເຂັ້ມແຂງ ແລະ ເສີມຂະຫຍາຍການຮ່ວມມືໃນພາກພື້ນ.ທ່ານ ສະເຫຼີມໄຊ ກົມມະສິດ ລັດຖະມົນຕີກະຊວງການຕ່າງປະເທດຂອງລາວກໍໄດ້ເດີນທາງເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນຄັ້ງທີ 25 ດັ່ງກ່າວ ແລະ ກອງປະຊຸມທີ່ກ່ຽວຂ້ອງອື່ນໆ ເຊິ່ງຈັດຂຶ້ນຢູ່ປະເທດໄທ.ອ່ານຕໍ່ ...