News

ວຽງຈັນ, 11 ທັນວາ (Xinhua) — ສູນສະຖິຕິແຫ່ງຊາດ ກຳລັງດຳເນີນການຄົ້ນຄວ້າ ເພື່ອປະເມີນອັດຕາການຂະຫຍາຍຕົວຂອງປະຊາກອນໜຸ່ມ ແຕ່ປີ 2015-2035 ເພື່ອເປັນຂໍ້ມູນສະໜັບສະໜູນ ຕໍ່ແຜນພັດທະນາເສດຖະກິດ-ສັງຄົມແຫ່ງຊາດ.ຕາມໜັງສືພິມວຽງຈັນທາມສ໌ໃນວັນພຸດນີ້ ລາຍງານວ່າ ທ່ານ ສະໄໝຈັນ ບຸບຜາ ຮອງລັດຖະມົນຕີກະຊວງແຜນການ ແລະ ການລົງທຶນ ແລະ ຫົວໜ້າສູນສະຖິຕິແຫ່ງຊາດ ໄດ້ກ່າວວ່າ, ການສຳຫຼວດປີ 2015 ເຜີຍໃຫ້ເຫັນວ່າ ຄົນໜຸ່ມກວມເອົາກວ່າເຄິ່ງໜຶ່ງຂອງປະຊາກອນລາວ, ເຊິ່ງເປັນອັດຕາສ່ວນທີ່ສູງທີ່ສຸດໃນບັນດາປະເທດອາຊຽນ.ຂໍ້ມູນຈາກການສຳຫຼວດປະຊາກອນ ແລະ ທີ່ຢູ່ອາໄສຄັ້ງທີ 4 ປີ 2015 ສະແດງໃຫ້ເຫັນວ່າ ປະຊາກອນລາວ 60 ສ່ວນຮ້ອຍມີອາຍຸຕ່ຳກວ່າ 25 ປີ, ໃນຂະນະທີ່ປະຊາກອນທີ່ມີອາຍຸລະຫວ່າງ 10 ເຖິງ 24 ປີ ກວມ 31 ...

ເດັກນ້ອຍ 100 ກວ່າຄົນໃນບ້ານດົງນາຄາມ ເມືອງອາດສະພັງທອງ ແຂວງສະຫວັນນະເຂດ ໄດ້ເຂົ້າຮຽນໃນໂຮງຮຽນຫຼັງໃໝ່ ພາຍໃຕ້ການຊ່ວຍເຫຼືອໃນການກໍ່ສ້າງ ໂດຍມູນນິທິ Acronis Cyber.ມູນນິທິ Acronis Cyber ໄດ້ຮ່ວມມືກັບມູນນິທິສານຝັນເດັກ ມອບອາຄານໂຮງຮຽນດັ່ງກ່າວ ໃຫ້ແກ່ອຳນາດການປົກຄອງທ້ອງຖິ່ນ ໃນວັນອັງຄານນີ້.ອ່ານຕໍ່ ...

ໃນວັນພຸດນີ້ ເຈົ້າໜ້າທີ່ກະຊວງສຶກສາທິການ ແລະ ກິລາ ຮ່ວມກັບຄູອາຈານ ແລະ ນັກສຶກສາມະຫາວິທະຍາໄລແຫ່ງຊາດລາວ (ມຊ) ໄດ້ເຕົ້າໂຮມກັນເພື່ອຫາລື ກ່ຽວກັບການພັດທະນາດ້ານການສຶກສາ ແລະ ສືບຕໍ່ປະກອບສ່ວນຕໍ່ປະເທດຊາດ.ເຂົ້າຮ່ວມໃນກອງປະຊຸມຊາວໜຸ່ມ ມຊ ດັ່ງກ່າວ ມີທ່ານ ພັນຄຳ ວິພາວັນ ຮອງປະທານປະເທດ, ທ່ານນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ, ເຈົ້າໜ້າທີ່ການນຳກະຊວງ, ຄູອາຈານ ແລະ ນັກສຶກສາຈາກມະຫາວິທະຍາໄລ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ໃນວັນພະຫັດແລ້ວນີ້ ສະຖາບັນວິຈິດຕະກຳແຫ່ງຊາດ (NIFA) ໄດ້ຈັດວາງສະແດງແກ່ນໝາກຄາຍແກະສະຫຼັກ ເພື່ອເປັນການປິດທ້າຍກອງປະຊຸມວິຊາການພິເສດ ທີ່ດຳເນີນໂດຍວິທະຍາກອນຈາກຈີນ.ແກ່ນໝາຍຄາຍແກະສະຫຼັກ ມີຄວາມວິຈິດງົດງາມ ແລະ ມີຫຼາຍຮູບຫຼາຍຂະໜາດ ເຊັ່ນ ຮູບພະພຸດທະຮູບ, ດອກໄມ້ ແລະ ສັດຕ່າງໆ.ກິດຈະກຳຝຶກອົບຮົມດັ່ງກ່າວ ເຊິ່ງຈັດຂຶ້ນໂດຍ NIFA ໃນລະຫວ່າງວັນທີ 13-30 ພະຈິກທີ່ຜ່ານມານີ້, ເຊິ່ງມີຄູອາຈານ ແລະ ນັກສຶກສາ 23 ຄົນຈາກກົມແກະສະຫຼັກເຂົ້າຮ່ວມ. ຜູ້ເຂົ້າຮ່ວມໄດ້ຮັບການຝຶກອົບຮົມຈາກ ທ່ານ ຫຼິວ ສີີ ເຊັງ ຜູ້ຊ່ຽວຊານຈີນ ທີ່ມີປະສົບການດ້ານການແກະສະຫຼັກແກ່ນໝາກຄາຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ວາງເປົ້າໝາຍເພີ່ມທະວີການປະກອບສ່ວນດ້ານລາຍຮັບ ເພື່ອສົ່ງເສີມການຂະຫຍາຍຕົວຂອງເສດຖະກິດ-ສັງຄົມ ໂດຍຮຽກຮ້ອງໃຫ້ກະຊວງການຕ່າງປະເທດ ເປັນຜູ້ສະໜັບສະໜູນຕົ້ນຕໍ.ໂດຍຜ່ານການປະສານງານກັບກະຊວງການຕ່າງປະເທດ, ບັນດາສະຖານທູດ ແລະ ສະຖານກົງສຸນ ຈະຊ່ວຍສະໜອງການຊຸກຍູ້ທີ່ຈຳເປັນ ສຳລັບຂະແໜງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ໃນການດຳເນີນພາລະກິດສົ່ງເສີມການທ່ອງທ່ຽວ ແລະ ຍົກສູງບົດບາດຂອງລາວໃນເວທີສາກົນ.ອ່ານຕໍ່ ...

(ຂປລ) ຊາວກະສິກອນໃນສອງບ້ານຂອງເມືອງຫີນບູນ ແຂວງຄຳມ່ວນ ໄດ້ນຳໃຊ້ລະບົບຊົນລະປະທານໃໝ່ ທີ່ໄດ້ຮັບການກໍ່ສ້າງໂດຍບໍລິສັດໄຟຟ້າ ເທີນ-ຫີນບູນ.ໃນປະຈຸບັນ ບ້ານນາເຕີຍ ແລະ ໜອງດົງ ມີລະບົບຊົນລະປະທານຍົກລະດັບ ໄລຍະ 300 ແມັດ, ເພື່ອສະໜອງນ້ຳໃຫ້ແກ່ພື້ນທີ່ກະສິກຳ ລວມ 60 ເຮັກຕາ.ລະບົບຊົນລະປະທານໃນແຕ່ລະບ້ານລວມມີ 10 ປະຕູນ້ຳ ເພື່ອຄວບຄຸມການໄຫຼຂອງນ້ຳ ຕາມຄວາມຕ້ອງການໃນແຕ່ລະລະດູ, ເຊິ່ງນ້ຳຊົນລະປະທານແມ່ນສູບດ້ວຍໂປມໄຟຟ້າ ມາຈາກແມ່ນ້ຳຫີນບູນ. ອ່ານຕໍ່ ...

ໄທຈະສົ່ງເສີມການທ່ອງທ່ຽວເພື່ອສຸຂະພາບ ແລະ ຄວາມຢູ່ດີມີແຮງ ແລະ ການຊອບປິ້ງ ເພື່ອດຶງດູດນັກທ່ອງທ່ຽວທີ່ມີລາຍໄດ້ສູງຈາກລາວ.ອົງການທ່ອງທ່ຽວແຫ່ງປະເທດໄທ ມີແຜນຮ່ວມມືກັບໂຮງໝໍເອກະຊົນຂອງໄທ ແລະ ບໍລິສັດໂຄສະນາຈາກລາວ ໃນການສົ່ງເສີມຂະແໜງການແພດ ເພື່ອດຶງດູດນັກທ່ອງທ່ຽວລາວທີ່ມີລາຍໄດ້ສູງ, ຕາມການລາຍງານຂອງສຳນັກຂ່າວບາງກອກໂພສທ໌.ອົງການດັ່ງກ່າວ ຍັງມີການຮ່ວມມືກັບຜູ້ປະກອບການຂາຍເຄື່ອງຍ່ອຍ ເຊັ່ນ ສູນການຄ້າບິກຊີ, ກຸ່ມເຊັນທຼອລ, ກຸ່ມເດີະມໍ ເພື່ອໃຫ້ບໍລິການພິເສດສຳລັບລູກຄ້າລາວ ຕາມຮ້ານຂາຍເຄື່ອງເຂດຊາຍແດນ ແລະ ໃນບາງກອກ ສຳລັບຊ່ວງໄລຍະພິເສດ. ອົງການດັ່ງກ່າວ ລະບຸວ່ານັກການເມືອງ, ເຈົ້າໜ້າທີ່ລັດຖະບານ ແລະ ນັກທຸລະກິດລຸ້ນໃໝ່ ເປັນຕົວຂັບເຄື່ອນການທ່ອງທ່ຽວໄທ ຈາກປະເທດລາວ. ນັກທ່ອງທ່ຽວຈາກລາວປະມານ 100,000 ຄົນ ແມ່ນກຸ່ມຜູ້ມີລາຍໄດ້ສູງ.ອ່ານຕໍ່ ...

ວຽງຈັນ, 10 ທັນວາ (Xinhua) — ອຳນາດການປົກຄອງກ່າວວ່າ ໃນຂະນະທີ່ໃນປະຈຸບັນ ຄົນສ່ວນໃຫຍ່ສາມາດເຂົ້າເຖິງການບໍລິການທາງການແພດທີ່ມີຄຸນນະພາບກວ່າເກົ່າ, ການເຂົ້າເຖິງການບໍລິການດ້ານສຸຂະພາບຈະເລີນພັນ ຍັງຄົງເປັນສິ່ງທ້າທາຍສຳລັບຫຼາຍໆຄົນ, ໂດຍສະເພາະແມ່ນແມ່ຍິງທີ່ທຸກຍາກ.ແມ່ຍິງ ແລະ ຄົນໜຸ່ມສາວໃນລາວ ຍັງຄົງຂາດຂໍ້ມູນກ່ຽວກັບການເຂົ້າເຖິງບໍລິການດ້ານສຸຂະພາບຈະເລີນພັນ, ຕາມບົດລາຍງານຫຼ້າສຸດຂອງອົງການກອງທຶນປະຊາກອນ ສະຫະປະຊາຊາດ (UNFPA). ເວັ້ນເສຍແຕ່ຈະຈັດການເລັ່ງດ່ວນ ຕໍ່ບັນຫາຄວາມບໍ່ສະເໝີພາບ, ແມ່ຍິງທີ່ທຸກຍາກ ຈຶ່ງຈະມີອຳນາດໃນການຕັດສິນໃຈກ່ຽວກັບຊີວິດຂອງເຂົາເຈົ້າ, ຖ້າບໍ່ດັ່ງນັ້ນ ລາວກໍຕ້ອງຜະເຊີນກັບສິ່ງທ້າທາຍຕໍ່ເປົ້າໝາຍການພັດທະນາ.ອ່ານຕໍ່ ...

ເຈົ້າໜ້າທີ່ລັດຖະບານ ຮ່ວມມືກັບມະຫາວິທະຍາໄລແຫ່ງຊາດລາວ (ມຊ) ແລະ ຕາງໜ້າອົງການຄູ່ຮ່ວມງານ ໃນກອງປະຊຸມເພື່ອແລກປ່ຽນແນວຄິດ ກ່ຽວກັບຮ່າງຫຼັກສູດການສຶກສາປະລິນຍາໂທ ໃນຂະແໜງວິທະຍາສາດດ້ານນະວັດຕະກຳສີຂຽວເພື່ອການຄຸ້ມຄອງສິ່ງແວດລ້ອມ (GIEM).ຫຼັກສູດປະລິນຍາໂທດັ່ງກ່າວ ແມ່ນຕ່າງຈາກຫຼັກສູດປະລິນຍາໂທອື່ນໆທີ່ມີໃນປະຈຸບັນ ເພາະວ່າຈະເປັນຫຼັກສູດພື້ນຖານການຄົ້ນຄ້ວາ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຕາງໜ້າຂະແໜງການລັດ ແລະ ເອກະຊົນຈາກລາວ ແລະ ຍີ່ປຸ່ນ ຮ່ວມປະຊຸມຢູ່ນະຄອນວຽງຈັນໃນວັນຈັນນີ້ ເພື່ອຫາລືກ່ຽວກັບການແກ້ໄຂອຸປະສັກຂອງບັນດາບໍລິສັດຍີ່ປຸ່ນ ໃນການດຳເນີນທຸລະກິດໃນລາວ.ກອງປະຊຸມສົນທະນາຮ່ວມຂະແໜງການລັດ ແລະ ເອກະຊົນລາວ-ຍີ່ປຸ່ນ (Lao-Japan PPSJD) ປະຈຳປີ ຄັ້ງທີ 13 ແມ່ນຈັດຂຶ້ນເພື່ອແນໃສ່ສົ່ງເສີມການລົງທຶນຈາກປະເທດດິນແດນອາທິດອຸໄທ.ອ່ານຕໍ່ ...