News

ໃນວັນອັງຄານນີ້ ກຸ່ມພັນທະມິດອົງການທີ່ບໍ່ຂຶ້ນກັບລັດຖະບານ ໄດ້ອອກມາຮຽກຮ້ອງໃຫ້ຍົກເລີກໂຄງການກໍ່ສ້າງເຂື່ອນຂະໜາດໃຫຍ່ແຫ່ງທີຫ້າໃນສາຍແມ່ນ້ຳຂອງຢູ່ລາວ, ໂດຍກ່າວອ້າງເຖິງຜົນເສຍຫາຍອັນໃຫຍ່ຫຼວງຂອງເຂື່ອນທີ່ມີໃນປະຈຸບັນ ຕໍ່ຄວາມສາມາດຂອງພາກພື້ນໃນການຮັບມືກັບວິກິດການທາງສິ່ງແວດລ້ອມ. ການກໍ່ສ້າງເຂື່ອນຢູ່ຫຼວງພະບາງນີ້ ຍິ່ງຈະເພີ່ມທະວີຄວາມຮ້າຍແຮງຂອງຜົນກະທົບຈາກການປ່ຽນແປງຂອງສະພາບອາກາດ ທີ່ກຳລັງສົ່ງຜົນຕໍ່ພາກພື້ນໃນປີນີ້, ກຸ່ມອະນຸລັກແມ່ນ້ຳຂອງ ກ່າວເປີດເຜີຍໃນບົດຂ່າວຕໍ່ສື່ມວນຊົນ.ອ່ານຕໍ່ ...

ຫວຽດເທວ ບໍລິສັດໂທລະຄົມຍັກໃຫຍ່ ຈະທົດສອບການນຳໃຊ້ເຄືອຂ່າຍ 5G ໃນລາວໃນໄຕມາດທີ່ສີ່ນີ້ ເຊັ່ນດຽວກັບຢູ່ປະເທດກຳປູເຈຍ ແລະ ມຽນມາ.ບໍລິສັດຢູນິເທວ ເຊິ່ງເປັນເຄືອຂ່າຍບໍລິສັດດັ່ງກ່າວໃນລາວ ຈະເປັນຜູ້ປະກອບການເຄືອຂ່າຍລາຍທຳອິດໃນລາວ ທີ່ໃຫ້ບໍລິການ 5G, ຕາມບົດຂ່າວຂອງບໍລິສັດ ຫວຽດເທວ ໃນວັນອັງຄານນີ້.ຢູນິເທວ ໄດ້ໃຫ້ບໍລິການໃນລາວມາເປັນເວລາ 13 ປີແລ້ວ ແລະ ປະຈຸບັນກໍເປັນຜູ້ປະກອບການເຄືອຂ່າຍໂທລະສັບທີ່ໃຫຍ່ທີ່ສຸດໃນປະເທດ ເຊິ່ງມີຜູ້ນຳໃຊ້ 3 ລ້ານກວ່າຄົນ, ກວມ 56 ສ່ວນຮ້ອຍຂອງຕະຫຼາດໂທລະຄົມທົ່ວປະເທດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ທະນາຄານການຄ້າຕ່າງປະເທດລາວ ມະຫາຊົນ (BCEL) ແລະ ບໍລິສັດ ອີວີລາວ ຈຳກັດ ຈະຮ່ວມມືກັນໃນການຜະລິດບັດສະມາດຄາດ ສຳລັບຈ່າຍຄ່າບໍລິການສາກລົດໄຟຟ້າ.ບົດບັນທຶກຄວາມເຂົ້າໃຈກ່ຽວກັບໂຄງການດັ່ງກ່າວ ໄດ້ມີການລົງນາມທີ່ວຽງຈັນ ໃນອາທິດແລ້ວນີ້ ໂດຍທ່ານ ພູໂຂງ ຈັນທະຈັກ ອຳນວຍການບໍລິຫານຂອງທະນາຄານ ແລະ ທ່ານ ບຸນເລີດ ເລືອງປຼະເສີດ ປະທານບໍລິສັດ ອີວີລາວ ຈຳກັດ, ພາຍໃຕ້ການເຂົ້າຮ່ວມຂອງພະນັກງານຈາກທະນະຄານ ແລະ ບໍລິສັດດັ່ງກ່າວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໂຄງການເຂື່ອນໄຟຟ້ານ້ຳອູ ໄລຍະທີສອງ ເຊິ່ງລວມມີເຂື່ອນໝາຍເລກ 1, 3, 4 ແລະ 7, ຄາດວ່າຈະເລີ່ມການປະຕິບັດການພາຍໃນທ້າຍປີນີ້.ຄະນະກຳມະການກວດສອບໂຄງການ, ພາຍໃຕ້ການມີສ່ວນຮ່ວມຂອງຂະແໜງການຂັ້ນສູນກາງ ແລະ ທ້ອງຖິ່ນ ແລະ ເຈົ້າຂອງໂຄງການ, ໄດ້ຮ່ວມປະຊຸມຢູ່ແຂວງຫຼວງພະບາງ ໃນວັນຈັນນີ້ ເພື່ອລາຍງານຄວາມຄືບໜ້າຂອງໂຄງການ ແລະ ຫາລືວິທີການໃນການແກ້ໄຂບັນຫາທາງສັງຄົມ ແລະ ສິ່ງແວດລ້ອມ.ການກໍ່ສ້າງໂຮງງານໄຟຟ້ານ້ຳອູ 1 ແມ່ນສຳເລັດແລ້ວ 71 ສ່ວນຮ້ອຍ, ໃນຂະນະທີ່ເຂື່ອນນ້ຳອູ 3 ແມ່ນສຳເລັດແລ້ວ 60 ສ່ວນຮ້ອຍ, ແລະ ເຂື່ອນໝາຍເລກ 4 ແລະ 7 ແມ່ນສຳເລັດແລ້ວ 72 ສ່ວນຮ້ອຍ, ຕາມການລາຍງານຂອງກົມຄຸ້ມຄອງທຸລະກິດດ້ານພະລັງງານ ຂອງກະຊວງພະລັງງານ ແລະ ບໍ່ແຮ່.ອ່ານຕໍ່ ...

ທ່ານ ອາລຸນແກ້ວ ກິດຕິຄຸນ ລັດຖະມົນຕີປະຈຳສຳນັກງານນາຍົກລັດຖະມົນຕີ ແລະ ຮອງປະທານຄະນະກຳມະການເພື່ອການພັດທະນາແມ່ຍິງ, ແມ່ ແລະ ເດັກ,​ແລະ ທ່ານ ໂຣຊິນ ກາບຼຽວ ອຳນວຍການອົງການສຸພະນິມິດປະຈຳລາວ ໄດ້ລົງຢ້ຽມຢາມ ໂຄງການຕ່າງໆຂອງອົງການສຸພະນິມິດ ຢູ່ແຂວງສະຫວັນນະເຂດ ໃນອາທິດແລ້ວນີ້.ໂຄງການດັ່ງກ່າວແມ່ນແນໃສ່ວຽກງານການສຶກສາ, ໂພຊະນາການ, ນ້ຳ ແລະ ສຸຂາພິບານ, ຊີວິດການເປັນຢູ່, ແລະ ການປົກປ້ອງ ແລະ ການມີສ່ວນຮ່ວມຂອງເດັກ.ອ່ານຕໍ່ ...

ລັດຖະບານຍີ່ປຸ່ນ ໄດ້ຕົກລົງມອບອຸປະກອນໃຫ້ແກ່ລາວ ເພື່ອຊ່ວຍເຫຼືອໃນການສ້າງຄວາມສາມາດດ້ານການກະກຽມ, ຈັດການ ແລະ ຮັບມືກັບໄພພິບັດທາງທຳມະຊາດ, ຕາມການເປີດເຜີຍຂອງກະຊວງການຕ່າງປະເທດ.ກົມການຂ່າວຂອງກະຊວງໄດ້ຖະແຫຼງໃນມື້ວານນີ້ວ່າ ທ່ານ ເຄນຈິ ວາຄາມິຢະ ລັດຖະມົນຕີກະຊວງການຕ່າງປະເທດຂອງຍີ່ປຸ່ນ ໄດ້ຢືນຢັນການຊ່ວຍເຫຼືອທີ່ບໍ່ກ່ຽວກັບໂຄງການຂອງລັດຖະບານຍີ່ປຸ່ນສຳລັບປະເທດລາວ ໃນລະຫວ່າງການຈັດກອງປະຊຸມພາຄີກັບກະຊວງການຕ່າງປະເທດລາວລາວ ນຳໂດຍທ່ານ ທອງພັນ ສະຫວັນເພັດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຂະແໜງການລັດ ແລະ ເອກະຊົນຈະຮ່ວມມືກັນໃນການຈັດການກັບບັນຫາທີ່ເປັນອຸປະສັກຕໍ່ຂະແໜງການທ່ອງທ່ຽວ ເຊິ່ງເປັນສ່ວນໜຶ່ງຂອງພາລະກິດລັດຖະບານ ໃນການສົ່ງເສີມການປະກອບສ່ວນຂອງຂະແໜງການບໍລິການໃນການພັດທະນາເສດຖະກິດ.ໃນວັນສຸກແລ້ວນີ້ ສະພາການຄ້າ ແລະ ອຸດສາຫະກຳແຫ່ງຊາດລາວ (LNCCI) ໄດ້ຈັດກອງປະຊຸມພິເສດ ເພື່ອຄົ້ນຄວ້າຫາລື ກ່ຽວກັບວິທີການໃນການສົ່ງເສີມອຸດສະຫະກຳການທ່ອງທ່ຽວ.ປະທານຮ່ວມໃນກອງປະຊຸມປຶກສາຫາລືກ່ຽວກັບການທ່ອງທ່ຽວດັ່ງກ່າວ ມີທ່ານ ສະຫວັນກອນ ຣາຊມຸນຕຼີ ຮອງລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ແລະ ທ່ານ ດາວວອນ ພະຈັນທະວົງ ຮອງປະທານບໍລິຫານ LNCCI, ພາຍໃຕ້ການເຂົ້າຮ່ວມຂອງຂະແໜງການລັດ ແລະ ເອກະຊົນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ເຂດເສດຖະກິດພິເສດ ສະຫວັນ-ເຊໂນ ປະຕິບັດໜ້າທີ່ໄດ້ດີ, ສາມາດສ້າງຊື່ສຽງທີ່ດີໃຫ້ແກ່ເຂດ ແລະ ປະເທດຊາດ ແລະ ສາມາດດຶງດູດຄວາມສົນໃຈຂອງນັກລົງທຶນຕ່າງປະເທດໄດ້ດີ, ທ່ານ ປອ ສອນໄຊ ສີພັນດອນ ກ່າວຫວ່າງໝໍ່ໆມານີ້.ທ່ານ ສອນໄຊ ໄດ້ໃຫ້ຄຳເຫັນດັ່ງກ່າວໃນລະຫວ່າງການຢ້ຽມຢາມເຂດເສດຖະກິດພິເສດ ສະຫວັນ- ເຊໂນ ເຂດ C – ນິຄົມອຸດສາຫະກຳສະຫວັນ ແລະ ທ່າເຮືອບົກສະຫວັນນະເຂດ ໃນວັນທີ 3 ຕຸລານີ້. ເຂດດັ່ງກ່າວ ແມ່ນຕັ້ງຢູ່ໃຈກອງຂອງ ເສັ້ນທາງເສດຖະກິດ ຕາເວັນອອກ-ຕາເວັນຕົກ ແລະ ເປັນຈຸດເຊື່ອມຕໍ່ທີ່ດີທີ່ສຸດຂອງພາກພື້ນອາຊຽນ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກອງປະຊຸມສະຖາບັນກວດສອບຂັ້ນສູງສາກົນ ຄັ້ງທີ XXIII (XXIII INCOSAI) ທີ່ປະເທດລັດເຊຍ ຫວ່າງໝໍ່ໆມານີ້ ມີຜູ້ເຂົ້າຮ່ວມທັງໝົດ 600 ກວ່າຄົນຈາກ 168 ສະຖາບັນ ເຊິ່ງເປັນສະມາຊິກຂອງອົງການສະຖາບັນກວດສອບຂັ້ນສູງສາກົນ (INTOSAI).ຄະນະຜູ້ແທນລາວທີ່ເດີນທາງເຂົ້າຮ່ວມໃນກອງປະຊຸມດັ່ງກ່າວ ນຳໂດຍທ່ານ ປອ. ວຽງທອງ ສີພັນດອນ ປະທານອົງການກວດສອບແຫ່ງລັດ.ອ່ານຕໍ່ ...

(ຂປລ) ທະນາຄານ RHB ລາວ ໄດ້ບໍລິຈາກໂຕະ, ຕັ່ງຈຳນວນ 20 ຊຸດ ມູນຄ່າ 12 ລ້ານກີບ ໃຫ້ແກ່ໂຮງຮຽນມັດທະຍົມເພຍວັດ ນະຄອນຫຼວງວຽງຈັນ ໃນວັນທີ 5 ຕຸລານີ້.ພິທີມອບອຸປະກອນດັ່ງກ່າວໄດ້ຈັດຂຶ້ນທີ່ໂຮງຮຽນດັ່ງກ່າວ ລະຫວ່າງທ່ານ ແດນນີ ຫຼິງ ຜູ້ອຳນວຍການທະນາຄານ RHB  ລາວ ແລະ ທ່ານ ຄຳວອນ ສໍຫຼວງໂຄງ ອຳນວຍການໂຮງຮຽນເພຍວັດ ພາຍໃຕ້ການຊ້ອງໜ້າຂອງຄູອາຈານ, ນັກຮຽນ ແລະ ພະນັກງານຈາກທະນາຄານ. ອ່ານຕໍ່ ...