News

ອຳນາດການປົກຄອງລາວ ແລະ ຫວຽດນາມໄດ້ສັ່ງໂຈະການຄົ້ນຫາຫົກຜູ້ສູນຫາຍເນື່ອງຈາກເຫດດິນເຈື່ອນຢູ່ແຂວງຫົວພັນ ແລະ ຄາດວ່າຊາກສົບຜູ້ເສຍຊີວິດອາດຢູ່ຟາກແມ່ນ້ຳເບື້ອງປະເທດຫວຽດນາມ.ເຫດໄພພິບັດດິນເຈື່ອນດັ່ງກ່າວແມ່ນເກີດຂຶ້ນຢູ່ບ້ານດິນດຳ ເມືອງວຽງໄຊ ໃນວັນທີ 3 ສິງຫາ, ເຮັດໃຫ້ເຮືອນປະຊາຊົນເສຍຫາສອງຫຼັງ ແລະ ມີຜູ້ສູນຫາຍເຈັດຄົນ.ທ່ານ ພົນສຸກ ອິນທະວົງ ເຈົ້າເມືອງວຽງໄຊ ໄດ້ລາຍງານຜ່ານສຳນັກຂ່າວວຽງຈັນທາມສ໌ໃນວັນພະຫັດນີ້ວ່າ “ພາລະກິດການຄົ້ນຫາຜູ້ສູຍຫາຍຢູ່ຟາກແມ່ນ້ຳເບື້ອງປະເທດຫວຽດນາມຈຳຕ້ອງໂຈະເປັນເວລາສອງສາມວັນ ຈົນກວ່າພະຍຸຝົນຈະພັດຜ່ານແຂວງທັນຫົວຂອງຫວຽດນາມ.” ອ່ານຕໍ່ ...

ລັດວິສາຫະກິດລົດເມນະຄອນຫຼວງວຽງຈັນ ຜູ້ໃຫ້ບໍລິການລົດເມໂດຍສານໃນນະຄອນຫຼວງວຽຈັນ ກຳລັງຈະເລີ່ມການນຳໃຊ້ລະບົບການຈ່າຍຄ່າໂດຍສານແບບອີເລັກໂທຣນິກໂດຍບໍ່ໃຊ້ເງິນສົດສຳລັບລົດໂດຍສານບາງສາຍໃນນະຄອນຫຼວງວຽງຈັນ.ປະຈຸບັນ ຜູ້ໂດຍສານລົດເມສາຍສະໜາມບິນ ແລະ ສູນການຄ້າລາວ-ໄອເຕັກ ສາມາດຈ່າຍຄ່າໂດຍສານຜ່ານລະບົບບໍລິການກອງທຶນຂອງ ທພລ, ເຊິ່ງເປັນລະບົບການຈ່າຍເງິນຜ່ານລະຫັດ QR code ຂອງທະນາຄານພັດທະນາລາວ (ທພລ).ນອນນີ້ ລູກຄ້າຍັງສາມາດຈ່າຍເງິນໂດຍໃຊ້ບັດ VISA, MasterCard, UnionPay ແລະ JCB, ຕາມຮູບຖ່າຍການບໍລິການທີ່ເຜີຍແຜ່ໂດຍອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ປະຈຳລາວ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ກະຊວງອຸດສາຫະກຳ ແລະ ການຄ້າຈະໂຈະການອອກໃບອະນຸຍາດດຳເນີນທຸລະກິດສຳລັບໂຮງງານອຸດສາຫະກຳ ເຊິ່ງນຳໃຊ້ຂີ້ເຫຍື້ອປຼາສ໌ຕິກເປັນວັດຖຸດິບ,​ ເຊິ່ງເປັນສ່ວນໜຶ່ງຂອງຄວາມພະຍາຍາມໃນການປັບປຸງມາດຕະຖານໃນຂະແໜງອຸດສາຫະກຳປຸງແຕ່ງ.ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສາຫະກຳ ແລະ ການຄ້າ ໄດ້ເຊັັນລົງນາມຮັບຮອງຄຳສັ່ງລັດຖະມົນຕີສະບັບວັນທີ 30 ກໍລະກົດ ເຊິ່ງສັ່ງໃຫ້ເຈົ້າໜ້າທີ່ອຸດສາຫະກຳທົ່ວປະເທດຢຸດການອອກໃບອະນຸຍາດດຳເນີນທຸລະກິດ ສຳລັບໂຮງການອຸດສາຫະກຳດັ່ງກ່າວເປັນການຊົ່ວຄາວ.ຂໍ້ຕົກລົງຂອງລັດຖະມົນຕີສະບັບດັ່ງກ່າວຈະບໍ່ມີຜົນຕໍ່ການດຳເນີນການຂອງໂຮງງານທີ່ໄດ້ຮັບໃບອະນຸຍາດດຳເນີນທຸລະກິດປະເພດດັ່ງກ່າວແລ້ວ ແລະ ໂຮງງານເອງກໍ່ຍັງສາມາດດຳເນີນທຸລະກິດໄດ້ຕາມປົກກະຕິ.ແຕ່ວ່າສຳລັບໂຮງງານທີ່ສ້າງຄວາມເສຍຫາຍຕໍ່ໍ່ສິ່ງແວດລ້ອມ ຕ້ອງກຽມພ້ອມສຳລັບການກວດກາຈາກເຈົ້າໜ້າທີ່ອຸດສາຫະກຳ. ໂຮງງານທີ່ເປັນອັນຕະລາຍຕໍ່ສິ່ງແວດລ້ອມຈະໄດ້ຮັບການຕັກເຕືອນ ແລະ ຄຳແນະນຳໃຫ້ປັບປຸງຂະບວນການຜະລິດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວຄາດວ່າຈະນຳເຂົ້າລົດໄຟຟ້າໃນປີໜ້າ ເພື່ອສະໜັບສະໜູນບາດກ້າວຂອງລັດຖະບານໃນການຫຼຸດຜ່ອນການນຳໃຊ້ເຊື້ອໄຟຈາກຊາກດຶກດຳບັນ.ການນຳເຂົ້າລົດໄຟຟ້າຈະດຳເນີນຕາມຄຳສັ່ງຂອງລັດຖະບານສຳລັບໂຄງການທົດລອງ, ທ່ານ ທອງຈັນ ສັນທະສິດ ຮອງປະທານບໍລິຫານບໍລິສັດລາວ ອີວີ ຈຳກັດ ເປີດເຜີຍຕໍ່ສຳນັກຂ່າວວຽງຈັນທາມສ໌ໃນວັນພຸດນີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວມີເປົ້າໝາຍເພີ່ມທະວີການຄ້າຂາຍໄຟຟ້າກັບປະເທດຫວຽດນາມແບບປີຕໍ່ປີ ຫຼັງຈາກທີ່ສອງຝ່າຍໄດ້ບັນລຸຂໍ້ຕົກລົງໃນການພັດທະນາໂຄງການພະລັງງານ ແລະ ບໍ່ແຮ່, ແລະ ສັນຍາກາຍຊື້ຂາຍໄຟຟ້າໃນຕົ້ນປີນີ້.ການສົ່ງອອກໄຟຟ້າໃຫ້ແກ່ຫວຽດນາມຈະລວມເອົາພະລັງງານໄຟຟ້າຈາກໂຄງການຜະລິດໄຟຟ້າພາຍໃຕ້ການລົງທຶນຂອງຫວຽດນາມ ກໍຄືບໍລິສັດພັດທະນາພະລັງງານອື່ນໆໃນລາວ.ຂໍ້ຕົກລົງການຮ່ວມມືພາຄີໃນການພັດທະນາໂຄງການພະລັງງານ ແລະ ບໍ່ແຮ ແມ່ນໜຶ່ງໃນບັນດາຂໍ້ຕົກລົງທີ່ໄດ້ຜ່ານການລົງນາມໃນກອງປະຊຸມຄະນະກຳມະການຮ່ວມລັດຖະບານ ລາວ-ຫວຽດນາມ ຄັ້ງທີ 40 ທີ່ປະເທດຫວຽດນາມໃນປີນີ້.ອ່ານຕໍ່ ...

ນັກສຶກສາລາວຈຳນວນ 20 ຄົນຈະເດີນທາງໄປສຶກສາ ແລະ ຄົ້ນຄວ້ລະດັບສູງຢູ່ປະເທດຍີ່ປຸ່ນ ພາຍໃຕ້ໂຄງການທຶນການສຶກສາເພື່ອການພັດທະນາຊັບພະຍາກອນມະນຸດປະເທດຍີ່ປຸ່ນ (JDS) ແລະ ໂຄງການຜູ້ນຳໜຸ່ມ (YLP).ງານລ້ຽງຮັບຮອງນັກສຶກສາ ແລະ ອະດີດນັກສຶກສາທຶນ JDS ແລະ YLP ໄດ້ຈັນຂຶ້ນຢູ່ນະຄອນຫຼວງວຽງຈັນໃນວັນອັງຄານນີ້ ເພື່ອເປັນການລ້ຽງສົ່ງນັກສຶກສາທີ່ຈະເດີນທາງໄປຮຽນຕໍ່ຢູ່ປະເທດຍີ່ປຸ່ນ ແລະ ເປັນການສະຫຼີມສະຫຼອງວັນສ້າງຕັ້ງໂຄງການ JDS ຄົບຮອບ 20 ປີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມື້ວານນີ້ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ພ້ອມດ້ວຍຮອງລັດຖະມົນຕີ ແລະ ເຈົ້າໜ້າທີ່ກະຊວງ ໄດ້ເດີນທາງຢ້ຽມຢາມເປັນກຳລັງໃຈໃຫ້ກ່ນັກທ່ອງທ່ຽວຊາວຈີນ ທີ່ເຂົ້າຮັບການປິ່ນປົວຢູ່ໂຮງໝໍ ຫຼັງຈາກທີ່ໄດ້ຮັບບາດເຈັບຈາກອຸບັດຕິເຫດລົດຕົກພູໃນວັນຈັນຜ່ານມາ.ຜູ້ປະສົບເຄາະຈາກອຸບັດຕິເຫດດັ່ງກ່າວແມ່ນກຳລັງປິ່ນປົວຢູ່ໂຮງໝໍສູນກາງກອງທັບປະຊາຊົນລາວ 103, ຫຼັງຈາກທີ່ລົດເມທ່ອງທ່ຽວໄດ້ປະສົບອຸບັດຕິຕົກພູ ຢູ່ແຂວງຫຼວງພະບາງ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ອົງການຮ່ວມມືສາກົນເກົາຫຼີ (KOICA) ຂອງປະເທດເກົາຫຼີໃຕ້ຈະໃຫ້ທຶນຊ່ວຍເຫຼືອປະມານ US$7.5 ລ້ານໂດລາສຳລັບປະເທດລາວແຕ່ປີ 2019 ຫາ 2023 ເພື່ອສົ່ງເສີມວຽກງານສຸຂະພາບແມ່, ເດັກເກີດໃໝ່ ແລະ ເດັກນ້ອຍໃນສາມແຂວງ.ຂໍ້ຕົກລົງກ່ຽວກັບທຶນຊ່ວຍເຫຼືອດັ່ງກ່າວໄດ້ມີການລົງນາມຢູ່ນະຄອນຫຼວງວຽງຈັນໃນວັນອັນຄານນີ້ ໂດຍທ່ານ ບຸນເພັງ ພິລາວົງ ຫົວໜ້າກົມອະນາໄມ ແລະ ສົ່ງເສີ່ມສຸຂະພາບ ກະຊວງສາທາລະນະສຸກ ແລະ ທ່ານ ຊຸງຊູ ໂອ ຫົວໜ້າອົງການ KOICA ປະຈຳລາວ. ອ່ານຕໍ່ ...

ປະເທດກຳປູເຈຍໄດ້ຮຽກຮ້ອງໃຫ້ລາວເລັ່ງລັດໃນການສົ່ງມອບໄຟຟ້າໃຫ້ແກ່ລາດຊະອານາຈັກກຳປູເຈຍ ຕາມຂໍ້ຕົກລົງທີ່ໄດ້ມີການລົງນາມກັນໃນຕົ້ນປີນີ້.ໃນເດືອນມີນາ, ບໍລິສັດໄຟຟ້າແຫ່ງກຳປູເຈຍ (EDC) ໄດ້ລົງນາມໃນຂໍ້ຕົກລົງຊື້ຂາຍໄຟຟ້າຈຳນວນ 200 ເມກາວັດຈາກລາວແຕ່ປີ 2019 ຫາ 2020.ທ່ານ ພັນ ສໍຣະສັກ ລັດຖະມົນຕີກະຊວງການຄ້າຂອງກຳປູເຈຍໄດ້ຮຽກຮ້ອງຕໍ່ທ່ານ ອຳໄພ ກິດາວົງ ເອກອັກຄະລັດຖະທູດລາວ ໃຫ້ຝ່າຍລາວດຳເນີນການສົ່ງມອບກະແສໄຟຟ້າດັ່ງກ່າວໃຫ້ໄວທີ່ສຸດ, ຕາມການລາຍງານຂອງສຳນັກຂ່າວ ຂະແມທາມສ໌ ຂອງກຳປູເຈຍໃນວັນພຸດນີ້.ອ່ານຕໍ່ ...

ເຈົ້າໜ້າທີ່ສາທາລະນະສຸກ ແລະ ອຳນາດການປົກຄອງທ້ອງຖິ່ນຄວນເພີ່ມທະວີສະໜອງຂໍ້ມູນດ້ານການບໍລິການສາທາລະນະສຸກກ່ຽວກັບໄວຈະເລີນພັນ ແລະ ເພດສຶກສາສຳລັບໄວໜຸ່ມເພື່ອຫຼຸດຜ່ອນອັດຕາການຖືພາໃນເວລາທີ່ບໍ່ພ້ອມ.ການຖືພາໃນເວລາທີ່ບໍ່ພ້ອມ ແມ່ນໜຶ່ງໃນສາເຫດໃຫ້ແມ່ຍິງບໍ່ສາມາດອອກໄປເຮັດວຽກນອກບ້ານ ແລະ ມີທ່າອ່ຽງຈຳກັດກ່ຽວກັບອຳນາດທາງການເງິນ. ຍິ່ງໄປກວ່ານັ້ນ,​ ພັນທະໃນການລ້ຽງລູກຍັງເປັນສາເຫດໃຫ້ແມ່ຍິງຜະເຊີນກັບການເລືອກປະຕິບັດໃນການເຂົ້າເຮັດວຽກ.ອ່ານຕໍ່ ...