News

ວຽງຈັນ (ວຽງຈັນທາມສ໌/ANN) – ເຈົ້າໜ້າທີ່ໄດ້ແຈ້ງເຕືອນມາຍັງນັກຂັບຂີ່ທີ່ຈະເດີນທາງໄປທາງພາກເໜືອຂອງລາວ ໃຫ້ລະວັງດິນເຈື່ອນຕາມຖະໜົນລຽບເຂດພູ, ໂດຍສະເພາະຢູ່ແຂວງຫົວພັນ, ຊຽງຂວາງ, ຫຼວງພະບາງ, ແລະ ແຂວງວຽງຈັນ, ເນື່ອງຈາກໃນທົ່ວປະເທດໄດ້ມີຝົນຕົກໜັກມາຕັ້ງແຕ່ວັນທີ 3 ສິງຫາ.ທ່ານ ຮຸ່ງອາລຸນ ບຸນທຳເມືອງ ຫົວໜ້າພະແນກໂຍທາທິການ ແລະ ຂົນສົ່ງ ແຂວງຫົວພັນ ໄດ້ລາຍງານຜ່ານສຳນັກຂ່າວວຽງຈັນທາມສ໌ໃນວັນຈັນຜ່ານມານີ້ວ່າ “ຖະໜົນຫຼາຍສາຍຢູ່ເມືອງວຽງໄຊ, ຫົວເມືອງ, ຊຳໃຕ້ ແລະ ຊຳເໜືອໄດ້ຮັບຜົນກະທົບຈາກເຫດດິນເຈື່ອນ ແລະ ນ້ຳຖ້ວມ.”ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການບໍລິການຂົນສົ່ງສິນຄ້າທາງລົດໄຟຂ້າມຊາຍແດນທີ່ຫາກໍ່ເປີດໂຕ ຕ້ອງການການຂົນສົ່ງສິນຄ້າຈາກລາວໄປໄທທີ່ເພີ່ມຂຶ້ນເພືື່ອຄວາມສຳເລັດທາງທຸລະກິດ.ຂະບວນລົດໄຟດັ່ງກ່າວສາມາດຂົນສົ່ງສິນຄ້າ 10 ເຖິງ 20 ຕູ້ເຂົ້າ ແລະ ອອກປະເທດ, ແຕ່ວ່າປະເທດລາວມີຈຳນວນຜູ້ສົ່ງອອກໜ້ອຍກວ່າຈຳນວນຜູ້ນຳເຂົ້າ. ນີ້ແມ່ນບັນຫາທີ່ພາກສ່ວນທີ່ກ່ຽວຂ້ອງຕ້ອງຮ່ວມກັນແກ້ໄຂ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທະນາຄານໂລກສະແດງທ່າທີທີ່ດີກ່ຽວກັບການຂະຫຍາຍຕົວທາງດ້ານເສດຖະກິດຂອງລາວ, ເຊິ່ງຄາດວ່າຈະກັບມາສູ່ລະດັບ 6.5 ເປີເຊັນໃນປີ 2019, ເພີ່ມຂຶ້ນຈາກລະດັບ 6.3 ເປີເຊັນໃນປີຜ່ານມາ.ເຖິງວ່າງົບປະມານຂອງປະເທດຈະຢູ່ໃນສະພາບເຄັ່ງຕຶງຕໍ່ເນື່ອງ, ການຟື້ນຕົວດັ່ງກ່າວຄາດວ່າຈະໄດ້ຮັບການຊຸກຍູ້ຈາກການລົງທຶນທີ່ເຂັ້ມແຂງໃນໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່ ເຊັ່ນ ໂຄງການທາງລົດໄຟລາວ-ຈີນ, ຕາມບົດລາຍງານ Lao Economic Monitor ຫຼ້າສຸດຂອງທະນາຄານໂລກທີ່ມີການເປີດໂຕວານນີ້.ອ່ານຕໍ່ ...

ມູນນິທິຮອລໂລວເຟຼດ ຈະສືບຕໍ່ຊ່ວຍເຫຼືອປະຊາຊົນລາວໃນ 10 ແຂວງທີ່ມີບັນຫາກ່ຽວກັບສາຍຕາ, ໂດຍສະເພາະແມ່ນຜູ້ທີ່ເປັນພະຍາດຕໍ້ກະຈົກ ເພື່ອຮັບປະກັນການສົ່ງເສີມການເບິ່ງເຫັນ ແລະ ຄຸນນະພາບຊີວິດທີ່ດີຂຶ້ນ.ບົດບັນທຶກຄວາມເຂົ້າໃຈ (MOU) ເພື່ອສືບຕໍ່ໂຄງການປິ່ນປົວສາຍຕາຄົບວົງຈອນແບບຍືນຍົງ ໄດ້ມີການລົງນາມຢູ່ນະຄອນວຽງຈັນ ໃນວັນພະຫັດແລ້ວນີ້ ລະຫວ່າງທ່ານ ດຣ ພຸກ ຫວຽນ ທັນ ຫົວໜ້າມູນນິທິຮອລໂລວເຟຼດພາກພື້ນອາຊີຕາເວັນອອກ, ແລະ ທ່ານ ດຣ ບົວຂັນ ພະຄູນທອງ ຮອງຫົວໜ້າກົມປິ່ນປົວ ແລະ ຟື້ນຟູສຸຂະພາບ ກະຊວງສາທາລະນະສຸກ.ອ່ານຕໍ່ ...

ບຸກຄະລາກອນການທ່ອງທ່ຽວຈຳນວນ 66​ ຄົນທີ່ສຳເລັດການຝຶກອົບຮົບກຽມພ້ອມທີ່ຈະປະກອບອາຊີບເປັນນັກນຳທ່ຽວ, ເຊິ່ງເປັນສ່ວນໜຶ່ງຂອງຄວາມພະຍາຍາມໃນການສົ່ງເສີມປີທ່ອງທ່ຽວລາວ-ຈີນ 2019 ແລະ ສ້າງສີສັນໃຫ້ແກ່ສະຖານທີ່ທ່ອງທ່ຽວໃນລາວ.ກຸ່ມນັກຝຶກອົບຮົມດັ່ງກ່າວໄດ້ສຳເລັດຫຼັກສູດການຝຶກອົບຮົມໄກ້ນຳທ່ຽວແຫ່ງຊາດຊຸດທີ 26 ຂອງລັດຖະບານ, ເຊິ່ງມີຂຶ້ນທີ່ນະຄອນວຽງຈັນ ແຕ່ວັນທີ 27 ພຶດສະພາ ເຖິງ 9 ສິງຫານີ້.ອ່ານຕໍ່ ...

ວຽງຈັນ (ວຽງຈັນທາມສ໌) – ລັດຖະບານສາທາລະນະລັດເກົາຫຼີໄດ້ໃຫ້ທຶນຊ່ວຍເຫຼືອລ້າກວ່າ 10 ຕື້ກີບ  (US$1.2 ລ້ານໂດລາ) ເພື່ອຈັດຕັ້ງປະຕິບັດໂຄງງການຟື້ນຟູຫຼັງໄພນ້ຳຖ້ວມຢູ່ແຂວງອັດຕະປື.“ໂຄງການຟື້ນຟູແຂວງອັດຕະປືໂດຍລວມ” ແມ່ນໄດ້ຮັບທຶນຊ່ວຍເຫຼືອລ້າຜ່ານອົງການຮ່ວມມືສານກົນປະເທດເກົາຫຼີ (KOICA). ການໃຫ້ທຶນຊ່ວຍເຫຼືອດັ່ງກ່າວໃນອາທິດແລ້ວນີ້ແມ່ນສ່ວນໜຶ່ງຂອງໂຄງການຊ່ວຍເຫຼືອໄລຍະ 5 ປີ ມູນຄ່າ US$11.5 ລ້ານໂດລາ ເຊິ່ງຈະຈັດຕັ້ງປະຕິບັດແຕ່ປີ 2019 ເຖິງປີ 2023.ຂໍ້ຕົກລົງສຳລັບທຶນຊ່ວຍເຫຼືອໃນຕໍ່ໜ້າຈະມີການລົງນາມໃນແຕ່ລະຂັ້ນຂອງໂຄງການຟື້ນຟູຫຼັງໄພພິບັດຢູ່ແຂວງອັດຕະປື.ອ່ານຕໍ່ ...

ວຽງຈັນ (ວຽງຈັນທາມສ໌) – ສະພາແຫ່ງຊາດໄດ້ເພີ່ມທະວີບົດບາດໃນການສົ່ງເສີມຄວາມຮັບຜິດຊອບຂອງລັດຖະບານ ເຊິ່ງສະທ້ອນເຖິງການບໍລິຫານຈັດການທີ່ດີ, ຕາມການລາຍງານຂອງອົງການສະຫະປະຊາຊາດປະຈຳລາວ.ອົງການສະຫະປະຊາຊາດ (ສປຊ) ໜຶ່ງໃນອົງການຊ່ວຍເຫຼືອທີ່ໃຫຍ່ທີ່ສຸດໃນລາວ ໄດ້ເປີດເຜີຍບົດລາຍງານກາງພາກກ່ຽວກັບການຈັດຕັ້ງປະຕິບັດການຮ່ວມມືລະຫວ່າງ ສປປ ລາວ-ສປຊ, ເຊິ່ງເນັ້ນເຖິງຜົນສຳເລັດ ແລະ ຂໍ້ຄົງຄ້າງໃນການຮ່ວມມືດັ່ງກ່າວ.ອີງຕາມບົດລາຍງານຄວາມຄືບໜ້າປີ 2018 ກ່ຽວກັບຂອບການເຮັດວຽກຂອງ ສປປ ລາວ-ສະຫະປະຊາຊາດ ສຳລັບປີ 2017-2021, ສປຊ ໄດ້ສະແດງຄວາມຮັບຮູ້ວ່າ ລະບຽບກົດໝາຍຂອງລາວໄດ້ຮັບການປັບປຸງໃຫ້ເຂັ້ມແຂງຂຶ້ນ ຍ້ອນການມີສ່ວນຮ່ວມຢ່າງເຂັ້ມແຂງຂອງສະພາແຫ່ງຊາດໃນການພິຈາລະນາກຳກັບການປະຕິບັດງານຂອງລັດຖະບານ.ອ່ານຕໍ່  ...

ວຽງຈັນ (ວຽງຈັນທາມສ໌) – ພະນະທ່ານທອງລຸນ ສີສຸລິດ ນາຍົກລັດຖະມົນຕີກ່າວຕໍ່ເຈົ້າໜ້າທີ່ກ່ຽວຂ້ອງ ໃຫ້ຮັກສາມົນສະເໜ່ທາງທຳມະຊາດຂອງເມືອງວັງວຽງ ໃນຂະນະພັດທະນາຕົວເມືອງ ເພື່ອດຶງດູດນັກທ່ອງທ່ຽວລະດັບສູງໃຫ້ຫຼາຍຂຶ້ນ. ເມືອງວັງວຽງມີຈຳນວນນັກທ່ອງທ່ຽວທີ່ຫຼຸດລົງເນື່ອງຈາກຫຼາຍປັດໄຈ ເຊັ່ນ ສະພາບຖະໜົນທີ່ບໍ່ດີ ແລະ ສິ່ງອຳນວຍຄວາມສະດວກການທ່ອງທ່ຽວທີ່ຕ່ຳກວ່າມາດຕະຖານ, ທ່ານຮອງເຈົ້າເມືອງ ບຸນຈັນ ມາລາວົງ ລາຍງານຕໍ່ທ່ານນາຍົກ.  ອ່ານຕໍ່ ...

ເອກອັກຄະລັດຖະທູດຕັວກກີປະຈຳລາວໄດ້ສະແດງເຈດຈຳນົງໃນການເສີມຂະຫຍາຍສາຍພົວພັນລະຫວ່າງຕັວກກີ ແລະ ລາວ ພາຍໃຕ້ນະໂຍບາຍການຕ່າງປະເທດຂອງປະເທດສະບັບໃໝ່ທີ່ເນັ້ນໃສ່ທະວີບອາຊີ.ການເປີດເຜີຍຕໍ່ສຳນັກຂ່າວອານາໂດລູໃນວັນທີ 11 ສິງຫາ, ທ່ານ ອາເມັດ ອິເດັມ ອາກາຍ ກ່າວວ່າປະລິມານການຄ້າລະຫວ່າງສອງປະເທດໄດ້ມີການຂະຫຍາຍຕົວຈາກ USD 6 ລ້ານໂດລາໃນປີ 2017 ມາເປັນ USD 15 ລ້ານໂດລາໃນປີ 2018.ອ່ານຕໍ່ ...

ວຽງຈັນ (ວຽງຈັນທາມສ໌) – ລາວຈະເຮັດວຽກຮ່ວມກັບບັນດາປະເທດເພື່ອນບ້ານ ເພື່ອແລກປ່ຽນຂໍ້ມູນຂ່າວສານກ່ຽວກັບພະຍາດອີໂບລາ, ໂດຍສະເພາະແມ່ນສຳລັບຜູ້ທີ່ເດີນທາງໄປດ່າງປະເທດ ເຊິ່ງອາດມີຄວາມສ່ຽງຕໍ່ການຕິດເຊື້ອໄວຣັສ໌ດັ່ງກ່າວ.ປະເທດລາວມີຊາຍແດນຮ່ວມກັບຫ້າປະເທດ ແຕ່ວ່າມາເຖິງປະຈຸບັນແມ່ນບໍ່ມີລາຍງານກ່ຽວກັບການລະບາດຂອງເຊື້ອອີໂບລາໃນປະເທດເພື່ອບ້ານ, ແລະ ບໍ່ມີລາຍງານການລະບາດຂອງເຊື້ອພະຍາດດັ່ງກ່າວໃນທະວີບອາຊີ.ອ່ານຕໍ່ ...