News

ອຳນາດການປົກຄອງແຂວງຫົວພັນກຳລັງເລັ່ງມືໃນການຄົ້ນຫາຫົກຜູ້ສູນຫາຍຈາກເຫດດິນເຈື່ອນທັບເຮືອນປະຊາຊົນສອງຫຼັງຢູ່ບ້ານຫີນດຳ ເມືອງວຽງໄຊໃນວັນທີ 13 ສິງຫາ.ຈາກເຫດດັ່ງກ່າວ ມີລາຍງານຜູ້ສູນຫາຍທັງໝົດເຈັດຄົນ. ແຕ່ຈາກການຄົ້ນຫາເປັນເວລາຫຼາຍວັນ ໄດ້ມີການພົບສົບ ແລະ ຢືນຢັນຕົວຕົນຂອງຜູ້ປະສົບເຄາະຈາກເຫດດັ່ງກ່າວພຽງແຕ່ໜຶ່ງຄົນ. ເຫດດິນເຈື່ອນດັ່ງກ່າວແມ່ນເກີດຂຶ້ນຢູ່ແຄມແມ່ນ້ຳ ເຊິ່ງຕັ້ງຢູ່ເຂດຊາຍແດນລະຫວ່າງລາວ  ແລະ ຫວຽດນາມ.ອ່ານຕໍ່ ...

ຄູອາຈານຈາກ ໂຮງຮຽນວິຊາຊີບ 11 ແຫ່ງໄດ້ຮັບຄວາມຮູ້ ແລະ ທັກສະໃໝ່ໆຈາກຫຼັກສູດຝຶກອົບຮົມຢູ່ວຽງຈັນ ແຕ່ວັນທີ 24 ມິຖຸນາເຖິງ 30 ສິງຫາ ພາຍໃຕ້ໂຄງການຊ່ວຍເຫຼືອຂອງອົງການຮ່ວມມືສາກົນແຫ່ງປະເທດຍີ່ປຸ່ນ (JICA).ປະຈຸບັນ ຄູຝຶກຊ່າງໄມ້ (ຄູສອນ) ຊຸດດັ່ງກ່າວແມ່ນພ້ອມທີ່ຈະຖ່າຍທອດຄວາມຮູ້ທັກສະ ເພື່ອຍົກລະດັບການສຶກສາວິຊາຊີບໃນແຂວງຂອງຕົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ກຳປູເຈຍຖອນກຳລັງທະຫານອອກຈາກພື້ນທີ່ຊາຍແດນທີ່ມີຂໍ້ຂັດແຍ່ງ ທີ່ເມືອງມູນລູປະໂມກ ແຂວງຈຳປາສັກ ເຊິ່ງການປະຕິບັດການແມ່ນສຳເລັດຕາມກຳນົດການ.ການຖອນກຳລັງທະຫານດັ່ງກ່າວແມ່ນເປັນໄປຕາມຂໍ້ຕົກລົງຂອງຕົວແທນທະຫານຈາກສອງຊາດໃນວັນທີ 27 ສິງຫາ, ທີ່ກຳນົດໃຫ້ມີການຖອນກຳລັງທະຫານອອກຈາກພື້ນທີ່ໄຮຂາວ ຈຸດພິກັດທີ່ຕັ້ງ E0523410, N1579776.ອ່ານຕໍ່ ...

ຕະຫຼາດຫຼັກຊັບລາວ (LSX) ໄດ້ຈັດບໍລິສັດພູສີກໍ່ສ້າງ ແລະ ພັດທະນາ (PCD) ມະຫາຊົນ ເຂົ້າໃນສະຖານະບໍລິສັດ “ທີ່ບໍ່ໜ້າເຊື່ອຖື”, ພາຍຫຼັງທີ່ບໍລິສັດ PDC ບໍ່ສາມາດເປີດເຜີຍບົດລາຍງານກາງປີ ແລະ ບົດລາຍງານປີ 2018 ຂອງຕົນຜ່ານທາງລະບົບຂອງ LSX.ສະຖານະ “ບໍ່ໜ້າເຊື່ອຖື” ຈະຂຶ້ນສະແດງໃນຊື່ໂລໂກຂອງບໍລິສັດ PCD ໃນລະບົບຊື້ຂາຍຫຸ້ນໃນຕະຫຼາດຫຼັກຊັບ ແລະ ທາງເວັບໄຊຕະຫຼາດຫຼັກຊັບນັບແຕ່ວັນທີ 27 ສິງຫາເປັນຕົ້ນໄປ ຈົນກວ່າບໍລິສັດ PCD ຈະສາມາດແກ້ໄຂບັນຫາດັ່ງກ່າວ, ຕາມການແຈ້ງການຂອງຕະຫຼາດຫຼັກຊັບລາວໃນວັນທີ 26 ສິງຫານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຈົ້າຂອງໂຮງສີເຂົ້າໃນລາວຮຽກຮ້ອງໃຫ້ມີການແຊກແຊງຈາກຂະແໜງການລັດ ເພື່ອສ້າງສະຖຽນລະພາບໃຫ້ແກ່ລາຄາຂາຍຍ່ອຍເຂົ້າສານໃນຕະຫຼາດ, ແຕ່ວ່າເຈົ້າໜ້າທີ່ຍັງຄົງສືບຕໍ່ລໍຖ້າ ເພື່ອເຝົ້າຕິດຕາມສະຖານະການໄປອີກໄລຍະໜຶ່ງ.ໂຮງສີເຂົ້າຫຼາຍແຫ່ງກຳລັງປະສົບບັນຫາໃນການຊອກຫາ ແລະ ຈັດຊື້ເຂົ້າໃນລະດູຝົນ ເນື່ອງຈາກສະພາບຂາດແຄນດ້ານການສະໜອງ. ນີ້ໝາຍຄວາມວ່າຜູ້ບໍລິໂພກຕ້ອງຈ່າຍເງິນເພີ່ມຂຶ້ນເພື່ອຊື້ເຂົ້າ.ທ່ານນາງ ບຸນຮຽງ ພົມມີໄຊ ເຈົ້າຂອງໂຮງສີເຂົ້າຈຳປາຫອມ ນະຄອນຫຼວງວຽງຈັນ ໄດ້ເປີດເຜີຍຕໍ່ສຳນັກຂ່າວວຽງຈັນທາມສ໌ໃນວັນພຸດນີ້ວ່າ ໃນຊ່ວງສອງເດືອນຜ່ານມາ ລາຄາເຂົ້າເປືອກເຂົ້າໜຽວເພີ່ມຂຶ້ນຈາກ 2,800-3,000 ກີບຕໍ່ກິໂລ ເປັນ 4,500-4,700 ກີບຕໍ່ກິໂລ ຊຶ່ງຂຶ້ນຢູ່ກັບຄຸນນະພາບຂອງເຂົ້າ.ລາຄາເຂົ້າສານເຂົ້າໜຽວກໍ່ປັບເພີ່ມຂຶ້ນເຊັ່ນກັນຈາກ 6,000 ກີບຕໍ່ກິໂລ ເປັນ 7,500-8,000 ກີບຕໍ່ກິໂລ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະລັດຖະບານຖືເອົາການຄຸ້ມຄອງອັດຕາແລກປ່ຽນເປັນໜຶ່ງໃນບູລິມະສິດສູງສຸດໃນໄລຍະເດືອນຕໍ່ໜ້າ, ເນື່ອງຈາກຊ່ອງຫວ່າງລະຫວ່າງອັດຕາແລກປ່ຽນທາງການ ແລະ ໃນທ້ອງຕະຫຼາດຂະຫຍາຍຕົວເພີ່ມຂຶ້ນ.ຕາມການເປີດເຜີຍຕໍ່ສື່ມວນຊົນໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທີ 19 ສິງຫານີ້, ລັດຖະບານໄດ້ເນັ້ນເຖິງຄວາມຈຳເປັນສຳລັບທະນາຄານແຫ່ງ ສປປ ລາວ ແລະ ຂະແໜງການທີ່ກ່ຽວຂ້ອງ ໃຫ້ຮັດແໜ້ນການຄຸ້ມຄອງການແລກປ່ຽນເງິນຕາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນພຸດນີ້ ທະຫານຊາຍແດນແຂວງບໍ່ແກ້ວ ໄດ້ບຸກຍືດຢາບ້າກວ່າ 2.5 ລ້ານເມັດ ທີ່ບັນທຸກມາໃນເຮືອຍາວສອງລຳເພື່ອຂ້າມແມ່ນ້ຳຂອງຢູ່ເມືອງຫ້ວຍຊາຍ ຫຼັງຈາກທີ່ຜູ້ຂັບເຮືອໄຫວໂຕຫຼົບໜີໄປ.ເຈົ້າໜ້າທີ່ຕຳຫຼວດຄວບຄຸມຢາເສບຕິດໄດ້ເປີດເຜີຍຕໍ່ສຳນັກຂ່າວວຽງຈັນທາມສ໌ ໃນມື້ວານນີ້ວ່າ ໃນຂະນະລາດຕະເວນຕາມລຳແມ່ນ້ຳຂອງ ເຈົ້າໜ້າທີ່ທະຫານໄດ້ພົບເຫັນເຮືອຕ້ອງສົງໄສ. ຈຶ່ງໄດ້ຂໍກວດຄົ້ນ, ເຊິ່ງເຮືອສອງລຳດັ່ງກ່າວໄດ້ເຂົ້າທຽບຝັ່ງ ແລະ ຄົນຂັບທັງສອງໄດ້ຫຼົບໜີໄປ.ຈາກການກວດຄົ້ນເຮືອດັ່ງກ່າວ ພົບຢາບ້າ 2,560,000 ເມັດ ນ້ຳໜັກລວມ 290 ກິໂລ, ຈຶ່ງໄດ້ມອບໃຫ້ຫ້ອງການຄວບຄຸມ ແລະ ກວດກາຢາເສບຕິແຂວງບໍ່ແກ້ວ.ອ່ານຕໍ່ ...

ກະຊວງວິທະຍາສາດ ແລະ ເທັກໂນໂລຢີໄດ້ປິດຫຼັກສູດພາສາຫວຽດນາມໄລຍະ 6​ ເດືອນ ສຳລັບພະນັກງານລັດ 50 ຄົນທີ່ນະຄອນຫຼວງວຽງຈັນ, ເພື່ອຍົກລະດັບການສື່ສານລະຫວ່າງລາວ ແລະ ຫວຽດນາມ.ທ່ານ ພິມພາ ອຸທະຈັກ ຫົວໜ້າສະຖານບັນຄຸ້ມຄອງວິທະຍາສາດ ແລະ ເທັກໂນໂນຢີ ພາຍໃຕ້ກະຊວງ ກ່າວໃນພິທີປິດການຝຶກອົບຮົມວ່າ ບັ້ນຝຶກອົບຮົມດັ່ງກ່າວເຊິ່ງຊ່ວນຍົກລະດັບທັກສະການປາກເວົ້າພາສາຫວຽດນາມ ແມ່ນສິ່ງຈຳເປັນໃນການສ້າງຄວາມເຂັ້ມແຂງດ້ານການສື່ສານລະຫວ່າງສອງປະເທດ ທັງເປັນການສົ່ງເສີມການພັດທະນາຄວາມສາມາດ ແລະ ແລກປ່ຽນບົດຮຽນ.ອ່ານຕໍ່ ...

ເຈົ້າໜ້າທີ່ຮັບຜິດຊອບໃນການສະກັດກັ້ນການຄ້າມະນຸດ ໄດ້ຈັດຝຶກອົບຮົມໃຫ້ເຈົ້າໜ້າທີ່ແພດຈາກຫົກແຂວງ ກ່ຽວກັບວິທີການໃນການຊ່ວຍເຫຼືອຜູ້ທີ່ຕົກເປັນເຫຍື່ອຈາກຜົນຂອງການຄ້າມະນຸດ ທັງທາງດ້ານຮ່າງກາຍ ແລະ ຈິດໃຈ.ບັ້ນຝຶກອົບຮົມດັ່ງກ່າວໄດ້ຈັດຂຶ້ນຢູ່ແຂວງສະຫວັນນະເຂດ ເຊິ່ງມີເຈົ້າໜ້າທີ່ແພດຈາກແຂວງ, ນະຄອງຫຼວງວຽງຈັນ, ແຂວງໍລິຄຳໄຊ, ຄຳມ່ວນ,​ ໄຊສົມບູນ ແລະ ແຂວງວຽງຈັນເຂົ້າຮ່ວມ.ອ່ານຕໍ່ ...

ລາວກຳລັງເລັ່ງມືໃນການກະກຽມໜັງສືເພື່ອຍື່ນສະເໜີໃຫ້ຈັດປ່າສະຫງວນແຫ່ງຊາດຫີນໜາມໜໍ່ ເມືອງບົວລະພາ ແຂວງຄຳມ່ວນ ເຂົ້າເປັນມໍລະດົກໂລກຂອງ UNESCO.ກອງປະຊຸມຂອງຄະນະກວດກາແຫ່ງຊາດຊຸດທີ 8 ກ່ຽວກັບການຍື່ນສະເໜີດັ່ງກ່າວໄດ້ຈັດຂຶ້ນຢູ່ນະຄອນຫຼວງວຽງຈັນ ໃນວັນພະຫັດນີ້, ພາຍໃຕ້ການເປັນປະທານຂອງທ່ານ ຮສ.ປອ ບໍ່ແສງຄຳ ວົງດາຣາ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...