News

ວຽງຈັນ (ວຽງຈັນທາມສ໌/ANN) – ມູນຄ່າການນຳເຂົ້າ ແລະ ສົ່ງອອກສິນຄ້າຮ່ວມລະຫວ່າງລາວ ແລະ ຫວຽດນາມ ໃນ 11 ເດືອນຂອງປີນີ້ ບັນລຸໄດ້ US$1,038 ລ້ານໂດລາ, ເພີ່ມຂື້ນ 12.28 ສ່ວນຮ້ອຍທຽບກັບໄລຍະດຽວກັນຂອງປີກາຍ.ຕົວເລກການຄ້າພາຄີດັ່ງກ່າວ ຄາດວ່າຈະບັນລຸຕາມເປົ້າໝາຍປະຈຳປີ ພາຍໃນທ້າຍເດືອນນີ້, ຄະນະກຳມະການ ການຮ່ວມມືລາວ-ຫວຽດນາມ ລາຍງານໃນກອງປະຊຸມຂະແໜງແຜນການ ແລະ ການລົງທຶນ ທີ່ວຽງຈັນໃນວັນຈັນນີ້.ອ່ານຕໍ່ ...

ໂຄງການອາຫານໂລກ (WFP) ໄດ້ມອບອຸປະກອນເທັກໂນໂລຢີຂໍ້ມູນຂ່າວສານ ແລະ ການສື່ສານ (ICT) ເພື່ອສະໜັບສະໜູນໂຄງການອາຫານໂຮງຮຽນ ເພື່ອຮັບປະກັນໃຫ້ມີຄວາມຍືນຍົງ ແລະ ເສີມຂະຫຍາຍກຳມະສິດທ້ອງຖິ່ນ ໃນບັນດາໂຮງຮຽນເປົ້າໝາຍ.ພິທີມອບຮັບອຸປະກອນ ໄດ້ຈັດຂຶ້ນທີ່ນະຄອນຫຼວງວຽງຈັນ ໃນວັນຈັນນີ້ ເພື່ອຊ່ວຍເຫຼືອຫ້ອງການສຶກສາທິການ ແລະ ກິລາ ໃນ 21 ເມືອງ ແລະ ພະແນກສຶກສາ ແລະ ກິລາ ແຂວງຫຼວງພະບາງ, ສາລະວັນ, ເຊກອງ, ແລະ ອັດຕະປື ໃນການຈັດຕັ້ງປະຕິບັດໂຄງການ.ອ່ານຕໍ່ ...

ລາວຈະສືບຕໍ່ເຮັດວຽກກັບຄູ່ຮ່ວມພັດທະນາ ໃນການເສີມຂະຫຍາຍການສ້າງຄວາມສາມາດ ໃຫ້ແກ່ຖັນແຖວໜ່ວຍງານສ້າງກົດໝາຍ ຂັ້ນສູນກາງ ແລະ ທ້ອງຖິ່ນ ເພື່ອສົ່ງເສີມ ການປົກຄອງທີ່ດີ, ສິດທິມະນຸດ, ແລະ ການປົກຄອງດ້ວຍລະບຽບກົດໝາຍ.ທ່ານ ໄຊສີ ສັນຕິວົງ ລັດຖະມົນຕີກະຊວງຍຸດຕິທຳ ໄດ້ສະແດງຄຳເຫັນດັ່ງກ່າວວານນີ້ ໃນການກ່າວໂອວາດເປີດກອງປະຊຸມສຳມະນາ ກ່ຽວກັບທັດສະນະການປົກຄອງທີ່ດີ ແລະ ການສ້າງລັດທີ່ປົກຄອງດ້ວຍກົດໝາຍ ໃນ ສປປ ລາວ ຄັ້ງທີ 3 ພາຍໃຕ້ຫົວຂໍ້:​ “ການເພີ່ມທະວີຄວາມເຂົ້າໃຈກ່ຽວຫຼັກການປົກຄອງທີ່ດີ, ການສ້າງລັດທີ່ປົກຄອງດ້ວຍກົດໝາຍ, ຜູ້ປະຕິບັດ, ກົນໄກ ແລະ ຂັ້ນຕອນ, ແລະ ທ່າແຮງຜົນປະໂຫຍດ, ຄວາມຍຸດຕິທຳໃນທົ່ວສັງຄົມລາວ.”ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ປີທ່ອງທ່ຽວລາວ-ຈີນ 2019 ໄດ້ອັດລົງຢ່າງເປັນທາງການໃນວັນຈັນນີ້ ໂດຍມີອຳນາດການປົກຄອງຈາກສອງປະເທດ ເຂົ້າຮ່ວມໃນພິທີດັ່ງກ່າວ ເຊິ່ງໂຄງການສົ່ງເສີມການທ່ອງທ່ຽວດັ່ງກ່າວ ບໍ່ພຽງແຕ່ເປັນການສົ່ງເສີມການທ່ອງທ່ຽວໃນສອງປະເທດ ແຕ່ຍັງເປັນຂີດໝາຍສຳຄັນໃນການເສີມຂະຫຍາຍສາຍພົວພັນສອງຊາດ.ພິທີປິດປີທ່ອງທ່ຽວລາວ-ຈີນ 2019 ໄດ້ຈັດຂຶ້ນທີ່ນະຄອນປັກກິ່ງ, ຈີນ ພາຍໃຕ້ການເຂົ້າຮ່ວມຂອງການນຳທັງສອງຝ່າຍ, ຝ່າຍລາວມີທ່ານນາງ ປານີ ຢ່າທໍ່ຕູ້ ປະທານສະພາແຫ່ງຊາດ ແລະ ທ່ານ ສ.ປອ ກິແກ້ວ ໄຂຄຳພິທູນ ລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ມີສາມຄົນເສຍຊີວິດ ເນື່ອງຈາກເຫດໄຟໃໝ້ເຮືອນໜຶ່ງຫຼັງ ຢູ່ບ້ານເມືອງງາ ນະຄອນຫຼວງພະບາງ ໃນວັນອາທິດທີ່ຜ່ານມາ. ທ່ານພັນຕີ ເພັດ ເພັງນານວນ ເຈົ້າໜ້າທີ່ກົມຕຳຫຼວດປ້ອງກັນ ແລະ ຄວບຄຸມອັກຄີໄພ ແຂວງຫຼວງພະບາງ ລາຍງານຕໍ່ສຳນັກຂ່າວວຽງຈັນທາມສ໌ ໃນວັນຈັນຜ່ານມານີ້ວ່າ ເຫດອັກຄີໄພດັ່ງກ່າວ ແມ່ນເກີດຂຶ້ນໃນເວລາ 2:00 ໂມງເຊົ້າຂອງວັນອາທິດ, ມີເຮືອນໜຶ່ງຫຼັງໄດ້ຮັບຄວາມເສຍໃນແປວເພີງ ແລະ ມີຜູ້ເສຍຊີວິດສາມຄົນ.ອ່ານຕໍ່  ...

ວຽງຈັນ (ວຽງຈັນທາມສ໌/ANN) – ການເກັບກຳລາຍຮັບຂອງລັດຖະບານໃນຊ່ວງ 11 ເດືອນຂອງປີ 2019 ບັນລຸໄດ້ 77.89 ສ່ວນຮ້ອຍຂອງແຜນການປະຈຳປີ, ໃນຂະນະທີ່ລາຍຮັບພາຍໃນແມ່ນບັນລຸໄດ້ 82.76 ສ່ວນຮ້ອຍ, ເພີ່ມຂຶ້ນ 3 ສ່ວນຮ້ອຍທຽບກັບໄລຍະດຽວກັນຂອງປີຜ່ານມາ. ຕົວເລກດັ່ງກ່າວ ແມ່ນສ່ວນໜຶ່ງຂອງບົດລາຍງານຂອງກະຊວງການເງິນ ທີ່ມີການເຜີຍແຜ່ວານນີ້ ໃນກອງປະຊຸມປະຊຸມປະຈຳປີ ທີ່ນະຄອນຫຼວງວຽງຈັນ ເພື່ອທົບທວນຜົນສຳເລັດໃນການຈັດຕັ້ງປະຕິບັດແຜນການປະຈຳປີ ແລະ ການວາງແຜນການສຳລັບປີ 2020.ອ່ານຕໍ່ ...

ວາລະສານ Architectural Digest ມີການເຜີຍແຜ່ການຈັດອັນດັບສະຖານທີ່ທ່ອງທ່ຽວຊັ້ນນຳຂອງໂລກໃນແຕ່ລະປີ. ກ່ອນຈະຕິດອັນດັບດັ່ງກ່າວ, ສະຖານທີ່ທ່ອງທ່ຽວ ຈະຕ້ອງເປັນທີ່ດຶງດູດໃນກຸ່ມຄົນທີ່ມັກຮັກທາງດ້ານສະຖາປັດຕະຍາກຳ ແລະ ການອອກແບບ, ຕາມວາລະສານດັ່ງກ່າວ.ເມືອງຫຼວງພະບາງ ຕິດອັນດັບ 11 ໃນລາຍການ ແລະ ຖືກຈັດໃຫ້ເປັນເມືອງ “ທີ່ຢູ່ໃນເລດ້າຂອງນັກທ່ອງທ່ຽວ,” ແລະ ຈະມີການສະເຫຼີມສະຫຼອງການເປັນເມືອງມໍລະດົກຂອງ UNESCO ໂລກຄົບຮອບ 25 ປີ ໃນປີ 2020.ອ່ານຕໍ່  ...

(ຂປລ) ຄະນະບໍລິຫານທະນາຄານໂລກ ໄດ້ອະນຸມັດທຶນຊ່ວຍເຫຼືອ US$50 ລ້ານໂດລາ ໃນວັນທີ 13 ທັນວານີ້ ເພື່ອເປັນການຊ່ວຍເຫຼືອເພີ່ມເຕີມດ້ານການເງິນ ສຳລັບໂຄງການຄຸ້ມຄອງຄວາມສ່ຽງໄພພິບັດອາຊີຕາເວັນອອກສຽງໃຕ້ໃນ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໂຄງການຂະແໜງກໍ່ສ້າງທາງໃນລາວ ໄລຍະ II.ທຶນເພີ່ມເຕີມດັ່ງກ່າວ ຈະຊ່ວຍຫຼຸດຜ່ອນຊ່ອງຫວ່າງທາງການເງິນ ສຳລັບການຟື້ນຟູຫຼັງໄພນ້ຳຖ້ວມຄັ້ງໃຫຍ່ໃນປີ 2018, ການຈັດບູລິມະສິດການລົງທຶນໃນການຄຸ້ມຄອງຄວາມສ່ຽງຕໍ່ໄພນ້ຳຖ້ວມ, ແລະ ຂະແໜງການກໍ່ສ້າງທາງ, ເຊິ່ງຄິດເປັນ 75 ສ່ວນຮ້ອຍຂອງຄວາມເສຍຫາຍ ແລະ ການສູນເສຍ ທີ່ຄາດຄະເນທັງໝົດ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຊາວກະສິກອນຢູ່ສອງແຂວງພາກເໜືອຄື ແຂວງຊຽງຂວາງ ແລະ ຫົວພັນ ມີຜົນຜະລິດທີ່ເພີ່ມຂຶ້ນທັງທາງດ້ານປະລິມານ ແລະ ຄຸນນະພາບ ຈາກເຈັດແນວພັນເຂົ້າພື້ນເມືອງ ເຂົ້າໄກ່ນ້ອຍ.ການລິເລີ່ມດ້ານກະສິກຳ-ຊິວະນາໆພັນ (TABI) ສືບຕໍ່ໂຄງການຊ່ວຍເຫຼືອຊາວກະສິກອນແຂວງຊຽງຂວາງ ແລະ ຫົວພັນ ເພື່ອປັບປຸງຄຸນນະພາບແນວພັນເຂົ້າໄກ້ນ້ອຍ ເພື່ອຮັບປະກັນຄວາມໝັ້ນຄົງດ້ານສະບຽງອາຫານໃນຊຸມຊົນ ແລະ ຜົນຕອບແທນທີ່ສູງຂຶ້ນສຳລັບຊາວກະສິກອນ.ໂຄງການດັ່ງກ່າວ ໄດ້ມີການຂະຫຍາຍຢູ່ໃນເກົ້າຕົວເມືອງໃນສອງແຂວງ ໂດຍຜ່ານເຄືອຂ່າຍການພັດທະນາການຜະລິດແນວພັນເຂົ້າໄກ່ນ້ອຍ.ອ່ານຕໍ່ ...

ວຽງຈັນ (ວຽງຈັນທາມສ໌/ANN) – ຄະນະຜູ້ແທນຈາກລັດຖະບານ ແລະ ນັກວິໄຈບັນດາປະເທດສະມາຊິກ ອົງການສົ່ງເສີມຜະລິດຕະພາບອາຊີ (APO) ໄດ້ປະຊຸມທີ່ນະຄອນຫຼວງວຽງຈັນ ເພື່ອສຶກສາ ແລະ ແລກປ່ຽນປະສົບການ ກ່ຽວກັບລະບຽບການດ້ານຄວາມປອດໄພຂອງອາຫານ ແລະ ບັນຫາທີ່ກ່ຽວຂ້ອງ.ທ່ານ ບຸນເຖິງ ດວງສະຫວັນ ຫົວໜ້າກົມສົ່ງເສີມທຸລະກິດຂະໜາດນ້ອຍ ແລະ ຂະໜາດກາງ, ແລະ ທ່ານ ດຣ Asaithambi Manickam ເຈົ້າໜ້າທີ່ໂຄງການ ພະແນກກະສິກຳ APO ເຂົ້າຮ່ວມເປັນປະທານໃນກອງປະຊຸມດັ່ງກ່າວ ເຊິ່ງມີຜູ້ເຂົ້າຮ່ວມຈາກປະເທດລາວ, ຫວຽດນາມ, ໄທ, ກຳປູເຈຍ, ອິນໂດເນເຊຍ, ສິງກະໂປ, ອິຣານ, ຟິຈິ, ມອງໂກເລຍ, ປາກິສະຖານ, ສີລັງກາ, ບັງກະລາເທດ.ອ່ານຕໍ່ ...