News

ເຈົ້າໜ້າທີ່ສາທາລະນະສຸກ ແລະ ພະນັກງານການແພດໄດ້ຮັບຄຳແນະນຳ ເພື່ອຮັບປະກັນວ່າຄົນເຈັບພະຍາດໄຂ້ເລືອດອອກທັງໝົດຈະໄດ້ຮັບຕິດຕາມການປິ່ນປົວຕາມແຜນທີ່ກຳນົດໂດຍແພດຢ່າງໃກ້ຊິດ ເພື່ອຮັບປະກັນການຟື້ນຕົວຈາກການເຈັບປ່ວຍ.ທ່ານ ສຈ.ດຣ ຄຳເປ ພົງສະຫວັນ ປະທານສະມາຄົມແພດເດັກລາວ ແລະ ສະມາຊິກທິມສະກັດກັ້ນ ແລະ ຄວບຄຸມໄຂ້ເລືອດອອກ ກະຊວງສາທາລະນະສຸກ ໄດ້ກ່າວໂອ້ລົມຜ່ານສື່ມວນຊົນໃນວັນເສົາຜ່ານມາກ່ຽວກັບການປິ່ນປົວພະຍາດໄຂ້ເລືອດອອກ.ອ່ານຕໍ່ ...

ວຽງຈັນ, 5 ສິງຫາ (Xinhua) — ອຳນາດການປົກຄອງແຂວງຊຽງຂວາງມີແຜນສ້າງສິ່ງອຳນວນຄວາມສະດວກຢູ່ທົ່ງໄຫຫີນ ເພື່ອເພີ່ມຄວາມສະດວກໃຫ້ແກ່ນັກທ່ອງທ່ຽວ, ເພື່ອຮອງຮັບຈຳນວນນັກທ່ອງທ່ຽວທີ່ຈະເດີນທາງມາຊົມສະຖານທີ່ທີ່ຫາກໍ່ໄດ້ຮັບການຮັບຮອງໃຫ້ເປັນມໍລະດົກໂລກໃນປີນີ້.ໃນກອງປະຊຸມຕໍ່ສື່ມວນຊົນກ່ຽວກັບການສະເຫຼີມສະຫຼອງທົ່ງໄຫຫີນເປັນມໍລະດົກໂລກ, ທ່ານ ບຸນຕອນ ຈັນທະພອນ ເຈົ້າແຂວງແຂວງຊຽງຂວາງກ່າວວ່າ ທາງແຂວງຈະສືບຕໍ່ປັບປຸງພື້ນຖານໂຄງລ່າງ ໂດຍສະເພາະແມ່ນຖະໜົນ ເພື່ອຮັບປະກັນຄວາມປອດໄພຂອງນັກທ່ອງທ່ຽວ, ຕາມການລາຍງານຂອງສຳນັກຂ່າວທ້ອງຖິ່ນ ວຽງຈັນທາມສ໌ ໃນວັນຈັນຜ່ານມາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ນ້ຳຕົກຕາດ ຕາດໄຊ ແຂວງບໍລິຄຳໄຊ ບໍ່ພຽງແຕ່ເປັນສະຖານທີ່ທ່ອງທ່ຽວທີ່ມີທິວທັດທຳມະຊາດທີ່ສວຍງາມ, ເໝາະແກ່ການກິນເຂົ້າປ່າ ຫຼິ້ນນ້ຳຕາດ, ແຕ່ຍັງເໝາະແກ່ການເດີນປ່ານຳອີກ.ເພື່ອກະກຽມສຳລັບການເດີນປ່າຢູ່ວັງວຽງໃນທ້າຍປີນີ້, ຂ້າພະເຈົ້າພ້ອມດ້ວຍໝູ່ເພື່ອນ ໄດ້ຊ້ອມຍ່າງຕາມແຄມນ້ຳຂອງ ແຕ່ວ່າໃນທ້າຍອາທິດຜ່ານມາພວກເຮົາໄດ້ຕັດສິນໃຈໄປລອງປ່ຽນບັນຍາກາດອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນພະຫັດແລ້ວນີ້ ກະຊວງພະລັງງານ ແລະ ບໍ່ແຮ່ ແລະ ທະນາຄານໂລກ ໄດ້ລົງນາມໃນສັນຍາຊື້ຂາຍການຫຼຸດຜ່ອນການປ່ອຍທາດອາຍພິດ ສຳລັບໂຄງການລິເລີ່ມການນຳໃຊ້ເຕົາໄຟສະອາດໃນລາວ ເພື່ອສົ່ງເສີມການຫຼຸດຜ່ອນການປ່ອຍທາດອາຍພິດເຮືອນແກ້ວ.ໂຄງການດັ່ງກ່າວຈະປະກອບມີການສ້າງຄວາມສາມາດດ້ານການລົງທຶນກ່ຽວກັບທາດກາກບອນ ແລະ ການຊ່ວຍເຫຼືອດ້ານວິຊາການ, ພາຍໃຕ້ການສະໜັບສະໜູນຂອງໂຄງການຊ່ວຍເຫຼືອເພື່ອການຄຸ້ມຄອງຂະແໜງພະລັງງານ ແລະ ການລິເລີ່ມກ່ຽວກັບທາດກາກບອນເພື່ອການພັດທະນາຂອງທະນາຄານໂລກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງກະສິກຳບໍ່ມີການຂະຫຍາຍຕົວເທົ່າທີ່ຄວນ ຍ້ອນຜົນຈາກສະພາບອາກາດທີ່ຮ້າຍແຮງ, ຕາມບົດລາຍງານຫຼ້າສຸດຂອງລັດຖະບານ.ລັດຖະບານຄາດວ່າຂະແໜງດັ່ງກ່າວຈະຂະຫຍາຍຕົວໃນອັດຕາ 2.8 ເປີເຊັນໃນປີນີ້ ຖ້າບໍ່ມີໄພນ້ຳຖ້ວມ, ແຫ້ງແລ້ງ ຫຼື ສະພາບອາກາດທີ່ຮ້າຍແຮງໃນແບບຕ່າງໆ.ນັກເສດຖະສາດກັງວົນວ່າ ການຜະລິດກະສິກຳຂອງລາວໃນປີນີ້ຈະຫຼຸດຜ່ອນລົງ ເນື່ອງຈາກລະດູແລ້ງທີ່ແກ່ຍາວ, ການລະບາດຂອງພະຍາດ ແລະ ໄພນ້ຳຖ້ວມ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ການເປີດຖ້ຽວບິນເຊົ່າເໝົາລຳລະຫວ່າງເມືອງຫາງໂຈ ແຂວງສີຈຽງ ແລະ ນະຄອນຫຼວງວຽງຈັນ ຄາດວ່າຈະຊ່ວຍສົ່ງເສີມການຮ່ວມມືດ້ານການທ່ອງທ່ຽວ, ການຄ້າ ແລະ ການລົງທຶນລະຫວ່າງລາວ ແລະ ຈີນ.ພິທີເປີດຖ້ຽວບິນປະຖົມມະເລີກດັ່ງກ່າວໄດ້ມີຂຶ້ນໃນອາທິດແລ້ວນີ້ ທີ່ເມືອງຫາງໂຈ.ອ່ານຕໍ່ ...

ສະມາຄົມແລກປ່ຽນສິລະປະວັດທະນະທຳເກົາຫຼີ ໄດ້ມອບເຄື່ຶອງຊ່ວຍເຫຼືອຕ່າງໆເຊັ່ນ ເຄື່ອງນຸ່ງຫົ່ມ, ເກີບ, ໂຕະ, ຕັ່ງ ມູນຄ່າກວ່າ 10 ຕື້ກີບ (US$1.3 ລ້ານໂດລາ) ເພື່ອຊ່ວຍເຫຼືອນັກຮຽນທີ່ດ້ອຍໂອກາດ.ເຄື່ອງຊ່ວຍເຫຼືອດັ່ງກ່າວແມ່ນເພື່ອຊ່ວຍເຫຼືອເດັກນ້ອຍນັກຮຽນໃນຊົນນະບົດທີ່ໄດ້ຮັບຜົນກະທົບຈາກໄພທຳມະຊາດ ແລະ ຜູ້ດ້ອຍໂອກາດຕ່າງໆ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ລັດຖະບານໄດ້ກ່າວປະຕິເສດບົດລາຍງານທີ່ເຜີຍແຜ່ທາງສື່ສັງຄົມອອນໄລວ່າ ເຂື່ອນໄຊຍະບູລີເປັນສາເຫດໃຫ້ການໄຫຼຂອງນ້ຳໃນແມ່ນ້ຳຂອງຕອນລຸ່ມຊ້າລົງ.ເຂື່ອນດັ່ງກ່າວແມ່ນສ້າງຕາມແບບຈຳລອງນ້ຳໄຫຼ, ເຊິ່ງບໍ່ຈຳເປັນຕ້ອງມີການກັກເກັບນ້ຳ, ທ່ານ ສົມພິດ ແກ້ວວິຈິດ ຫົວໜ້າກົມທຸລະກິດພະລັງງານ ລາຍງາຍຜ່ານສື່ມວນຊົນທ້ອງຖິ່ນໃນອາທິດແລ້ວນີ້.ເຈົ້າໜ້າທີ່ຢືນຢັນວ່າ ຫຼັກການສ້າງເຂື່ອນຕາມແບບຈຳລອງນ້ຳໄຫຼກໍຄື ປະລິມານນ້ຳໄຫຼເຂົ້າແມ່ນເທົ່າກັບປະລິມານນ້ຳໄຫຼອອກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນອີກບໍ່ດົນ ບັນດານັກລົງທຶນ ແລະ ບໍລິສັດຈີນກໍຈະສາມາດເຄື່ອນໄຫວທາງການເງິນຜ່ານລະບົບການຈ່າຍເງິນ Alipay ໃນລາວໄດ້ແລ້ວ.ທະນາຄານພດທະນາລາວ (ທພລ) ໄດ້ເຮັດຂໍ້ຕົກລົງກັບບໍລິສັດ KIWI ຈຳກັດໃນວັນທີ 30 ກໍລະກົດທີ່ຜ່ານມາກ່ຽວກັບການໃຫ້ບໍລິການດັ່ງກ່າວ.ບໍລິສັດ KIWI  ແມ່ນຜູ້ໃຫ້ບໍລິການກ່ຽວກັບເທັກໂນໂນຢີທາງການເງິນຊັ້ນນຳໃນອາຊີຕາເວັນອອກສຽງໃຕ້ ແລະ ໃຫ້ບໍລິການລະບົບການຈ່າຍເງິນແບບບໍ່ໃຊ້ເງິນສົດສຳລັບລູກຄ້າ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານກຳລັງຫັນປ່ຽນລະບົບກະສິກຳໃນລາວ ຈາກການຜະລິດເພື່ອກຸ້ມຕົນເອງ ສູ່ການຜະລິດເພື່ອເປັນສິນຄ້າ ເພື່ອຕອບສະໜອງຄວາມຕ້ອງການຂອງຕະຫຼາດໃນອາຊຽນ ແລະ ເພື່ອຊ່ວຍເຫຼືອຊາວກະສິກອນໃນການຮັບມືກັບການປ່ຽນແປງຂອງຕະຫຼາດກະສິກຳ ແລະ ສະບຽງອາຫານຂອງພາກພື້ນ.ເພື່ອສະໜັບສະໜູນຂະບວນການພັດທະນາທາງດ້ານກະສິກຳດັ່ງກ່າວ, ລັດຖະບານ ໂດຍສະເພາະແມ່ນກົມປູກຝັງ ພາຍໃຕ້ກະຊວງກະສິກຳ ແລະ ປ່າໄມ້ ຈະໃຫ້ການສະໜັບສະໜູນທາງດ້ານນະໂນບາຍ ແລະ ວິຊາການ ເພື່ອຈັດຕັ້ງປະຕິບັດແຜນການດັ່ງກ່າວ, ທ່ານ ຈັນທາ ທິບພະວົງພັນ ຮອງຫົວໜ້າກົມປູກຝັງກ່າວຄຳເຫັນໃນກອງປະຊຸມຂອງຄະນະກຳມະການກວດກາໂຄງການແຫ່ງຊາດ.ອ່ານຕໍ່  ...