News

ວຽງຈັນ (ວຽງຈັນທາມສ໌/ANN) – ໃນອາທິດແແລ້ວນີ້ ທີ່ສວນພຶກສາ ສວນທ່ອງທ່ຽວຊື່ດັງ ໄດ້ມີການຈັດງານສະເຫຼີມສະຫຼອງບຸນກິນຈຽງ (ຊົນເຜົ່າມົ້ງ) ປະຈຳປີຂຶ້ນ ພ້ອມດ້ວຍການສະແດງ ແລະ ກິດຈະກຳຕ່າງໆທີ່ມີສີສັນ.ງານບຸນດັ່ງກ່າວ ແມ່ນຈັດຂຶ້ນໃນລະຫວ່າງວັນທີ 22-24 ພະຈິກນີ້ ເພື່ອສົ່ງເສີມວັດທະນະທຳ ແລະ ຮີດຄອງປະເພນີຂອງຊົນເຜົ່າມົ້ງ ກໍຄືເພື່ອສົ່ງເສີມການທ່ອງທ່ຽວໃນເມືອງນາຊາຍທອງ ແລະ ໃນນະຄອນຫຼວງວຽງຈັນໂດຍລວມ. ກິດຈະກຳດັ່ງກ່າວມີຜູ້ສົນໃຈເຂົ້າຮ່ວມຢ່າງຫຼວງຫຼາຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຈາກການປະເມີນຄວາມເສຍຫາຍຫຼ້າສຸດ ຈາກເຫດແຜ່ນດິນໄຫວ ຢູ່ເມືອງຫົງສາ ແຂວງໄຊຍະບູລີ ມີເຮືອນພັງເສຍຫາຍທັງໝົດ 71 ຫຼັງ, ມີຜູ້ໄດ້ຮັບບາດເຈັບເຈັດຄົນ.ຕາມການລາຍງານຂອງຫ້ອງການເມືອງຫົງສາ, ເຫດແຜ່ນດິນໄຫວຂະໜາດ 6.4 ແລະ 5.9 ຕາມຫົວໜ່ວຍວັດແທກ ຣິກເຕີ ແມ່ນເກີດຂຶ້ນຢູ່ເມືອງດັ່ງກ່າວ ໃນຕອນເຊົ້າຂອງວັນທີ 21 ພະຈິກນີ້.ຕາມບົດລາຍງານ ເຜີຍວ່າມີ 71 ຫຼັງຄາເຮືອນ ໃນ 14 ບ້ານໄດ້ຮັບຄວາມເສຍຫາຍ, ນອກນັ້ນຍັງມີຫ້ອງການສີ່ແຫ່ງ, ສຸກສາລາສີ່ແຫ່ງ, ໂຮງຮຽນສີ່ແຫ່ງ ແລະ ວັດອີກຫ້າແຫ່ງ ທີ່ໄດ້ຮັບຜົນກະທົບ.ມີ 95 ຄອບຄົວໄດ້ຮັບຜົນກະທົບຍ້ອນຊັບສິນພັງເສຍຫາຍ ຫຼື ສູນເສຍເຄື່ອງຂອງ, ເຊິ່ງອຳນາດການປົກຄອງທ້ອງຖິ່ນ ກຳລັງປະເມີນມູນຄ່າຄວາມເສຍຫາຍທັງໝົດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຜູ້ຕາງໜ້າຈາກບັນດາປະເທດໃນພາກພື້ນແມ່ນ້ຳຂອງ ຮ່ວມກັນສົ່ງເສີມຄວາມເຂົ້າໃຈ ແລະ ແລກປ່ຽນປະສົບການ ແລະ ວິທີການການປະຕິບັດ ໃນກອງປະຊຸມສຳມະນາແມ່ນ້ຳລ້ານຊ້າງ-ແມ່ນ້ຳຂອງວ່າດ້ວຍການພັດທະນາທີ່ຂັບເຄື່ອນໂດຍຊຸມຊົນ ທີ່ນະຄອນຫຼວງວຽງຈັນ ໃນວັນສຸກແລ້ວນີ້.ວິທີການປະຕິບັດ ແມ່ນແນໃສ່ເສີມຂະຫຍາຍການຮ່ວມມື ໃນຂົງເຂດການພັດທະນາພາຍໃຕ້ການຂັບເຄື່ອນຂອງຊຸມຊົນ ເຊິ່ງເປັນຮູບແບບທີ່ມີປະສິດທິພາບໃນການພັດທະນາຊົນນະບົດ ແລະ ລຶບລ້າງຄວາມທຸກຍາກ.ອ່ານຕໍ່ ...

ຄຸນໝິງ, 23 ພະຈິກ (Xinhua) — ບັນດາບໍລິສັດຈີນ ໄດ້ເຊັນສັນຍາລວມມູນຄ່າ 1.3 ຕື້ຢວນ (ປະມານ 184 ລ້ານໂດລາສະຫະລັດ) ເພື່ອຈັດຊື້ສິນຄ້າ, ເຊິ່ງສ່ວນໃຫຍ່ແມ່ນສິນຄ້າກະເສດ, ຈາກຄູ່ຄ້າໃນລາວ.ສັນຍາດັ່ງກ່າວ ໄດ້ມີການເຊັນກັນໃນງານຕະຫຼາດນັດການລົງທຶນຈີນ-ລາວ 2019 ເຊິ່ງໄດ້ອັດລົງໃນວັນສຸກແລ້ວນີ້ ທີ່ນະຄອນຄຸນໝິງ, ແຂວງຢຸນນານ ທາງພາກຕາເວັນຕົກສຽງໃຕ້ຂອງຈີນ.ອ່ານຕໍ່ ...

ເຈົ້າໜ້າທີ່ນະຄອນຫຼວງວຽງຈັນໝັ້ນໃຈວ່າ ເປົ້າໝາຍຈຳນວນນັກທ່ອງທ່ຽວ 2 ລ້ານຄົນສຳລັບປີທ່ອງທ່ຽວລາວ-ຈີນ 2019 ຈະສາມາດບັນລຸໄດ້.ທ່ານນາງ ວິໄລທອງ ຈັນທະລາຕີ ຫົວໜ້າພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວນະຄອນຫຼວງວຽງຈັນ ກ່າວຕໍ່ສຳນັກຂ່າວວຽງຈັນທາມສ໌ວ່າ ອຳນາດການປົກຄອງນະຄອນຫຼວງຮ່ວມກັບບໍລິສັດເອກະຊົນ ໄດ້ສົມທົບຄວາມພະຍາຍາມໃນການດຶງດູດນັກທ່ອງທ່ຽວ ດ້ວຍການກໍ່ສ້າງ ແລະ ປັບປຸງສະຖານທີ່ທ່ອງທ່ຽວ.ສ່ວນໜຶ່ງຂອງຄວາມພະຍາຍາມດັ່ງກ່າວກໍຄື ການດຳເນີນການບູລະນະຫໍພິພິດຕະພັນຫໍພະແກ້ວ ແລະ ພະທາດຫຼວງ.ອ່ານຕໍ່ ...

ສະຫະພັນແມ່ຍິງລາວ ແລະ ກະຊວງຄວາມສະເໝີພາບທາງເພດ ແລະ ຄອບຄົວ ຂອງສາທາລະນະລັດເກົາຫຼີ ໄດ້ຮ່ວມມືກັນໃນການຈັັດຝຶກອົບຮົມວິຊາຊີບສຳລັບແມ່ຍິງລາວ, ເພື່ອສົ່ງເສີມທ່າແຮງໃນການປະກອບອາຊີບໃຫ້ແກ່ເຂົາເຈົ້າ.ກອງປະຊຸມຫາລືກ່ຽວກັບການຄຸ້ມຄອງໂຄງການດັ່ງກ່າວ ໄດ້ຈັດຂຶ້ນໃນວັນສຸກແລ້ວນີ້​ ທີ່ສູນຝຶກອົບຮົມສະຫະພັນແມ່ຍິງລາວ ນະຄອນຫຼວງວຽງຈັນ,​ ພາຍໃຕ້ການເປັນປະທານຂອງທ່ານນາງ ສິຣິກິດ ບຸບຜາ ຮອງປະທານສະຫະພັນແມ່ຍິງລາວ ແລະ ທ່ານ ຊາງ ຮຽງ ຊອຍ ຕາງໜ້າກະຊວງຄວາມສະເໝີພາບທາງເພດ ແລະ ຄອບຄົວຂອງເກົາຫຼີ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຮັງກາລີ ໄດ້ລົງນາມໃນຂໍ້ຕົກລົງໃນອາທິດແລ້ວນີ້ ເພື່ອສືບຕໍ່ຮັດແໜ້ນການຮ່ວມມືໃນດ້ານຄວາປອດໄພຂອງອາຫານ.ຂໍ້ຕົກລົງດັ່ງກ່າວ ໄດ້ຜ່ານການລົງນາມໃນລະຫວ່າງຢ້ຽມຢາມປະເທດຮັງກາລີ ຂອງທ່ານ ປອ ສອນໄຊ ສີພັນດອນ ຮອງນາຍົກລັດຖະມົນຕີ ແລະ ລັດຖະມົນຕີກະຊວງແຜນການ ແລະ ການລົງທຶນ, ຕາມການເປີດເຜີຍຂອງກະຊວງການຕ່າງປະເທດລາວ.ອ່ານຕໍ່ ...

ລັດຖະບານລາວ ໄດ້ມີການພົວພັນກັບອົງການ Standard Chartered, JP Morgan, ແລະ Credit Suisse ສຳລັບແຜນການເປີດໂຕພັນທະບັດເງິນໂດລາໃນສາກົນ.ໃນເດືອນທັນວາ 2015, ລາວໄດ້ມີການຈຳໜ່າຍພັນທະບັດ ມູນຄ່າ US$182 ລ້ານໂດລາ ໃນສອງງວດ ໃຫ້ແກ່ນັກລົງທຶນສະຖາບັນໃນປະເທດໄທ ແລະ ມີການອອກພັນທະບັດເປັນເງິນບາດໄທ, ແຕ່ກໍ່ຍັງບໍ່ມີການຈຳໜ່າຍພັນທະບັດໃຫ້ແກ່ນັກລົງທຶນຕ່າງປະເທດ.ອ່ານຕໍ່ ...

ລາວໂທລະຄົມ ໄດ້ມີການເປີດໂຕການບໍລິການ ຊິມ ອິເລັກໂທຣນິກ ຄັ້ງທຳອິດໃນປະເທດລາວ ໂດຍຮ່ວມມືກັບບໍລິສັດ 10T Tech, ບໍລິສັດບໍລິການ eSIM  ໃນຮ່ອງກົງ.ການບໍລິການດັ່ງກ່າວຈະຊ່ວຍໃຫ້ຜູ້ນຳໃຊ້ໂທລະສັບມືຖື ທີ່ນຳໃຊ້ເຄື່ອງໄອໂຟນ ແລະ ໄອແພັດ ແລະ Google Pixel 3a ແລະ 4 ສາມາດຂຶ້ນທະບຽນສຳລັບແຜນມືຖືແບບຈ່າຍລ່ວງໜ້າ ແລະ ແບບລາຍເດືອນ ດ້ວຍການເຂົ້າໄປສູນບໍລິການໃກ້ບ້ານ ເພື່ອດາວໂຫຼດ ແລະ ເປີດນຳໃຊ້ບໍລິການ eSIM, ຕາມບົດຂ່າວຈາກ 10T Tech.ອ່ານຕໍ່ ...

ຟູດແພນດາ ຜູ້ບໍລິການຈັດສົ່ງອາຫານຕາມສັ່ງສາກົນ ເປີດໂຕການບໍລິການໃນລາວຢ່າງເປັນທາງການ ພາຍໃຕ້ຮ້ານອາຫານໃນເຄືອຂ່າຍກວ່າ 300 ແຫ່ງ.ເພື່ອເປີດໂລກະທັດໃໝ່ໃນການຊິມລົດຊາດອາຫານສຳລັບຊາວນະຄອນຫຼວງວຽງຈັນ,​ ຂະບວນນັກຈັດສົ່ງອາຫານຟູດແພນດາສີບົວ (Foodpanda) ຈະຈັດສົ່ງອາຫານຈາກຮ້ານອາຫານໃນເຄືອກວ່າ 300 ແຫ່ງ ເຖິງເຮືອນລູກຄ້າຕາມສັ່ງ.ອ່ານຕໍ່ ...