News

ລັດຖະບານໄດ້ທຳການທົດລອງໂຄງການປະຕູດຽວແຫ່ງຊາດລາວ (LNSW) ທີ່ດ່ານຊາຍແດນສາກົນ ເພື່ອເພີ່ມຄວາມໄວໃນການຊຳລະພາສີຍານພາຫະນະ ແລະ ເຊື່ອມໂຍງປະເທດລາວເຂົ້າກັບລະບົບປະຕູດຽວຂອງອາຊຽນ. ກົມພາສີ ກະຊວງການເງິນ ໄດ້ເຊັນບົດບັນທຶກຄວາມເຂົ້າໃຈກັບ ກົມຂົນສົ່ງ ກະຊວງໂຍທາທິການ ແລະ ຂົນສົ່ງ ໃນອາທິດທີ່ຜ່ານມາ ເພື່ອຮ່ວມມືກັນຈັດຕັ້ງປະຕິບັດຂະບວນການດັ່ງກ່າວ.ອ່ານຕໍ່ ...

ລາວ ແລະ ຫວຽດນາມໄດ້ອະນຸມັດແຜນການກໍ່ເສັ້ນທາງຫຼວງວຽງຈັນ-ຮ່າໂນ້ຍ ຕັດຜ່ານແຂວງບໍລິຄຳໄຊໃຈກາງຂອງລາວ ແລະ ແຂວງເງອັນໃຈກາງຂອງຫວຽດນາມ ເຊິ່ງມີຄວາມຍາວປະມານ 700 ກມ. ພະນັກງານແຂວງບໍລຄຳໄຊຜູ້ສະຫງວນນາມ ໄດ້ລາຍງານຕໍ່ສຳນັກຂ່າວວຽງຈັນທາມສ໌ໃນມື້ວັນຈັນນີ້ວ່າ ເສັ້ນທາງຫຼວງດັ່ງກ່າວຈະຕັດຂະໜານໄປກັບເສັ້ນທາງເລກທີ 13 ໃຕ້ເດີມ ແລ້ວຫັກເຂົ້າໃສ່ຊາຍແດນລາວຫວຽດ ນ້ຳ​ພາວ-ແກວເຈົາ ທີ່ເມືອງຄຳເກີດແຂວງບໍລິຄຳໄຊ.ອ່ານຕໍ່ ...

ທະນາຄານໂລກໄດ້ອະນຸມັດໂຄງການປັບປຸງເສັ້ນທາງເລກທີ 13 ເພື່ອຊ່ວຍຍົກລະດັບຊີວິດການເປັນຢູ່ຂອງປະຊາຊົນທີ່ອາໃສຢູ່ລຽບຕາມເສັ້ນທາງສາຍຫຼັກດັ່ງກ່າວ. ໃນອາທິດທີ່ຜ່ານມາ ພາຍຫຼັງໄດ້ມີການຕົກລົງອະນຸມັດໂຄງການຈາກຄະນະບໍລິຫານ, ທະນາຄານໂລກໄດ້ອອກຖະແຫຼງການກ່ຽວກັບໂຄງການ ເພື່ອແນໃສ່ປັບປຸງສະພາບ, ຄວາມປອດໄພ, ແລະ ຄວາມສາມາດປັບຕົວຕໍ່ການປ່ຽນແປງຂອງສະພາບອາກາດ ຂອງຕອນທາງທີ່ສຳຄັນຂອງເສັ້ນທາງເລກທີ່ 13, ໜຶ່ງໃນເສັ້ນທາງທີ່ສຳຄັນທີ່ສຸດຂອງລາວອ່ານຕໍ່ ...

ລາວໄດ້ຮ່ວມມືກັບສາກົນເພື່ອຮຽກຮ້ອງແກ້ໄຂບັນຫາຄວາມບໍ່ສະໝີພາບໃນທົ່ວໂລກ ຕາມວາລະການປະຊຸມ 2030 ຂອງ ສປຊ ກ່ຽວກັບການພັດທະນາແບບຍືນຍົງ ແລະ ເປົ້າໝາຍການພັດທະນາແບບຍືນຍົງ (SDGs). ຄະນະລັດຖະບານລາວ ນຳໂດຍ ທ່ານ ສະເຫຼີມໄຊ ກົມມະສິດ ລັດຖະມົນຕີ ກະຊວງການຕ່າງປະເທດ ໄດ້ກ່າວຄຳຮຽກຮ້ອງໃນກອງປະຊຸມ ຊຸດທີ່ 74 ຂອງຄະນະກຳມາທິການເສດຖະກິດ ແລະ ສັງຄົມ ແຫ່ງອາຊີປາຊີຟິກ ຂອງສະຫະປະຊາຊາດ ເຊິ່ງຈັດຂຶ້ນຢູ່ບາງກອກ ປະເທດໄທ ໃນທ້າຍອາທິດທີ່ຜ່ານມາອ່ານຕໍ່ ...

ໃນວັນສຸກທີ່ຜ່ານມາ ນັກທ່ອງທ່ຽວຫຼາຍພັນຄົນໄດ້ເຕົ້າໂຮມກັນຢູ່ໃຈກາງແຂວງ ເພື່ອຊົມກິດຈະກຳມ່ວນຊື່ນຕ່າງໆ ທີ່ແຂວງຫົວພັນໄດ້ຈັດຂຶ້ນ ເພື່ອເປັນການເປີດຕົວປີທ່ອງທ່ຽວລາວຢ່າງເປັນທາງການ. ງານດັ່ງກ່າວກົງກັບວັນຄົບຮອບ 10 ປີ ຂອງການສ້າງເສົາຫຼັກເມືອງຊຳເໜືອ ເຊິ່ງຕັ້ງຢູ່ໃຈກາງເມືອງອ່ານຕໍ່ ...

ເກືອບ 2 ປີ ຢູ່ແຂວງສະຫວັນນະເຂດ ໄດ້ພົບເຫັນການລະເມີດລະບຽບກ່ຽວກັບການຄຸ້ມຄອງເຄື່ອນຍ້າຍໄມ້ ແລະທຸລະກິດໄມ້ຈຳນວນຫລາຍກໍລະນີ ເຈົ້າໜ້າທີ່ກອງກວດກາປ່າໄມ້ແຂວງ ໄດ້ກວດກາພົບເຫັນການລະເມີດລະບຽບກົດໝາຍປ່າໄມ້ ແລະສັດນໍ້າ-ສັດປ່າໄດ້ 279 ກໍລະນີ ໃນນີ້ໄດ້ຮູ້ຜູ້ກະທຳຜິດ 204 ກໍລະນີ ແລະຍັງບໍ່ຮູ້ຜູ້ກະທຳຜິດ 75 ກໍລະນີ ໂດຍໄດ້ຢຶດໄມ້ ແລະຜະລິດຕະພັນໄມ້ຈຳນວນ 3.421 ແມັດກ້ອນ ກັບ 45.190 ກິໂລອ່ານຕໍ່ ...

ທາງການລາວ ຈະຄວບຄຸມອັດຕາການວ່າງງານໃນເຂດນະຄອນວຽງຈັນ ໃຫ້ຢູ່ໃນລະດັບບໍ່ເກີນ 2 ເປີເຊັນ ຂອງກຳລັງແຮງງານທັງໝົດ ດ້ວຍການສົ່ງເສີມ ໃຫ້ມີການຈ້າງງານໃຫ້ໄດ້ເຖິງ 35,000 ຄົນ ໃນປີ 2018.ອ່ານຕໍ່ ...

ບໍລິສັດໄຟຟ້າເທີນຫີນບູນ ໄດ້ມອບສູນພັດທະນາກະສິກຳ 4 ແຫ່ງໃຫ້ແກ່ອຳນາດການປົກຄອງເມືອງ ແຂວງບໍລິຄຳໄຊ ເພື່ອຊ່ວຍສົ່ງເສີມຊີວິດການເປັນຢູ່ຂອງປະຊາຊົນໃນທ້ອງຖິ່ນ.​ ສູນກະສິກຳດັ່ງກ່າວຕັ້ງຢູ່ ບ້ານໜອງຊອງ, ສົບພວນ ແລະ ໂພທອງ ເມືອງຄຳເກີດ ແລະ ບ້ານ ແກ້ວແສນຄຳ ເມືອງ ໄຊຈຳພອນ ເຊິ່ງບໍລິສັດດັ່ງກ່າວໄດ້ນຳໃຊ້ໃນການສາທິດເຕັກນິກການປູກຝັງ ແລະ ລ້ຽງສັດໃນໄລຍະການຍ້າຍການຕັ້ງຖິ່ນຖານຂອງປະຊາຊົນອ່ານຕໍ່ ...

ອຳນາດການປົກຄອງແຂວງສະຫວັນນະເຂດ ໄດ້ສັ່ງໃຫ້ໂຮງງານຜະລິດເຈ້ຍ ເມືອງເຊໂປນ ຢຸດດຳເນີນການທົດລອງການຜະລິດ ຈົນກວ່າຈະສຳເລັດການກໍ່ສ້າງ ຍ້ອນສົງໄສວ່າການຜະລິດດັ່ງກ່າວອາດເຮັດໃຫ້ເກີດມົນລະພິດຕໍ່ແມ່ນ້ຳ. ໂຮງງານຈີນດັ່ງກ່າວ ເຊິ່ງເປັນໂຮງງານເຈ້ຍຂະໜາດໃຫຍ່ເປັນອັນດັບສາມຂອງໂລກ ໄດ້ທຳການທົດລອງເຄື່ອງຈັກໃນວັນທີ 10 ພຶດສະພາ ໃນຍາມຝົນຕົກ ເຮັດໃຫ້ຂອງເສຍຈາກໂຮງງານໄຫຼລົງສູ່ສາຍຫ້ວຍທີ່ເຊື່ອມຕໍ່ກັບນ້ຳເຊບັ້ງຫຽງ.ອ່ານຕໍ່ ...

(ຂປລ) ປະຊາຊົນກວ່າ 140,000ຄົນຈະໄດ້ຮັບຜົນປະໂຫຍດຈາກການປູກເຂົ້າ ສາລີ ແລະ ພືດຜັກທີ່ມີປະສິທິພາບ ແລະ ມີຜົນກຳໄລເພີ່ມຂຶ້ນ ຈາກໂຄງການແຂ່ງຂັນກະສິກຳ ສປປ ລາວ. ພິທີເຊັນຂໍ້ຕົກລົງໂຄງການ ເຊິ່ງມີມູນຄ່າ 25 ລ້ານໂດລາສະຫະລັດ ໄດ້ຈັດຂຶ້ນໃນວັນທີ 17 ພຶດສະພາ ໂດຍທະນາຄານໂລກ ແລະ ທ່ານ ທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນ.ອ່ານຕໍ່ ...