News

ຄະນະເສດຖະສາດ ແລະ ບໍລິຫານທຸລະກິດ ມະຫາວິທະຍາໄລແຫ່ງຊາດລາວ ຮ່ວມມືກັບ ອົງການ CPA ອົດສະຕຣາລີ ເພື່ອສົ່ງເສີມການມີວຽກເຮັດງານທຳສຳລັບນັກສຶກສາ ໂດຍຜ່ານການສົ່ງເສີມທາງດ້ານການສຶກສາ. ມຊ ເປັນມະຫາວິທະຍາໄລແຫ່ງທຳອິດໃນລາວທີ່ສ້າງສາຍສຳພັນກັບ ອົງການ CPA ອົດສະຕຣາລີ ໜຶ່ງໃນອົງການການບັນຊີທີ່ໃຫຍ່ທີ່ສຸດໃນໂລກ ໂດຍການລົງນາມໃນຂໍ້ຕົກລົງ.ອ່ານຕໍ່ ...

ລັດຖະບານໄດ້ອອກດຳລັບສະບັບໃໝ່ ເພື່ອຮັດແໜ້ນການຮ່ວມມື ລະຫວ່າງສຳນັກງານນາຍົກລັດຖະມົນຕີ ແລະ ກະຊວງ,​ ແຂວງ ແລະອົງການຈັດຕັ້ງທຽບເທົ່າກະຊວງ. ດຳລັດດັ່ງກ່າວແມ່ນແນໃສ່ສົ່ງເສີມການເຮັດວຽກຮ່ວມກັນ ແລະ ຊຸກຍູ້ການປະຕິບັດງານ ທັງເປັນການຫຼີກລ່ຽງການເຮັດວຽກຊ້ຳກັນໃນອົງກອນຂອງລັດ ແລະ ເພື່ອສົ່ງເສີມໃຫ້ແຕ່ລະຂະແໜງການຮັບຜິດຊອບຕໍ່ພາລະກິດທີ່ໄດ້ຮັບມອບໝາຍຢ່າງເຕັມສ່ວນ.ອ່ານຕໍ່ ...

ສາມບໍລິສັດໄດ້ຖືກຄັດເລືອກໃຫ້ດຳເນີນການກໍ່ສ້າງເສັ້ນທາງດ່ວນເຊື່ອມຕໍ່ໃຈກາງນະຄອນຫຼວງວຽງຈັນຫາເຂດຊານເມືອງ ເພື່ອຈຸດປະສົງຫຼຸດຜ່ອນຄວາມຄັບຄາໜາແໜ້ນໃນການຈໍລະຈອນໃນເຂດຕົວເມືອງ. ເສັ້ນທາງດ່ວນເຊິ່ງມີໄລຍະທາງ 15 ກມ ດັ່ງກ່າວ ແມ່ນເລີ່ມຕົ້ນແຕ່ບໍລິເວນສູນການຄ້າລາວໄອເຕັກ ເມືອງໄຊເສດຖາ ໄປຫາບ້ານດົງໝາກຄາຍ ເມືອງໄຊທານີ. ເສັ້ນທາດັ່ງກ່າວເປັນຈະສ້າງເປັນຖະໜົນສີ່ເລນ, ກວ້າງ 54 ແມັດ, ຕັດຂະໜານໄປຕາມຖະໜົນໄກສອນພົມວິຫານ.ອ່ານຕໍ່ ...

ຄະນະລັດຖະບານ ແລະ ຄູ່ຮ່ວມພັດທະນາສາກົນ ໄດ້ພົບປະກັນໃນມື້ວານນີ້ຢູ່ວຽງຈັນ ເພື່ອລາຍງານຄວາມຄືບໜ້າ ແລະ ປັບປຸງການກະກຽມການຈັດກອງປະຊຸມໂຕະມົນ ເຊິ່ງຈະຈັດຂຶ້ນໃນເດືອນພະຈິກປີນີ້. ການພົບປະດັ່ງກ່າວແມ່ນຈັດຂຶ້ນທີ່ກະຊວງແຜນການ ແລະ ການລົງທຶນ ເຊິ່ງມີທ່ານລັດຖະມົນຕີ ປອ ສຸພັນ ແກ້ວມີໄຊ ແລະ ທ່ານນາງ ຄາຣິນາ ອິມໂມເນັນ ຜູ້ປະສານງານປະຈຳ ສປຊ ທັງເປັນຜູ້ຕາງໜ້າ ອົງການ UNDP ເປັນປະທານຮ່ວມ.ອ່ານຕໍ່ ...

ທ່ານປະທານປະເທດ ບຸນຍັງ ວໍລິຈິດ ຮຽກຮ້ອງໃຫ້ແຂວງສະຫວັນນະເຂດເພີ່ມທະວີຄວາມພະຍາຍາມໃນການແກ້ໄຂປະກົດການຫຍໍ້ທໍ້ທາງສັງຄົມ ເພື່ອຮັກສາສະຖຽນລະພາບໃນການພັດທະນາເສດຖະກິດ ແລະ ສັງຄົມພາຍໃນແຂວງ. ຕາມການລາຍງານຂອງສື່ທ້ອງຖິ່ນ, ທ່ານປະທານປະເທດໄດ້ໃຫ້ທິດຊີ້ນຳ ໃນໂອກາດໂອ້ລົມກັບອຳນາດການປົກຄອງແຂວງ ໃນພາລະກິດລົງຢ້ຽມຢາມແຂວງດັ່ງກ່າວໃນອາທິດທີ່ຜ່ານມາ.ອ່ານຕໍ່ ...

ນັກກົດໝາຍຈະປຶກສາຫາລື 13​ ຮ່າງກົດໝາຍໃນກອງປະຊຸມສະໄໝສາມັນ ຄັ້ງທີ 5 ຂອງສະພານິຕິບັນຍັດແຫ່ງຊາດ ຊຸດທີ 8 ເພື່ອເດີນໜ້າການກໍ່ສ້າງລາວ ໃຫ້ເປັນປະເທດທີ່ປົກຄອງໂດຍກົດໝາຍ. ທ່ານນາງສວນສະຫວັນ ວິຍະເກດ ເລຂາທິການໃຫຍ່ສະພາແຫ່ງຊາດ ໃນຖະແຫຼງຜ່ານສື່ມວນຊົນໃນມື້ວານນີ້ວ່າ ກອງປະຊຸມປຶກສາຫາລືດັ່ງກ່າວມີແຜນຈະຈັດຂຶ້ນໃນວັນທີ 5-28, ເຊິ່ງຈັດຂຶ້ນສອງຄັ້ງຕໍ່ປີ, ຈະພິຈາລະນາຫ້າຮ່າງກົດໝາຍໃໝ່ ແລະ ຮ່າງກົດໝາຍດັດແກ້ອີກ 8 ສະບັບ.ອ່ານຕໍ່ ...

(ຂປລ) ຕັ້ງແຕ່ປີ 2015 ກະຊວງສຶກສາທິການ ແລະ  ກິລາ ໄດ້ດຳເນີນການປັບປຸງຫຼັກສູດຊັ້ນປະຖົມສາມັນສຶກສາແຫ່ງຊາດ ແລະ ທຳການພັດທະນາປຶ້ມແບບຮຽນ,​ ຄູ່ມືຄູ ແລະ ອຸປະກອນຕ່າງໆສຳລັບໂຮງຮຽນ.ອ່ານຕໍ່ ...

ໃນຫ້າປີທີ່ຜ່ານມາ ການທ່ອງທ່ຽວໃນ ສປປ ລາວ ໄດ້ຄ່ອຍໆຂະຫຍາຍຕົວເປັນລຳດັບ. ລາວເປັນປະເທດທີ່ບໍ່ມີຊາຍຝັ່ງທະເລ ເຮັດໃຫ້ບໍ່ມີຊາຍຫາດສວຍງາມຄືດັ່ງປະເທດເພື່ອນບ້ານມະເລເຊຍ ຫຼື ອິນໂດເນເຊຍ ແລະ ບໍ່ມີເສັ້ນຂອບຟ້າທີ່ເດັ່ນຄືກັບສິງປະໂປ, ແຕ່ວ່າລາວກໍມີຄວາມງົດງາມທີ່ເປັນເອກະລັກຂອງຕົນເອົງທີ່ບໍ່ຄືປະເທດໃດໃນພາກພື້ນ. ໃນຂະນະທີ່ປະເທດລາວກຳລັງຂຸ້ນຂ້ຽວໃນວຽກງານການພັດທະນາ, ລາວຍັງຄົງຮັກສາສະເໜ່ຄວາມງົດງາມ ແລະ ເປັນເອກະລັກຂອງຊາດ ເຊິ່ງເປັນທີ່ຮູ້ກັນໃນພາກພື້ນ.ອ່ານຕໍ່ ...

ຂະແໜງການລັດໄດ້ຮັບການຮຽກຮ້ອງໃຫ້ເພີ່ມຄວາມພະຍາຍາມໃນການເກັບເງິນຄັງສຳຮອງຂອງລັດໃນໄຕມາດທີສາມ ແລະ ທີ່ສີ່ຂອງປີ 2018 ຫຼັງຈາກມີການຂາດດຸນໃນຫານເກັບກຳລາຍຮັບໃນຊ່ວງຕົ້ນປີນີ້. ໃນກອງປະຊຸມປະຈຳເດືອນຂອງລັດຖະບານໃນອາທິດທີ່ຜ່ານມາ ທ່ານນາຍົກລັດຖະມົນຕີ ທອງລຸນ ສີສຸລິດ ໄດ້ປຶກສາຫາລືມາດຕະການ ໃນການເກັບລາຍຮັບເຂົ້າຄັງໃນໄລຍະເຄິ່ງປີຫຼັງ.ອ່ານຕໍ່ ...

ໃນວັນສຸກທີ່ຜ່ານມານີ້ ແຂວງສະຫວັນນະເຂດໄດ້ປະກາດໃຫ້ເມືອງໄກສອນພົມວິຫານມີສະຖານະເປັນນະຄອນຢ່າງເປັນທາງການ ຫຼັງຈາກທີ່ລັດຖະບານໄດ້ມີການອະນຸມັດການຍົກສະຖານະພາບການເປັນນະຄອນຂອງສາມເມືອງທີ່ຜ່ານມາ. ລັດຖະບານໄດ້ອະນຸມັດ ການປ່ຽນສະຖານະພາບດັ່ງກ່າວເພື່ອຍົກລະດັບການປົກຄອງ ແລະ ການພັດທະນາບັນດາຕົວເມືອງຕ່າງໆ. ໃນນີ້ມີການປະກາດ ເມືອງຫຼວງພະບາງ ເປັນນະຄອນຂອງແຂວງຫຼວງພະບາງ, ເມືອງໄກສອນພົມວິຫານ ເປັນນະຄອນຂອງແຂວງສະຫວັນນະເຂດ ແລະ ເມືອງປາກເຊ ເປັນນະຄອນຂອງແຂວງຈຳປາສັກ.ອ່ານຕໍ່ ...