News

ລາວຈະສືບຕໍ່ສົ່ງເສີມການລົງທຶນ ໃນດ້ານໂພຊະນາການໃນຂັ້ນທ້ອງຖິ່ນ ເພື່ອສ້າງຊຸມຊົນທີ່ສາມາດຜະລິດ ແລະ ເຂົ້າເຖິງອາຫານທີ່ມີໂພຊະນາການຄົບຖ້ວນໄດ້ຢ່າງຍືນຍົງ.ເຖິງວ່າສະຖານະການກ່ຽວກັບການຂາດສານອາຫານໃນລາວຈະໄດ້ຮັບການປັບປຸງ, ການລົງທຶນໃນດ້ານໂພຊະນາການ ຢູ່ໃນຊຸມຊົນທ້ອງຖິ່ນ ຍັງຄົງມີບົດບາດທີ່ສຳຄັນ ເພື່ອສ້າງເງື່ອນໄຂໃຫ້ລາວກ້າວສູ່ການຫຼຸດພົ້ນຈາກສະພາບປະເທດທີ່ດ້ອຍພັດທະນາ.ອ່ານຕໍ່ ...

(ຂປລ) ຂໍ້ມູນໃໝ່ກ່ຽວກັບຄວາມຄືບໜ້າ ຂອງສະຖານະດ້ານໂພຊະນາການຂອງເດັກນ້ອຍ ໄດ້ມີການເຜີຍແຜ່ໃນວັນທີ 9 ທັັນວານີ້ ທີ່ວຽງຈັນ ໂດຍນຳໃຊ້ ລະບົບຂໍ້ມູນຂ່າວສານແຫ່ງຊາດ ດ້ານໂພຊະນາການ (NIPN), ເຊິ່ງມີເປົ້າໝາຍແນໃສ່ ເສີມຂະຫຍາຍລະບົບຂໍ້ມູນຂ່າວສານດ້ານໂພຊະນາການ ເພື່ອສະກັດກັ້ນການຂາດສານອາຫານ ແລະ ຜົນເນື່ອງຈາກການຂາດສານອາຫານ, ເພື່ອສະແດງຄວາມກ້າວໜ້າໃນການຈັດຕັ້ງປະຕິບັດຍຸດທະສາດດ້ານໂພຊະນາການແຫ່ງຊາດ.ນີ້ແມ່ນການລິເລີ່ມສາກົນ ຂອງສະຫະພາບຢູໂຣບ ພາຍໃຕ້ການສະໜັບສະໜູນຂອງກະຊວງການພັດທະນາສາກົນ ສະຫະລາດຊະອານາຈັກ ແລະ ມູນນິທິບິລ ແລະ ເມລິນດາເກດ ພາຍໃຕ້ການຈັດຕັ້ງປະຕິບັດໃນ ສປປ ລາວໂດຍອົງການຢູນິເຊັບ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມະຫາຊົນຮຽກຮ້ອງໃຫ້ສະພາແຫ່ງຊາດ ຊຸກຍູ້ໃຫ້ລັດຖະບານເພີ່ມເງິນເດືອນໃຫ້ແກ່ພະນັກງານ ເພື່ອຮອງຮັບຕໍ່ຄ່າຄອງຊີບທີ່ເພີ່ມສູງຂຶ້ນ, ຕາມເຈົ້າໜ້າທີ່ການນຳສະພາແຫ່ງຊາດ.ໃນຕອນທ້າຍຂອງກອງປະຊຸມສະພາໃນວັນສຸກແລ້ວນີ້, ທ່ານນາງ ສວນສະຫວັນ ວິຍະເກດ ຫົວໜ້າເລຂາທິການສະພາແຫ່ງຊາດ ໄດ້ກ່າວວ່າ ສະພາໄດ້ເປີດສາຍດ່ວນ ເພື່ອຮັບຟັງຄຳຄິດເຫັນຈາກມະຫາຊົນ ກ່ຽວກັບບັນຫາທີ່ສະພາແຫ່ງຊາດຄວນເອົາໃຈໃສ່.ຕະຫຼອດໄລຍະຂອງກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ແຕ່ວັນທີ 7 ພະຈິກ ເຖິງ 6 ທັນວານີ້, ສະພາແຫ່ງຊາດໄດ້ຮັບສາຍໂທລະສັບທັງໝົດ 731 ສາຍ ຜ່ານໝາຍເລກສາຍດ່ວນ 113 ຈາກມະຫາຊົນທົ່ວປະເທດ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ນະຄອນຫຼວງວຽງຈັນ, ປາກເຊ ມີແຜນປັບປຸງການຄຸ້ມຄອງ ແລະ ການບໍລິການບຳບັດຂີ້ເຫຍື້ອ, ເຊິ່ງລວມມີການເກັບຂີ້ເຫຍື້ອ, ໂອກາດໃນການນຳໃຊ້ຂີ້ເຫຍື້ອໃຫ້ເປັນຊັບພະຍາກອນ, ແລະ ການບຳບັດນ້ຳເສຍ.ອຳນາດການປົກຄອງໄດ້ເປີດຕົວໂຄງການ “ສ້າງຄວາມສາມາດໃນການບຳບັດຂີ້ເຫຍື້ອ ແລະ ນ້ຳເສຍ ເພື່ອການປັບປຸງສະພາບແວດລ້ອມຕົວເມືອງໃນລາວ” ທີ່ນະຄອນຫຼວງວຽງຈັນ ໃນວັນຈັນນີ້.ໂຄງການດັ່ງກ່າວຈະດຳເນີນແຕ່ປີ 2019-2024 ຢູ່ໃນສອງຕົວເມືອງໃຫຍ່ຄື ນະຄອນຫຼວງວຽງຈັນ ແລະ ປາກເຊ ແຂວງຈຳປາສັກ.ລັດຖະບານເກົາຫຼີຈະໃຫ້ການສະໜັບສະໜູນທຶນສຳລັບດຳເນີນໂຄງການດັ່ງກ່າວ ມູນຄ່າກວ່າ US$6.7 ລ້ານໂດລາ ໂດຍຜ່ານອົງການຮ່ວມມືສາກົນແຫ່ງປະເທດເກົາຫຼີ (KOICA) ແລະ ສະຖາບັນຄົ້ນຄວ້າການຂະຫຍາຍຕົວສີຂຽວໂລກ (GGGI).ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລັດຖະບານສະວິດເຊີແລນ ໄດ້ສະໜອງງົບປະມານມູນຄ່າ US$8.6 ລ້ານໂດລາ ເພື່ອຊ່ວຍເຫຼືອໃນການຝຶກອົບຮົມວິຊາຊີບ ແລະ ສະໜັບສະໜູນການປະກອບອາຊີບ ສຳລັບກຸ່ມຜູ້ດ້ອຍໂອກາດໃນລາວ.ທ່ານ ປອ ກິແກ້ວ ຈັນທະບູຣີ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ທ່ານ ຊອງ-ຝຼັ່ງຊົວ ເຊີນອດ ອຳນວຍການປະຈຳພາກພື້ນ ຂອງອົງການເພື່ອການພັດທະນາ ແລະ ການຮ່ວມມືສະວິດ (SDC) ໄດ້ຮ່ວມລົງນາມໃນຂໍ້ຕົກລົງໃນວັນສຸກແລ້ວນີ້ ເພື່ອສະໜັບສະໜູນການສຶກສາວິຊາຊີບ ແລະ ປັບປຸງໂອກາດໃນການປະກອບອາຊີບ ສຳລັບກຸ່ມຜູ້ດ້ອຍໂອກາດໃນທ້ອງຖິ່ນ.ອ່ານຕໍ່ ...

(ຂປລ) ເພື່ອສືບຕໍ່ນຳໜ້າໃນການຊ່ວຍເຫຼືອ ສປປ ລາວ ໃນການດຳເນີນພາລະກິດການລຶບລ້າງພະຍາດໄຂ້ປ່າກ່ອນປີ 2030, ທ່ານນາງ ຣີນາ ພີທເຊີ ເອກອັກຄະລັດຖະທູດສະຫະລັດປະຈຳລາວ ໄດ້ມອບອຸປະກອນກວດສອບພະຍາດໄຂ້ປ່າໄລຍະຕົ້ນ (RDT) 100,000 ຊຸດ ໃຫ້ແກ່ທ່ານ ປອ ພູທອນ ມຸ່ງພັກ ຮອງລັດຖະມົນຕີກະຊວງສາທາລະນະສຸກ, ເຊິ່ງໄດ້ມີພິທີມອບຮັບໃນວັນທີ 6 ທັນວາຜ່ານມານີ້.ອຸປະກອນທົດສອບດັ່ງກ່າວ ພາຍໃຕ້ການຊ່ວຍເຫຼືອຂອງອົງການເພື່ອການພັດທະນາສາກົນສະຫະລັດ (USAID) ໂດຍຜ່ານ ການລິເລີ່ມກ່ຽວກັບພະຍາດໄຂ້ປ່າຂອງປະທານປະເທດ (PMI), ຈະນຳໄປແຈກຢາຍໃຫ້ແກ່ສູນບໍລິການສາທາລະນະສຸກທົ່ວປະເທດ, ໂດຍສະເພາະໃນພື້ນທີ່ທີ່ພົບການລະບາດ ຂອງພະຍາດໄຂ້ປ່າໃນອັດຕາທີ່ສູງ.ອ່ານຕໍ່  ...

ຮ່າໂນ້ຍ (VNA) – ການຮ່ວມມືດ້ານການຄ້າ ແມ່ນຈຸດສຳຄັນຂອງການພົວພັນການຄ້າລະຫວ່າງ ຫວຽດນາມ-ລາວ ສຳລັບຊ່ວງສິບເດືອນທຳອິດຂອງປີນີ້, ເຊິ່ງມີລາຍຮັບລວມ 940 ລ້ານໂດລາ.ຕົວເລກດັ່ງກ່າວໄດ້ມີການເປີດເຜີຍໃນກອງປະຊຸມຂອງສະມາຊິກຄະນະລັດຖະບານຖາວອນ ທີ່ນະຄອນຮ່າໂນ້ຍ ໃນວັນທີ 9 ທັນວານີ້ ພາຍໃຕ້ການເປັນປະທານຂອງທ່ານ ຫງວຽນ ຊວນ ພຸກ ນາຍົກລັດຖະມົນຕີຫວຽດນາມ.ການຄ້າສອງຝ່າຍ ຄາດວ່າຈະບັນລຸເຖິງລະດັບ 1.1-1.2 ຕື້ໂດລາ ໃນປີ 2019, ເພີ່ມຂຶ້ນ 12.6 ສ່ວນຮ້ອຍທຽບອັດຕາສ່ວນປີຕໍ່ປີ, ສູງກວ່າເປົ້າໝາຍທີ່ລັດຖະບານໄດ້ວາງໄວ້ທີ່ 1 ຕື້ໂດລາ ແລະ 10 ສ່ວນຮ້ອຍ.ອ່ານຕໍ່ ...

ຄື້ນກະແສຂອງໄພແລ້ງ ແລະ ການກໍ່ສ້າງເຂື່ອນຕ່າງໆຕາມສາຍແມ່ນ້ຳຂອງ ໄດ້ສ້າງຄວາມກັງວົນຄັ້ງໃໝ່ ກ່ຽວກັບອະນາຄົດຂອງແມ່ນ້ຳທີ່ມີຄວາມຍາວ 4,700 ສາຍດັ່ງກ່າວ. ເຊິ່ງເປັນອູ່ເຂົ້າອູ່ນ້ຳຂອງຫຼາຍສິບລ້ານຊີວິດໃນປະເທດກຳປູເຈຍ, ລາວ, ມຽນມາ, ໄທ ແລະ ຫວຽດນາມ.ເຂື່ອນທີ່ເກີດຂຶ້ນຢ່າງຫຼວງຫຼາຍ ກຳລັງກີດຂວງການໄຫຼຂອງແມ່ນ້ຳໃນອັດຕາທີ່ເພີ່ມຂຶ້ນ ເຮັດໃຫ້ບາງສ່ວນຂອງແມ່ນ້ຳທີ່ເຄີຍໄຫຼຢ່າງສະດວກເຫືອດແຫ້ງລົງ ແລະ  ເຮັດໃຫ້ທົ່ວພາກພື້ນປະສົບກັບໄພແຫ້ງແລ້ງຄັ້ງໃຫຍ່. ຕາມຄະນະກຳມາທິການແມ່ນ້ຳຂອງ ເຊິ່ງເປັນອົງກອງລະຫວ່າງລັດຖະບານ ທີ່ແນໃສ່ການຮ່ວມມືເພື່ອຄຸ້ມຄອງຊັບພະຍາກອນຂອງແມ່ນ້ຳດັ່ງກ່າວ.ເຂື່ອນໄຟຟ້າດອນສະໂຮງ ເຊິ່ງເປັນເຂື່ອນຫຼ້າສຸດໃນບັນດາເຂື່ອນນ້ຳຂອງຈຳນວນຫຼາຍສິບແຫ່ງ ໄດ້ເລີ່ມຕົ້ນການຜະລິດກະແສໄຟຟ້າ ຢູ່ໃກ້ກັບຊາຍແດນລະຫວ່າງລາວ-ກຳປູເຈຍ ໃນເດືອນພະຈິກນີ້. ເຊິ່ງພະລັງງານທີ່ຜະລິດສ່ວນໃຫຍ່ ຈະສົ່ງອອກໄປປະເທດໄທ ແລະ ກຳປູເຈຍ.ອ່ານຕໍ່ ...

ວິທະຍາໄລວິຊາຊີບແຂວງຄຳມ່ວນ ແລະ ບໍລິສັດໄຟຟ້ານ້ຳເມີນ 2 ຈຳກັດ ໄດ້ລົງນາມໃນຂໍ້ຕົກລົງການຮ່ວມມືສະບັບໃໝ່ ກ່ຽວກັບການພັດທະນາທັກສະໃນທ້ອງຖິ່ນແບບຍືນຍົງ ສຳລັບຂະແໜງພະລັງງານໄຟຟ້ານ້ຳຕົກ.ຂໍ້ຕົກລົງການຮ່ວມມືດັ່ງກ່າວ ໄດ້ມີການລົງນາມໃນອາທິດແລ້ວນີ້, ພາຍຫຼັງສິ້ນສຸດການຈັດຕັ້ງປະຕິບັດແຜນດຳເນີນງານ ຕາມບົດບັນທຶກຄວາມເຂົ້າໃຈກ່ຽວກັບການພັດທະນາຊັບພະຍາກອນມະນຸດໄປສູ່ແຮງງານ ໃນເດືອນຕຸລາປີນີ້.ຂໍ້ຕົກລົງດັ່ງກ່າວ ໄດ້ມີການລົງນາມໂດຍທ່ານ ວຽງສະຫວັນ ພັດທະວົງ ອຳນວຍການໂຮງຮຽນວິທະຍາໄລວິຊາຊີບ ແຂວງຄຳມ່ວນ ແລະ ທ່ານນາງ ຄໍຣີນ ອາເລຣາ ຫົວໜ້າບໍລິຫານບໍລິສັດນ້ຳເທີນ 2, ພາຍໃຕ້ການເຂົ້າຮ່ວມຂອງຕາງໜ້າຈາກພະແນກສຶກສາທິການ ແລະ ກິລາແຂວງຄຳມ່ວນ, ບໍລິສັດນ້ຳເທີນ 2, ພ້ອມດ້ວຍບັນດາຄູອາຈານ ແລະ ນັກສຶກສາຈາກວິທະຍາໄລດັ່ງກ່າວ.  ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ລາວ ແລະ ຫວຽດນາມຮ່ວມຫາລືແຜນການ ກ່ຽວກັບການຮ່ວມມືດ້ານການທ່ອງທ່ຽວ, ແນໃສ່ດຶງດູດນັກທ່ອງທ່ຽວ ແລະ ຮັດແໜ້ນສາຍພົວພັນ ລະຫວ່າງສອງປະເທດ.ທ່ານ ຮອ.ປອ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໄດ້ຕ້ອນຮັບທ່ານ ຫງວຽນ ງ໋ອກ ທຽນ ລັດຖະມົນຕີກະຊວງວັດທະນະທຳ, ກິລາ ແລະ ການທ່ອງທ່ຽວຂອງຫວຽດນາມ ໃນວັພະຫັດນີ້ ໃນຂະນະທີ່ສອງຝ່າຍໄດ້ຮ່ວມແລກປ່ຽນຄຳຄິດຄຳເຫັນ ກ່ຽວກັບການຮ່ວມມືໃນຂະແໜງການດັ່ງກ່າວ ແລະ ແຜນການໃນຕໍ່ໜ້າ.ທ່ານ ຮສ.ປອ ກິແກ້ວ ໄດ້ສະເໜີໃຫ້ທັງສອງຝ່າຍ ສືບຕໍ່ການຮ່ວມມືປະຫວັດສາດອັນຍາວນານ ໂດຍແນໃສ່ການແລກປ່ຽນບົດຮຽນ ແລະ ຂໍ້ມູນຂ່າວສານກ່ຽວກັບສະພາບການດ້ານວັດທະນະທຳ ແລະ ທ່ອງທ່ຽວສາກົນ.ອ່ານຕໍ່ ...