News

ໃນມື້ວານນີ້ຊາວນະຄອນຫຼວງວຽງຈັນ ແລະ ຕ່າງແຂວງ ໄດ້ເຂົ້າຮ່ວມກິດຈະກຳພິເສດເພື່ອສະເຫຼີມສະຫຼອງວັນເດັກນ້ອຍສາກົນທີ່ຫໍວັດທະນະທຳແຫ່ງຊາດ. ໃນປີນີ້ແມ່ນໄດ້ສະເຫຼີມສະຫຼອງພາຍໃຕ້ຄຳຂວັນ “ສົ່ງເສີມ ສິດທິເດັກ,​ ຄວາມປອດໄພໃນການນຳໃຊ້ເຕັກໂນໂລຊີ, ສ້າງສະພາບແວດລ້ອມທີ່ຍືນຍົງ, ແລະ ເປັນເຈົ້າພາບທີ່ດີໃນປີທ່ອງທ່ຽວລາວ”, ຂອງຄະນະກຳມະການແຫ່ງຊາດເພື່ອສົ່ງເສີມແມ່ຍິງ ແລະ ແມ່-ເດັກ.ອ່ານຕໍ່ ...

ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ຮຽກຮ້ອງໃຫ້ທຸກພາກສ່ວນເພີ່ມທະວີການເອົາໃຈໃສ່ໃນການພັດທະນາ ແລະ ປົກປ້ອງເດັກ, ສ້າງສະພາບແວດລ້ອມທີ່ດີໃຫ້ເຂົາເຈົ້າຈະເລີນເຕີບໃຫຍ່. ໃນການກ່າວໂອວາດເນື່ອງໃນໂອກາດວັນເດັກໜຶ່ງມີຖຸນານີ້, ທ່ານນາຍົກໄດ້ຮຽກຮ້ອງໃຫ້ອົງການຈັດຕັ້ງພັກລັດ, ແນວລາວສ້າງຊາດ, ອົງການຈັດຕັ້ງມະຫາຊົນ, ຫົວໜວຍທຸລະກິດທັງພາກລັດ ແລະ ເອກະຊົນ, ແລະ ພໍ່ແມ່ຜູ້ປົກຄອງຈົ່ງເພີ່ມທະວີຄວາມຮັບຜິດຊອບໃນການເບິ່ງແຍງລ້ຽງດູລູກຫຼານ.ອ່ານຕໍ່ ...

ປັກກິ່ງ, 30​ພຶດສະພາ (ຊິນຫົວ/ຂປລ) — ໃນວັນພຸດທີ່ຜ່ານມານີ້ ຈີນ ແລະ ລາວໄດ້ຕົກລົງສົ່ງເສີມການສ້າງຊຸມຊົນຮ່ວມອະນາຄົດ ເພື່ອບັນລຸບາດກ້າວໃໝ່.ອ່ານຕໍ່ ...

ການໃຊ້ຄວາມຮຸນແຮງຕໍ່ແມ່ຍິງໃນກຸ່ມບ້ານເປົ້າໝາຍໃນວຽງຈັນມີການຫຼຸດຜ່ອນລົງ ເນື່ອງຈາກວ່າຄົນມີຄວາມເຂົ້າໃຈກ່ຽວກັບສິດທິຂອງແມ່ຍິງຫຼາຍຂຶ້ນ ຜ່ານໂຄງການນຳຄວາມຍຸດຕິທຳກັບຄືນສູ່ແມ່ຍິງທີ່ໄດ້ຮັບຜົນຈາກການໃຊ້ຄວາມຮຸນແຮງເຊິ່ງມີພື້ນຖານມາຈາກເລື່ອງເພດ. ໜ່ວຍງານລັດ ແລະ ຄູ່ຮ່ວມພັດທະນາ ອົງການຈັດຕັ້ງສາກົນເຮວເວຕັສ ສະວິສ ໄດ້ທົບທວນວຽກງານທີ່ຜ່ານມາ ພ້ອມທັງແລກປ່ຽນປະສົບການພາຍໃຕ້ໂຄງການດັ່ງກ່າວ. ອ່ານຕໍ່ ...

ອຳນາດການປົກຄອງເມືອງຊະນະຄາມ ແຂວງວຽງຈັນ ໄດ້ລາຍງານວ່າ ການລົ້ມຕາຍຂອງງົວຄວາຍ 25 ໂຕ ດັ່ງກ່າວແມ່ນຍ້ອນການຕິດເຊື້ອໄຂ້ເລືອດອອກໃນສັດ ແລະບໍ່ກວດພົບສານພິດໃດໆໃນການຕາຍດັ່ງກ່າວ. ຝູງງົວຄວາຍດັ່ງກ່າວໄດ້ລົ້ມຕາຍລົງໃນລະຫວ່າງ ວັນທີ 17 ຫາ 22 ພຶດສະພາ ທີ່ເມືອງຊະນະຄາມ. ໃນວັນທີ 17 ນັ້ນ ພົບວ່າມີຄວາຍຕາຍ 13 ຕົວ ຢູ່ບ້ານນາສົມບູນ, ມາຮອດວັນທີ 19 ມີງົວຕາຍເພີ່ມອີກສອງຕົວ ຢູ່ບ້ານໂພນສະຫວັນ. ແລະ ໃນວັນທີ 22 ພົບງົວຄວາຍຕາຍເພີ່ມອີກ 10 ຕົວ ຢູ່ບ້ານແສງຈະເລີນ.ອ່ານຕໍ່ ...

ກອງທຶນການກຸສົນເພື່ອການບັນເທົາທຸກຂອງສະຫະລາດຊະອານາຈັກອັງກິດ ໄດ້ໃຫ້ທຶນຊ່ວຍເຫຼືອຈຳນວນກວ່າ US$700,000 ເພື່ອຊ່ວຍໃນການປ້ອງກັນ ແລະ ຄວບຄຸມພະຍາດໄຂ້ມາເລເລຍຢູ່ສາມແຂວງໃນລາວ ແຕ່ປີ 2018 ຫາ 2020.ອ່ານຕໍ່ ...

ວຽງຈັນ ມີການວາງແຜນພັດທະນາການບໍລິການການທ່ອງທ່ຽວນ້ຳງື່ມ ເມືອງໄຊທານີ ເພື່ອດຶງດູດນັກທ່ອງທ່ຽວ. ທ່ານບົວລີ ແກ້ວມະນີວັນ ຫົວໜ້າຫ້ອງການຖະແຫຼງຂ່າວ,​ ວັດທະນະທຳ ແລະ ທ່ອງທ່ຽວນະຄອນຫຼວງໄດ້ແຈ້ງຕໍ່ນັກຂ່າວວຽງຈັນທາມສ໌ວ່າ ທາງຫ້ອງການນະຄອນຫຼວງ ແລະ ຂັ້ນເມືອງ ໄດ້ລົງສຳຫຼວດສະຖານທີ່ທ່ອງທ່ຽວ ໃນ 23 ບ້ານລຽບຕາມແຄມງື່ມ ເພື່ອເກັບກຳຂໍ້ມູນ ແລະ ວາງແຜນກິດຈະກຳເພື່ອສົ່ງເສີມການທ່ອງທ່ຽວພື້ນຖານທຳມະຊາດ ແລະ ວິຖີຊີວິດແບບທ້ອງຖິ່ນ.ອ່ານຕໍ່ ...

ປະຊາຊົນລາວທົ່ວປະເທດໄດ້ກະກຽມກິດຈະກຳຫຼາກຫຼາຍສີສັນ ເພື່ອສະເຫຼີມສະຫຼອງວັນເດັກນ້ອຍສາກົນ (1 ມິຖຸນາ) ແລະ ເພື່ອສົ່ງເສີມອະນາຄົດອັນສົດໃສສຳລັບເດັກນ້ອຍ.ອ່ານຕໍ່ ...

ກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍຄະນະລັດຖະບານທີ່ກ່ຽວຂ້ອງ ໄດ້ຈັດບັ້ນປະຊຸມກ່ຽວກັບການຄຸ້ມຄອງໄພພິບັດທາງທຳມະຊາດໃນມື້ວານນີ້. ກອງປະຊຸມດັ່ງກ່າວໄດ້ສຸມໃສ່ຄວາມຈຳເປັນໃນການຈັດສັນຊັບພະຍາກອນ ເພື່ອກຽມພ້ອມຮັບມືຕໍ່ສະພາບອາກາດທີ່ຮຸນແຮງ ເພື່ອທີ່ຈະຫຼຸດຜ່ອນຜົນກະທົບຕໍ່ຊຸມຊົນທ້ອງຖິ່ນ.ອ່ານຕໍ່ ...

ອຸດສາຫະກຳການທ່ອງທ່ຽວໃນລາວບໍ່ພຽງແຕ່ມີບົດບາດສຳຄັນໃນການກະຕຸ້ນການຂະຫຍາຍຕົວດ້ານເສດຖະກິດ ແຕ່ຍັງສ້າງໂອກາດໃນການເຮັດວຽກໃຫ້ແກ່ຄົນທ້ອງຖິ່ນ ຕາມຄຳເຫັນຂອງຊ່ຽວຊານ. ສະພາການທ່ອງທ່ຽວແລະເດີນທາງໂລກຂອງສະຫະປະຊາຊາດ ໄດ້ເປີດເຜີຍໃນບົດລາຍງານສະບັບຫຼັງສຸດໃນຊ່ວງບໍ່ດົນມານີ້ ເຊິ່ງໄດ້ລະບຸວ່າ ການທ່ອງທ່ຽວໃນລາວໄດ້ສົ່ງຜົນໃຫ້ສ້າງອາຊີບໂດຍກົງຈຳນວນ 114,000 ອັດຕາ.ອ່ານຕໍ່ ...