News

ວຽງຈັນ (ວຽງຈັນທາມສ໌/ANN) – ໃນປີນີ້ ມີການສະກັດກັ້ນການເຂົ້າປະເທດລາວແບບຜິດກົດໝາຍປະມານ 3,000 ຄົນ ຈາກ 79 ປະເທດ ແລະ ອີກ 1,000 ກວ່າຄົນຖືກສັ່ງຫ້າມເຂົ້າປະເທດລາວໂດຍຖາວອນ, ຕາມທ່ານພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ.ຕໍ່ກອງປະຊຸມສະພາແຫ່ງຊາດ,​ ທ່ານໄດ້ໃຫ້ຂໍ້ມູນວ່າໃນປີນີ້ ມີ 3,342 ຄົນຖືກສະກັດກັ້ນບໍ່ໃຫ້ເຂົ້າປະເທດ ແລະ ອີກ 1,409 ຄົນ ຈາກ 17 ປະເທດ ຖືກສັ່ງຫ້າມບໍ່ໃຫ້ເຂົ້າປະເທດລາວເປັນການຖາວອນ.ໃນປີຜ່ານມາ ​ກະຊວງປ້ອງກັນຄວາມສະຫງົບ ໄດ້ເອົາໃຈໃສ່ໃນການຕິດຕາມ ແລະ ຂຶ້ນທະບຽນຊາວຕ່າງປະເທດຢ່າງໃກ້ຊິດ, ເພື່ອຄຸ້ມຄອງການເຂັ້າເມືອງໃຫ້ມີຄວາມເປັນລະບຽບຮຽບຮ້ອຍ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ບັນຫາສັງຄົມທີ່ເກີດຂຶ້ນໃນລາວສ່ວນໃຫຍ່ແມ່ນບັນຫາຂີ້ລັກ, ຢາເສບຕິດ, ເງິນກູ້ ແລະ ການຢ່າຮ້າງ, ທ່ານ ຄຳພາ ແສງດາຣາ ປະທານສານປະຊາຊົນສູງສຸດ ລາຍງານຕໍ່ທີ່ປະຊຸມສະພາແຫ່ງຊາດໃນວັນພຸດນີ້.ບັນຫາດັ່ງກ່າວ ໄດ້ມີການສະຫຼຸບໃນບົດລາຍງານຂອງທ່ານຄຳພາ ກ່ຽວກັບວຽກງານສານປະຊາຊົນໃນປີ 2019 ແລະ ແຜນການສຳລັບປີ 2020.ອ່ານຕໍ່ ...

ເກີດເຫດແຜນດິນໄຫວໄລຍະຕື້ນຂະໜາດ 6.1 ຢູ່ທາງພາກຕາເວັນອອກສຽງເໜືອຂອງລາວ ໃກ້ກັບຊາຍແດນໄທ ໃນຕອນເຊົ້າຂອງວັນພະຫັດນີ້, ຕາມການລາຍງານຂອງໜ່ວຍສຳຫຼວດທໍລະນີວິທະຍາ ສະຫະລັດ.ເຊິ່ງໃນປະຈຸບັນ ຍັງບໍ່ມີລາຍງານກ່ຽວກັບຄວາມເສຍຫາຍຈາກເຫດແຜ່ນດິນໄຫວດັ່ງກ່າວ ເຊິ່ງເກີດຂຶ້ນໃນຕອນເຊົ້າ ເວລາ 6:50 ໂມງ (ຫຼື  ເວລາ 23:50 ໂມງຂອງວັນພຸດຕາມເຂດແບ່ງເວລາ GMT).ເຫດແຜ່ນດິນໄຫວດັ່ງກ່າວ ສາມາດຮັບຮູ້ແຮງສັ່ນສະເທືອນໄປໄກກວ່າ 700 ກິໂລແມັດ (435 ໄມລ໌) ເຖິງນະຄອນຫຼວງບາງກອກຂອງໄທ.ແຫຼ່ງທີ່ມາ: https://reliefweb.int/map/lao-peoples-democratic-republic/earthquake-xaignabouli-lao-peoples-democratic-republic-mag-61ອ່ານຕໍ່ ...

ເກີດເຫດແຜ່ນດິນໄຫວຂະໜາດ 5.7 ຢູ່ແຂວງໄຊຍະບູລີຂອງລາວ ໃກ້ກັບຊາຍແດນໄທ ໃນຕອນເຊົ້າຂອງມື້ນີ້. ໃນເວລາປະມານ 4 ໂມງເຊົ້າ, ໄດ້ເກີດເຫດແຜ່ນດິນໄຫວຂະໜາດ 5.7 ຢູ່ຫ່າງຈາກຕົວເມືອງໄຊຍະບູລີແຂວງໄຊຍະບູລີ 38 ກມ, ໃກ້ກັບຊາຍແດນໄທ, ຕາມຂໍ້ມູນຈາກ ໜ່ວຍສຳຫຼວດທໍລິນີວິທະຍາຂອງສະຫະລັດ. ຈຸດພິກັດທີ່ຕັ້ງການເກີດແຜ່ນດິນໄຫວຄັ້ງນີ້ແມ່ນຢູ່ທີ່ 19.438°N 101.224°E.ແຮງສັ່ນສະເທືອນສາມາດຮັບຮູ້ໄດ້ເຖິງນະຄອນຫຼວງວຽງຈັນ, ເຊິ່ງຜູ້ນຳໃຊ້ສື່ Facebook ໄດ້ອອກມາແລກປ່ຽນຄຳເຫັນ ຫຼັງຈາກໄດ້ຮັບອິດທິພົນ ຈາກແຮງສັ່ນສະເທືອນດັ່ງກ່າວ. ປະຈຸບັນ ຍັງບໍ່ມີລາຍງານກ່ຽວກັບການບາດເຈັບ ຫຼື ຄວາມເສຍຫາຍ ຈາກເຫດແຜ່ນດິນໄຫວດັ່ງກ່າວ.ອ່ານຕໍ່ ...

ນະຄອນກຸມາໂມໂຕະຂອງຍີ່ປຸ່ນ ກ່າວວ່າຈະເສີມຂະຫຍາຍຄວາມພະຍາຍາມ ໃນການສົ່ງເສີມເສັ້ນທາງການບິນໃໝ່ ເພື່ອເຊື່ອມຕໍ່ຕົວເມືອງກັບປະເທດລາວ ທ່າມກາງການຫຼຸດຈຳນວນລົງຂອງຜູ້ໂດຍສານທີ່ນຳໃຊ້ສະໜາມບິນຂອງຕົວເມືອງ.ໃນເດືອນຕຸລາທີ່ຜ່ານມາ ຫ້ອງການການບິນພົນລະເຮືອນຍີ່ປຸ່ນ ໄດ້ອະນຸມັດໃຫ້ບໍລິສັດການບິນລາວ ໃນການເປີດໂຕສອງເສັ້ນທາງການບິນໃໝ່ ເພື່ອເຊື່ອມຕໍ່ນະຄອນຫຼວງວຽງຈັນ ແລະ ເມືອງທ່ອງທ່ຽວຫຼວງພະບາງ ກັບນະຄອນກຸມາໂມໂຕະ. ເສັ້ນທາງການບິນໃໝ່ນີ້ຈະເລີ່ມເປີດໃຫ້ບໍລິການໃນວັນທີ 18 ມີນາ 2020.ອ່ານຕໍ່ ...

ບໍລິສັດ Best Western ໂຮງແຮມ ແລະ ຣີສອດ ສືບຕໍ່ນຳສະເໜີກຸ່ມໂຮງແຮມ SureStay ພາຍໃຕ້ຈຸດໝາຍການທ່ອງທ່ຽວໃໝ່ທົ່ວອາຊີ ກັບການເປີດໂຕໂຮງແຮມໃໝ່ ຢູ່ໃຈກາງນະຄອນຫຼວງວຽງຈັນຂອງລາວ.ໂຮງແຮມ SureStay by Best Western ວຽງຈັນໄດ້ມີການເປີດໂຕໃນວັນທີ 19 ພະຈິກ 2019 ເຊິ່ງຕັ້ງຢູ່ໃຈກາງນະຄອນວຽງຈັນ, ໃກ້ກັບແຄມແມ່ນ້ຳຂອງ ແລະ ຖະໜົນຄົນຍ່າງຂອງຕົວເມືອງທີ່ຄຶກຄັກ. ໃຊ້ເວລາຂັບລົດຈາກສະໜາມບິນສາກົນວັດໄຕ ພຽງ 15 ນາທີ.ອ່ານຕໍ່ ...

ສະຖານກົງສຸນຮັງກາລີປະຈຳລາວ ໄດ້ແຈ້ງການເປີດຮັບສະໝັກຊິງທຶນ ເພື່ອໄປສຶກສາທີ່ປະເທດຮັງກາລີ ສຳລັບສົກຮຽນ 2020-2021, ພາຍໃຕ້ໂຄງການ Stipendium Hungarium (SH). ໃບຄຳຮ້ອງການສະໝັກແມ່ນເປີດຮັບຕັ້ງແຕ່ວັນທີ 15 ​ພະຈິກ 2019. ແລະ ມີກຳນົດປິດຮັບໃນວັນທີ 15 ມັງກອນ 2020.ປະເທດຮັງກາລີ ໃຫ້ບໍລິການການສຶກສາ ທີ່ມີຄຸນນະພາບສູງ ຢູ່ໃຈກາງທະວີບຢູໂຣບ. ໃນປະຈຸບັນ ນັກສຶກສາຕ່າງປະເທດທີ່ເຂົ້າມາສຶກສາຢູ່ຮັງກາລີ ມີ່ທ່າອ່ຽງສູງຂຶ້ນ. ນອກຈາກການສຶກທີ່ມີຄຸນະພາບ ແລະ ໃບປະກາດທີ່ເປັນທີ່ຮັບຮູ້ໃນທົ່ວຢູໂຣບ ແລະ ທົ່ວໂລກ, ນັກສຶກສາໃນປະຈຸບັນ ແລະ ອະນາຄົດ ຍັງໄດ້ປະໂຫຍດຈາກຄ່າຄອງຊີບທີ່ບໍ່ສູງເກີນໄປ ເຊິ່ງຄຸ່ມຄ້າຕໍ່ການລົງທຶນ, ທັງມີສະພາບແວດລ້ອມທີ່ປອດໄພ ແລະ ເປັນໜ້າຢູ່ອາໄສ ພາຍໃຕ້ລະບົບການຂົນສົ່ງສາທາລະນະທີ່ສະດວກສະບາຍ, ເປັນປະເທດສູນກາງຂອງຢູໂຣບ, ມີທິວທັດທຳມະຊາດທີ່ສວຍສົດງົດງາມ ເຕັມໄປດ້ວຍສະຖານທີ່ທ່ອງທ່ຽວມໍລະດົກໂລກ UNESCO ທີ່ມີອາຍຸເກົ່າແກ່ພັນປີ ທັງມີປະຫວັດທີ່ໜ້າສົນໃຈ. ປະຈຸບັນ ມີທຶນການສຶກສາທັງໝົດ ...

ຮ້ານອາຫານຄົວລາວ ເຊິ່ງມີຊື່ສຽງໃນຖານະໜຶ່ງໃນຮ້ານອາຫານລາວທີ່ໄດ້ຮັບຄວາມນິຍົມທີ່ສຸດ, ສະເຫຼີມສະຫຼອງວັນຄົບຮອບ 25 ປີ ຂອງການກໍ່ຕັ້ງທຸລະກິດ ດ້ວຍການເປີດໂຕສອງຫ້ອງໂຖງທີ່ຫາກໍ່ສຳເລັດການປັບປຸງ ທີ່ບໍລິເວນຊັ້ນສອງຂອງຮ້ານ, ພາຍໃຕ້ໂສມໜ້າໃໝ່ ທີ່ທັນສະໄໝ.ຮ້ານອາຫານພວກເຮົາ ບໍ່ໄດ້ທຳການປັບປຸງຫ້ອງໂຖງຄັ້ງໃຫຍ່ມາດົນແລ້ວ. ພວກເຮົາຮູ້ວ່າເຖິງເວລາແລ້ວ ທີ່ຕ້ອງປັບປຸງການຕົບແຕ່ງ ເພື່ອໃຫ້ເຂົ້າກັບອາຫານຊັ້ນຄຸນນະພາບ, ” ທ່ານນາງ ດາລາພອນ ພົນເສນາ ເຈົ້າຂອງຮ້ານອາຫານລຸ້ນທີ່ສອງ ກ່າວເຜີຍ.ອ່ານຕໍ່ ...

ພະນົມເປັນ: ຜູ້ຊ່ຽວຊານໄດ້ອອກມາເຕືອນ ໃນວັນອັງຄານນີ້ວ່າ ສີ່ປະເທດໃນພາກພຶ້ນລຸ່ມແມ່ນ້ຳຂອງ ອາດຕ້ອງຜະເຊິນກັບໄພແລ້ງຄັ້ງຮ້າຍແຮງເຖິງຮ້າຍແຮງທີ່ສຸດ ທີ່ສົ່ງຜົນກະທົບຕໍ່ການຜະລິດກະສິກຳ ນັບແຕ່ນີ້ໄປເຖິງເດືອນມັງກອນປີໜ້າ.ຕາມຄຳເຫັນຂອງຄະນະກຳມາທິການແມ່ນ້ຳຂອງ, ໄພແລ້ງປີນີ້ ໄດ້ເຮັດໃຫ້ລະດັບນ້ຳໃນແມ່ນ້ຳຂອງ ຫຼຸດລົງຕ່ຳທີ່ສຸດໃນຮອບ 60 ປີເປັນຢ່າງໜ້ອຍ, ໃນຂະນະທີ່ຫຼາຍເຂດຂອງແມ່ນ້ຳຂອງຕອນລຸ່ມ ກໍຜະເຊີນສະພາບນ້ຳໄຫຼໜ້ອຍໃນທົ່ວພາກພື້ນ ນັບແຕ່ເດືອນມິຖຸນາເປັນຕົ້ນມາ.ອ່ານຕໍ່ ...

ອຳນາດການປົກຄອງລາວ ໄດ້ຕັດສິນຈຳຄຸກແມ່ຍິງຄົນໜຶ່ງເປັນເວລາ 15 ປີ ເນື່ອງຈາກຄ້າເດັກຍິງລາວສີ່ຄົນໄປຈີນໃນປີ 2018, ຕາມການສືບຊາບຂອງສຳນັກຂ່າວວິທະຍຸເສຣີເອເຊຍ (RFA). ແມ່ຍິງທີ່ມີຊື່ວ່າ ນາງດວງຈັນ ໄດ້ພົບກັບກຸ່ມເດັກຍິງ ຢູ່ເມືອງຫຼວງນ້ຳທາ ແຂວງຫຼວງນ້ຳທາ ໃນເດືອນມັງກອນ 2018. ນາງບອກວ່າ ຈະຊອກຫາວຽກທີ່ມີລາຍໄດ້ດີໃຫ້ກັບພວກເຂົາ ຢູ່ປະເທດຈີນ, ແຕ່ວ່າໃນໂຕຈິງ ພັດນຳເອົາເດັກຍິງແຕ່ລະຄົນໄປຂາຍ ເມື່ອເດີນທາງເຖິງປະເທດຈີນ.“ນາງດວງຈັນ ໄດ້ກະທຳຄວາມຜິດໃນຂໍ້ຫາຄ້າມະນຸດ, ແລະ ໄດ້ຖືກຕັດສິນຂັງຄຸກເປັນເວລາ 15 ປີ ໃນເດືອນກໍລະກົດປີນີ້, ທັງປັບໄໝເງິນ $11,000 ໂດລາ ແລະ ຕ້ອງຈ່າຍຄ່າທຳຂວັນໃຫ້ແກ່ຄອບຄົວເດັກຍິງອີກ $6,000 ໂດລາ,” ເຈົ້າໜ້າທີ່ສານປະຊາຊົນແຂວງຫຼວງນ້ຳທາ ເປີດເຜີຍຕໍ່ໜ່ວຍຂ່າວ RFA ລາວ.ອ່ານຕໍ່ ...