News

ວຽງຈັນ (ວຽງຈັນທາມສ໌/ANN) – ຫຼາຍແຂວງຂອງລາວກຳລັງປະສົບກັບໄພນ້ຳຖ້ວມ ຫຼັງຈາກມີຝົນຕົກໜັກຕິດຕໍ່ກັນ, ເຮັດໃຫ້ເຮືອນຊານທີ່ຢູ່ອາໄສ, ໄຮ່ນາຮົ້ວສວນ ແລະ ພື້ນທີ່ກະສິກຳຈົມຢູ່ໃຕ້ນ້ຳເປັນບາງສ່ວນ.ໂດຍສະພາະແມ່ນແຂວງເຊກອງໄດ້ຮັບຜົນກະທົບໜັກ ແລະ ລະດັບນ້ຳໃນແມ່ນ້ຳເຊກອງເພີ່ມຂື້ນຮອດ 12 ແມັດ, ຈໍ່ເຖິງລະດັບເຕືອນໄພ 13 ແມັດ, ຕາມການລາຍງານຂອງທ່ານ ບຸນທອງ ສີດອນຄົງ ເຈົ້າໜ້າທີ່ແຂວງ ຜ່ານສຳນັກຂ່າວວຽງຈັນທາມສ໌ໃນວັນອັງຄານນີ້.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ກະຊວງໄປສະນີ ແລະ ໂທລະຄົມມະນາຄົມຕົກລົງເດີນໜ້າຄຸ້ມຄອງການປະຊຸມທາງອອນໄລ (video conferences) ຂອງລັດຖະບານ ພາຍໃຕ້ຄວາມສ່ຽງກ່ຽວກັບການຮົ່ວໄຫຼຂອງຂໍ້ມູນຄວາມລັບຂອງປະເທດ.ທ່ານ ທັນສະໄໝ ກົມມະສິດ ລັດຖະມົນຕີກະຊວງໂທລະຄົມ ໄດ້ລົງນາມໃນຂໍ້ຕົກລົງລັດຖະມົນຕີ ກ່ຽວກັບການຈັດຕັ້ງກົດລະບຽບ ແລະ ມາດຕະການ ສຳລັບກົມກອງຂອງລັດຖະບານ ໃນການຕິດຕັ້ງ ແລະ ດຳເນີນການປະຊຸມທາງອອນໄລ, ເຊິ່ງເປັນສ່ວນໜຶ່ງຂອງມາດຕະການເພື່ອສະກັດກັ້ນການຮົ່ວໄຫຼຂອງຂໍ້ມູນຄວາມລັບທາງລັດຖະການ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມຄະນະອຳນວຍການບໍລິສັດໄຟຟ້າລາວມະຫາຊົນ (EDL-Gen) ໃນເດືອນນີ້ ບໍ່ອະນຸມັດການຈ່າຍເງິນປັນຜົນໃຫ້ແກ່ຜູ້ຖືຫຸ້ນ ເນື່ອງຈາກລາຍຮັບຂອງບໍລິສັດໃນຊ່ວງຫົກເດືອນຕົ້ນປີ 2019 ສະແດງຜົນການຂາດທຶນ 147.15 ຕື້ກີບ.ການຂາດທຶນດັ່ງກ່າວສະແດງຜົນເປັນເງິນກີບ ເນື່ອງຈາກອັດຕາແລກປ່ຽນເງິນຕາເປັນເງິນບາດ ແລະ ໂດລາມີລັກສະນະຜັນຜວນ, ຕາມການລາຍງານຂອງບໍລິສັດ EDL-Gen.ເຖິງວ່າ ບໍລິສັດ EDL-Gen ຈະສ້າງກຳໄລຈາກການຂາຍໄຟຟ້າໃນລາວ ແລະ ຕ່າງປະເທດ ແລະ ມີຄັງສຳຮອງເງິນສົດ, ໜີ້ສີນຂອງບໍລິສັດສ່ວນໃຫຍ່ ໃນຮູບຂອງການໃຊ້ໜີ້ເງິນກູ້ ແມ່ນເປັນເງິນບາດ ແລະ ໂດລາ.ອ່ານຕໍ່ ...

ກອງປະຊຸມກຸ່ມເຮັດວຽກໃນຂະແໜງກະສິກຳ ແລະ ພັດທະນາຊົນນະບົດ ໄດ້ຈັດຂຶ້ນທີ່ກະຊວງກະສິກຳ ແລະ ປ່າໄມ້ ນະຄອນຫຼວງວຽງຈັນ ໃນວັນອັງຄານນີ້ ເພື່ອຫາລືບັນຫາໃນຂະແໜງກະສິກຳ.ກອງປະຊຸມໄດ້ກວດກາປະເມີນຜົນການຈັດຕັ້ງປະຕິບັດວຽກງານໃນຂະແໜງການທີ່ກ່ຽວຂ້ອງພາຍໃຕ້ກຸ່ນເຮັດວຽກ ກໍຄືບັນຫາານກະເສດຕ່າງໆເຊັ່ນ ການລະບາດຂອງບົ້ງຝູງ ແລະ ພະຍາດອະຫິວາໝູອາຟຣິກາໃນລາວ, ເຊິ່ງສົ່ງຜົນກະທົບຕໍ່ການປູກສາລີ ແລະ ການລ້ຽງໝູ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຮົງກາຣີຈະຍົກເວັ້ນວີຊາສຳລັບນັກການທູດ ຫຼື ຜູ້ຖືໜັງສືຜ່ານແດນປະເພດບໍລິການການທູດ ເລີ່ມແຕ່ວັນທີ 9 ກັນຍາເປັນຕົ້ນໄປ, ເຮັດໃຫ້ຜູ້ຖືໜັງສືຜ່ານແດນປະເພດດັ່ງກ່າວ ຈາກແຕ່ລະປະເທດສາມາດພັກເຊົາໃນປະເທດພາຄີໃນໄລຍະ 90 ວັນໂດຍບໍ່ຕ້ອງມີວີຊາ.ບາດກ້າວດັ່ງກ່າວແມ່ນເປັນໄປຕາມຂໍໍ້ຕົກລົງທີ່ໄດ້ລົງນາມໂດຍລາວ ແລະ ຮົງກາຣີ ຄັ້ງວັນທີ 11 ມິນາ.ຜູ້ຖືໜັງສືເດີນທາງປະເພດດັ່ງກ່າວບໍ່ອະນຸຍາດໃຫ້ຕໍ່ເວລາໃນການພັກເຊົາເກີນກຳນົດ 90 ວັນທີ່ອະນຸຍາດ, ແຕ່ອາດສາມາດເຂົ້າປະເທດອີກຄັ້ງຫຼັງຈາກເດີນທາງອອກນອກປະເທດເປັນໄລຍະສາມເດືອນ.ອ່ານຕໍ່ ...

ປະຊາຊົນລາວທີ່ຕ້ອງການໄປເຮັດວຽກຢູ່ປະເທດສາທາລະນະລັດເກົາຫຼີ ຕ້ອງຜ່ານການສອບເສັງວັດລະດັບພາສາ ແລະ ທັກສະອາຊີບ, ຕາມຄຳສະເໜີຂອງອຳນາດການປົກຄອງທ້ອງຖິ່ນ.ໃນແຕ່ລະປີ,​ ປະເທດເກົາຫຼີອະນຸຍາດໃຫ້ຜູ້ອອກແຮງງານລາວ 500 ຄົນໄປປະກອບອາຊີບໃນປະເທດເກົາຫຼີ ພາຍຫຼັງຜ່ານການສອບເສັງວັດລະດັບທັກສະອາຊີບ, ຕາມຂໍ້ຕົກລົງສະບັບປີ 2016 ພາຍໃຕ້ລະບົບການອະນຸຍາດປະກອບອາຊີບ EPS-TOPIK.ອ່ານຕໍ່ ...

(ຂປລ) ນັບແຕ່ຕົ້ນປີ 2019 ປະເທດລາວມີຈຳນວນຜູ້ຕິດເຊື້ອໄຂ້ເລືອດອອກເພີ່ມຂຶ້ນເຖິງ 28,371 ກໍລະນີ ໃນນັ້ນມີຜູ້ເສຍຊີວິດ 60 ກໍລະນີ, ຕາມການລາຍງານຂອງກະຊວງສາທາລະນະສຸກ.ສະຖິຕິການຕິດເຊື້ອພະຍາດດັ່ງກ່າວແມ່ນສູງກວ່າຕົວເລກໃນໄລຍະດຽວກັນຂອງປີຜ່ານມາເຖິງຫ້າເທົ່າ, ເຊິ່ງມີຜູ້ຕິດເຊື້ອພຽງແຕ່ປະມານ 4,600 ກໍລະນີ ແລະ ມີຜູ້ເສຍຊີວິດ 14 ກໍລະນີ.ຍອດຕົວເລກຜູ້ເສຍຊີວິດຢູ່ແຂວງສະຫວັນນະເຂດຍັງຄົງສູງກວ່າຢູ່ແຂວງອື່ນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສັນຍາວ່າຈະສືບຕໍ່ຄວາມພະຍາຍາມໃນການປັບປຸງການບໍລິການສາທາລະນະ, ເຊິ່ງປະຊາຊົນຫຼາຍຄົນໄດ້ຮຽກຮ້ອງໃຫ້ເຈົ້າໜ້າທີ່ລັດຖະບານ ປະຕິບັດຕົວໃຫ້ເໝາະສົມຍິ່ງຂຶ້ນໃນການບໍລິການປະຊາຊົນ.ຕາມບົດຂ່າວຕໍ່ສື່ມວນຊົນຈາກກົມປະຊາສຳພັນຂອງລັດຖະບານ ທີ່ເປີດເຜີຍໃນຕອນທ້າຍຂອງກອງປະຊຸມປະຈຳເດືອນຂອງຄະນະລັດຖະບານໃນວັນທິ 19​ ສິງຫາຜ່ານມານີ້, ລັດຖະບານມີເປົ້າໝາຍເອົາໃຈໃສ່ໃນການປັບປຸງການບໍລິການສາທາລະນະໃນຊຸມເດືອນຕໍ່ໜ້າ.ອ່ານຕໍ່  ...

ເດັກນ້ອນນັກຮຽນອະນຸບານ ແລະ ປໍກຽມທີ່ດ້ອຍໂອກາດກວ່າ 3,000 ຄົນໃນ 27 ບ້ານຫ່າງໄກສອກຫຼີກ ເມືອງນ້ຳບາກ ແລະ ເມືອງໂພນທອງ ແຂວງຫຼວງພະບາງ ຄາດວ່າຈະໄດ້ຮັບປະໂຫຍດຈາກໂຄງການຊ່ວຍເຫຼືອໂຮງຮຽນ.ພະແນກສຶກສາ ແລະ ກິລາແຂວງຫຼວງພະບາງ ແລະ ອົງການຊ່ວຍເຫຼືອເດັກ ຈະຮ່ວມມືກັນຈັດຕັ້ງໂຄງການຊ່ວຍເຫຼືອເດັກດ້ອຍໂອກາດອາຍຸ 3-5 ປີໃນສອງເມືອງດັ່ງກ່າວ.ພາຍໃຕ້ໂຄງການດັ່ງກ່າວ ເຊິ່ງຈະດຳເນີນແຕ່ປີ 2019 ເຖິງ 2020, ອົງການຊ່ວຍເຫຼືອເດັກຮ່ອງກົງ ຈະສະໜັບສະໜູນການສ້ອມແປງຫ້ອງຮຽນ, ກໍຄືຊ່ວຍເຫຼືອອຸປະກອນການຮຽນ-ການສອນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຫຼາຍພື້ນທີ່ໃນແຂວງສະຫວັນນະເຂດ ແລະ ແຂວງຄຳມ່ວນໄດ້ປະສົບໄພນ້ຳຖ້ວມ ພາຍຫຼັງພະຍຸເຂດຮ້ອນໂພດູພັດກະໜ່ຳໃນທ້າຍອາທິດຜ່ານມາ, ເຮັດໃຫ້ມີຜູ້ເສຍຊີວິດໜຶ່ງຄົນ ແລະ ສ້າງຄວາມເສຍຫາຍຢ່າງກວ້າງຂວາງຕໍ່ພື້ນທີ່ໄຮ່ນາ.ໄພນ້ຳຖ້ວມໄດ້ເກີດຂຶ້ນໃນຫຼາຍພາກຂອງປະເທດລາວ ພາຍຫຼັງກົມອຸຕຸນິຍົມວິທະນາ ແລະ ອຸທຸກະສາດ ພາຍໃຕ້ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ແຈ້ງເຕືອນ 15​ ແຂວງໃຫ້ເຝົ້າລະວັງຝົນຕົກໜັກ ແລະ ລົມພັດແຮງ ເນື່ອງຈາກຜົນຂອງພະຍຸດັ່ງກ່າວແຕ່ວັນທີ 29 ສິງຫາ ເຖິງ 1 ກັນຍານີ້.ອ່ານຕໍ່ ...