News

ໃນວັນຈັນທີ່ຜ່ານມາ ເຈົ້າໜ້າທີ່ຕຳຫຼວດແຂວງອັດຕະປື ໄດ້ສະກັດລົດໂດຍສານຫວຽດນາມທີ່ດ່ານກວດສາກົນພູເກືອ ເຊິ່ງຈະເດີນທາງໄປປະເທດຫວຽດນາມ, ແລະ ໄດ້ທຳການຍຶດໄມ້ທ່ອນຜິດກົດໝາຍຈຳນວນຫຼວງຫຼາຍ ທີ່ເຊື່ອງມານຳລົດໂດຍສານດັ່ງກ່າວ.ອ່ານຕໍ່ ...

ກອງປະຊຸມສະໄໝສາມັນຄັ້ງທີ 5 ຂອງສະພາແຫ່ງຊາດໄດ້ໄຂຂຶ້ນຢ່າງເປັນທາງການໃນມື້ວານນີ້, ເຊິ່ງໄດ້ມີການລາຍງານຜົນສຳເລັດດ້ານການຂະຫຍາຍຕົວຂອງເສດຖະກິດ ທັງມີການຍົກສິ່ງທ້າທາຍຕ່າງໆທີ່ຕ້ອງຜ່ານຜ່າ. ໃນການລາຍງານຕໍ່ທີ່ປະຊຸມຂອງລັດຖະບານ, ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ກ່າວໃນກອງປະຊຸມສະໄໝສາມັນຮອບເຄິ່ງປີຂອງສະພາແຫ່ງຊາດຊຸດທີ່ 8 ວ່າການຂະຫຍາຍຕົວທາງດ້ານເສດຖະກິດຂອງຊາດໃນຫົກເດືອນຕົ້ນປີນີ້ ແມ່ນຄາດຄະເນຢູ່ທີ່ 6.7 ເປີເຊັນ.ອ່ານຕໍ່ ...

ການທ່ອງທ່ຽວເປັນຂະແໜງການໜຶ່ງທີ່ປະກອບສ່ວນຢ່າງຕໍ່ເນື່ອງຕໍ່ການຂະຫຍາຍຕົວຂອງ ລວມຍອດຜະລິດຕະພັນພາຍໃນ (GDP) ແລະ ເປັນຕົວຂັບເຄື່ອນເສດຖະກິດທີ່ສຳຄັນໃນຫຼາຍປະເທດທົ່ວໂລກ ລວມທັງປະເທດລາວ. ປີ 2017 ປະເທດລາວໄດ້ຖືກຈັດຢູ່ໃນອັນດັບທີ 61 ໃນ 185 ປະເທດຕາມການປະກອບສ່ວນຂອງຂະແໜງການທ່ອງທ່ຽວແລະເດີນທາງຕໍ່ GDP ຈາກຂໍ້ມູນໃນບົດລາຍງານສະບັບຫຼັງສຸດຂອງສະພາການທ່ອງທ່ຽວ ແລະ ເດີນທາງຂອງສະຫະປະຊາຊາດ.ອ່ານຕໍ່ ...

ຊ່ຽວຊານໄດ້ໃຫ້ຄຳເຫັນວ່າອຸດສາຫະກຳການທ່ອງທ່ຽວຂອງລາວບໍ່ພຽງແຕ່ມີບົດບາດສຳຄັນໃນການກະຕຸ້ນການຂະຫຍາຍຕົວດ້ານເສດຖະກິດ ແຕ່ຍັງສ້າງໂອກາດໃນການເຮັດວຽກໃຫ້ແກ່ຄົນລາວຢ່າງຫຼວງຫຼາຍ.ສະພາການທ່ອງທ່ຽວແລະເດີນທາງຂອງສະຫະປະຊາຊາດໄດ້ເປີດເຜີຍບົດລາຍງານຫຼັງສຸດ ເຊິ່ງຊີ້ໃຫ້ເຫັນວ່າການທ່ອງທ່ຽວໄດ້ສ້າງການຈ້າງງານໃນລາວຈຳນວນ 114,000 ອັດຕາ. ນອກຈາກນີ້ຍັງມີການຄາດຄະເນວ່າຕົວເລກຈະເພີ່ມຂຶ້ນເປັນ 121,000 ອັດຕາໃນປີ 2028, ເຊິ່ງທຽບເທົ່າກັບ 3 ເປີເຊັນຂອງການມີວຽກເຮັດງານທຳທັງໝົດຂອງປະເທດ.ອ່ານຕໍ່ ...

ທ່ານເອກອັກຂະລັດຖະທູດເກົາຫຼີປະຈຳລາວໄດ້ກ່າວວ່າ ນະໂຍບາຍການຕ່າງປະເທດສະບັບໃໝ່ຂອງສາທາລະນະລັດເກົາຫຼີ ຈະສົ່ງເສີມສາຍພົວພັນ ແລະ ການຮ່ວມມື ກັບບັນດາປະເທດໃນພາກພື້ນອາຊີຕາເວັນອອກສຽງໃຕ້ ລວມທັງປະເທດລາວ. “ນະໂຍບາຍທາງໃຕ້ສະບັບໃໝ່” ພາຍໃຕ້ການນຳຂອງຄະນະລັດຖະບານຂອງປະທານມູນເຈອິນ ແມ່ນແນໃສ່ເສີມຂະຫຍາຍການພົວພັນທາງດ້ານເສດຖະກິດ ກັບສະມາຄົມປະຊາຊາດແຫ່ງອາຊີຕາເວນອອກສຽງໃຕ້ ທີ່ມີ 10 ປະເທດສະມາຊິກ ເຊິ່ງມີລາວເປັນໜຶ່ງໃນນັ້ນ.ອ່ານຕໍ່ ...

ສະຖາບັນແມັກຟາເລນເບີນເນັດເພື່ອການຄົ້ນຄວ້າດ້ານການແພດ ແລະ ສາທາລະນະສຸກແຫ່ງອົສະຕຣາລີ ຈະມອບທຶນຊ່ວຍເຫຼືອກວ່າ 700,000 ໂດລາສະຫະລັດສຳລັບປີ 2018-2021 ເພື່ອຊ່ວຍຫຼຸດຜ່ອນການຂາດສານອາຫານຂອງເດັກໃນເມືອງເປົ້າໝາຍໃນແຂວງວຽງຈັນ.ອ່ານຕໍ່ ...

ລັດຖະບານສະຫະລັດໄດ້ປະກາດໃຫ້ການຊ່ວຍເຫຼືອຊຸດໃໝ່ເປັນຈຳນວນ 27.4 ລ້ານໂດລາສະຫະລັດ ເພື່ອເປັນທຶນໃຫ້ແກ່ໂຄງການອາຫານໂຮງຮຽນ ເພື່ອຊ່ວຍສ້າງຄວາມເຂັ້ມແຂງໃນການລິເລີ່ມໂຄງການອາຫານໂຮງຮຽນແຫ່ງຊາດຂອງລັດຖະບານລາວ.ອ່ານຕໍ່  ...

ອຳນາດການປົກຄອງແຂວງຈຳປາສັກມີແຜນພັດທະນາສະຖານທີ່ທ່ອງທ່ຽວພູສະເຫຼົ້າ ເມືອງໂພນທອງ ເພື່ອດຶງດູດນັກທ່ອງທ່ຽວໃຫ້ເຂົ້າມາທ່ຽວຊົມພື້ນທີ່ໃຫ້ຫຼາຍຂຶ້ນ. ອຳນາດການປົກຄອງທ້ອງຖິ່ນກຳລັງຢູ່ໃນໄລຍະປະມວນຜົນຂໍ້ມູນສຳລັບສ້າງແຜນການບໍລິຫານການທ່ອງທ່ຽວ ຫຼັງຈາກທີ່ໄດ້ລົງສຳຫຼວດສະຖານທີ່ຕົວຈິງ ແລະ ຈະພັດທະນາສິ່ງອຳນວຍຄວາມສະດວກດ້ານການທ່ອງທ່ຽວຕາມຄວາມເໝາະສົມ.ອ່ານຕໍ່  ...

ເຈົ້າໜ້າທີ່ລັດຖະບານ ແລະ ສະມາຊິກອົງການຈັດຕັ້ງສາກົນໄດ້ປະຊຸມກັນທີ່ວຽງຈັນໃນມື້ວານນີ້ ເພື່ອປຶກສາຫາລືການກ່ຽວກັບສ້ອມແປງຖະໜົນຫົນທາງ ແນໃສ່ປັບປຸງການສັນຈອນບົນທ້ອງຖະໜົນ ແລະ ປ້ອງກັນຄວາມເສຍຫາຍຂອງຖະໜົນເນື່ອງຈາກລົດບັນທຸກໜັກເກີນຂອບເຂດ.ອ່ານຕໍ່  ...

ຄະນະກຳມາທິການແມ່ນ້ຳຂອງ (ເອັມອາຊີ) ສັນຍາວ່າຈະເປັນໜຶ່ງໃນບັນດາອົງການຈັດຕັ້ງທີ່ບໍ່ນຳໃຊ້ເຈ້ຍແຫ່ງທຳອິດໃນລາວ ເພື່ອປະກອບສ່ວນໃນພາລະກິດການປົກປັກຮັກສາສິ່ງແວດລ້ອມ ແລະ ສົ່ງເສີມການຂະຫຍາຍຕົວຂອງພາກພື້ນແບບຍືນຍົງ.ອ່ານຕໍ່ ...