News

ລັດຖະບານໄດ້ມອບເຂົ້າສານຈຳນວນ 430 ໂຕນ ມູນຄ່າກວ່າ 3.3 ຕື້ກີບ ທີ່ໄດ້ຮັບການຊ່ວຍເຫຼືອຈາກລັດຖະບານຍີ່ປຸ່ນ ເພື່ອເປັນສ່ວນໜຶ່ງຂອງພາລະກິດການສືບຕໍ່ຊ່ວຍເຫຼືອໄພພິບັດຢູ່ແຂວງພາກໃຕ້ຂອງລາວ.ການຊ່ວຍເຫຼືອດັ່ງກ່າວລວມມີ ເຂົ້າສານ 149 ໂຕນສຳລັບຊ່ວຍເຫຼືອຊຸມຊົນແຂວງບໍລິຄຳໄຊ, 100​ ໂຕນສຳລັບແຂວງຄຳມ່ວນ, 81 ໂຕນສຳລັບແຂວງສະຫວັນນະເຂດ, 100​ ໂຕນສຳລັບແຂວງຈຳປາສັກ.ອ່ານຕໍ່ ...

ມູນນິທິເຟຣັດຮອລໂລ ຈະສືບຕໍ່ສະໜັບສະໜູນວຽກງານການປັບປຸງການເບິ່ງເຫັນໃຫ້ແກ່ປະຊາຊົນໃນ 10 ແຂວງຂອງລາວ, ແນໃສ່ຍົກລະດັບຊີວິດການເປັນຢູ່ຂອງເຂົາເຈົ້າ.ມູນນິທິເຟຣັດຮອລໂລ, ເຈົ້າໜ້າທີ່ລັດຖະບານ ພ້ອມດ້ວຍອຳນາດການປົກຄອງ ຮ່ວມປະຊຸມຢູ່ວຽງຈັນໃນອາທິດແລ້ວນີ້ ເພື່ອລາຍງານຜົນຂອງໂຄງການສົ່ງເສີມສຸຂະພາບຕາຄົບວົງຈອນແບບຍືນຍົງ ແຕ່ປີ 2014-2018 ແລະ ວາງແຜນການໃນຕໍ່ໜ້າ.ໂຄງການກ່ຽວກັບສາຍຕາດັ່ງກ່າວມີໂຄງການຢູ່ແຂວງຫຼວງພະບາງ, ອຸດົມໄຊ, ຄຳມ່ວນ, ຫຼວງນ້ຳທາ, ສະຫວັນນະເຂດ ແລະ ບໍ່ແກ້ວ ພາຍໃຕ້ການສະໜັບສະໜູນຂອງ ມູນນິທິເຟຣັດຮອລໂລ.ອ່ານຕໍ່ ...

ອຳນາດການປົກຄອງເມືອງວຽງໄຊ ແຂວງຫົວພັນ ຮຽກຮ້ອງໃຫ້ພາກສ່ວນຕ່າງໆປະກອບສ່ວນປັດໄຈ ແລະ ວັດຖຸອຸປະກອນເພື່ອຊ່ວຍເຫຼືອໃນການຟື້ນຟູຫຼັງເຫດໄພນ້ຳຖ້ວມ ແລະ ດິນເຈື່ອນໃນ 18 ບ້ານ.ພື້ນທີ່ດັ່ງກ່າວໄດ້ຮັບຜົນກະທົບຈາກຝົນຕົກໜັກມາແຕ່ວັນທີ 3 ສິງຫາ ແລະ ຍັງຄົງມີຜູ້ສູນຫາຍເຈັດຄົນຈາກເຫດດິນເຈື່ອນ.ຫ້ອງການປົກຄອງເມືອງວຽງໄຊໄດ້ຮຽກຮ້ອງການປະກອບສ່ວນວັດຖຸປັດໄຈ ເພື່ອຊ່ວຍເຫຼືອປະຊາຊົນທີ່ບ້ານເຮືອນທີ່ຢູອາໄສ ແລະ ຊັບສິນຖືກກະທົບຈາກໄພນ້ຳຖ້ວມ.ອ່ານຕໍ່ ...

ວໍຊິງຕັນ ດີຊີ. (ວຽງຈັນທາມສ໌) – ເຈົ້າໜ້າທີ່ການນຳຂອງສູນກາງຄະນະກຳມາທິການຄົ້ນຄວ້າຍຸດທະສາດດ້ານເສດຖະກິດອາຊີສາກົນຂອງສະຫະລັດ ໄດ້ແນະນຳໃຫ້ບັນດາປະເທດກຳລັງພັດທະນາຮ່ວມມືກັນຢ່າງໃກ້ຊິດ ເພື່ອຫຼຸດຜ່ອນຜົນກະທົບຈາກສົງຄາມການຄ້າລະຫວ່າງຈີນ ແລະ ສະຫະລັດ.ເສດຖະກິດຂອງບັນດາປະເທດກຳລັງພັດທະນາພວມໄດ້ຮັບຜົນກະທົບຈາກການຂັດແຍ່ງທາງການຄ້າຢ່າງຕໍ່ເນື່ອງລະຫວ່າງປະເທດມະຫາອຳນາດທາງດ້ານເສດຖະກິດຂອງໂລກ.ອ່ານຕໍ່ ...

ບໍລິສັດພັດທະນາຊັອບແວຂອງເກົາຫຼີໃຕ້ ຮັນຄອມ ໄດ້ຖະແຫຼງວ່າຈະສະໜັບສະໜູນລາວໃນການພັດທະນາຊັອບແວໄມໂຄຣຊັອບອອຟ໌ຟິດສ໌ເປັນພາສາລາວ. ໃນປະຈຸບັນ ຊັອບແວໄມໂຄຣຊັອບເວີດ ແລະ ໄມໂຄຣຊັອບອອຟ໌ຟິດສ໌ ກໍຄືລະບົບຊອບແວກູເກິ້ນດ໊ອກ ໄດ້ມີການນຳໃຊ້ຢ່າງແຜ່ຫຼາຍໃນລາວ.ພາຍໃຕ້ບົດບັດທຶກຄວາມເຂົ້າໃຈທີ່ລົງນາມລະຫວ່າງບໍລິສັດ ຮັນຄອມ ແລະ ກະຊວງໄປສະນີ ແລະ ໂທລະຄົມມະນາຄົມຂອງລາວ ສະບັບວັນທີ 8 ສິງຫາ, ບໍລິສັດ ຮັນຄອມ ກ່າວວ່າທາງບໍລິສັດບໍ່ພຽງແຕ່ຈະສະໜັບສະໜູນລັດຖະບານລາວໃນການພັດທະນາຊອບແວເທົ່ານັ້ນ, ແຕ່ຍັງຈະສົ່ງເສີມເປົ້າໝາຍຂອງລາວໃນການສ້າງລັດຖະບານແບບອີເລັກໂທຣນິກ (e-Government).ອ່ານຕໍ່ ...

ຝົນຕົກໜັກທາງພາກຕາເວັນອອກສຽງເໜືອຂອງລາວ ເຮັດໃຫ້ເຂື່ອນໄຟຟ້ານ້ອຍຂະໜາດໜຶ່ງເມກາວັດແຕກ ຢູ່ເມືອງແປກ ແຂວງຊຽງຂວາງ ໃນຕົ້ນອາທິດນີ້, ເຮັດໃຫ້ເກີດຜົນເສຍຫາຍເປັນບໍລິເວນກວ້າງ ແລະ ນ້ຳຖ້ວມໄຮ່ນາ ແລະ ຊັບສິນ, ຕາມການລາຍງານຂອງປະຊາຊົນທ້ອງຖິ່ນໃນວັນພຸດຜ່ານມານີ້.“ເນື່ອງຈາກຝົກຕົກໜັກ ແລະ ມີປະລິມານນ້ຳຫຼາຍເກີນໄປ ເຮັດໃຫ້ເຂື່ອນບໍ່ສາມາດຕ້ານທານໄດ້ ຈຶ່ງແຕກພັງລົງ ສ້າງຄວາມເສຍຫາຍເປັນບໍລິເວນກວ້າງ ແລະ ເກີດນ້ຳຖ້ວມພື້ນທີ່ໄຮ່ນາ ແລະ ໜອງປາ 30 ເຮັກຕາ (74 ເອເຄີ),” ຕາມການກ່າວຂອງຊາວບ້ານທີ່ອາໄສຢູ້ໃກ້ກັບເຂື່ອນດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ນຳໃຊ້ສື່ສັງຄົມອອນໄລຕ້ອງໄປຈົດທະບຽນລະບົບທີ່ນຳໃຊ້ກັບກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຫຼັງຈາກທີ່ກະຊວງໄດ້ອອກລະບຽບການກ່ຽວກັບການນຳໃຊ້ຫວ່າງໝໍ່ໆມານີ້.ລະບຽບການດັ່ງກ່າວແມ່ນແນໃສ່ຮັບປະກັນໃຫ້ຜູ້ນຳໃຊ້ສື່ສັງຄົມອອນໄລ ມີຄວາມຮັບຜິດຊອບ ແລະ ປະຕິບັດໃຫ້ສອງຄ່ອງຕາມລະບຽບກົດໝາຍ. ນີ້ໝາຍຄວາມວ່າບຸກຄົນທີ່ນຳໃຊ້ລະບົບຕ່າງໆເຊັ່ນ ເວັບໄຊ, ເຟັສ໌ບຸກ ແລະ ຊ່ອງທາງການໃນການສະໜອງຂໍ້ມູນຂ່າວສານ ແລະ ການໂຄສະນາຕ່າງໆ ຕ້ອງເຂົ້າໄປຈົດທະບຽນກັບກະຊວງດ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ແພດໝໍລາວກຳລັງມີການຮ່ວມມືກັບແພດຈາກຈີນໃນການພັດທະນາທັກສະໃນການບົ່ງມະຕິ ແລະ ການປິ່ນປົວພະຍາດກ່ຽວກັບຫົວໃຈ ເພື່ອຮັບມືກັບການເພີ່ມຂຶ້ນຂອງຈຳນວນຄົນເຈັບຍ້ອນພະຍາດດັ່ງກ່າວໃນທົ່ວປະເທດ.ສ່ວນໜຶ່ງຂອງວຽກງານດັ່ງກ່າວ ແມ່ນການຮຽນຮູ້ຮູບແບບການຜ່າຕັດຫົວໃຈແບບທັນສະໄໝຜ່ານການນສ່ອງກ້ອງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານແຫ່ງ ສປປ ລາວ (BOL) ບໍ່ຄວນຈະອອກພຽງແຕ່ຄຳເຕືອນຕໍ່ໜ່ວຍແລກປ່ຽນເງິນຕາຕ່າງປະເທດທີ່ບໍ່ປະຕິບັດຕາມລະບຽບການກ່ຽວກັບເງິນຕາ, ເຈົ້າໜ້າທີ່ການນຳຂອງສະພານການຄ້າ ແລະ ອຸດສາຫະກຳແຫ່ງຊາດລາວກ່າວວານນີ້.ຄຳເຫັນດັ່ງກ່າວໄດ້ມີຂຶ້ນໃນລະຫວ່າງກອງປະຊຸມປຶກສາຫາລືລະຫວ່າງຕາງໜ້າຈາກໜ່ວຍງານລັດ ແລະ ຂະແໜງເອກະຊົນໃນນະຄອນຫຼວງວຽງຈັນໃນວັນອັງຄານຜ່ານມາ ເພື່ອຫາລືກ່ຽວກັບອັດຕາແລກປ່ຽນ ແລະ ຫົວຂໍ້ອື່ນໆທີ່ກ່ຽວຂ້ອງກັບການບໍລິການສາທາລະນະເພື່ອອຳນວຍຄວາມສະດວກໃຫ້ແກ່ການດຳເນີນທຸລະກິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານຈະພະຍາຍາມເພີ່ມການຂາຍພັນທະບັດພາຍໃນປະເທດໃນສະກຸນເງິນທ້ອງຖິ່ນ ເພື່ອແກ້ໄຂການຂາດດູນງົບປະມານ ແລະ ສ້າງຄວາມເຂັ້ມແຂງໃຫ້ກັບຕະຫຼາດທຶນແຫ່ງຊາດ.ໃນຊ່ວງຫ້າເດືອນຜ່ານມານີ້ ລັດຖະບານສາມາດຂາຍພັນທະບັດພາຍໃນປະເທດມູນຄ່າ 1.13 ພັນຕື້ກີບ, ທຽບເທົ່າກັບ 28.89 ເປີເຊັນຂອງມູນຄ່າເປົ້າໝາຍຕາມແຜນປີ 2019, ຕາມບົດລາຍງານຫຼ້າສຸດຂອງກະຊວງການເງິນ.ອ່ານຕໍ່ ...