News

ວຽງຈັນ (ວຽງຈັນທາມສ໌/ANN) – ລັດຖະບານ ໄດ້ອອກດຳລັດນາຍົກລັດຖະມົນຕີກ່ຽວກັບການຈັດຕັ້ງກອງທຶນ ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SME), ເຊິ່ງຄາດວ່າການແຊກແຊງດັ່ງກ່າວ ຈະຊ່ວຍສົ່ງເສີມການເຂົ້າເຖິງແຫຼ່ງທຶນຂອງຫົວໜ່ວຍທຸລະກິດ.ໃນວັນທີ 4 ກັນຍານີ້ ທ່ານ ທອງລຸນ ສີສຸລິດ ນາຍົກລັດຖະທົນຕີ ໄດ້ລົງນາມຮັບຮອງເອົາດຳລັດວ່າດ້ວຍກອງທຶນສົ່ງເສີມ SME ເພື່ອເພີ່ມທະວີກົງຈັກນິຕິບັນຍັດ ໃນການສະໜັບສະໜູນການຈັດຕັ້ງ ແລະ ການດຳເນີນການຂອງຫົວໜ່ວຍທຸລະກິດ ເພື່ອຂົນຂວາຍການອັດສິດແຫຼ່ງທຶນສຳລັບທຸລະກິດຂະໜາດນ້ອຍ ແລະ ຂະໜາດກາງ.ອີງຕາມດຳລັດທີ່ເຜີຍແຜ່ຜ່ານທາງເວັບໄຊຈົດໝາຍເຫດແຫ່ງຊາດລາວ ເຊິ່ງເປັນໜຶ່ງໃນຊ່ອງທາງຂອງລັດຖະບານ ໃນການເຜີຍແຜ່ແຜນນະໂຍບາຍ, ລະບຽບການ ແລະ ກົດໝາຍຕ່າງໆ, ກອງທຶນ SME ຈະເປັນອົງການຈັດຕັ້ງໜຶ່ງຂອງລັດທີ່ຂຶ້ນກັບກະຊວງອຸດສາຫະກຳ ແລະ ການຄ້າ.ອ່ານຕໍ່ ...

ກອງປະຊຸມສື່ມວນຊົນໄດ້ຈັດຂຶ້ນໃນວັນສຸກແລ້ວນີ້ ທີ່ຕະຫຼາດເຊົ້າ ນະຄອນຫຼວງວຽງຈັນ ເພື່ອຖະແຫຼງຂ່າວກ່ຽວກັບອະນາຄົດຂອງສູນການຄ້າຄົບວົງຈອນ, ເຊິ່ງປະສົບກັບສະພາບຄວາມບໍ່ແນ່ນອນໃນຊຸມປີຜ່ານມາ.ກອງປະຊຸມຕໍ່ສື່ມວນຊົນດັ່ງກ່າວແມ່ນນຳໂດຍທ່ານ ອາດສະພັງທອງ ສີພັນດອນ ຮອງເຈົ້າຄອງນະຄອນຫຼວງວຽງຈັນ, ທ່ານ ຊາຍຄຳ ອຸ່ນມີໄຊ ຮອງປະທານອົງການກວດສອບ ແລະ ຕ້ານການສໍ້ລາດບັງຫຼວງແຫ່ງລັດ, ທ່ານ ຄຳໝົ່ນ ບົວພັນ ຮອງຫົວໜ້າພະແນກການເງິນນະຄອນຫຼວງວຽງຈັນ, ກໍຄືກົມກອງທີ່ກ່ຽວຂ້ອງທັງພາກລັດ ແລະ ເອກະຊົນ.ອ່ານຕໍ່ ...

ດ່ານພາສີສາກົນປາກຊັນ ແຂວງບໍລິຄຳໄຊ ບໍ່ສາມາດບັນລຸເປົ້າໝາຍໃນການເກັບກຳລາຍຮັບ ໃນຊ່ວງເດືອນມັງກອນເຖິງສິງຫາປີນີ້ ທ່າມກາງການຫຼຸດລົງຂອງປະລິມານການນຳເຂົ້າສິນຄ້າ.ດ່ານຊາຍແດນປາກຊັນ ເຊິ່ງເຊື່ອມຕໍ່ປະເທດໄທ, ຫວຽດນາມ ແລະ ລາວ ຜ່ານທາງຖະໜົນ, ເປັນໜຶ່ງໃນຊ່ອງທາງເຊື່ອມຕໍ່ທາງດ້ານເສດຖະກິດ ແລະ ການບໍລິການ, ອຳນວຍຄວາມສະດວກທາງການຄ້າ, ການລົງທຶນ ແລະ ການທ່ອງທ່ຽວ, ແລະ ປະກອບສ່ວນໃນການເກັບກຳລາຍຮັບແຫ່ງຊາດ.ດ່ານພາສີດັ່ງກ່າວສາມາດເກັບກຳລາຍຮັບໄດ້ພຽງ 132 ພັນຕື້ກີບ (USD 14.9 ຕື້ໂດລາ) ໃນຊ່ວງແປດເດືອນຕົ້ນປີນີ້, ເຊິ່ງທຽບເທົ່າກັບ 43.81 ເປີເຊັນຂອງເປົ້າໝາຍທີ່ຕັ້ງໄວ້ຄື 302 ພັນຕື້ກີບ. ໃນຊ່ວງດຽວກັນຂອງປີຜ່ານມາ ດ່ານພາສີດັ່ງກ່າວສາມາດບັນລຸການເກັບກຳໄດ້ 57.68 ເປີເຊັນຂອງລະດັບຄາດໝາຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ພະແນກປະຕິບັດການທະນາຄານ ພາຍໃຕ້ທະນາຄານແຫ່ງ ສປປ ລາວ (BOL) ໄດ້ຕົກລົງໃຫ້ທະນາຄານການຄ້າ 10 ແຫ່ງຂົນຂວາຍທຶນກູ້ຢືມ US$300 ລ້ານໂດລາຈາກທະນາຄານພັດທະນາຈີນ (CDB) ເພື່ອສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ (SMEs) ໃນລາວ.ບົດບັນທຶກຄວາມເຂົ້າໃຈສຳລັບໂຄງການດັ່ງກ່າວ ໄດ້ມີການລົງນາມທີ່ນະຄອນວຽງຈັນລະຫວ່າງກົມ ກັບທະນາຄານການຄ້າຕ່າງປະເທດລາວ (BCEL), ທະນາຄານພັດທະນາລາວ (LDB), ທະນາຄານສົ່ງເສີມກະສິກຳ (APB), ທະນາຄານມາຣູຮັນ ປະເທດຍີ່ປຸ່ນ ຈຳກັດ, ທະນາຄານຮ່ວມພັດທະນາ (JDB), ທະນາຄານລາວ-ຈີນ ຈຳກັດ, ທະນາຄານລາວ-ຫວຽດ ຈຳກັດ, ທະນາຄານເອັສ໌ທີ ຈຳກັດ, ທະນາຄານຮ່ວມຫຸ້ນການຄ້າກອງທັບ-ສາຂາລາວ ແລະ ທະນາຄານໄຊງ່ອນທຸງຕິນ ລາວຈຳກັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນພັກຄັອມມູນິດຣັດເຊຍ (KR) ນຳໂດຍທ່ານ ມາກຊິມ ຊູໄຣກິນ ປະທານຄະນະກຳມະການສູນກາງພັກ KR ແລະ ຮອງປະທານສະພານິຕິບັນຍັດ Ulyanovsk Oblast ເດີນທາງຢ້ຽມຢາມປະເທດລາວ ຕາມຄຳເຊີນຂອງພັກປະຊາຊົນປະຕິວັດລາວ (ພປປ ລາວ).ວານນີ້ ຄະນະຜູ້ແທນຣັດເຊຍໄດ້ເຂົ້າຢ້ຽມຄຳນັບທ່ານ ພັນຄຳ ວິພາວັນ ສະມາຊິກຄະນະເລຂາທິການປະຈຳ ພປປ ລາວ ແລະ ຮອງປະທານປະເທດແຫ່ງ ສປປ ລາວ ແລະ ພົບປະກັບທ່ານ ຮສ.ປອ ກິແກ້ວ ໄຂຄຳພິທູນ ສະມາຊິກຄະນະເລຂາທິການປະຈຳ ພປປ ລາວ ແລະ ຫົວໜ້າຄະນະໂຄສະນາ ແລະ ຝຶກອົບຮົມ ຄະນະກຳມະການສູນກາງພັກ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານລາວ ແລະ ກຳປູເຈຍ ໄດ້ລົງນາມໃນຖະແຫຼງການຮ່ວມ, ເຊິ່ງເປັນຂີດໝາຍແຫ່ງການເລີ່ມຕົ້ນຍຸກສະໄໝໃໝ່ໃນການພົວພັນ ແລະ ຮ່ວມມືລະຫວ່າງສອງຊາດເພື່ອນບ້ານ.ທ່ານ ທອງລຸນ ສີສຸລິດ ນາຍົກລັດຖະມົນຕີລາວ ແລະ ທ່ານ ຮຸນ ເຊັນ ນາຍົກລັດຖະມົນຕີກຳປູເຈຍ ໄດ້ລົງນາມໃນຖະແຫຼງການ ສະບັບວັນທີ 12 ກັນຍານີ້ ທີ່ນະຄອນພະນົມເປັນ ຂອງກຳປູເຈຍ, ເຊິ່ງກຳນົດທິດທາງໃນການຮ່ວມມືພາຄີຊຸດໃໝ່ ທີ່ສອງຊາດມີແຜນຈັດຕັ້ງປະຕິບັດໃນຊຸມປີຕໍ່ໜ້າ.ຕາມການເປີດເຜີຍຂອງກະຊວງການຕ່າງປະເທດໃນວັນທີ 16 ກັນຍານີ້, ໜຶ່ງໃນການລິເລີ່ມທີ່ສຳຄັນກໍຄື ລັດຖະບານລາວ ແລະ ກຳປູເຈຍໄດ້ຕົກລົງຍົກລະດັບສາຍພົວພັນສອງຝ່າຍໃຫ້ເປັນການຮ່ວມມືຍຸດທະສາດທີ່ເລິກເຊິ່ງ ແລະ ລະອິດລະອ້ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ສະຫະພາບຢູໂຣບ (ອີຢູ) ຈະສືບຕໍ່ໃຫ້ທຶນຊ່ວຍເຫຼືອເພີ່ມເຕີມ 135 ລ້ານກວ່າກີບ (14 ລ້ານຢູໂຣ) ສຳລັບໂຄງການສົ່ງເສີມການສຶກສາຂັ້ນພື້ນຖານໃນລາວ ເພື່ອຊ່ວຍເຫຼືອລາວໃນການປະຕິບັດແຜນພັດທະນາການສຶກສາ.ນີ້ແມ່ນຄຳເຫັນຈາກການຢ້ຽມຢາມກະຊວງສຶກສາທິການ ແລະ ກິລາຂອງຄະນະຜູ້ແທນ ອີຢູ ເຊິ່ງນຳໂດຍທ່ານ ປີແອ ອາມີຮັດ ອຳນວຍການປະຈຳພາກພື້ນອາຊີ, ອາຊີກາງ, ຕາເວັກອອກກາງ/ອ່າວ ແລະ ປາຊິຟິກ.ການພົບປະລະຫວ່າງຝ່າຍລາວ ແລະ ອີຢູດັ່ງກ່າວ ແມ່ນເພື່ອຢືນຢັນການຮ່ວມມື ໃນການສະໜັບສະໜູນການພັດທະນາຂະແໜງການສຶກສາໃນລາວ. ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ທຸລະກິດຂະໜາດນ້ອຍ ແລະ ຂະໜາດກາງ (SMEs) ຂອງລາວຕ້ອງເພີ່ມທະວີຄວາມສາມາດໃນການຜະລິດສິນຄ້າທີ່ສ້າງຄວາມປະທັບໃຈສຳລັບຕະຫຼາດຕ່າງປະເທດ ຍ້ອນວ່າມັນເປັນທາງດຽວທີ່ສາມາດເຮັດໄດ້, ຕາມເຈົ້າໜ້າທີ່ສູນການຄ້າສາກົນ (ITC).“ລາວບໍ່ສາມາດຜະລິດສິນຄ້າໃນປະລິມານຫຼາຍໃນລາຄາທີ່ຕ່ຳ. ສະນັ້ນ ນີ້ຈຶ່ງບໍ່ແມ່ນທາງເລືອກສຳລັບປະເທດລາວ. ລາວຕ້ອງຜະລິດສິນຄ້າປະລິມານໜ້ອຍໃນລາຄາທີ່ສູງ.” ທ່ານນາງ ອາຣັນຊາ ກອນຊາເລັສ໌ ອຳນວຍການສູນ ITC ກ່າວໃນການສຳພາດກັບສຳນັກຂ່າວວຽງຈັນທາມສ໌ໃນວັນທີ 9 ກັນຍາຜ່ານມານີ້.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ບໍລິສັດສົ່ງເສີມກະສິກຳໃນລາວຫຼາຍແຫ່ງໄດ້ຈຳກັດປະລິມານການສົ່ງອອກເຂົ້າສານ ເນື່ອງຈາກຄວາມຂາດແຄນດ້ານການສະໜອງພາຍໃນປະເທດ ທ່າມກາງຄວາມຕ້ອງການທີ່ສູງຈາກຕ່າງປະເທດ.ລາຄາເຂົ້າທີ່ເພີ່ມສູງຂຶ້ນ ແລະ ຜົນກະທົບຈາກໄພນ້ຳຖ້ວມໃນປະເທດໃນລະດູຝົນນີ້ ແມ່ນສາເຫດຕົ້ນຕໍທີ່ຊາວກະສິກອນເກັບສຳຮອງເຂົ້າສານໄວ້ເພື່ອບໍລິໂພກເອງ, ຕາມການເປີດເຜີຍຂອງຂະແໜງອຸດສາຫະກຳ ແລະ ການຄ້າ.ໃນໄລຍະຜ່ານມາ ລາວໄດ້ສົ່ງອອກເຂົ້າສານພຽງແຕ່ 1,350 ໂຕນໄປປະເທດຈີນ ໃນຈຳນວນໂກຕາການສົ່ງອອກທັງໝົດ 50,000 ໂຕນຕາມຂໍ້ຕົກລົງລະຫວ່າງລັດຖະບານລາວ ແລະ ບໍລິສັດທັນຍະພືດ, ນ້ຳມັນ ແລະ ສະບຽງອາຫານແຫ່ງຊາດຈີນ (COFCO).ອ່ານຕໍ່ ...

ລັດຖະບານລາວ ຮ່ວມກັບອົງການສິ່ງແວດລ້ອມໂລກ ແລະ ອົງການອາຫານ ແລະ ການກະເສດສະຫະປະຊາຊາດ ຈັັດຕັ້ງໂຄງການ “ກະສິກຳທາງເລືອກທີ່ສາມາດປັບຕໍ່ສະພາບອາກາດ ສຳລັບລະບົບການຜະລິດເຂດພູດອຍ ໃນ ສປປ ລາວ.”ຈຸດປະສົງຕົ້ນຕໍຂອງໂຄງການ ແມ່ນເພື່ອເສີມຂະຫຍາຍຄວາມສາມາດໃນການຮອງຮັບ ຂອງຊຸມຊົນເຂດພູດອຍ ທີ່ອ່ອນໄຫວຕໍ່ຜົນຈາກການປ່ຽນແປງຂອງສະພາບອາກາດ ໃນລະບົບການຜະລິດເຂດພູດອຍ.ອ່ານຕໍ່ ...