News

ວຽງຈັນ (ວຽງຈັນທາມສ໌/ANN) – ກະຊວງແຜນການ ແລະ ການລົງທຶນ ສືບຕໍ່ຄວາມພະຍາຍາມໃນການເສີມຂະຫຍາຍການຮ່ວມມື ເພື່ອຮັບມືກັບສິ່ງທ້າທາຍຕ່າງໆໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດຂອງລັດຖະບານເຖິງປີ 2020.ຕາງໜ້າຈາກກະຊວງ ແລະ ອຳນາດການປົກຄອງທີ່ກ່ຽວຂ້ອງ ໄດ້ປະຊຸມທີ່ນະຄອນຫຼວງວຽງຈັນໃນວັນພະຫັດແລ້ວນີ້ ເພື່ອທົບທວນການຈັດຕັ້ງປະຕິບັດ ຕົວຊີ້ວັດດ້ານການພັດທະນາ ສຳລັບແຜນພັດທະນາເສດຖະກິດ-ສັງຄົມແຫ່ງຊາດ ສົກປີ 2018-2019 ທີ່ຜ່ານການອະນຸມັດໂດຍສະພາແຫ່ງຊາດ ໃນວັນທີ 28 ພະຈິກ 2018.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວໄດ້ທຳການເຜົາທຳລາຍຢາເສບຕິດຈຳນວນ 700 ກວ່າກິໂລທີ່ຍຶດໄດ້ໂດຍເຈົ້າໜ້າທີ່ຕຳຫຼວດ ເນື່ອງໃນວັນຕ້ານນຳໃຊ້ ແລະ ການຄ້າຢາເສບຕິດແຫ່ງຊາດ ວັນທີ 12 ຕຸລານີ້, ທີ່ບ້ານດົງໝາກຄາຍ, ເມືອງໄຊທານີ,​ ນະຄອນຫຼງວຽງຈັນ.ໃນນັ້ນ ມີຢາບ້າ 385.94 ກິໂລ, ກັນຊາແຫ້ງ 8 ກິໂລ, ຢາໄອ 37 ກິໂລ, ສານເຄມີສຳລັບຜະລິດຢາບ້າ 67 ກິໂລ, ແລະ ຢາເສບຕິດປະເພດອື່ນໆ ລວມນ້ຳໜັກ 741 ກິໂລ.ອ່ານຕໍ່ ...

ພາຍໃຕ້ແຜນການຂະຫຍາຍຕາຂ່າຍໄຟຟ້າລະຫວ່າງຊາຍແດນໃນພາກພື້ນ, ປະເທດລາວພວມເລັ່ງໃສ່ການຂະຫຍາຍການສົ່ງອອກໄຟຟ້າຈາກເຂື່ອນ ເພື່ອສ້າງລາຍຮັບເຂົ້າປະເທດ. ແຕ່ວ່າຂໍ້ຕົກລົງຫຼ້າສຸດໃນການຂາຍໄຟຟ້າພະລັງຖ່ານຫີນຈາກລາວໃຫ້ແກ່ກຳປູເຈຍ ໄດ້ສ້າງຄວາມກັງວົນທາງດ້ານສິ່ງແວດລ້ອມຕໍ່ກັບການຄ້າຂາຍດັ່ງກ່າວ.ໃນເດືອນທີ່ຜ່ານມາ, ລັດວິສາຫະກິດໄຟຟ້າແຫ່ງປະເທດກຳປູເຈຍ ໄດ້ລົງນາມໃນຂໍ້ຕົກລົງຮັບຊື້ໄຟຟ້າພະລັງຖ່ານຫີນໄລຍະ 30 ປີ ຈາກສອງບໍລິສັດ ເຊິ່ງມີກຳລັງໄຟຟ້າລວມ 2,400 ເມກາວັດ ຢູ່ແຂວງເຊກອງຂອງລາວ.ສອງບໍລິສັດດັ່ງກ່າວໄດ້ແກ່ – ບໍລິສັດພະລັງງານຄວາມຮ້ອນແຂວງເຊກອງ ຈຳກັດ ແລະ ບໍລິສັດພະລັງງານ ແລະ ບໍ່ແຮ່ TSBP ເຊກອງຈຳກັດ – ຈະເລີ່ມສະໜອງພະລັງງານໄຟຟ້າຕັ້ງແຕ່ປີ 2024 ເປັນຕົ້ນໄປ.ປະເທດກຳປູເຈຍ ຕ້ອງການຮັກສາທ່າແຮງໃນຖານະເປັນໜຶ່ງໃນປະເທດທີ່ມີເສດຖະກິດຂະຫຍາຍຕົວສູງທີ່ສຸດໃນພາກພື້ນອາຊຽນ, ລວມທັງເປັນປະເທດທີ່ມີອັດຕາຄ່າໄຟຟ້າສູງທີ່ສຸດໃນພາກພື້ນ.ອ່ານຕໍ່ ...

ພະແນກກະສິກຳ ແລະ ປ່າໄມ້ ແຂວງອຸດົມໄຊ ໄດ້ອອກແຈ້ງການວ່າ ອຳນາດການປົກຄອງໄດ້ກວດພົບເຊື້ອໄວຣັສ໌ໄຂ້ຫວັດສັດປີກ ສາຍພັນ H5N6  ໃນເປັດທີ່ວາງຂາຍໃນຕະຫຼາດແຫ່ງໜຶ່ງຂອງເມືອງໄຊ.ໃນວັນທີ 8 ຕຸລານີ້ ທີມງານກົມລ້ຽງສດ ແລະ ການປະມົງ ຮ່ວມກັບເຈົ້າໜ້າທີ່ເມືອງໄຊ ໄດ້ເກັບຕົວຢ່າງເປັດ ແລະ ໄກ່ຈຳນວນ 61 ຕົວຢ່າງ ຈາກຕະຫຼາດບ້ານຕິນ ເມືອງໄຊ. ຈາກການທົດສອບໃນຫ້ອງວິໄຈ ຢັ້ງຢືນວ່າພົບເຊື້ອໄວຣັສ໌ H5N6. ເຈົ້າໜ້າທີ່ລາຍງານວ່າ ມີເປັດໄກ່ປະມານ 300-400 ໂຕ ທີ່ມາຈາກປະເທດເພື່ອນບ້ານ ແລະ ນຳເຂົ້າຜ່ານດ່ານສາກົນແຂວງງບໍ່ແກ້ວ, ກ່ອນຈະມີການຈັດສົ່ງມາຈຳໜ່າຍໃນຕະຫຼາດແຂວງອຸດົມໄຊດັ່ງກ່າວ.ອ່ານຕໍ່ ...

(ຂປລ) ໃນວັນພະຫັດນີ້ ຕະຫຼາດຫຼັກຊັບລາວໄດ້ເປີດການຊື້ຂາຍຫຸ້ນບໍລິສັດລາວອາຊຽນເຊົ່າສິນເຊື່ອ (ລານໂກ) ເຊິ່ງເປັນບໍລິສັດລາຍທີ 11 ທີ່ຈົດທະບຽນໃນຕະຫຼາດຫຼັກຊັບລາວ.ໃນມື້ເປີດໂຕ ລາຄາຊື້ຂາຍຫຸ້ນດັ່ງກ່າວແມ່ນຢູ່ທີ່ 3,000 ກີບຕໍ່ຫຸ້ນ, ປັບໂຕເພີ່ມຂຶ້ນຈາກລາຄາ 2,700 ກີບໃນມື້ເປີດຈອງໃນຕົ້ນເດືອນນີ້.ອ່ານຕໍ່ ...

ຄະນະເລຂາທິການດ້ານຄວາມປອດໄພບົນທ້ອງຖະໜົນແຫ່ງຊາດ ແລະ ພາກສ່ວນກ່ຽວຂ້ອງ ໄດ້ປະຊຸມຢູ່ນະຄອນຫຼວງວຽງຈັນ ໃນວັນພະຫັດນີ້ ເພື່ອທົບທວນວຽກງານການປັບປຸງຄວາມປອດໄພບົນທ້ອງຖະໜົນ ໃນໄລຍະຫ້າປີຜ່ານມາ.ຜູ້ເຂົ້າຮ່ວມຍັງໄດ້ມີການຫາລືພາລະກິດຮ່ວມໃນຕໍ່ໜ້າ ເພື່ອແນໃສ່ລວມພະລັງກັນຫຼຸດຜ່ອນຈຳນວນອຸບັດຕິເຫດ ແລະ ໄພອັນຕະລາຍຕາມທ້ອງຖະໜົນ.ອ່ານຕໍ່ ...

ເຈົ້າໜ້າທີ່ວິຊາການ ຈາກກະຊວງກະສິກຳ ແລະ ປ່າໄມ້ຂອງລາວ ແລະ ກະຊວງກະສິກຳ, ອາຫານ ແລະ ຊົນນະບົດ ຂອງສາທາລະນະລັດເກົາຫຼີ ໄດ້ສຳເລັດການກວດສອບຄຸນນະພາບຂອງອ່າງເກັບນ້ຳຊົນລະປະທານ ຢູ່ເມືອງສັງທອງ ແຂວງວຽງຈັນ ໃນວັນພຸດຜ່ານມານີ້.ການຮັບຮອງອ່າງເກັບນ້ຳດັ່ງກ່າວ ເຊິ່ງຕັ້ງຢູ່ບ້ານນາຈະເລີນ ແມ່ນຂັ້ນຕອນສຸດທ້າຍຂອງໂຄງການກໍ່ສ້າງໄລຍະສາມປີ (2016-2019) ເຊິ່ງຈະມີພິທີມອບຮັບ ແລະ ເປີດຕົວຢ່າງເປັນທາງການໃນເດືອນໜ້ານີ້. ອ່ານຕໍ່ ...

ລັດຖະບານຍີ່ປຸ່ນໃຫ້ທຶນຊ່ວຍເຫຼືອລ້າ ມູນຄ່າ US$17.8 ລ້ານໂດລາ ເພື່ອປັບປຸງລະບົບນ້ຳປະປາຢູ່ນະຄອນຫຼວງພະບາງ, ພາຍໃຕ້ຂໍ້ຕົກລົງການຊ່ວຍເຫຼືອທີ່ໄດ້ລົງນາມທີ່ນະຄອນວຽງຈັນໃນວັນພະຫັດນີ້.ຂໍ້ຕົກລົງດັ່ງກ່າວແມ່ນຜ່ານການລົງນາມໂດຍ ທ່ານ ສີສົມບູນ ອຸນະວົງ ຫົວໜ້າກົມການຮ່ວມມືສາກົນ ກະຊວງແຜນການ ແລະ ການລົງທຶນ, ແລະ ທ່ານ ໂຢຊິຮະຣຸ ໂຢເນຢາມະ ຫົວໜ້າອົງການຮ່ວມມືສາກົນແຫ່ງປະເທດຍີ່ປຸ່ນ (JICA) ປະຈຳລາວ.ອ່ານຕໍ່ ...

ບໍລິສັດຈີນໄດ້ສ້າງກະແສຄວາມບໍ່ພໍໃຈ ໃຫ້ແກ່ນັກອະນຸລັກສັດ ໂດຍການນຳເອົາຊ້າງ 10 ໂຕ ມາຈາກພາກເໜືອຂອງປະເທດ ເພື່ອສ້າງຄວາມບັນເທິງໃຫ້ແກ່ນັກທ່ອງທ່ຽວໃນເຂດເສດຖະກິດພິເສດ ໃນນະຄອນຫຼວງວຽງຈັນ ເພື່ອສົ່ງເສີມປີທ່ອງທ່ຽວລາວ-ຈີນ 2019.ແຜນສົ່ງເສີມການທ່ອງທ່ຽວດັ່ງກ່າວ ແມ່ນເພື່ອສົ່ງເສີມການທ່ອງທ່ຽວ ແລະ ແລກປ່ຽນວັດທະນະທຳຢ່າງເປັນທາງການລະຫວ່າງສອງປະເທດ ເຊິ່ງລາວຫວັງວ່າຈະກັກຕວງຜົນປະໂຫຍດທາງເສດຖະກິດ ຜ່ານການດຶງດູດນັກທ່ອງທ່ຽວຈີນໃຫ້ເຂົ້າມາທ່ຽວປະເທດເພື່ອນບ້ານທາງພາກໃຕ້ຄືລາວ.ແຕ່ວ່ານັກອະນຸລັກສິດທິສັດພັດໃຫ້ຄຳເຫັນວ່າ ການຂົນສົ່ງຊ້າງໄລຍະໄກຈາກແຂວງໄຊຍະບູລີ ເພື່ອມາບໍລິການນັກທ່ອງທ່ຽວຈີນໃນນະຄອນຫຼວງວຽງຈັນທີ່ແອອັດ ເປັນການທາລຸນສັດໂດຍບໍ່ຈຳເປັນ.ອ່ານຕໍ່ ...

(ຂປລ) ບຸນມະໂຫລານສົ່ງເສີມການອ່ານວຽງຈັນ ຄັ້ງທີສອງ ຈະຈັດຂຶ້ນໃນລະຫວ່າງວັນທີ 19 ຫາ 27 ຕຸລານີ້ ທີ່ສູນການຄ້າວຽງຈັນເຊັນເຕີ ນະຄອນຫຼວງວຽງຈັນ ເພື່ອສົ່ງເສີມບົດບາດຂອງຄູອາຈານໃນລາວ ແລະ ລະດົມການຊ່ວຍເຫຼືອສຳລັບໂຮງຮຽນທີ່ຂາດແຄນ 500 ກວ່າແຫ່ງໃນນະຄອນຫຼວງວຽງຈັນ ທີ່ຍັງຂາດແຄນປື້ມເລື່ອງ ແລະ ອຸປະກອນການສຶກສາຕ່າງໆ.“ບຸນປຶ້ມດັ່ງກ່າວແມ່ນແນໃສ່ສົ່ງເສີມການອ່ານໃຫ້ຫຼາຍ, ເພື່ອເປີດໂອກາດໃຫ້ແກ່ປະຊາຊົນໄດ້ສຳຜັດກັບປຶ້ມອ່ານໃໝ່ໆຈາກທັງພາຍໃນ ແລະ ຕ່າງປະເທດ ແລະ ເພື່ອສົ່ງເສີມໃຫ້ມະຫາຊົນເຫັນຄວາມສຳຄັນຂອງການອ່ານ ແລະ ສົ່ງເສີມການເຂົ້າຮ່ວມໃນການສົ່ງເສີມການອ່ານ, ໂດຍສະເພາະແມ່ນເພື່ອຊ່ວຍເຫຼືອໂຮງຮຽນໃນນະຄອນຫຼວງວຽງຈັນໃຫ້ມີປຶ້ມອ່ານທີ່ຫຼາກຫຼາຍຂຶ້ນ,” ທ່ານ ສົມພອນ ສອນດາຣາ ຮອງຫົວໜ້າພະແນກສຶກສາປະຈຳນະຄອນຫຼວງວຽງຈັນກ່າວ.ອ່ານຕໍ່ ...